لو كنت بيضاء اللون كان حصل كده(ليه كل واحد مايعيشى فى حاله)

[مغتربة]

ماهو احنا اوريدى مسافرين وعايشين بره بلدنا هنروخ فين بعد كده؟

انا بقولك والله مش بحس بالموضوع ده فى مصر ذى مانا حساه هنا

ومش عارفة ليه صح الناس تتدخل بين واحد ومراته يعنى؟؟

هو انت ليه سميت نفسك فيروس مع انك حد كويس جدااااااااا

شكراااااا ليك

بصى يا فتفوته المشكله الاساسيه ان و للاسف اللون الاسمر ارتبط فى ذاكره البشريه بالعبيد لالاف السنين و شكل هذا الربط الظالم موروث ربما فى العقل الغيرواعى لنسبه كبيرة من البشر من جميع الجنسيات

و هو ما ورث فكره الاستعلاء البغيضه لدى البشر ضد ذوى البشره السمراء و خصوصا فى البلاد التى ساد بها الاستعبادفترات طويله مثل الدول الخليجيه او امريكا

و ربط الجمال بلون محدد دون غيره هو محاوله لتجسيد فكره الانتخاب الطبيعى و ارتباطها بهذا التقسيم النخبوى للبشر

هى موروثات كريهه و تصنيفات باليه و تراكمات من التراث الفلكولورى لدى الشعوب تطل براسها من الحين و الاخر خلال تصرفات الاشخاص خلال رقعه كبيره من الكره الارضيه

فالعنصريه و اغتصاب التميز من الاخرين ليست حكرا على جنسه معينه و انما على نمط اشخاص معين

طنشى و تعالى بسمو روحك على كل تفهاتهم هذه

فاهم شيىء فى الحياه هو لون القلب و ليس لون البشرة

و انا عارفه ان قلبك ابيض من اللبن الحليب

دمت فى سعاده و رضى

[fatfouta]

باين عليكى انك شخصيه طيبه جدا وللاسف الناس مش سايبه حد فى حاله فيها ايه لما كل حد يخليه فى نفسه ويبطل يحشر نفسه فى اللى ملوش فيه سيبك من الناس و كفايه عليكى حب زوجك واولادك وربنا يخليكوا لبعض

الاخ مختار متشكرة اوى على الدعاء

طب مش صح انا عندى حق ليه الناس بتحشر نفسها فى اللى مالهاش فيه

وكفاية عليا كلماتكم الرقيقة الجميلة

يارب دايما على خير

[شاب مصري]

اعزائى

متاخديش فى بالك..ابيض اسمر كله من التراب و الى التراب نعود :rolleyes:

كلنا من التراب و الى التراب نعود :ph34r:

[شاب مصري]

مشكلتك يا أخت فتفوتة هي تجسيد لمرضين اجتماعيين متأصلين في الشعب المصري..

1- العنصرية..آه إحنا عندنا عنصرية..صحيح مش زي أمريكا ومش بنموت بعض لكن في عنصرية..

البحاروة ضد الصعايدة

والمسلمين ضد المسيحيين

وولاد الباشوات ضد ولاد الفلاحين

والأغنيا ضد الفقرا

والبيض ضد السمر

والأهلاوية ضد الزمالكاوية

..و..و..حاجات كتيرة

2- حب التدخل المرضي في الشئون الخاصة..وبالذات بالذات بين الزوجين...يعني كل الناس في مصر لما بتشوف اتنين متجوزين فورا تعقد المقارنات عشان تشوف مين كتير على مين ومين ميستاهلش مين..

دي قصيرة قوي عليه.. من قلة البنات يعني؟

دي معاها مؤهل أحسن منه..إيه اللي رماها الرمية دي؟

دي مش بنت ناس زيه! هو انطس في نظره ولا إيه؟

دي سمرا وهوا أبيضاني...ده كلام! برضو؟

شوفي تخينة إزاي والراجل مفيهوش..أكيد هيتجوز عليها!

وهلم جره

لو سألتيني إيه الحل في الحالات اللي فيها تباين مظهري بين الزوجين..أقولك مش عارف..مفيش حل غير إنه يسافروا بره ويريحوا نفسه من وجع الدماغ ده..لأنه بصراحة الزن على الودان وحش مهما كانوا بيحبوا بعض

معاك حق وكلامك مظبوط جدا

[herohero]

والله مقدرش اقول غير انهم ناس حشريه لان لو بيضه هيقولوا بياضك زايد حبه لو رفيعه هيقولوا لو تتخني شويه

[شاب مصري]

بصراحة مسالة العنصرية بسبب لون البشرة من الآفات الموجودة هنا في مصر

شوفوا .. أنا هعترفلكم اعتراف خطير :ph34r:

أنا طول أيام المدرسة الاعدادي و الثانوي (كنا في الخليج) كنت مهووس باللون الأسمر وكانت الفتاة السودانية في نظري أجمل فتيات العالم

وكنت أشعر باستغراب كبير من اعجاب الناس بالفتيات البيضاوات ولا أفهم ذلك أبدا .. كيف يعجب الرجل بفتاة ليست سمراء وليست سودانية ؟

الا أن اتخانقت مع واحد زميلي سوداني خناقة جامدة وكرهت السودان وسنينها وشئ ما في عقلي الباطن بات يكره السودان مما انعكس على كراهيتي للسمر عموما ولكن ليس عنصرية ولكن كره للسودانيين (مع اني حاليا أحبهم واعتبرهم من أطيب وأنبل الشعوب)

ثم قرات مقتطفات من كتاب هتلر "كفاحي" والذي كان مناسبا جدا لهذه الفترة وبت اكره السمر جدا

(من ضمن كلام هتلر : ان الزنجي هو مجرد قرد كان يتسلق الشجر في افريقيا فهل اذا انتزعته من الشجرة وقمت بتنظيفه وألبسته بدلة وربطة عنق فهل هذا لكي تنقله من رتبة القرد الى رتبة الانسان؟ بالطبع لا يمكن)

فمراهق في سن 14 أو 15 يكون مؤهلا تماما لهذه الأفكار العنصرية السيئة ضد السمر

المهم لما جيت على مصر اكتشفت عالم العنصرية الخفي في بلدي ..

في عائلتي (كلهم بيض جدا) من أهم شروط الزواج أن تكون العروس او العريس ابيض .. وده شئ مافيهوش هزار اطلاقا ومن الممنوع التفكير مجرد تفكير في ارتباط أحد أفراد العائلة بعريس أو عروسة من لون قمحي أو أسمر

وناس كتير كده

والمصيبة في الناس انفسهم .. قمة السفالة أحيانا في وسائل المواصلات .. مرة سيدة فاضلة شافت رجل أسمر ينزل من الاتوبيس .. عدى من جنبها ونزل لقيتها -والله يشهد- توجهت نحوه وهو ينزل وشتمته وأخذت تردد بعض الادعية وكأنها رأت شيطانا

انا افتكرت ان الراجل وهو نازل شتمها .. سالتها هل شتمك؟ قالت لي لأ .. بس أصله اسود ووشه اسود كله استغفر الله وانا مبحبش السود دول

والله ده اللي حصل بالضبط

وللاسف معظم الناس تتخذ موقف من السمر .. موقف سئ جدا .. ويعتبرون انهم محقين تماما

أحد أعز أصدقائي أسمر وهو من النوبة أصلا وطبعا باقي الشباب مستلمينه علطول تأليس ومسخرة على الموضوع ده وطبعا هزار بس مهما كان الانسان له طاقة

لازم على الناس ان تراعي مشاعر بعضها .. كل هذه السخافات هي سخافات لا يجب أن توجد في داخلنا من الاصل

وجود الايمان في نفوسنا يجب ان يمحو كل هذه الاشياء

لا يجب أن نتظاهر فقط باننا لسنا عنصريين ولكن يجب فعلا الا نسمح لهذه الأمراض بالتسلل الى نفوسنا

انا انسان مليان اخطاء وذنوب ولكن الحمد يشهد ربي أن ليس في قلبي اي شئ من هذا الشئ .. لا ضد أسمر او هندي او أسيوي

على فكرة اقامة علاقات مع البشر يكسر هذه الحواجز.. انتهزت فرصة ان معانا في الجامعة طلاب من ماليزيا واتعرفت عليهم .. والحقيقة ناس زي الفل محترمين جدا سواء الشباب او البنات

ارجوكم امسحوا كل هذه السلبيات من قلوبكم

والاخت العزيزة فاطمة اقول لكي : اللي تحسي في عينيه مجرد انه بيفكر يوجه اساءة ليكي -حتى ولو مجرد انه هيفكر- حطي صوابعك في عينيه ولا تشعري بالندم

لان الدنيا مش ناقصه ناس من نوعيات عنصرية سيئة زي كده :rolleyes:

[شاب مصري]

"من حسن اسلام المرء تركه ما لا يعنيه"

فعلا لازم الناس تبطل تحشر نفسها في امور باقي الخلق وتفاصيل حياتهم .

[doha]

اطمني لو كنتي بيضا كان بقى عندك الف سبب تاني عشان تتحاشي نظرات الناس .. ببساطه لان ابن آدم كده لو كان له وادي من الذهب لتمنى ان يكونوا اثنين ولو كانوا اثنين لتمنى ان يكونوا ثلاثه ولا يملأ عينه الا ايه ؟ بالظبط كده ..

اصلا شوفي قصة ادم نفسها لما كان عنده الجنه بحالها ومع ذلك طمع في ثمرة في شجرة شوفي من كام الف مليون شجره حواليه .. قال هي دي الي كانت ناقصة ودي الي كان هيموت لو مكلهاش .. طمعه في الثمرة الي نقصاه دي عمل فيه ايه .. طلعه من الجنه ونعيمها وخسره الجلد والسقط .

اهو احنا اولاده نفس الحكايه .. دائما نسيب الي في ايدينا ونقعد ندور ايه الناقص ونكبره ونعظمه وكأنه الدنيا بما فيها وانحرمنا منها بينما الموضوع ابسط من كده الحكايه كلها ان الشيطان الي وسوس لابونا قبل كده وقاله الشجره الي نقصاك دي هي الي هتعملك الملك والخلود مع انه اصلا كان في الجنة سيد الساده والملائكة ساجدين له والعمليه مزهزهه معاه آخر حلاوه يعني كان ملك فعلا وكان عايش اربعه وعشرين قيراط لكن ابليس لعنه الله عليه لازم يشغله عما هو موجود بما هو مأمول ..

صدقيني لو كنتي بيضا مكنتيش هتغلبي تدوري على الثمرة الي نقاصة جايه منين بس عشان اريحك وتخرجي من الشعور ده مش هقولك غير قول الرسول عليه الصلاه والسلام .. من كانت الدنيا اكبر همه جعلت فقره بين عينيه .. لو ركزتي اوي على الدنيا بكل ملذاتها هتحسي انك فقيرة اوي .. ناقصك مال ناقصك مركز ناقصك جمال ناقصك عيال وو وو و وو ناقصك كل شيء مهما كنتي غنية في حاجه هتحسي دائما انك فقيرة طول مالدنيا اكبر همك . لكن لو فكرتي ان كل ده تراب وبيضا ولاسمرا المهم انك عماله الي عليك وراضية ربنا وحمداه على نعمته خلاص هتفرق ايه بقى ؟

[fatfouta]

بصراحة مسالة العنصرية بسبب لون البشرة من الآفات الموجودة هنا في مصر

شوفوا .. أنا هعترفلكم اعتراف خطير :ph34r:

أنا طول أيام المدرسة الاعدادي و الثانوي (كنا في الخليج) كنت مهووس باللون الأسمر وكانت الفتاة السودانية في نظري أجمل فتيات العالم

وكنت أشعر باستغراب كبير من اعجاب الناس بالفتيات البيضاوات ولا أفهم ذلك أبدا .. كيف يعجب الرجل بفتاة ليست سمراء وليست سودانية ؟

الا أن اتخانقت مع واحد زميلي سوداني خناقة جامدة وكرهت السودان وسنينها وشئ ما في عقلي الباطن بات يكره السودان مما انعكس على كراهيتي للسمر عموما ولكن ليس عنصرية ولكن كره للسودانيين (مع اني حاليا أحبهم واعتبرهم من أطيب وأنبل الشعوب)

ثم قرات مقتطفات من كتاب هتلر "كفاحي" والذي كان مناسبا جدا لهذه الفترة وبت اكره السمر جدا

(من ضمن كلام هتلر : ان الزنجي هو مجرد قرد كان يتسلق الشجر في افريقيا فهل اذا انتزعته من الشجرة وقمت بتنظيفه وألبسته بدلة وربطة عنق فهل هذا لكي تنقله من رتبة القرد الى رتبة الانسان؟ بالطبع لا يمكن)

فمراهق في سن 14 أو 15 يكون مؤهلا تماما لهذه الأفكار العنصرية السيئة ضد السمر

المهم لما جيت على مصر اكتشفت عالم العنصرية الخفي في بلدي ..

في عائلتي (كلهم بيض جدا) من أهم شروط الزواج أن تكون العروس او العريس ابيض .. وده شئ مافيهوش هزار اطلاقا ومن الممنوع التفكير مجرد تفكير في ارتباط أحد أفراد العائلة بعريس أو عروسة من لون قمحي أو أسمر

وناس كتير كده

والمصيبة في الناس انفسهم .. قمة السفالة أحيانا في وسائل المواصلات .. مرة سيدة فاضلة شافت رجل أسمر ينزل من الاتوبيس .. عدى من جنبها ونزل لقيتها -والله يشهد- توجهت نحوه وهو ينزل وشتمته وأخذت تردد بعض الادعية وكأنها رأت شيطانا

انا افتكرت ان الراجل وهو نازل شتمها .. سالتها هل شتمك؟ قالت لي لأ .. بس أصله اسود ووشه اسود كله استغفر الله وانا مبحبش السود دول

والله ده اللي حصل بالضبط

وللاسف معظم الناس تتخذ موقف من السمر .. موقف سئ جدا .. ويعتبرون انهم محقين تماما

أحد أعز أصدقائي أسمر وهو من النوبة أصلا وطبعا باقي الشباب مستلمينه علطول تأليس ومسخرة على الموضوع ده وطبعا هزار بس مهما كان الانسان له طاقة

لازم على الناس ان تراعي مشاعر بعضها .. كل هذه السخافات هي سخافات لا يجب أن توجد في داخلنا من الاصل

وجود الايمان في نفوسنا يجب ان يمحو كل هذه الاشياء

لا يجب أن نتظاهر فقط باننا لسنا عنصريين ولكن يجب فعلا الا نسمح لهذه الأمراض بالتسلل الى نفوسنا

انا انسان مليان اخطاء وذنوب ولكن الحمد يشهد ربي أن ليس في قلبي اي شئ من هذا الشئ .. لا ضد أسمر او هندي او أسيوي

على فكرة اقامة علاقات مع البشر يكسر هذه الحواجز.. انتهزت فرصة ان معانا في الجامعة طلاب من ماليزيا واتعرفت عليهم .. والحقيقة ناس زي الفل محترمين جدا سواء الشباب او البنات

ارجوكم امسحوا كل هذه السلبيات من قلوبكم

والاخت العزيزة فاطمة اقول لكي : اللي تحسي في عينيه مجرد انه بيفكر يوجه اساءة ليكي -حتى ولو مجرد انه هيفكر- حطي صوابعك في عينيه ولا تشعري بالندم

لان الدنيا مش ناقصه ناس من نوعيات عنصرية سيئة زي كده :rolleyes:

الاخ العزيز شاب مصرى

حسيت ان الموضو استفز جواك حاجات كتير فروحت مفرغ كل اللى جواك وحسيت كمان فى مداخلاتك انك تكتب راى وتحس انك مش مكتفى فترجع تكتب تانى وتالت انا حاسه بيك وحاسة باللى انت عاوزة توصله للناس

كلامك صح وعندك حق فى كل اللى قلته طبعا دى سلبيات والانسان مش بشكله والله ده انا كان عندى خادمة حبشية قعدت معايا فترة الولادتين بتوعى الست دى كانت ملاااااااااك وتخاف عليا وعلى ولادى ومحترمة وتصلى وتخاف ربنا

ايوه كنت بفهم منها بالعافية لكن كانت مثال للاخلاق وحضنها كان يملانى حنان كده وبحبها اوى لغايت دلوقتى بتسال عليا

واللى يضحك بقى انها كانت تقولى انتوا الناس البيض بتكرهونا كنت اقعد اضحك واقولها طب قولى الكلام ده لحد تانى لا يا ختى انا مش بكرهك لكن انا بقى فيه اللى بيكرهنى شفت حاجة حلوة اوى

بس انا والله مش زنجية انا سمارى الحمد لله طبيعى

هدى نسك وذى ماقالت هبة ابيض اسمر كله فى التراب

[fatfouta]

اطمني لو كنتي بيضا كان بقى عندك الف سبب تاني عشان تتحاشي نظرات الناس .. ببساطه لان ابن آدم كده لو كان له وادي من الذهب لتمنى ان يكونوا اثنين ولو كانوا اثنين لتمنى ان يكونوا ثلاثه ولا يملأ عينه الا ايه ؟ بالظبط كده ..

اصلا شوفي قصة ادم نفسها لما كان عنده الجنه بحالها ومع ذلك طمع في ثمرة في شجرة شوفي من كام الف مليون شجره حواليه .. قال هي دي الي كانت ناقصة ودي الي كان هيموت لو مكلهاش .. طمعه في الثمرة الي نقصاه دي عمل فيه ايه .. طلعه من الجنه ونعيمها وخسره الجلد والسقط .

اهو احنا اولاده نفس الحكايه .. دائما نسيب الي في ايدينا ونقعد ندور ايه الناقص ونكبره ونعظمه وكأنه الدنيا بما فيها وانحرمنا منها بينما الموضوع ابسط من كده الحكايه كلها ان الشيطان الي وسوس لابونا قبل كده وقاله الشجره الي نقصاك دي هي الي هتعملك الملك والخلود مع انه اصلا كان في الجنة سيد الساده والملائكة ساجدين له والعمليه مزهزهه معاه آخر حلاوه يعني كان ملك فعلا وكان عايش اربعه وعشرين قيراط لكن ابليس لعنه الله عليه لازم يشغله عما هو موجود بما هو مأمول ..

صدقيني لو كنتي بيضا مكنتيش هتغلبي تدوري على الثمرة الي نقاصة جايه منين بس عشان اريحك وتخرجي من الشعور ده مش هقولك غير قول الرسول عليه الصلاه والسلام .. من كانت الدنيا اكبر همه جعلت فقره بين عينيه .. لو ركزتي اوي على الدنيا بكل ملذاتها هتحسي انك فقيرة اوي .. ناقصك مال ناقصك مركز ناقصك جمال ناقصك عيال وو وو و وو ناقصك كل شيء مهما كنتي غنية في حاجه هتحسي دائما انك فقيرة طول مالدنيا اكبر همك . لكن لو فكرتي ان كل ده تراب وبيضا ولاسمرا المهم انك عماله الي عليك وراضية ربنا وحمداه على نعمته خلاص هتفرق ايه بقى ؟

المشكلة يا ضحى انى انا من جوايا والحمد لله مش حاسه انى ناقصة خاااااااااااااالص اى حاجة وبحمد ربنا ومن جوايا كان نفسى بنتى تطلع سمراء ذى ماهى عشان انمى فيها اللى اهلى خافوا ينموه فيا او بشوية جهل سابونى اواجه المجتمع لوحدى ومعرفش ارد او اخاف ارد او اقعد اعيط على جمب

انا راضيه والحمد لله بس كنت حابة اتلكم فى الموضوع ده عشان انا دايما بحب اطلع اللى جوايا عشان لو كتمته بتعبببببببب

شكرا يا حبيبتى

[fatfouta]

طب انا هحكيلكم حكاية

مرة كنا فى اشارة وبعدين جت جمبنا عربية فيها واحد ومراته وكان فيه واحد تانى قاعد فى الكرسى اللى ورا

ولما قربوا مننا بصت عليا هى اوى بطريقة واضحة وانا مش عاوزة التفت اليها المهم راحت غمزت جوزها قام هو باصص وراح هو كلم اللى قاعد فى الكرسى اللى ورا راح ده بقى قالهم كلمه حلاهم سخسخوا من الضحك وهو طبعا اتريق عليا اكيد

فضلوا يضحكوا وانا شايفاهم ويبصولى ويضحكوا وبعدين مشينا لقيت نفسى قمت قعدت اعيط واقول حسبى الله ونعم الوكيل والموضوع ده مش قادرة انساه لغايت دلوقتى وكل مافتكره اعيط

طب وليه تجرحوا واحدة لا تعرفوها ولا تعرفكم وكل ذنبها ان ربنا خلقها كده

جوزى لما لقانى منهارة من العياط وقف العربية وقاللى فيه ايه حد عملك حاجة اتججت باى حاجة وقلتله لا مافيش وهو طبعا فهم بس انا مقلتش حاجة لانى خايفة لا هو كمان يضايق

منهم لله ساعات بيخلونى احس انى ممكن افقد جوزى بحركاتهم دى

وخدوا عندكوا بقى المعاكسات عشان نخفف من حدة الموضوع شوية

ياجميل يا اسمر انت

اسمر بس جميل ( ولازم بس دى ماينفعش حد يقول علطول اسمر وجميل)

بحب السمر

وفيه بقى كلام يحرق الدم خدوا عندكوا

ايه ده هما نسيوكى فى الفرن؟

ايه الدنيا ضلمت ليه؟

بس لو كنتى بيضاء شويةةةةة

انتى جايه منين بالضبط

ومرة كنا فى المقابر بنزور ماما وبابا وواحد قاللى انتى جاية من فوق ولا من تحت

شفتوا السفالة اقول ايه تانى بيبقى نفسى اكتم بقهم عشان ماسمعش حاجة

وليا اخت سمراء ذيي والتانية بيضاء ولما نكون ماشيين مثلا وحد يقول حاجة تبقى عاوزة تتخانق معاه وتشتمه بس نقعد نهديها ونقولها يا هبله ده كل ده فى حسناتنا والله مش كده ولا ايه؟

وبعدين مش ربنا هو اللى خلقنا يبقى هو اللى يتكفل بينا

يااااااااارب سايبنها عليك انت اولى من الكل بينا والحمد لله

تم تعديل 17 مارس 2009 بواسطة fatfouta

[شاب مصري]

طب انا هحكيلكم حكاية

مرة كنا فى اشارة وبعدين جت جمبنا عربية فيها واحد ومراته وكان فيه واحد تانى قاعد فى الكرسى اللى ورا

ولما قربوا مننا بصت عليا هى اوى بطريقة واضحة وانا مش عاوزة التفت اليها المهم راحت غمزت جوزها قام هو باصص وراح هو كلم اللى قاعد فى الكرسى اللى ورا راح ده بقى قالهم كلمه حلاهم سخسخوا من الضحك وهو طبعا اتريق عليا اكيد

فضلوا يضحكوا وانا شايفاهم ويبصولى ويضحكوا وبعدين مشينا لقيت نفسى قمت قعدت اعيط واقول حسبى الله ونعم الوكيل والموضوع ده مش قادرة انساه لغايت دلوقتى وكل مافتكره اعيط

طب وليه تجرحوا واحدة لا تعرفوها ولا تعرفكم وكل ذنبها ان ربنا خلقها كده

جوزى لما لقانى منهارة من العياط وقف العربية وقاللى فيه ايه حد عملك حاجة اتججت باى حاجة وقلتله لا مافيش وهو طبعا فهم بس انا مقلتش حاجة لانى خايفة لا هو كمان يضايق

منهم لله ساعات بيخلونى احس انى ممكن افقد جوزى بحركاتهم دى

بصراحة يا أخت فاطمة أعتقد ان كل ده مجرد اعتقاد منك

محدش ممكن تفكيره يوصل للدرجة دي

ست شافت حضرتك وقالت للي معاها في العربية عشان يبصوا عليكي ؟ لا أعتقد

أعتقد الموضوع في الموقف ده لا يخرج عن اطار فرط الحساسية الزائد من طرفك وبالتالي اعتقادك ان الكلمهتم يتريق او يسخر والعياذ بالله

صدقيني الانسان هو ما يعتقد .. غالبا انتي فسرتي تصرفهم تفسير مبني على احساسك ليس اكثر

لا اتخيل ابدا ناس تتجمهر للتفرج على انسان لمجردانه أبيض أو أحمر أو اسمر او صيني أو اندونيسي فليس بالأمر شئ جديد او يدعو للبحلقة

وأغلب الظن انه كان هناك شئ تاني

أو انك -من دون ان تقصدي- احسستي ان الست بتبص عليكي فبصيتي عليها وهو ما دعاها لان تقول لهم عنك وسبب النظرات المتبادلة بينكما ؟ وتلاقي حد قال اي حاجة تضحك -من اللي المصريين بيقولوها على الفاضي والمليان وبسبب وبدون- فضحك الجميع

دون أن يكون هناك اي سخرية منك واغلب الظن ان تفسيرك للموقف واعتقادك عما حدث هو الذي زعلك ولا يكون بالموضوع ما يسئ أصلا والله أعلم

وخدوا عندكوا بقى المعاكسات عشان نخفف من حدة الموضوع شوية

ياجميل يا اسمر انت

اسمر بس جميل ( ولازم بس دى ماينفعش حد يقول علطول اسمر وجميل)

بحب السمر

وفيه بقى كلام يحرق الدم خدوا عندكوا

ايه ده هما نسيوكى فى الفرن؟

ايه الدنيا ضلمت ليه؟

بس لو كنتى بيضاء شويةةةةة

انتى جايه منين بالضبط

ومرة كنا فى المقابر بنزور ماما وبابا وواحد قاللى انتى جاية من فوق ولا من تحت

شفتوا السفالة اقول ايه تانى بيبقى نفسى اكتم بقهم عشان ماسمعش حاجة

وليا اخت سمراء ذيي والتانية بيضاء ولما نكون ماشيين مثلا وحد يقول حاجة تبقى عاوزة تتخانق معاه وتشتمه بس نقعد نهديها ونقولها يا هبله ده كل ده فى حسناتنا والله مش كده ولا ايه؟

وبعدين مش ربنا هو اللى خلقنا يبقى هو اللى يتكفل بينا

يااااااااارب سايبنها عليك انت اولى من الكل بينا والحمد لله

في دي معاكي حق و انا مرةكنت هتخانق مع واحد لانه قال لبنت سمرة في الشارع "شيكابالا"

كان عمري 17 سنة و كنت بنصحه بسلامة نية بس هو معجبوش الكلام

كانت هاخد علقة زي الفل ... احم احم قصدي كنت هقطعه :rolleyes: بس الحمدلله الناس أنقذوه (..أنقذوني..) :lol:

تم تعديل 17 مارس 2009 بواسطة شاب مصري

[لولا]

فتفوتة الرائعه الأعماق .. قوية الشخصيه .. الواثقه جدا من نفسها .. الصافيه بصفاء الحليب

تعرفين ..

لاتحتاجين ان تكونى اكثر مما انتى عليه ابدا ابدا ابد .

اجدك ودون ادنى انواع المجاملات من نوعية البشر الذين اصبح من النادر ان نقابلهم.

ثقتك بنفسك تغنيك عن حجز نفسك داخل اسوار كلماتهم ونظراتهم وحدود تفكيرهم الضيق .

يكفيك زوج يحبك ويكفيك اقتناعك بنفسك ويكفيك جمال روحك وقلبك وشكلك ولن تصبح

نظرات سخيفة من امثال هؤلاء للون بشره قضية نفسيه عندك وهذا اكثر ما اعجبنى فيك

وفى حديثك .

فقط ترفعى عن كل هذه الفقاعات التافهه لأقصى درجه وانعمى بحياتك بإصدار قرار

من محكمه ذاتك ان سعادتك وثقتك واقتناعك لن تهزه موقف من هنا او هناك او كلمه من هنا

او هناك .

اريدك ان تعرفى ان هذا النوع من الإرهاب لا تواجهينه وحدك من المجتمع للون بشره ..

الإرهاب دوما يجد اسبابه اللانهائيه من المجتمع ليقتحم به بيوتنا وحياتنا الشخصيه

وادق تفاصيلها ببجاحه غير معهوده ..

فقط اغلقى الباب واشيحى النظر عن كل هذا ولا تمنحى مساحه تفكير عميقه لهكذا امور .

النس يحلو لها جدا مراقبه بعضها ..

تحلو لها حكايات النميمه والتلصص ..

تحلو لها التدخل فيما ليس يعنيها ..

مشكله مجتمع عربى للأسف .. هكذا نحن العرب ولا اعرف كم السنين ن الذى نحتاج لنتطهر

من هكذا اشياء ونواقص داخلنا ومتناقضات .

لا تقولى لى انك لم تسمعى الف والف حكايه عن فلانه التى تزوجت رجل اكبر منها ..

وفلانه التى تجاوزت الثلاثين ولم تتزوج .. وفلانه التى تعمل ممرضه وتعود متأخره ..

وفلانه التى لا تنجب سوى البنات .. وفلانه التى وفلانه التى ..

وهكذا هو المجتمع هنا ..

هو عالم ثالث عزيزتى وهكذا هى حكاياته !!

فقط كونى كما انتٍ..

لا تسمحى لأحد ان يخطو نحو ايامك وحياتك وتفكيرك وخصوصياتك .

تحياتى لك وكل الحب يا فتفوته .

لولا

[alsaher]

سيدتي الكريمة

موضوعك مهم للغاية ، وجذبني جدا لأن أقول رأيي

المسأله لدى الناس لن تنتهي في البياض والسمار

ولو أن كل شخص حكم على مظهره بناء على رأي الناس ، لما كان أحدا مرتاح

الأمر هو الثقه

تقي بنفسك وبروحك وجمالها ، وستنظرين لنفسك نظرة راضيه جدا

آلمني حين قلتي لجارتك ومين اللي ح ينظر لكي

أنتي هنا تتركي مجال للناس

أرجو أن تنمي ذلك في إبنتك ، حرام

أنا عن نفسي أعشق السمار ، وانا من منزل مخلط بردو ، يعني أخواتي بين كده وكده

لي قريب ، كان شرطه في الفتاة التي يتزوجها أن تكون سمرا

ووالله 3 سنين وهو ينتظر أن يصادف فتاة بهذا الون حتى تقابل مع خطيبته

رغم أن الناس كانت تتحدث

لم أجد يوما أنها لا ترى أنها ملكه جمال الكون ، لانها ترى ذلك في عينها وفي عين زوجها

لي أقارب لهم فتاه مصابه في جلد يديها بحرق شوه المنطقه منذ صغرها

تعرفي...

أقف معجب جدا أمام هذه الفتاة

لم أشهد أنها تخبئ هذا الشيء أو تخجل منه

لم يثنيها عن روحها الرائعه ولا عن ثقتها بنفسها ولا عن بلاغة لسانها ولا عن رقتها اللا متناهيه

حتى أنني رغم هذا الشيء الظاهر في مظهرها ، إلا أنني كشاب أكون مبهورا بجمالها كل ما إجتمعنا

لأنها نسيت الأمر ، تجدين كل من أمامها نسي هذا الأمر أيضا

ولو أنها تهتم كل لحظة بتغطيته وعدم إظهاره ، ربما كل لحظة ستجدين عيناي ينظران ليديها المحروقه

سيدتي ..

أنظري لنفسك بعيونك وعيون من يحبك فقط

وعلمي بنتك أنها أجمل بنت في الكون ،

لو كل شخص توقف عند كلام الناس ، لما عشنا ، ولما أعجبنا شيء في أنفسنا

[fatfouta]

فتفوتة الرائعه الأعماق .. قوية الشخصيه .. الواثقه جدا من نفسها .. الصافيه بصفاء الحليب

تعرفين ..

لاتحتاجين ان تكونى اكثر مما انتى عليه ابدا ابدا ابد .

اجدك ودون ادنى انواع المجاملات من نوعية البشر الذين اصبح من النادر ان نقابلهم.

ثقتك بنفسك تغنيك عن حجز نفسك داخل اسوار كلماتهم ونظراتهم وحدود تفكيرهم الضيق .

يكفيك زوج يحبك ويكفيك اقتناعك بنفسك ويكفيك جمال روحك وقلبك وشكلك ولن تصبح

نظرات سخيفة من امثال هؤلاء للون بشره قضية نفسيه عندك وهذا اكثر ما اعجبنى فيك

وفى حديثك .

فقط ترفعى عن كل هذه الفقاعات التافهه لأقصى درجه وانعمى بحياتك بإصدار قرار

من محكمه ذاتك ان سعادتك وثقتك واقتناعك لن تهزه موقف من هنا او هناك او كلمه من هنا

او هناك .

اريدك ان تعرفى ان هذا النوع من الإرهاب لا تواجهينه وحدك من المجتمع للون بشره ..

الإرهاب دوما يجد اسبابه اللانهائيه من المجتمع ليقتحم به بيوتنا وحياتنا الشخصيه

وادق تفاصيلها ببجاحه غير معهوده ..

فقط اغلقى الباب واشيحى النظر عن كل هذا ولا تمنحى مساحه تفكير عميقه لهكذا امور .

النس يحلو لها جدا مراقبه بعضها ..

تحلو لها حكايات النميمه والتلصص ..

تحلو لها التدخل فيما ليس يعنيها ..

مشكله مجتمع عربى للأسف .. هكذا نحن العرب ولا اعرف كم السنين ن الذى نحتاج لنتطهر

من هكذا اشياء ونواقص داخلنا ومتناقضات .

لا تقولى لى انك لم تسمعى الف والف حكايه عن فلانه التى تزوجت رجل اكبر منها ..

وفلانه التى تجاوزت الثلاثين ولم تتزوج .. وفلانه التى تعمل ممرضه وتعود متأخره ..

وفلانه التى لا تنجب سوى البنات .. وفلانه التى وفلانه التى ..

وهكذا هو المجتمع هنا ..

هو عالم ثالث عزيزتى وهكذا هى حكاياته !!

فقط كونى كما انتٍ..

لا تسمحى لأحد ان يخطو نحو ايامك وحياتك وتفكيرك وخصوصياتك .

تحياتى لك وكل الحب يا فتفوته .

لولا

شكرا يا لولا يا حبيبتى على ردك الجميل ده والكلام ده كله انا ماستحقوش والله

والحمد لله يا رب ويكفينى ردودكم الجميلة اللى بترفع من معنوياتى جدااااااااااا

اشكرك

[fatfouta]

سيدتي الكريمة

موضوعك مهم للغاية ، وجذبني جدا لأن أقول رأيي

المسأله لدى الناس لن تنتهي في البياض والسمار

ولو أن كل شخص حكم على مظهره بناء على رأي الناس ، لما كان أحدا مرتاح

الأمر هو الثقه

تقي بنفسك وبروحك وجمالها ، وستنظرين لنفسك نظرة راضيه جدا

آلمني حين قلتي لجارتك ومين اللي ح ينظر لكي

أنتي هنا تتركي مجال للناس

أرجو أن تنمي ذلك في إبنتك ، حرام

أنا عن نفسي أعشق السمار ، وانا من منزل مخلط بردو ، يعني أخواتي بين كده وكده

لي قريب ، كان شرطه في الفتاة التي يتزوجها أن تكون سمرا

ووالله 3 سنين وهو ينتظر أن يصادف فتاة بهذا الون حتى تقابل مع خطيبته

رغم أن الناس كانت تتحدث

لم أجد يوما أنها لا ترى أنها ملكه جمال الكون ، لانها ترى ذلك في عينها وفي عين زوجها

لي أقارب لهم فتاه مصابه في جلد يديها بحرق شوه المنطقه منذ صغرها

تعرفي...

أقف معجب جدا أمام هذه الفتاة

لم أشهد أنها تخبئ هذا الشيء أو تخجل منه

لم يثنيها عن روحها الرائعه ولا عن ثقتها بنفسها ولا عن بلاغة لسانها ولا عن رقتها اللا متناهيه

حتى أنني رغم هذا الشيء الظاهر في مظهرها ، إلا أنني كشاب أكون مبهورا بجمالها كل ما إجتمعنا

لأنها نسيت الأمر ، تجدين كل من أمامها نسي هذا الأمر أيضا

ولو أنها تهتم كل لحظة بتغطيته وعدم إظهاره ، ربما كل لحظة ستجدين عيناي ينظران ليديها المحروقه

سيدتي ..

أنظري لنفسك بعيونك وعيون من يحبك فقط

وعلمي بنتك أنها أجمل بنت في الكون ،

لو كل شخص توقف عند كلام الناس ، لما عشنا ، ولما أعجبنا شيء في أنفسنا

شكرا على كلامك وفعلا لو الواحد قعد يسمع لكلام الناس مش هنعرف نعيش

اعتز بمداخلتك دى جدااااااااا على فكرة واقبلنى اخت ليك

وفقك الله

[ذهبية]

اختى فتفوتة كم انتى رقيقة المشاعر و مرهفة الحس وطيوبة بجد انك فتحتى قلبك لينا

فتفوتة لا يوجد حد فى الدنيا لا يعانى من شىء معين لا فى شخصيتة او شكلة يفكر فية و يضخمة و يكبرة

بسبب كلام الناس و نظراتهم

لازم تعرفى ان الناس كدة كدة بتتكلم طيب هاقولك حكاية

انا امى الله يرحمها كانت جميلة فوق الوصف

وانا صحيح كنت اجمل بنت فى العيلة لكن مش زى جمال امى لانها بصراحة ما شوفت ليها زى كنت دايما لما اتعاكس اتعاكس بامى اللى يقولى انا موافق اتجوزك بس بشرط لما تكبرى تبقى شبة ماماتك

وكان يوم ما يعلم بية ربنا يوم ما اخدت ماما فرح زميلة فى الجامعة و اول مرة زمايلى يشوفوا ماما كان يوم سمعت كلام انتى مختيش حاجة من ماماتك دى ماماتك دى لالا مش ممكن و كلام كتيرررررر طول عمرى باسمعة وانا اضحك و اقول لهم طبعا امى احلى ام و انا زىالقمر وهو انتم اتعميتوا ولااية روحوا البسوا نظارة و لا حطوا قطرة

طبعا مش هاقولك مكنش بايثر فيا لكن مكنتش باحط فى دماغى انى انا شايفى نفسى حلوة و اكلم نفسى و اقول دة كفاية ضحكتى و شوية النغز بتوعى الىل ملهمش حل

الناس بتشوفك من عينكى انتى

انا طول عمرى مش باحط كلام الناس فى دماغى لانة لا ام غيرة لا ام حد عندة نقص لا ام عايز يلفت انتباة لا ام بيضايقك لا ام عايز يعمل نفسة مهم

واناادى ليهم الفرصة لية لانى انا فعلا مش كدة مش مشكلتى انك اعمى ومش شايف يبقى روح عالج نفسك الاول

انتى عارفة لما اتقدم جوزى ليا كان متقدم معاة زميل ليا فى الكلية زى القمررررر و كان بيحبنى لكن كانت لة علاقات كتيرة مع البنات امى رفضتة و بعدها اتقدم زوجى

زوجى مش حلو خالص يعنى فرق شاسع بينى و بينة كنت صغيرة و رفضتة لكن امى الله يرحمها الست الحكيمة قالت ليا كلمة عمرى ما هانساها

قالت يا بنتى الجمال و البياض و السمار دة خارجى بعد يوم اتنين تلاتة هتتعودى عليهم و هيكونوا فى عنيكى شىء عادى المهم الاخلاق والتعامل دة الى هيفضل معاكى العمر كلة

و ووفقت على جوزى و مش عايزة اقولك ان اصحابى و انا فى الكوشة كانوا بيضحكواعليا و يتريقوا و كانوا بيقولوا ليا انتى بتحبى اللبن بالشيكولاتة و لا اية

هو دة اخرتك بعد غرورك ورفضك العرسان و انا قاعدة و شايفاهم انا بالغيظ فيهم ولا فى دماغى فرحت و ضحكت و بقيت ادلع علية لاقتهم هما اللى اتغاظوا

يا حبيبتى انتى الىل تغيظيهم بثقتك بنفسك هما لما يشوفوكى كدة و الله هما اللى هيولعوا

الناس بتشوفك من مرايتك انتى شايفة نفسك ملكة هتجبرى الناس كلها تشوفك كدة

ارفعى راسك انتى عالية باخلاقك انتى ملكة جمال بطيبة قلبك انتى جوهرة بين ايدين جوزك

يا حبيبتى متخليش احساسك من زجاج اى طوبة ضغيرة او شوية ريح تكسرة او تخدشة

احساسك دة انتى اللى تحافظى علية و تجبرى اللى قدامك يحافظ علية و اللى ما يحافظ على مشاعرك الغية من حياتك امسحية باستكية لانة هو اللى خسران ما يستاهل زيك

واسفة للاطالة

اختك ذهبية

[alsaher]

اعتز بمداخلتك دى جدااااااااا على فكرة واقبلنى اخت ليك

ده شرف لي حضرتك

دمتي بخير

[osmel33]

طب انا هحكيلكم حكاية

مرة كنا فى اشارة وبعدين جت جمبنا عربية فيها واحد ومراته وكان فيه واحد تانى قاعد فى الكرسى اللى ورا

ولما قربوا مننا بصت عليا هى اوى بطريقة واضحة وانا مش عاوزة التفت اليها المهم راحت غمزت جوزها قام هو باصص وراح هو كلم اللى قاعد فى الكرسى اللى ورا راح ده بقى قالهم كلمه حلاهم سخسخوا من الضحك وهو طبعا اتريق عليا اكيد

فضلوا يضحكوا وانا شايفاهم ويبصولى ويضحكوا وبعدين مشينا لقيت نفسى قمت قعدت اعيط واقول حسبى الله ونعم الوكيل والموضوع ده مش قادرة انساه لغايت دلوقتى وكل مافتكره اعيط

طب وليه تجرحوا واحدة لا تعرفوها ولا تعرفكم وكل ذنبها ان ربنا خلقها كده

جوزى لما لقانى منهارة من العياط وقف العربية وقاللى فيه ايه حد عملك حاجة اتججت باى حاجة وقلتله لا مافيش وهو طبعا فهم بس انا مقلتش حاجة لانى خايفة لا هو كمان يضايق

منهم لله ساعات بيخلونى احس انى ممكن افقد جوزى بحركاتهم دى

وخدوا عندكوا بقى المعاكسات عشان نخفف من حدة الموضوع شوية

ياجميل يا اسمر انت

اسمر بس جميل ( ولازم بس دى ماينفعش حد يقول علطول اسمر وجميل)

بحب السمر

وفيه بقى كلام يحرق الدم خدوا عندكوا

ايه ده هما نسيوكى فى الفرن؟

ايه الدنيا ضلمت ليه؟

بس لو كنتى بيضاء شويةةةةة

انتى جايه منين بالضبط

ومرة كنا فى المقابر بنزور ماما وبابا وواحد قاللى انتى جاية من فوق ولا من تحت

شفتوا السفالة اقول ايه تانى بيبقى نفسى اكتم بقهم عشان ماسمعش حاجة

وليا اخت سمراء ذيي والتانية بيضاء ولما نكون ماشيين مثلا وحد يقول حاجة تبقى عاوزة تتخانق معاه وتشتمه بس نقعد نهديها ونقولها يا هبله ده كل ده فى حسناتنا والله مش كده ولا ايه؟

وبعدين مش ربنا هو اللى خلقنا يبقى هو اللى يتكفل بينا

يااااااااارب سايبنها عليك انت اولى من الكل بينا والحمد لله

معلش يا فتفوتة ممكن أسألك سؤال رخم شوية ؟

انت ملامحك طفولية baby face ؟

أصل أنا مش عارف انتى بتلاقى الناس دى فين ؟ ودى الحاجة الوحيدة

اللى ممكن تخلى بشر ذى دول يتعاملوا معاكي كده

وأنتى بتقولى كمان لما كنتى بتزورى المقابر يعنى الكلام ده فى مصر ؟

لو كان يبقى مين اللى يستجرى يقول الكلام ده

أنتى يا أخت فتفوتة واضح عليكى أنك مهذبة جداً وطيبة جداً جداً

وبصراحة لو أختى حكتلى على واقعة زى دى هاقولها بدون أدنى تردد

وبكبرياء وشمم أقلعى اللى فى رجلك وأضربيه بيه بس واضح عليكى

يا فتفوتة أن ما لكيش فى المشوار ده يبقى احتسبى عند الله وخلاص

[Virus]

ثقتك بنفسك تغنيك عن حجز نفسك داخل اسوار كلماتهم ونظراتهم وحدود تفكيرهم الضيق .

الأمر هو الثقه

أنظري لنفسك بعيونك وعيون من يحبك فقط

وعلمي بنتك أنها أجمل بنت في الكون

أوافقكم جدا جدا....الأمر كله يدور حول الثقة..

وثقة الإنسان بنفسه ومظهره لا تولد بين يوم وليلة..ويمكنه أن يتظاهر بها لكنه سيكون متألما من داخله..

الثقة تنمو مع الطفل الصغير ..يكتسبها من والديه وإلى حد ما من المدرسة أو المحيطين به..

ولهذا..رجاء لكل أب وأم

ازرعوا الثقة في نفوس أبنائكم

قولوا لهم أنهم الأجمل والأذكى والأمهر

عاملوهم على أنهم فعلا متميزين

ولو انقلبت الدنيا بعد ذلك لن يستطيع أحد زعزعة ثقتهم بنفسهم

أين أنت يا أم بلال