بالله عليك لو تقدر تساعدني

[مروه عبد الله]

السلام عليكم ورحمه الله وبركاته

ارجو مساعدتي فانا مقيم بالرياض بقالي حوالي شهر واحد وسافرت علي فيزا زياره وتم تجديدها لاسبوعين عايز حد يساعدني اني اقدر اجدد الزياره لان بيقولولي في الداخليه متنفعش تتجدد الا شهر واسبوعين فقط لكن في ناس بتقولي ان لو حد ليه علاقات ممكن تتجدد اكتر من كده ممكن حد يساعدني اني اقدر اجدد مده الزياره ولو حد يقدر يساعدني في اني اجد فرصه عمل مناسبه يجزيه الله كل خير انا محاسب خريج كليه تجاره جامعه الااسكندريه معي كورسات محاسبه كتير وانجليزي وكمبيوتر ومعايا خبره سنتين ونص ارجوكم لو تقدروا تساعدوني ياريت بسرعه قبل مده الزياره ما تنتهي او تنصحوني اعمل ايه دلوقتي يف انتظار ردودكم بالله عليكم والسلام عليكم ورحمه الله وبركاته

[elfakhrany]

نأمل من الأعضاء المقيمين بالرياض ايجاد فرصة عمل مناسبة لك وأيضا يمكنك البحث بجريدة الوسيلة أو المبوبة و دليل الصفحات الصفراء

[se_ Elsyed]

هو إنت إسمك مروه ؟

يعني راجل وإسمه مروه ولا في حاجه غلط حصلت ؟

[زعلان]

ده انت عليك حاجات يا سين سين - :ninja:

[خالد شحاته]

حضرتك اكيد زياره تجاريه

اطلع مع صاحب المؤسسه الا انت جي عليها زياره الي وفدين الرياض ويشرحها من مدير الاداره وتخد شهرين

[مروه عبد الله]

لا طبعا انا راجل مش بنت بس انا سجلت باسم غلط وجيت ارجع اصلحه معرفتش وقولت مش مهم الاهم من الاسم الموضوع معرفش انكم حتسيبوا كل حاجه وتمسكوا في اسمي في التسجيل في المنتدي عموما اللي ميقدرش يساعدني ينصحني ويقولي اعمل ايه او يدعيلي ربنا يوفقني مش يعلق علي الاسم وتسيبوا كل الموضوع شكرا لردودكم والرسول عليه الصلاه والسلام قال الخير فيه وفي امتي الي يوم الدين صدق رسول الله صلي الله عليه وسلم وانا في انتظار ردودكم

[se_ Elsyed]

ويا ترى ما قرأتش قول الرسول " من غشنا فليس منا " ؟!!! ولا دي مش ملاحظة بالنسبة لك ؟

يعني لما يبقى راجل بيستخدم بإسم ست والناس ترد عليه وتقول له : والله يا أنسة مروه أو يا مدام مروه الموضوع يتخلص في كذا وكذا ... هل ده شيء مريح ومقبول بالنسبة لك ؟

كان ممكن تخاطب الإدارة يا أخي الكريم عشان تغير إسمك ... ومازلت تستطيع .. ولحد ما تفعل ذلك .. فأنت غير مسموح لك بالكتابة إلا لما تسجل بمعرف يكون لرجال ...

[Melhakim]

لا طبعا انا راجل مش بنت بس انا سجلت باسم غلط وجيت ارجع اصلحه معرفتش وقولت مش مهم الاهم من الاسم الموضوع معرفش انكم حتسيبوا كل حاجه وتمسكوا في اسمي في التسجيل في المنتدي

عندك حق والله

عموما اللي ميقدرش يساعدني ينصحني ويقولي اعمل ايه او يدعيلي ربنا يوفقني مش يعلق علي الاسم وتسيبوا كل الموضوع شكرا لردودكم والرسول عليه الصلاه والسلام قال الخير فيه وفي امتي الي يوم الدين صدق رسول الله صلي الله عليه وسلم وانا في انتظار ردودكم

بالتوفيق ان شاء الله