بنك معلومات الناجحين فى مقابلات كيبك 2008 و قدمو الفيدرال

[Nassarlink]

سلام عليكم

اولا احب اشكر بجد والله كل الى بيقدم خدماتة عن الهجرة لكندا فى الموقع الخرافة والجماعة الى عملوا الموقع دة حقيقى ربنا يوفقهم ويوفق كل الى بيحاول يساعدعلى اد

ما يقدر يا جماعة انا كنت مقدم فيدرال وجالى الفايل نمبر وعرفت انى لازم احصل على شهادة الايلوت وللاسف انا عايش فى الخليج فى المدينة حاليا وظروف شغلى

تخلينى حتى ما اقدرش اروح اخد كورسات فى المعهد البريطانى الى فروعة فى جدة والرياض والدمام بس المهم انا دلوقت قررت انى احول الى كيبيك علما بانى كنت واخد

ثانوية عامة لغة تانية هى الفرنساوى فانا دلوقتى متزوج وعمرى 32 عام لى بنتين عمرهم سنة وسنتين انا لى خبرة اكثر من خمس سنين ارجوكم قولولى بالترتيب اعمل

اية بمعنى

1- عاوز الابليكشن بتاع الكيبيك وشرح لكل بند فى الابليكش

2- اية الاوراق المطلوبة بالفعل بجانب الابليكشن علما بانى اعيش هنا فى الخليج يعنى لو فى اى ورق هيتم عن طريق السفارة المصرية

3- انا هبعت الابليكشن بتاعى وانا هنا فى الخليج يعنى اكيد فى عنوان للى عايشين فى الخليج عن العنوان الى عايشين فى مصر

4- اية المصاريف الى هدفعها وازاى اقدر ادفعها ( حوالة ولا شيك ولا اية بالظبط )

5 -اية رايكم اقدم باسمى وزوجتى مرافق معايا والاولاد ولا اقدم باسم زوجتى وانا مرافق معاها

6- اية الى اقدر اشترية من اسطوانات لتعلم اللغة الفرنسية باتقان تقدر تخلينى اقدار اعدى الانترفيو

7- هل التقدم باللغة الفرنسية بيحتاج مستوى ضخم ولا متوسط ولا اية بالظبط علما بانى اعمل محاسب من 5 سنين فى الخليج

ارجوكم انا هتبع كل الخطوات الى انتوا هتقولهالى وارجوكم لو كنت هطول عليكم بس ارجوكم عاوز شرح تفصيلى لكل خطوة

وجزاكم الله الف خير

اخوكم

وليد نور

يا استاذ وليد انا لي راي في الموقف بتاعك

اذاكنت محاسب فمهنتك من المهن المطلوبه في ليسته الفيدرال

ليه تقدم كيبيك اذا كنت كويس في الانجليزي

ما هو انت بردوا محتاج تأخذ كورسات للغه الفرنسيه من الاولوده مش متاح في السعوديه بشكل سهل

ابنا بقول انك تكمل طريقك الي قطعت في خطوات

ومافيش داعي لتغير المسار للسبب ده

إلا إذا كنت شايف انك مش هتعرف خالص تذاكر الانجليزي كويس

خلي بالك ان الفرنساوي محتاج شغل ومجهود

ده رأيي وياريت لو حد تاني ليه رأي أخر ياريت يفيد بيه اخونا

اما باقي الاسئله بتاعتك

موجود اجابات ليها في المنتدي ممكن تطلع عليها ولو في نقطه مش واضحه احنا تحت امرك

فكر كويس وخد رتحتك في التفكير علشان التردد مش كويس

نصار

[وليد نور]

استاذ نصار انا بشكرك على اهتمامك للرد بس حقيقى انا مرتاح مع الكيبيك وكنت عاوز كيبيك من الاول علشان كدة انا بعمل تصحيح اختيار وعارف ان الفرنساوى محتاج مجهود بس انا الحمدلله اخدت فكرة مش بطالة عنة ودرستة 3 سنين ومصمم على الكيبيك ويا ريت لو سمحت تجاوبنى على كل سؤال انا محتاجة سواء ولكل الاخوة الموجوديين اتمنى يساعدونى فى الرد تفصيلى عن كل جزء انا كتبتبتة للاستفسار

وجزاكم الله الف خير

[Phizer]

استاذ نصار انا بشكرك على اهتمامك للرد بس حقيقى انا مرتاح مع الكيبيك وكنت عاوز كيبيك من الاول علشان كدة انا بعمل تصحيح اختيار وعارف ان الفرنساوى محتاج مجهود بس انا الحمدلله اخدت فكرة مش بطالة عنة ودرستة 3 سنين ومصمم على الكيبيك ويا ريت لو سمحت تجاوبنى على كل سؤال انا محتاجة سواء ولكل الاخوة الموجوديين اتمنى يساعدونى فى الرد تفصيلى عن كل جزء انا كتبتبتة للاستفسار

وجزاكم الله الف خير

استاذ وليد لمعلوماتك انك تبقا مقدم فيدرال وتقلب كيبك ده شيئ بيكون سلبي في حقك وعارف واحد حصل معاه كده اتبهدل فالمقابله وفالاخر اترفض

كمان انت بس عشان حاسس الايلتس رخم ففاقد الامل عايز اقلك الفرنساوي والله اصعب يعني بتذاكر لامتحان مهما كان اسهل كتير من بدايه فلغه وبعدين انا مش فاهم يعني ايه مرتاح لكيبك يعني انت لو خلصت معادلتك هتشتغل بدون ادنى للشك لا محتاجا كيبك ولا غيرها انا زوج دكتوره زميلتي برضه كان محاسب بسم الله مشاء الله خلص معادلته وربنا كرمه هناك في تورنتو وبعدين لو عاشق كيبك يعني ابقا روح تورونتو ومنها على كيبك

الفيدرل صدقني خطواته اسهل واسرع بكتير

لا هتستنى المقابله ولما تيجي تترعب من الفرنساوي ولما تنجح تحضر ورقك وتقدم فيدرال يعني الموضوع حسبه سنتين طب وليه انت لو قعدت وشديت حيلك فالايلتس والله تنجحه وانا تحت امرك

سلام عليكم

تم تعديل 5 يونيو 2009 بواسطة Phizer

[Nassarlink]

استاذ نصار انا بشكرك على اهتمامك للرد بس حقيقى انا مرتاح مع الكيبيك وكنت عاوز كيبيك من الاول علشان كدة انا بعمل تصحيح اختيار وعارف ان الفرنساوى محتاج مجهود بس انا الحمدلله اخدت فكرة مش بطالة عنة ودرستة 3 سنين ومصمم على الكيبيك ويا ريت لو سمحت تجاوبنى على كل سؤال انا محتاجة سواء ولكل الاخوة الموجوديين اتمنى يساعدونى فى الرد تفصيلى عن كل جزء انا كتبتبتة للاستفسار

وجزاكم الله الف خير

اديكم شايفين يا جماعه انا عمال اقنع فيه بلاش كيبيك

وهو عمال يقول انا مغرم كيبيك

آآآآآآآآآآآآنور بلاش كيبيك -وش فؤاد الهندس في عائله محترمه جدا

علشان محدش يقول اني بخطف الزباين من الفيدرال

اهو الراجل جاي برجليه بعد ما قدم واخد رقم للملف

طب هتقول ايه يا وليد نور في المقابله ايه الي خلاك تقدم كيبيك تاني وغيرت رايك

لازم يكون عندك رد مقنع

ممكن تجاوبني الاول

[السيد منير]

سلام عليكم

اولا احب اشكر بجد والله كل الى بيقدم خدماتة عن الهجرة لكندا فى الموقع الخرافة والجماعة الى عملوا الموقع دة حقيقى ربنا يوفقهم ويوفق كل الى بيحاول يساعدعلى اد

ما يقدر يا جماعة انا كنت مقدم فيدرال وجالى الفايل نمبر وعرفت انى لازم احصل على شهادة الايلوت وللاسف انا عايش فى الخليج فى المدينة حاليا وظروف شغلى

تخلينى حتى ما اقدرش اروح اخد كورسات فى المعهد البريطانى الى فروعة فى جدة والرياض والدمام بس المهم انا دلوقت قررت انى احول الى كيبيك علما بانى كنت واخد

ثانوية عامة لغة تانية هى الفرنساوى فانا دلوقتى متزوج وعمرى 32 عام لى بنتين عمرهم سنة وسنتين انا لى خبرة اكثر من خمس سنين ارجوكم قولولى بالترتيب اعمل

اية بمعنى

1- عاوز الابليكشن بتاع الكيبيك وشرح لكل بند فى الابليكش

2- اية الاوراق المطلوبة بالفعل بجانب الابليكشن علما بانى اعيش هنا فى الخليج يعنى لو فى اى ورق هيتم عن طريق السفارة المصرية

3- انا هبعت الابليكشن بتاعى وانا هنا فى الخليج يعنى اكيد فى عنوان للى عايشين فى الخليج عن العنوان الى عايشين فى مصر

4- اية المصاريف الى هدفعها وازاى اقدر ادفعها ( حوالة ولا شيك ولا اية بالظبط )

5 -اية رايكم اقدم باسمى وزوجتى مرافق معايا والاولاد ولا اقدم باسم زوجتى وانا مرافق معاها

6- اية الى اقدر اشترية من اسطوانات لتعلم اللغة الفرنسية باتقان تقدر تخلينى اقدار اعدى الانترفيو

7- هل التقدم باللغة الفرنسية بيحتاج مستوى ضخم ولا متوسط ولا اية بالظبط علما بانى اعمل محاسب من 5 سنين فى الخليج

ارجوكم انا هتبع كل الخطوات الى انتوا هتقولهالى وارجوكم لو كنت هطول عليكم بس ارجوكم عاوز شرح تفصيلى لكل خطوة

وجزاكم الله الف خير

اخوكم

وليد نور

1- http://www.immigration-quebec.gouv.qc.ca/e...-documents.html

الصفحة دى فيها الابليكشن والاوراق المطلوبة

خد بالك مش كل اللينكات دى هتطبعها

انت هتطبع

اول لينك الابليكشن واحدة ليك وواحدة للمدام

رابع لينك عقد الفلوس اللى بتمضى عليه

بعد ما تطبع الورق دة هتملاة وهو طبعا بالانجليزى عشان هيبقى سهل عليك

بعد ما تخلص ملء الورق تروح طابع النسخة الفرنسية من الورق وتملاها بعد ما فهمتها كويس من النسخة الانجليزى عشان دة اللى هتبعته

من نفس الصفحة بس باللغة الفرنسية والرابط اهة عشان متحتارش

http://www.immigration-quebec.gouv.qc.ca/f...-documents.html

دة بالنسبة للابليكشن والفورمات اللى بتبعتها

2- الاوراق المطلوبة

شهادة ميلاد لكل فرد من الاسره

جواز سفر (الصورة طبعا)لكل فرد من الاسرة (الاولاد ممكن يضافوا على الام لو ملهمش جواز فردى)

شهادة ثانوية عامة وشهادة جامعة وبيان درجات من الجامعة ليك وللمدام

شهادة خبرة لاخر 5 سنين ليك وللمدام لو بتشتغل ولو فيه وثائق تثبت الخبرة زى التامينات كدة فى مصر والبطاقة الضريبية والسجل التجارى او عقد عمل كدة يعنى

عقد الجواز

شهادة الجيش لو خدمت الجيش

6صور لكل فرد من العائلة

سيرة ذاتية ليك وللمدام

شهادات لغة لو فية

خلى بالك المستندات دى تترجمها بالفرنساوى

لو فيها مستندات هتطلع انجليزى مترجمش النسخ اللى بالانجليزى ومش لازم التوثيق اهم حاجة ترجمة من مكتب معتمد

3- العنوان اللى هتبعت عليه فى سوريا وهو دة

Bureau d'immigration du Québec à Damas

a/s de l'Ambassade du Canada

38, Autostrade Mezzeh,

C.P. 3394

Damas SYRIE

4- المصاريف 390 دولار كندى ليك و150 دولار كندى لكل فرد اخر من افراد الاسرة

(كل واحد150 وانت390)

وتعمل شيك بالمبلغ فى فرع لبنك كندى (زى نوفا سكوتشيا) باسم وزير مالية كيبك Ministre des finances du Quebec

اما تدفع هيدوك كعب للشيك تبعته مع الورق لمكتب سوريا وطبعا تبعت بريد محترم عشان الورق والشيك يوصلوا بسرعة وما يتهووش فى السكة

5- اللى هيقدر يذاكر فرنساوى احسن يقدم باسمة بس خد بالك لازم تكون هى تحت35سنة ويكون لها4سنين خبرة

لو الشرط دة موجود يبقى خيروا بعض لو مش موجود يبقى انت طبعا تقدم باسمك عشان الخبرة

6- اقرا فى باب ابشروا مقابلات كيبك الناس كاتبة مصادر كتير

7- المستوى السادس هو الحد الادنى للنجاح وطبعا لازم تكون متحدث مقبول للغة

دى الخطوط العريضة كل حاجة هتلاقيها فى المنتدى بس انت اقراه كويس

تحياتى

[وليد نور]

يا استاذ ناصر هو فى مشكلة انى عاوز كيبيك انا اخترت كيبيك لانى سمعت انها الاقرب والاسهل الى حد ما هو انت مقدم اية كيبيك ولا فيدرال انت محسسنى انا

اخترت المستحيل وان انا ضليت طريقى يا ريت حد ينورنى على الطريق الى انا ماشى فية لحسن الاخ ناصر حسسنى انى بخبط فى الضلمة

شكرا

وليد نور

[Nassarlink]

يا استاذ نصار هو فى مشكلة انى عاوز كيبيك انا اخترت كيبيك لانى سمعت انها الاقرب والاسهل الى حد ما هو انت مقدم اية كيبيك ولا فيدرال انت محسسنى انا

اخترت المستحيل وان انا ضليت طريقى يا ريت حد ينورنى على الطريق الى انا ماشى فية لحسن الاخ نصار حسسنى انى بخبط فى الضلمة

شكرا

وليد نور

ابدا يا اخ وليد

ده انا نفسي نكون مجتمع كبير في كيبيك

وانا نفسي قدمت كيبيك

لكن انا اقصد انك كنت ماشي في خطوات شايف انها ماشيه تمام

وبعدين فجأه تتغير رغم فتح الملف

الشاعر بيقول

اذا كنت ذا رأي فكن ذا عزيمه***فإن فساد الرأي ان تتردد

انا مش عاوزك تتردد

ولما تاخد قرارك بالتقديم لكيبيك هتلاقيني اول واحد بيساعدك وبيدفعك للامام

المهم يكون كلام نهائي- زي من سيربح المليون

وان كان كلامي ده خلاك وقفت تفكر شويه

يبقي حقق المطلوب منه

انك تتوقف قليلا للتفكر علشان يبقي كلامك نهائي

لان بالطريقه دي ممكن الاقيك مقدم استراليا كمان شهرين لان الفرنساوي طلع ثقيل شويه

المهم

فكر براحتك ولما تاخد قرارك انطلق بدون تردد

نصار

[mohamedyhyia]

ياجماعه الله يكرمكم انا كان عندي مقابله ف 13 خمسه الي فات وللاسف المدام رفضتني على الرغم من اني جايب شهاده اني مخلص للمستوى التاسع وفعلا انا بتكلم وبسمع ككويس جدا وده مش كلامي المصيبه اني دلوقتي بعت بطلب اعاده المقابله ايه تاني مفروض اعمله انا مفيش اي حاجا جائت لي

الست صعبه جدا

تم تعديل 6 يونيو 2009 بواسطة mohamedyhyia

[jessika]

الفايل نمبر وصل الحمد للة النهارة

وبالمناسبة النهاردة عيد ميلاد بينتى النهاردة ووشها طبعا حلو

يلا عقبال الجميع

[حسام يوسف]

الفايل نمبر وصل الحمد للة النهارة

وبالمناسبة النهاردة عيد ميلاد بينتى النهاردة ووشها طبعا حلو

يلا عقبال الجميع

الف مبرووووووووووك

وكل سنة وهية طيبة

وان شاء الله عيد الميلاد الجاى فى كندا

[Nassarlink]

الفايل نمبر وصل الحمد للة النهارة

وبالمناسبة النهاردة عيد ميلاد بينتى النهاردة ووشها طبعا حلو

يلا عقبال الجميع

مبروك عليكي الفايل نامبر

وانشاء الله الميديكال قريب

[Nassarlink]

ياجماعه الله يكرمكم انا كان عندي مقابله ف 13 خمسه الي فات وللاسف المدام رفضتني على الرغم من اني جايب شهاده اني مخلص للمستوى التاسع وفعلا انا بتكلم وبسمع ككويس جدا وده مش كلامي المصيبه اني دلوقتي بعت بطلب اعاده المقابله ايه تاني مفروض اعمله انا مفيش اي حاجا جائت لي

الست صعبه جدا

ربنا معاك يا اخي

الموقف ده في غايه الصعوبه

بس هي شكّت في اي ورقه من اوراقك

او حست منك عدم الصدق في كلامك عن معلومه معينه

المهم

دلوقتي انت مقدم مع مكتب ولا مع نفسك

[ايناس احمد]

الف الف مبروك يامنى على الميديكال والله فرحت لك جدا لما قريت الخبر الجميل دا دلوقتى معلشى الكمبيوتر كان بايظ ومدخلتش المنتدى من زمان بالتوفيق ان شاء الله

الف مبروك ليكى انتى كمان ياجيسكا على الفايل نمبر وعقبال الميدكال

[jessika]

من فضلكم لو ممكن الموقع اللى اقدر اتابع منة حالة الملف وميرسى مقدما

[hamoudi]

من فضلكم لو ممكن الموقع اللى اقدر اتابع منة حالة الملف وميرسى مقدما

www.cairo.gc.ca

www.cic.gc.ca

[السيد منير]

الفايل نمبر وصل الحمد للة النهارة

وبالمناسبة النهاردة عيد ميلاد بينتى النهاردة ووشها طبعا حلو

يلا عقبال الجميع

الف مبروك يا مدام جيسكا وعقبال الميديكال لنا كلنا هو دة الفرحة الحقيقية وبعدها نتنفس الصعداء

ربنا يوفقنا جميعا يارب

[السيد منير]

ياجماعه الله يكرمكم انا كان عندي مقابله ف 13 خمسه الي فات وللاسف المدام رفضتني على الرغم من اني جايب شهاده اني مخلص للمستوى التاسع وفعلا انا بتكلم وبسمع ككويس جدا وده مش كلامي المصيبه اني دلوقتي بعت بطلب اعاده المقابله ايه تاني مفروض اعمله انا مفيش اي حاجا جائت لي

الست صعبه جدا

لو هى قالتلك انت مرفوض او دوسيهك اغلق يبقى هيجيلك جواب رفض 3 او4 ورقات ولو دة حصل يبقى:

اولا ربنا يعوض عليك المجهود والتعب والمصاريف بس دى ارادة ربنا قبل اى شئ ولازم نسلم بها ومش فى كل مرة اذا توفرت الاسباب تؤدى الى تحقيق النتائج واكيد قدر ربنا رحيم بنا مهما نظرنا نحن اليه انه قاسى فربنا يعوض عليك ويبدلك خير يارب

ثانيا قانونا مفيش حاجة اسمها تعيد المقابلة انت حقك فى مراجعة القرار الذى تم اتخاذه بشان المقابلة بس دة من خلال طلب مراجعة القرار ويكون فى خلال 90 يوم من تاريخ خطاب الرفض ودة مكتوب فى خطاب الرفض اللى جالك

انت تكتب طلب توضح فيه ملاحظاتك على المقابلة وايه اللى انت شايف انه لم يتم تقديره ايجابيا بالنسبة لك ولملفك وطبعا ياريت الكلام دة يكون مدعم بمستندات رسمية عشان يلاقى صدى ويكون له نتيجة ايجابية وبعدين يا ريت تعرف اية سبب الرفض واكيد دة مكتوب فى ملاحظات المستشارة وخاصة فى الورقة الاخيرة اللى فيها درجاتك

ثالثا ودى الخلاصة (من غير ماتزعل منى ) المستشار من حقه وله السلطة المطلقة فى رفض او قبول طالب الهجرة والقانون يعطيه هذا الحق / تقييم اللغة لا يعتمد على مستويات الثقافى الفرنسى (المستويات ليست مجبرة للمستشار ان يعطيك درجات اللغة اوتوماتيكيا/ شهادات الدلف هى التى لها هذه الميزة/ وقد يكون الرفض لشك فى تزوير او اعطاء معلومات خاطئه ودى مشكلة فى حد ذاتها لانها بتمنع اللى عمل كدة انه يقدم طلب هجرة لمدة5 سنين الى اقليم كيبك

ارجو الا تنزعج من كلامى الذى قد يبدو قاسيا بعض الشئ ولكنه الواقع وانتظر حتى ياتى لك جواب رسمى بحالة ملفك ويارب يكون خير

واكيد اللى فيه الخير يقدمه ربنا ان شاء الله واحنا تحت امرك فى اى شئ نقدر نساعد بيه

[Nassarlink]

من فضلكم لو ممكن الموقع اللى اقدر اتابع منة حالة الملف وميرسى مقدما

www.cairo.gc.ca

www.cic.gc.ca

ايه يا عم حمودي

انت عاوز جسيسكا تسالك 10 اسئله تاني

الرابط يا جيسيكا علي طول

https://services3.cic.gc.ca/ecas/?app=ecas〈=fr

سيري يا نورماندي 2

[وليد نور]

انا فكرت كتيررررر اوى يا اخ ناصر وفعلا استخرت ربنا فى الاختيار وقررت اقدم كيبيك ان شاء الله علشان كدة عاوزك تساعدنى ان امكن

اولا انا عايش بالخليج من 5 سنين واعمل محاسب وعمرى 32

ثانيا عندى بنتين عمرهم من سنة الى سنتين

ثالثا الزوجة حاصلة على بكارليوس معهد عالى للدراسات التعاونية (معهد تعاون ) 4 سنين

رابعا ادينى خطوة خطوة اقدر افدم بيها شرح تفصيلى علما انى ساقدم للمقيمين فى الخليج

خامسا الله يكرمك ادينى ابكليكشن الفرنساوى وعاوزين نشرحة خطوة خطوة

سادسا اية كل الاوراق المطلوبة ليا ولاسرتى

اتمنى لك التوفيق ونتقابل ان شاء الله فى كندا (حلم العمر )

وليد نور

[Nassarlink]

انا فكرت كتيررررر اوى يا اخ ناصر وفعلا استخرت ربنا فى الاختيار وقررت اقدم كيبيك ان شاء الله علشان كدة عاوزك تساعدنى ان امكن

اولا انا عايش بالخليج من 5 سنين واعمل محاسب وعمرى 32

ثانيا عندى بنتين عمرهم من سنة الى سنتين

ثالثا الزوجة حاصلة على بكارليوس معهد عالى للدراسات التعاونية (معهد تعاون ) 4 سنين

رابعا ادينى خطوة خطوة اقدر افدم بيها شرح تفصيلى علما انى ساقدم للمقيمين فى الخليج

خامسا الله يكرمك ادينى ابكليكشن الفرنساوى وعاوزين نشرحة خطوة خطوة

سادسا اية كل الاوراق المطلوبة ليا ولاسرتى

اتمنى لك التوفيق ونتقابل ان شاء الله فى كندا (حلم العمر )

وليد نور

توكلنا علي الله

مبروك عليك كيبيك انشاء الله مقدما

واللينك الي انت عاوزه علشان تتابع الملف الفيدرال بتاعك هو ده

https://services3.cic.gc.ca/ecas/?app=ecas〈=fr

معلش بالفرنساوي علشان تتعود علي اللغه

نصّار

تم تعديل 6 يونيو 2009 بواسطة Nassarlink