سؤال الى جهابذة اللغة العربية....ما هو الفرق بين تحية و تحيات

[شاب مصري]

المثل الشعبي المعبر بدقة : "قالّه علمني الهيافة يابا .. قاله يابني تعالى عن الهايفة واتصدّر"

[~Heba~]

:) ياااه مش معقول

تعيشوا و تفتكروا

حسستوا الواحد انه لسه عايش و بيكتب فى المحاورات wst::

بالنسبة لفيروز ليه بتستغرب ليه الناس بتسأل كده أصلا

ممكن تكون مجرد خاطرة لشيخ وردت فى كتاب فالناس بتاخد الحاجات دى و تكبرها و تعمل منها موضوع وينتشر عبر النت بالايميلات و المواقع الدينية اللى عايزة تملأ محتوى و خلاص

[السندباد]

السلام عليكم

بداية اقدم اعتذارى لصاحبة الموضوع الأصلى حيث انى جديد بالموقع وليس لدى علم بان الموضوع تم مناقشتة سابقا

لكنى فى الحقيقة فى غاية الصدمة

1- من كم التهم المعلبة والتى تخرج كالرصاص وفى جميع الإتجاهات

2- لم يتوقف البعض ويدقق فى فحوى اجابة الشيخ حتى على فرض عدم صحتها

اخيرا

لااحد يدعى الكمال ولكن على الأقل أن تكون على الطريق

ولان الحياة تجارب ................... اعتقد انها كانت تجربة مفيدة

فى رعاية الله وامنه

[Alshiekh]

:blush2: ياااه مش معقول

تعيشوا و تفتكروا

حسستوا الواحد انه لسه عايش و بيكتب فى المحاورات

والله احنا مابننساش ، حتى لو كان الموضوع بقى له سنة ! كله فى الــ ROM :blush2:

[Alshiekh]

تم دمج الموضوع مع الموضوع الاصلى الذى ناقش نفس الفكرة ودار حول نفس التسائل

ؤ

:blush2:

عندك حق ، تقول ايه بقى لما الوسطى تأخذ مكان البنصر

[newcomer]

فتوى " خالص تحياتى " ....فكرتنى بفتاوى تانية

ملأت ساعات على الفضائيات و اكتظت بيها

صفحات على النت و اميلات ناس كتير........

و كلها تقريبا ....لا تغنى و لا تسمن من جوع

و للأسف بتضيق على الناس اكتر

و بتبعد اللى بيفكر انه يقرب من الدين ده

اكيد كلنا فاكرين فتوى " بابا و ماما"!!!

لما الأزواج ينادوا بعض كده.....و ازاى دى

ممكن توقعهم تحت طائلة التحريم!!

افتكرت مرة......... ان شيخ ( معلم للقرأن)

كان بيعلم اولادى......رعبهم من انهم يردوا على التليفون ب "الو"

فلما ناقشته......قالى انا مرضتش اقولهم ان صباح الخير و مساء الخير

دول برضه من تحيات الكفار !!!

قلتله.....يعنى انا اقوم الصبح من النوم

الاقى جوزى بيقولى ...السلام عليكم ؟؟؟!!

مش عارفة ......هانفضل نضيق على نفسنا

و نفرض اللى ربنا سبحانه و تعالى ما فرضوش

لحد امتى و لا لحد فين؟؟؟

ربنا يهدينا الى ما يحبه و يرضاه

[fatfouta]

مع كامل الاحترام للشيخ عبدالرحمن والشيخ ابن عثيمين رحمهما الله

ومع عدم انكار اهمية معرفة التفاصيل والالمام بالدين قدر المستطاع

الا أنني مللت من هذه الفتاوى .. مللت جدا ..

يفتون بأن الست لازم تلبس نقاب كامل يغطي وجهها وعينيها بصورة تامة .. وممنوع ان يكون النقاب به فتحة عن العينين

لان هنا ستظهر عيني المرأة للشباب الجاهز للفتنة والانقضاض على الفريسة :)

وبالتالي يجب ان تمشي المرأة كالخيمة السوداء او كالشبح الأسود

ممنوع حتى أن تعمل فتحة لعينيها من أجل الرؤية

والحل -لكي ترى الطريق- هو أن تعمل بعض الثقوب البسيطة عند أحد العينين ترى منها

أما العين الأخرى فتغطيها :happy:

وشيخ آخر يطلعلك عمال يزعق ويقول ان حالق اللحية كااااااااااافر مش هيورد على جنة

واللي ثوبه يكون طويل تحت الكعب فهو في جهنم وبئس المصير لانه مختال بثوبه -هذا ما درسته في المدرسة ثم أخبرني والدي وهو خريج الأزهر ان أراء علماء الأزهر تخالف الوهابية فالذي يطيل الثوب ولكن نيته ليست الاختيال فان هذا جائز-

يفتون ويفتون ويفتون

أرجو ان يعلم هؤلاء الشيوخ أن أحكام الله خلقت لكي يطبقها الانسان

أما لو كلمناهم عن الحكام الذين يورثون الحكم لابنائهم يحتكرون ثروة البلاد قالوا .. ديقراطية ؟ لتكون فتنة في بلاد المسلمين على الحكم؟ أعوذ بالله .. طاعة ولي الأمر واجبة

رحم الله الشيخ محمد الغزالي .. رحمه الله وأسكنه فسيح جناته .

صح الكلام

[أبو محمد]

السلام عليكم

بداية اقدم اعتذارى لصاحبة الموضوع الأصلى حيث انى جديد بالموقع وليس لدى علم بان الموضوع تم مناقشتة سابقا

لكنى فى الحقيقة فى غاية الصدمة

1- من كم التهم المعلبة والتى تخرج كالرصاص وفى جميع الإتجاهات

2- لم يتوقف البعض ويدقق فى فحوى اجابة الشيخ حتى على فرض عدم صحتها

اخيرا

لااحد يدعى الكمال ولكن على الأقل أن تكون على الطريق

ولان الحياة تجارب ................... اعتقد انها كانت تجربة مفيدة

فى رعاية الله وامنه

الفاضل "السندباد"

يبدو إنك زعلت لضم موضوعك إلى موضوع الفاضلة هبة .. أو من ارتفاع الأصوات برفض الفتوى (وقد أثبتت إحدى المشاركات فى الموضوع القديم أنها فتوى غير صحيحة وأنها تحريف لفتوىالشيخ)

فتح موضوع سبقت مناقشته خطأ نقع فيه جميعا .. ويحاول المشرفون - بقدر استطاعتهم - تنسيق موضوعات "المحاورات" .. وإحدى وسائل التنسيق ضم المواضيع التى تناقش نفس الفكرة أو القضية

أرجو ألا تأخذ الموضوع بحساسية زيادة عن اللزوم .. وأرجو أن يزول شعورك بالصدمة فلم يتهمك أحد بأى شئ .. بل نتمنى أن نراك دائما معنا تثرى حواراتنا بمداخلاتك ومواضيعك :)

تحياتى :happy: