بحبك وعاوزة أتجوزك

[icehearted girl]

دلوقتي عنوان الموضوع دا مقسوم لشقين

أولهما بحبك: يعني السؤال دلوقتي ان البنت هتروح تعبر لولد عن مشاعرها بغض النظر عن زواج او غيره؟؟

النقطة دي انا ضدها تماما لان غير مسموح لاي شخص يعبر للآخر عن مشاعره خارج الاطار الشرعي الطبيعي

ودا للجنسين للولد والبنت...والله لو ربنا كاتبلهم يكونوا لبعض يبقي يحوشوا مشاعرهم

ولو مش كاتب يبقي افضل لكليهما الصبر والدعاء واحتساب الاجر عند الله

دا من أحب فكتم وصبر استعانة بالله غفر له بإذن الله

دا الجزء الاول

انما بقي نيجي للجزء التاني

وهي عاوزة اتجوزك:؟؟؟

دي بصراحة شايفاها من حق البنت 100% انها لو شافت شخص مناسب ليها تماما تبدي رغبتها بالزواج منه

بشرط يكون ملتزم عشان يقدر يفهم موقفها دا ويكتم سرها لو رفضها وميعايرهاش في المستقبل لو قبلها

مش مشكلة الشكل اللي هتتصرف فيه البنت

يعني ممكن مثلا تبلغ اهلها وهم يحاولوا لو في طريقة

او تبلغ شخص مشرتك يكون امين ومحترم يتوسط في الموضوع

والله والله لو هي نفسها راحت وقالتهاله في وشه ما هينقش من احترامي ليها شئ

انا بصراحة مبقتنعش بعيب وميصحش

انا اقتنع بحلال وحرام فقط

وهي بتطلب حلال

ومش شرط اللي تعمل كدا يبقي معندهاش حياء

من امتي كان الحياء صفة مقصورة علي الانثي

الحياء صفة المؤمن وليس الانثي

الرسول صلي الله عليه وسلم كان اشد حياءا من العذراء في خبرها

اللي عنده حياء دا نفسه غالية عنده اوي اوي فمبيمعلش معصية عشان نفسه متهونش قدام اللي خلقها

يعني لازم نفرق بين الحياء والخجل

[الباشمهندس ياسر]

والموضوع كده ولاّ كده اختلافات فردية... يعني لمّا تكون البنت شايفة الواد اللي معجبة بيه دماغه صعيدي ، ونظرته ذكورية في الموضوع ده ، يبقى هتخسره لو خرجت عن قواعد اللعبة! أمّا لو كان رجل واخد الحياة ببساطة – زي العبد لله المؤمن بالإيكواليتي – مش هينقح عليه العرق الصعيدي إيّاه ، وهيسعده إن البنت تعبّر عن اهتمامها وإعجابها.

صعيدى ...!

هى وصلت لكده

كمان عتجيبوا سيرتنا ف المنتديات

طب بكره هنطخوا التهامى و قرايبينه كلهم و نكسروا النتدى دكهوه كمان

[الباشمهندس ياسر]

انا قلت انى راجع وعايز اناقش معاكم شوية حاجات كده

دلوقتى عمالى اقرا ... لقيت

وجهات نظر متضادة تماما

بالمناسبة

اتنين

اتنين

اعتقد ان المنطق بالطريقادى مش هنقدر نوصله

لان الناس بتتخانق فى المداخلات

حسيت ان اكتر من مداخلة فيها تعدى بصورة سخرية ع الراى التانى

ممكن نخفف حدة النقاش شوية.... ايها السادة

[icehearted girl]

طيب طيب حاضر من غير زعيق بس

هرش شوية ميه فلموضوع اهو

اتفضل بقي حضرتك رد :rolleyes:

[ناجي الدسوقي]

الامر في زماننا الحالي عادي جدا ماعادتش بتفرق بين راجل او انثي

[Virus]

أنا الموقف ده حصل معايا شخصيا مع زميلة في الكلية

وبصراحة خدته عادي جدا ومصعقتش من جرأتها ولا حاجة...بس مش عارف ليه..يمكن لأنها قبل ما تقوله بلسانها كان باين في كل تصرفاتها وحديثها..بس الشخصية الفيروسية الشريرة فرضت علي الاستعباط التام.. :unsure: لحد ما اضطرت تعترف وياعيني وكان وشها ساعتها لون الطماطماية من الخجل.. :blink:

ده كان في التسعينات لما كانت الجامعات لسه باحترامها وبالذات هندسة...

أما الآن...أما الآااااااااااااان...

مانتوا عارفين...البنت مش بتقول عايزة أتجوزك..البنت (بعض البنات يعني..قلة مندسة!) بتجهز الورقتين العرفي وتجيبهم للجو عشان يمضيهم وهما بيضربوا كبده عند صبري!!

وفي طلب شديد على الشقق المفروشة في منطقة بين السرايات والدقي والمساحة :happy:

[سهل جدا]

أنا الموقف ده حصل معايا شخصيا مع زميلة في الكلية

وبصراحة خدته عادي جدا ومصعقتش من جرأتها ولا حاجة...بس مش عارف ليه..يمكن لأنها قبل ما تقوله بلسانها كان باين في كل تصرفاتها وحديثها..بس الشخصية الفيروسية الشريرة فرضت علي الاستعباط التام.. :happy: لحد ما اضطرت تعترف وياعيني وكان وشها ساعتها لون الطماطماية من الخجل.. jdw::

:blink:

إخس عليك يا هندسة

يا محطم قلوب العذارى :unsure:

بس دي يابني اسمها سادية

[Virus]

إخس عليك يا هندسة

يا محطم قلوب العذارى :unsure:

بس دي يابني اسمها سادية

ليه كده ياسهل جدا..ده رأيك في برضو..

مانت لو صبرت علي شوية..كنت قولتلك اللي نسيت أقوله في المشاركة اللي فاتت..

مفيش تحطيم ولا تكسير ولا حاجة..الحمد لله الموضوع انتهى نهاية سعيدة جدا..واحنا الاتنين اتجوزنا وعايشين في تبات ونبات...وخلفنا صبيان وبنات

قصدي اتجوزنا اتنين تانيين خالص!!! :happy:

تم تعديل 18 مارس 2009 بواسطة Virus

[icehearted girl]

:lol: حلوة

[abuAdham]

من حق البنت انها تعبر عن شعورها ولو الولد محترمش هذا يبقي متخلف وميستهلهاش ( سمحوني بجيب من الاخر )

ومجتمعنا الجميل الذي تعيش فية معظم الفتيات مقهورة فية مايلي

1- البنت ممكن تتجوز واحد مش عاجبها لكن مستحيل رجل يتجوز واحدة مش عجباه وبسهولة الرجل يطلق لكن لو الست هية ال كرهتة هتتعزب عشان تتطلق

2- البنت مستحيل تقول لشاب انها بتحبة والا هتبقي مش مؤدبة فلازم تموت مقهورة بحبها لانها اتولدت في مجتمع لايرحم

3- البنات في مجتمعنا مغلوب علي امرهم اما تقبل اي عريس او تعنس وتعيش طول عمرها تحلم ( مثلا ) بزميلها ال كانت معجبة بة وهي لم تلفت انتباهه

4- طبعا الحياء مطلوب لكن هناك العديد من الطرق ومش عشان تقول للرجل بحبك وعاوزة اتجوزك يبقي بتبيع نفسها او بتقلل من شأنها لا كرامتها محفوظة لكن مين يقدر هذا

5- بما ان البنت عاطفية ممكن الولد يستغل مشاعرها ويلعب بيها ويتسلي فلازم تبقي ماسكة زمام قلبها وبالبلدي مصحصحة

6- ممكن الولد ميكنش واخد باله منها ويكتشف انها افضل واحدها عرفها ويبادلها الحب وممكن متكنش هي فتاة احلامة وعليها ان تتقبل الموضوع لانة هو ايضا حر في مشاعرة

7- ولو البنت متربية كويس ومتدينة ومحترمة هتجبرة علي احترامها في كلتا الحالتين

واخيرا معظم الرجالة واخدين حقهم في اختيار شريكة حياتهم ويا سلام بقي لما يجي يتجوز يدوروا لة علي عروسة والبية ينقي ويختار كما لو كان بينقي طماطم وكل واحدة يشوفها يطلع فيها القطط الفاطسة لغاية ما يلاقي العروسة ال علي مزاجة لكن هل البنت تتمتع بربع هذة الفرصة ؟؟؟ يعني هل لها ان تختار الا في حالات نادرة والمرأة هي الام والعانس والمطلقة والارملة لكن الرجل لو مطلق تاني يوم هيتجوز ومسمعناش عن رجل عانس

الخلاصة ان معظم البنات مقهورات بسبب المجتمع وافكاره وعادات وتقاليد

[icehearted girl]

انا مع حضرتك في النصف الاخير

لكن في النصف الاول مش عارفه ليه كلكو بتنتقدوا اللي بيقولوا ان البنت اللي بيصرح بمشاعرها مش محترمة

يفندم

التصرف هو اللي مش كويس

سواء طلع من بنت او من ولد

طالما في غير اطاره الشرعي

[se_ Elsyed]

لو رجع بي الزمن 37 سنة ولقيت بنت حلوه جايه تقول لي " انا بأحبك يا سونسون وما بأنامش الليل من حبك عشان عندنا ناموس بيقرصني وعايزة اتجوزك .. كنت لطشتها بالقلم وشدتها من شعرها لحد ما اهلها ييجوا يستلموها "

يا جماعة في حاجه اسمها اعراف وتقاليد بالمجتمع يجب ان تُحترم .. ما لم تكن تخالف الدين طبعاً

- وخلوا بالكو .. كسفة الولد غير كسفة البنت .. يعني لو روحت اتقدمت لوحده واهلها نفضوا لي او البنت طلعت مش مستنضفاني ... عادي جداً وهاحاول تاني مع حد تاني

- لكن خلي بنت تروح لولد تقول له انا بأحبك يا سماعين وعايز اتجوزك ... لكن في نفس الوقت هو بيكون بيحب روحيه بنت خالته .... شكل البنت دي هايبقى ايه لما يكسفها .. ولا جُرستها وفضيحتها في المنطشقة ... وهاتلاقي الكل يقولك : مش دي يالا البت فوزية اللي راحت تقول لسماعين بمنتهى البجاحة انا بأحبك وعايزه اتجوزك ؟

وهاتتفضح فضيحة اللحمة في السوق طبعاً وستوصف بالجرأة والحاجات التانية وكدهوت

لن تكون مجتماعاتنا في يوم من الايام مثل المجتمعات الغربية والولد يتساوا بالبنت ومش مهم مين اللي يعبر عن مشاعرة للتاني وخالتي عند خالتك وقضيها خارج اطار الجواز وخليك اوبن ماينديد يا مان

مش هاخبي عليكو .. هو لحد الجزء الاولاني بنبقى ماشيين كويس .. يعني بأحبك يا سون سون .. مبلوعه شوية .. لكن بأحبك وعايزة اتجوزك ... صعبة تتقبل .

ناقص تيجي تقول لي : ولا استنضف لك بدلة عشان هاجيب ابويا يشرب مع ابوك الكهوة النهاردة ، ونلاقيها بالليل جايه وجايبه ابوها وامها وداخلين بدسته جاتوه من عند قويدر ويدخلوا يقعدوا في اوضة المسافرين .. وانا ادخل شايل صينية الشربات وباصص في الارض واجي لحد العروسة وادلق الشربات عليها من الكسوف

هو في ايه يا جدعان ؟

انا راجعي شويتين في المواضيع دي

وكما قال الشاعر " الجنس الخشن خشن .. والجنس الناعم ناعم .. وعلمني العوم والنبي يا احمد "

[لولا]

لو رجع بي الزمن 37 سنة ولقيت بنت حلوه جايه تقول لي " انا بأحبك يا سونسون وما بأنامش الليل من حبك عشان عندنا ناموس بيقرصني وعايزة اتجوزك .. كنت لطشتها بالقلم وشدتها من شعرها لحد ما اهلها ييجوا يستلموها "

يا جماعة في حاجه اسمها اعراف وتقاليد بالمجتمع يجب ان تُحترم .. ما لم تكن تخالف الدين طبعاً

- وخلوا بالكو .. كسفة الولد غير كسفة البنت .. يعني لو روحت اتقدمت لوحده واهلها نفضوا لي او البنت طلعت مش مستنضفاني ... عادي جداً وهاحاول تاني مع حد تاني

- لكن خلي بنت تروح لولد تقول له انا بأحبك يا سماعين وعايز اتجوزك ... لكن في نفس الوقت هو بيكون بيحب روحيه بنت خالته .... شكل البنت دي هايبقى ايه لما يكسفها .. ولا جُرستها وفضيحتها في المنطشقة ... وهاتلاقي الكل يقولك : مش دي يالا البت فوزية اللي راحت تقول لسماعين بمنتهى البجاحة انا بأحبك وعايزه اتجوزك ؟

وهاتتفضح فضيحة اللحمة في السوق طبعاً وستوصف بالجرأة والحاجات التانية وكدهوت

لن تكون مجتماعاتنا في يوم من الايام مثل المجتمعات الغربية والولد يتساوا بالبنت ومش مهم مين اللي يعبر عن مشاعرة للتاني وخالتي عند خالتك وقضيها خارج اطار الجواز وخليك اوبن ماينديد يا مان

مش هاخبي عليكو .. هو لحد الجزء الاولاني بنبقى ماشيين كويس .. يعني بأحبك يا سون سون .. مبلوعه شوية .. لكن بأحبك وعايزة اتجوزك ... صعبة تتقبل .

ناقص تيجي تقول لي : ولا استنضف لك بدلة عشان هاجيب ابويا يشرب مع ابوك الكهوة النهاردة ، ونلاقيها بالليل جايه وجايبه ابوها وامها وداخلين بدسته جاتوه من عند قويدر ويدخلوا يقعدوا في اوضة المسافرين .. وانا ادخل شايل صينية الشربات وباصص في الارض واجي لحد العروسة وادلق الشربات عليها من الكسوف

هو في ايه يا جدعان ؟

انا راجعي شويتين في المواضيع دي

وكما قال الشاعر " الجنس الخشن خشن .. والجنس الناعم ناعم .. وعلمني العوم والنبي يا احمد "

بس عارف يا سي السيد لفت نظرى لحاجه ..

يعنى انا بعيد عن مفاهيم المجتمع والدين وكل الكلام دوت مش من انصار ان البنت تبدأ خطوات مهمه جدا زى دى فى العلاقه ..

لكن حقولك اعتقد فى مسألة الجواز ممكن الأب يخطب لبنته من يرضى دينه وخلقه فى الزمن دا .. ممكن كتير يكون فى شاب

ممتاز جدا ومش بيتجوز لظروف ماديه معينه ومهر وشبكه وجهاز ..الخ الخ ... ممكن الأب يشجعه على انه يتقدم ويساعده ..

ممكن الشاب دا يكون من العيله ، زميل للأب فى الشغل وهكذا .. وطبعا ديما نرجع المواقف للظروف وتختلف الحالات حسب الظروف

فعلا والبيئات الإجتماعيه والخلفيات الثقافيه .

بس اللى مش حاباه ابدا ان وحده تروح لواحد وتقوله انا بحبك !! طب فين فرحتها هى بالكلمه دى منه .. الثقه اللى بتحسها من ورا الكلمه ..

كل المشاعر الجميله اللى البنت بتحسها لما تحس انها بالنسبه لإنسان كل الدنيا وحلم حياته .

يعنى هو مش حاسس بيها خالص خالص خالص للدرجه اللى تخلى الطريقه الوحيده انها تلفت نظره انها تقوله انا بحبك ؟!!

لو كانت اصلا حوليه وبتحبه وهو مش حاسس بيها فمعنى كده انه عمره ماحيحس بيها .. انها مش البنت اللى تلفت نظره ..

مش المواصفات اللى تجذبه .. ليه بقى تحرج نفسها ؟؟ بناقص حضرته .. خليها تعز نفسها شويه وحتلاقى حد يقدر النعمه اللى حضرته مش شايفاها.

متهيألى فعلا لو رده الفعل كانت غير توقعاتها الجرح حيكون بجد كبير وعشان كده انا مش مع الفكره من اساسه ..

وبعدين عمليا انا معرفش قصص نجحت فيها علاقات بالشكل دوت ... ولا سمعت حتى .

كلمة فكر شرقى مش لازم تبقى ديما فى مجملها تدل على الـتأخر والرجعيه الفكريه .. فى حاجات بجد بحس انها جميله فى عاداتنا.

طبعا ممكن تكون فى حالات استثنايئه وخاصه لكن احنا بنتكلم عن القاعده لتطبيق السؤال ومدى قبولها .

تحياتى لصاحبه الموضوع :winner:

لولا

[الباشمهندس ياسر]

تحية خاصة لمعالجة الامر بهذه الروعة... دومى بود استاذه لولا

[se_ Elsyed]

الإشراف عامل شغل عالي قوي مع لولا والبدلة الزرقا بقت تطلع كلام زي اللؤلؤ

حتى حكاية إن الواحد يخطب لبنته بتبقى نادرة جداً جداً

والأب يخاف يتقال عن البنت إنها رميه أو بايره وابوها بيدور لها على عريس ..

كمان ممكن الواد يطلع ندل ويعاير البنت بكره إن أهلها هما اللي جم عرضوها عليه خُلاصة حق

والله مش هاخبي عليكو .. أنا حصل معايا نفس الموقف .. والبنت ما قالتهاش لي صراحة لكن كانت بتوز أختي عليه وتقولي حرام عليك البنت بتموت فيك وعايزة تتجوزك ... وهي كانت صعبانة عليه فعلاً .. ولإننا كنا قرايب فكان الكلام المباشر من أهلها وعن الفاسيليتي اللي ممكن يقدموها لي بصفتي في أول حياتي وباكون نفسي ..

لكن لإن ما كانش في حب من ناحيتي فكان صعب ... حتى كان صعب أمشي ورا المثل اللي بيقول " الحب ممكن ييجي بعد الجواز "

وإن شاء الله لو قعدت مستني عالمحطة وما جاش .. اخد القطر اللي بعده بقى ؟

العملية كل ما تكون صعبة أو فيها معاناة من الراجل منننا بتبقى فيها غلاوه ومتعة .. ولما يقعد يتعذب وصوته يتنبح من الغنا تحت شجرة بيت محبوبته وهو ماسك الجيتار ويندلق على دماغه مية غسيل لكن في الاخير يفوز بمن يحب فبيعرف إن الله حق .. والله زوجتي كان قبل الخطوبة في قدام بيتها شجره .. قلت قشطة ده أنا هاعمل شغل جبار وهابهدل الشارع غُنا .. يادوب روحت إتقدمت لها .. لقينا الشجرة إبتدت تميل ناحية البيت وممكن توقعه .. راحوا شايلينها .. ومالحقتش أغني ولا أمسك جيتار .. لكن كنت بأمسك البتاعه اللي المنجد بيستخدمها دي وأغني برضوا :blink:

أنا لسه مش بالع موضوع إن البنت هي اللي تروح تقول للواد عايزة أتجوزك ..

لكن لا مانع إنها تستخدم معاه مكر الستات والحيل عشان توقعه في الحلال .. وما أكثر مكركن أيها الحريمات الفاتنات ..

[لولا]

تحية خاصة لمعالجة الامر بهذه الروعة... دومى بود استاذه لولا

مين استاذه دى يا ياسر mfb:

المنصب غيرك خالص :blink:

[لولا]

العملية كل ما تكون صعبة أو فيها معاناة من الراجل منننا بتبقى فيها غلاوه ومتعة .. ولما يقعد يتعذب وصوته يتنبح من الغنا تحت شجرة بيت محبوبته وهو ماسك الجيتار ويندلق على دماغه مية غسيل لكن في الاخير يفوز بمن يحب فبيعرف إن الله حق .. والله زوجتي كان قبل الخطوبة في قدام بيتها شجره .. قلت قشطة ده أنا هاعمل شغل جبار وهابهدل الشارع غُنا .. يادوب روحت إتقدمت لها .. لقينا الشجرة إبتدت تميل ناحية البيت وممكن توقعه .. راحوا شايلينها .. ومالحقتش أغني ولا أمسك جيتار .. لكن كنت بأمسك البتاعه اللي المنجد بيستخدمها دي وأغني برضوا

اهو انتو كده يارجاله تحبوا الست اللى تبهدلكم وتطلع عنيكم وقال ايه بتتقل واحس بغلاوتها دا قبل الجواز طبعا ..

قبل الجواز بتبقى غلاوه وحب ..

بعد الجواز بتبقى حاجه تانيه خالص

انما انتا طلعت رومانتيكى جدا يا سيادة العميد المحاوراتى س س .. :blink:

شجره ..

وجيتار mfb:

لولا

[الباشمهندس ياسر]

العملية كل ما تكون صعبة أو فيها معاناة من الراجل منننا بتبقى فيها غلاوه ومتعة .. ولما يقعد يتعذب وصوته يتنبح من الغنا تحت شجرة بيت محبوبته وهو ماسك الجيتار ويندلق على دماغه مية غسيل لكن في الاخير يفوز بمن يحب فبيعرف إن الله حق .. والله زوجتي كان قبل الخطوبة في قدام بيتها شجره .. قلت قشطة ده أنا هاعمل شغل جبار وهابهدل الشارع غُنا .. يادوب روحت إتقدمت لها .. لقينا الشجرة إبتدت تميل ناحية البيت وممكن توقعه .. راحوا شايلينها .. ومالحقتش أغني ولا أمسك جيتار .. لكن كنت بأمسك البتاعه اللي المنجد بيستخدمها دي وأغني برضوا

الله يساااااااااااامحك

مش معادهم خاااااااااااالص و الله

ملقتش غير اليومين دول و تكتب الكلمتين دول و تفضحنا

كده برده

عموما ليك زنقة يا عم احمد

تحية خاصة لمعالجة الامر بهذه الروعة... دومى بود استاذه لولا

مين استاذه دى يا ياسر mfb:

المنصب غيرك خالص :blink:

لا والله .. مش قصدى خالص يا لولا

انما فعلا المعالجة بتاعت الكلام عجبتنى اوى

[Virus]

... وهي كانت صعبانة عليه فعلاً .. ولإننا كنا قرايب فكان الكلام المباشر من أهلها وعن الفاسيليتي اللي ممكن يقدموها لي بصفتي في أول حياتي وباكون نفسي ..

وهانت عليك ياقادر ياظالم يامفتري تضيعها من إيدك...

قصدي الفاسيليتيز يعني :blink: mfb:

لا لا..التوبيك ده جاي معايا بتهريج جامد أنا مش ها خش هنا تاني

تم تعديل 19 مارس 2009 بواسطة Virus

[الباشمهندس ياسر]

لو رجع بي الزمن 37 سنة ولقيت بنت حلوه جايه تقول لي " انا بأحبك يا سونسون وما بأنامش الليل من حبك عشان عندنا ناموس بيقرصني وعايزة اتجوزك .. كنت لطشتها بالقلم وشدتها من شعرها لحد ما اهلها ييجوا يستلموها "

يا س س

ثوانى بقى

مش انت اساس عندك 37 سنة

يعنى الكلام ده اشتغالة و اشتغالة كبيرة كمان

بقى يا راجل ... حتى وانت ف اللفه عايز تلطش ف بنات الناس :blink: