# نفسي أسبوع واحد يعدي بدون واحد عنده مشكلة بسبب السعودية !!

[Abu Reem]

مش عارف إيه الحكاية ،!!

نفسي أدخل يوم على المنتدى ولا أجد واحد بيستغيث أو بيستنجد أو بيقول ساعدوني ضررورووورري !!!

وطبعا من قبل أن أقرأ الموضوع أعرف أن صاحب الموضوع عنده مشكلة ...؟؟؟ وطبعا السبب !!!!!

السعودية ، وإجراءاتها

مش عارف ليه التعقيد ده كله

- التأشيرة يجب أن تتطابق مع المؤهل والباسبور يتطابق مع معرفش إيه مع لون الفانلة !!! ومع ألوان الطيف ، وبصمة وعدم ممانعة و اختبار مهارة و و ... ووو.... كأن الداخلين إلى المملكة دول خلاص يعني هياخدوا الفلوس إللي بتترمي في الشارع على الناس وهايجروا

هل هذه الإجراءات تحدث مع كل الجنسيات بهذه التفاصيل ؟؟؟!!

يعني واحد صاحب عمل اتفق مع واحد أخر من مصر وعمل له تأشيرة ، إيه بقى لازمة الباسبور مطابق للبطاقة مطابق لمسمى الوظيفة ، وحاجات أخرى كتير ومكاتب توظيف عمالة ، وووو ....

يعني الإمارات أو قطر العمل فيهم لا يحتاج كل هذه التعقيدات ( فقط التأشيرة من صاحب العمل ) وخلاص تسافر مباشرة

يعني بمجرد أن يقوم الكفيل بعمل التأشيرة لصاحب النصيب تقوم فقط تتطلع تذكرة وتذهب إلى المطار ، وتسافر ( فقط لا غير )

حتى الذهاب إلى السفارة مفيش

- أما السعودية فحتى لو خلصت إجراءاتك المعقدة بنجاج فبعد أن تذهب ، أنت وحظك إما أن يماطلك صاحب العمل على تقليص مميزاتك التي أتفق معك عليها ، أو يحاول ألا يحول عقدك إذا كنت عازب إلى متزوج ، وإذا قعدت معه سنتين أو ثلاثة وحبيت تتنقل إلى عمل أخرى

يبقى ياويلك ياسواد ليلك ،وطبعا إجراءات خروجك من البلد بنفس تعقيدات الدخول ؟؟؟

- مع إننا نتيح لهم دخول مصر بمنتهى السهولة ، مش عارف ليه ؟؟؟

حتى لو كان عشان السياحة ، فهم يحتاجونها ؟؟ نتيجة لغلاء أسعار الدول الأخرى ولأسعار التذاكر الغالية ، ولأنهم الأن يعانون مشاكل اقتصادية ، وأصبحوا يشتكون هم أيضا من ضعف الرواتب والبطالة ، وغلاء الأسعار.

- نفسي الأوضاع هذه تتغير ، فكل دول العالم طالما المتعاقد معه تأشيرة العمل ( خلاص أنتهت المسألة ) يدخل او يخرج بدون مشاكل وله كل الحق في الإنتقال إلى أي عمل أخرى ، ولم نسمع مشاكل من أي عمالة إلا من السعودية ، مع أننا نكن لهم الحب والإحترام

،،، وربنا يهديهم ،،،

تم تعديل 16 مارس 2009 بواسطة Abu Reem

[سهل جدا]

إيه يا أبو ريم بس في إيه يا باشا

انت بتحقد علينا ولا إيه :)

بس هو فعلا السعودية تعقيداتها كثيرة أوي

الإجراءات كل مرة بتزيد تعقيد

ووضع المقيمين فعلا في قلق

أسمع كثير إن في ناس لما بتجدد إقامتها بياخدوا خروج نهائي

بدأت فعلا أشعر ببعدم الأمان

صحيح أنا بحب السعودية جدا, لكن قوانينها وإجراءتها عمالة تسوء

أنا والله أي واحد مصري بيسألني عن شغل في السعودية بقول له: شوف دول الخليج التانية أحسن

[Virus]

كثرة المشاكل دي طبعا سببها الرئيس هو كثرة المصريين في السعودية مقارنة بأي دولة أخرى

لكن ده ميمنعش إن السعوديةعلى ما يبدو .. خلاص ضاقت بأهلها فضلا عن وافدينها

نحن -في مصر- السابقون وهم اللاحقون

صحيح أنا بحب السعودية

يا راجل...تصدق مخدتش بالي قبل كده..جديدة دي.. :) wst::

[Abu Reem]

إقتباس(سهل جدا @ Mar 16 2009, 07:13 PM)

صحيح أنا بحب السعودية

يا راجل...تصدق مخدتش بالي قبل كده..جديدة دي..

إيه يا Virus هو أنت مش بتحبها ولا إيـــه ،،،،

بصراحة إحنا كشعوب عربية مفروض نحب بعض ( كأمة واحدة ) زي زمان ... فاكرين ... زمان قوي

إنما نعمل إيه إتفتتنا لدويلات وعجبتنا الحكاية ، وعجبتنا الخصوصية ،

المهم إن بلدنا عليه دور أيضاً ، يعني لو يكون فيه حد أدنى للرواتب لمن يريد التعاقد

يعني مثلا الحد الأدني لأي عقد محاسب مثلا: يكون 3500 ريال ،

الدكتور : الحد الأدنى 8000 ريال - المهندس : 6500 ريال - مندوب المبيعات : 3000 - إلخ

ويكون هناك شروط للعقد على الأقل تحسم موضوع إنهاء العقد أو نقل الكفالة ، أو موضوع السماح بالعودة في أي وقت ، وأشياء كثيرة لو المسئولين في بلدنا يضعوا هذه الشروط ( كما تضع السعودية شروطها ) اظن يكون ده حل كوي يريح الجميع

فكما أننا نقبل أن تكون للسعودية شروطها المشروعة في الحفاظ على الدخول إلي أراضيها للعمل ، ولكن يجب أن يكون هناك في نفس الوقت شروط للتعاقد مع المصريين تكون شروط مشروعة أيضا بحيث لا يتضرر المتعاقد ويكون هو الطرف الأضعف.

[herohero]

والله معاك حق انا نفسي احس ان القوانين ف السعوديه طبيعيه شويه بصراحه قوانين معقده جدا انا اتربيت ف الكويت ومن حسن حظي الشديد اشتغلت ف السعوديه اتصدمت بانك بتدفع فلوس وانت خارج وده شيئ تقريبا نادر انك تدفع فلوس وانت خارج منها غير تكاليف الاقامه وغيره وغيره يعني الكويت مش كده ولا الامارات ناهيك عن تعقيدات التاشيره والاوراق وانسى انك تنقل كفاله ولعبكه وتعقيد ع ايه مش عارف

ربنا يكرم الجميع بمكان بعيد عن السعوديه لان بجد القوانين ده الواحد اتخنق منها

[سهل جدا]

إقتباس(سهل جدا @ Mar 16 2009, 07:13 PM)

صحيح أنا بحب السعودية

يا راجل...تصدق مخدتش بالي قبل كده..جديدة دي..

إيه يا Virus هو أنت مش بتحبها ولا إيـــه ،،،،

بصراحة إحنا كشعوب عربية مفروض نحب بعض ( كأمة واحدة ) زي زمان ... فاكرين ... زمان قوي

إنما نعمل إيه إتفتتنا لدويلات وعجبتنا الحكاية ، وعجبتنا الخصوصية ،

المهم إن بلدنا عليه دور أيضاً ، يعني لو يكون فيه حد أدنى للرواتب لمن يريد التعاقد

يعني مثلا الحد الأدني لأي عقد محاسب مثلا: يكون 3500 ريال ،

الدكتور : الحد الأدنى 8000 ريال - المهندس : 6500 ريال - مندوب المبيعات : 3000 - إلخ

ويكون هناك شروط للعقد على الأقل تحسم موضوع إنهاء العقد أو نقل الكفالة ، أو موضوع السماح بالعودة في أي وقت ، وأشياء كثيرة لو المسئولين في بلدنا يضعوا هذه الشروط ( كما تضع السعودية شروطها ) اظن يكون ده حل كوي يريح الجميع

فكما أننا نقبل أن تكون للسعودية شروطها المشروعة في الحفاظ على الدخول إلي أراضيها للعمل ، ولكن يجب أن يكون هناك في نفس الوقت شروط للتعاقد مع المصريين تكون شروط مشروعة أيضا بحيث لا يتضرر المتعاقد ويكون هو الطرف الأضعف.

الله ينورك عليك يا أبو ريم

انت سعات بتقول كلام كبير أوي

فعلا لازم الحكومة المصرية تتدخل في الموضوع ده

في الخليج تقريبا فوق ال 4 مليون مصري

نسبة كبيرة منهم عايشين في معاناة

هاذكر مشكلة واحدة بس بيعاني منها مئات الآلاف من المصريين

وهي مشكلة استقدام الزوجات

تلاقي واحد متعلم تعليم جامعي وللأسف مهنته في الإقامة عامل نظافة أو عامل محارة أو أي مهنة أخرى

طبعا هي المهنة بتكون على الورق بس لكن هو فعليا بيشتغل شغلانة محترمة وبمرتب لا بأس به

لكن المشكلة إنه طالما مهنته في الإقامة مهنة متدنية , فلا يتمكن من استقدام زوجته

لأن في دول الخليج غير مسموح للاستقدام إلا لبعض المهن (دكتور - مهندس - محاسب - مدرس - ....)

لكن المهن الأخرى حتى لو كان صاحبها يحمل أعلى الشهادات لا يحق له الاستقدام..

وبعضهم بيضطر يدفع رشوة ما يعادل 20 الف جنيه مصري, غير الرسوم التانية عشان يستقدم زوجته وأولاده

لازم يكون في حل للمشكلة ديه , الوضع ده غير مقبول شرعا وعقلا..

بأي حق تمنع مسلم يعيش مع زوجته وأولاده..

حتى لو كان غير متعلم, طالما إنه قادر ماديا على نفقات الاستقدام واستئجار سكن فلا يحق لك أن تمنعه

والله أنا بفكر أكتب موضوع في الموضوع ده لو يإذن لي الأستاذ سين سين