رحيل!!!!

[nora]

نعم سأرحل لا أعلم لماذا هل لانني اكتشفت ان ليس لي مكان بينكم لا أعلم ولكن سأرحل لاني شعرت بعد طول هذة الفترة من معرفتي بكم انني على الهامش ليس فقط بينكم بالفي حياتي كلها وياليتني استطيع ان أرحل من كل الكون ولكن ليس كل ما يتمناه المرأ يدركة

نعم سأرحل لانني شعرت بأن وجودي مثل عدمة فأنا الاشيء حتى كلماتي لا شيء ليت صوتي يصل للقلوب الصماء ...........

سلام لكل من رسم يوما بسمة على وجهي سلام لمن وقف بقربي يوما ..

سلام لمن ادلى لي النصيحة يوما

اقولها لكم سلام لن اعود ثانيا ويا ليتني استطيع ان اقف هذه الوقفه في حياتي ولكن سأتي يوم وسأقفها ويومها ربما اعود ......

[حشيش]

اقولها لكم سلام لن اعود ثانيا ويا ليتني استطيع ان اقف هذه الوقفه في حياتي ولكن سأتي يوم وسأقفها ويومها ربما اعود ......

يافتاح ياعليم يارزاق ياكريم...حصل إيه يانورا؟؟؟...يخرب بيت اللى يزعلك...وبعدين وقفة إيه اللى حتقفيها دى؟؟؟...هو العيد جه؟؟؟...هدى أعصابك بس وقولى لى إيه اللى مزعلك ومين اللى مزعلك؟؟؟...الحقيقة ما خبيش عليكى يانورا أنا من زمان وأنا حاسس إنك بتعانى من مرض نفسى خطير يعرف عندنا نحن المتخصصون (بالشخوريا المتوطنة) وتبدأ أعراضه بزغللة فى العينين مصحوبة بصداع وإرتشاح بالأنف وبكاء شديد...والأن سأذهب لقراءة بعض المراجع عن هذا المرض الخبيث وأعود إليكى بالحل...إنتظرينى بعد الفاصل

حشيش

أديب ومفكر

[Mohd Hafez]

حتروحي فين يا نورة ..صلي على النبي ومتزعليش نفسك ..أفصلي حياتك الشخصية عن المنتدى .. وعندئذ ستجدين لا ضرورة للرحيل .. إسمعي كلام الشيخة شونشن .. رسليها على الماسنجر فلديها الحل لكل مشكلة بإذن الله ..

[linux]

ليه بس يا نورة؟

أنتى من الناس اللى بحب أقرا لهم بجد.

ممكن تشرحى المشكلة بهدوء؟

يمكن نقدر نساعد أن شاء الله

__________________________________________

لينكس شايل الهم بدرى لينكس و ولده سفروت

الحاصل على جائزة الدولة التقديرية للفنون الأنطوائية

[White heart]

nora كتبت:

نعم سأرحل لانني شعرت بأن وجودي مثل عدمة فأنا الاشيء حتى كلماتي لا شيء ليت صوتي يصل للقلوب الصماء ...........

لية كدة يا "نورا"؟!

بقى أحنا عمالين نقول فين الشعب؟

يا رجوع .... و انت تقولى يا رحيل

بصراحه يا "نورا" انا من رأيي انه مافيش فى المنتدى من لهم "قلوب صماء"، و احقاقا للحق لن أنسى كم كان الكثيرين قلقين عليك و على الكثيرين فى أثناء حرب العراق الأخيرة، و كان الجميع تقريبا متلهفا على سماع أخبارك و كل من هم فى مثل ظروفك.....

لعن الله "اليأس" فهو من وجهه نظرى المسئول الأول للكثيرين ممن يصابوا بالأحباط و التشاؤم.... بجانب مصاعب و مشاكل الحياة الأخرى، و أتمنى ان يتغلب و ينتصر الجميع عليه .....

Don't give up....

[بنت شعنونة]

نورا؟؟؟؟؟؟؟؟؟؟؟؟؟؟

مالك بس؟؟؟؟؟؟؟؟؟؟؟

تصدقي وتامني بالله

انا بفرررررررررررررررح جدا جدا لما بشووووووووف موضوع ليكي او لأي بنووووووووووتة ( اصل انا متحيزة لينا الصراحا يعني)

وبعدين انتي بنوتة عملية وجدعة ودمك سسسسسسسسسسسسكككككككككككر جدااااااا يا بنتي

و والله انا واخداكي قدوة في التحمل والصبر

وكنت اقول عاوزة اعمل زيك واربي قطط زيك كمان

اه والله العظيم

بقولك ايه

كلنا بنحبك

زكلنا انتي وحشااااااااااانة اووووووووووي

اعقليييييييييييييي بدل ما اعملك فيها دكتوووووووورة بجد واهريييييييييكي

مستنية ردك اواااااااااااام

[إبن مصر]

امسك عضو عايز يزوغ من الاشتراك....

نوووووووووورررررررررررررررررررررررررررررررا

( صوت جهورى زى صوت الحوافريت )

انت فاكره ان الانسحاب كده بالساهل ؟؟؟؟؟؟؟؟؟

لاااااااااااااااااااااااا

لااااااااااااااااااااااااااااااا

لاااااااااااااااااااااااااااااااااااا

( صوت جهورى تانى بس زى صوى الاشكيف )

ليس ال... ال... وكده يعنى..

ابسللولوتلى..

وعلى رأى...رأى.....رأى..

كل الناس.. هنا ما ينفعش هروب.. مواجهه المشاكل امضى سلاح لحلها ..

ثم

ثم

ثم

....بعد414 مداخله جايه تقولى الهامش؟؟؟

دا انت يا ماما خدت الصفحه لوحدك..

اسمعى كلام عمو وايت عنده حق ..

وكل حبايبك واخوانك عندهم حق..

وانا هابحث مع حشيش على المراجع ....

ابن مصر

دكتوراه فى الهندسه الاداريه وزميل الامراض المستعصيه فى حميات امبابه

[Farah]

خير يانوره؛؛؛ازمه وتعدي زي ماعدت غيرها قبل كده ان شاء الله؛؛؛

طب انتي من الناس اللي انا بحبهم بجد في المنتدي ؛؛؛

دي عين وصابت كل شويه عضو ياخد في وشه ويقول عدولي؛؛؛انما يرحل عن المنتدي لا لا لا

ومين كمان دي نوره حبيبت الكل

ارجعي يا نوره؛؛؛ارتاحي شويه بس ارجعي

وبعدين ليه بتقولي ملكيش مكان مكانك محفوظ

وهامش ايه اللي بتقولي عليه

في انتظار مداخلاتك وتعليقاتك التلقائيه الجميله

[فــيــروز]

ليه يا نورا بس؟ عشان خاطرى خليكى ماتمشيش

[se_ Elsyed]

سلام لكل من رسم يوما بسمة على وجهي سلام لمن وقف بقربي يوما ..

سلام لمن ادلى لي النصيحة يوما  

......

الله يسلمك ... أنا عارف أنك تقصديني ( ضحكة خبيثة )

المفروض أننا أصبحنا مثل أي عائلة تريد أن تصبح متماسكة وبالتالي فالجميع يتعاون للوقوف ضد أي ظروف لكي تستمر الحياه ... وأرى أنه من العيب أن عند كل مشكلة نجد فرد من العائلة يريد أن يقفز من السفينة .

عودي يا هاميس وبلاش التقل ده .... أرجعي ومش هانضربك فى باب أنواع النساء .

أفتح القفص يا لانسلوت .. ممكن ندي نورا أجازة 24 ساعة بس .

[Farida]

عزيزتى نورا

ساعات الواحد بيكتب موضوع بيبقى بالنسبه له كبير جدا و ينتظر ان الى حواليه يكونوا مهتمين مثله بالضبط و لما ما يلاقيش رد الفعل المطلوب يكتئب و يفكر فى الإنسحاب و ده مش عيب فى اللى حواليه ... انا شخصيا الموضوع ده حصل لى كتير بس أول ما ابتديت فى المنتديات بس بعد كده بنكتشف اننا بنكتب علشان نطلع اللى جوانا و الله حد حب يشارك اهلا و سهلا ما حدش حب يشارك يبقى انا فضفضت و خلاص .... ياريت تعرفى اننا كلنا من كتر الهموم اللى احنا فيها و كبرها الواحد ما بقاش يقدر يتحملها لوحده حتى لو اتكلم من غير ما حد يرد عليه لكن ثقى اننا بنقرا كل اللى بيتكتب لكن مش كل مره بنقدر نرد عليه ..... هدى نفسك كده و ارجعى و اكتبى لنفسك و للتاريخ

[بنت شعنونة]

نوووووراااا

بصي

كلنا بيجلنا وقت نختفي ونرجع تاني

او ننسى ناس لفترة صغنونة وبعدين يوحشونا وندور علييييييييهم كللللهم تاني

هيا دي سنة الحياة

يعني انا مثلا اخر مرة كتبت فيها في المنتدى كان من يجي كذاااااااااا اسبوع وكانوا الناس هنا مخاصمني ومش طايقني واتبستتتتتتتتتتتفففتتتتتتتتت من ناااااااااااااي كتييييييييير "ااااااااخ لو اطووووولهم بسسسسسسس"

بس برضه انا غتييييييييته واول ما لقيت وقت فسحة نزلت وغلست وكتبت "اصل انا في سااااااااايبر مقرف"

صحيح ماحدش عبرررررررررننننننننني في الأول

لكننننننننن ولوووووووووو نحن لها

كلام سي السيد صح

احنا فعلا عيلة

نروح ونيجي ونشد ونرخي

حد مزعلها طيب؟؟

طب انا زعلتك؟؟؟؟؟؟؟

اللي زعلها يعترررررررررررف يا شعععععععععععب "وش بلطجييييييي"

[Mohammad Abouzied]

ماشي يانورا عاوزه تسبينا مش مشكلة بس فيه حساب لازم نصفيه اولا

ارسلي عنوانك علشان نبعت ليكي الفاتورة وممنوع البقشيش

[Mohammad Abouzied]

على فكرة اغلب الزملاء الشباب الي بيقروءه ليكي وبيردو عليكي في اجازات يعنى المسئلة مقصورة علينا احنا العواجيز

وحتى احنا كمان مشغولين شوية لان اولادنا شدونا معاهم في لعبهم على البحر

وانتي عارفه هو الاسكندرية ميجيش على هوا الانترنت

[ســيد مرزوق]

يا جماعة .... يا جماعة الأخت نورا العزيزة .... وزميلتي في اللوكيشن بتاع الغربة ..... ببساطة .... كانت عايزة تعرف غلاوتها عندنا ومعزتها ( مش معزتها!!!!!) عشان كده عملت المناورة اللطيفة دي .

بس هي عارفة كويس جدا إننا كلنا كده مانستغناش عن المنتدى وأسرتنا الكبيرة هنا بالرغم من أي إختلافات أحيانا في وجهات النظر كنتيجة طبيعية لكوننا بشر طبيعيين ...

نورا .... بلاش أنزل دلوقتي وأاجر وانيت بميكروفون وألف السالمية وحولي وأنادي لغاية ماعرف مكانك بالتحديد ..... يإما أروح لأعمامك في الجهراء ..

ولما أعثر عليكي هادبسك في عزومة جامدة لكل أخواتك في المنتدي في أكبر مطعم عالإنترنت ... إعقلي وبلاش تهور يانورا .... إحنا زملاء السلاح .....

وإن كان عالإحباط ..... إقري كلمة الأخت العزيزة فريدة .. عجبتني جدا ومعبرة وقوية .

وعادي كلنا بنشعر بكده على فترات دورية وهذا طبيعي جدا للناس كلها ولو فيه حاجة تانية مزعلاكي غيرنا قولي وإحنا نحاول نشوف حل ..

نورا .... لو مارديتيش حالا .... هانزل حضر الوانيت .

[nora]

ان امش عرفة اقول اية بجد الي قلتوة كتير اوي عليا انا مقدرتش اديكم حاجة اصلا كل مداخلاتي كانت اغلبها تهريج ...... اعذروني وانا عرفة انا بعمل كده لية ....

أنا مش زعلانة من حد انا بسيطه جدا جدا وعمري مطلبت من حد اي حاجة حتى مجرد ان حد يشعرني بالإهتمام انا من الناس الي دايما بتدي ومبتنتظرش انها تاخد بس حسيت اني تعبت معدش عندي حاجة ممكن اديها لا اهتمام ولا حتى ضحكة حلوة ممكن تترسم على الوش

النهرده حصل معايا الموقف ده في الشغل كان غريب شوية انا اعده بتغدى مع اتنين زميلاتي في الكفتريا وان امن عادتي من ساعة مابدخل وأنا بعد اضحك واهزر وانكش في ده والكل يضحك معايا و يغلس عليا و شوية سرحت فلقيت زملتي دي بتقولي مالك فقلت لها ابدا مدايقة شوية فضحكت وراحت قالت لية ايده انتي تدديقى انا بيتهيألي انك مفيش حاجة شيله همها وعلطول بتضحكي سعتها عنيا دمعت وكنت هعيط بس سكت وبدأت أضحك وقلت لها أنا بعمل كده علشان أهرب بجد أنا حسة اني بهرب من كل حاجة من الدنيا كلها حسة اني بجري بجري ونفسي يجي اليوم الي اتعب فيه واقع وسعتها محسش بالدنيا عيزه ارتاح من اني افكر في كل شيء تعرفوا انا بشتغل 16 ساعة في اليوم مش تهريج ومش بعمل ده علشان خاطر الفلوس لا والله انا بخلص شغلي العادي وبعد كده بكون في شركة والدي الي بيعرفني بيقولي انت جبارة احنا منقدرش نعمل الي بتعملية انا مش زعلانة من كده بالعكس انا الشغل بيلهيني وبيهدني علشان بحب اني اروح مهدوده انام محسش بالدنيا وكل يوم على نفس المنوال حسة اني في الديرة المغلقة دي فحبيت أعلن اعتراض مش عليكم والله انتم قريبين مني اوي بس انا فعلا بدأت اغير من نفسي يمكن هروب أكبر بس اهو قلت اجرب اهرب أكتر يمكن ارتاح من نفسي ومن تفكيري جايز اكون فعلا مريضة زي ما حشيش بيقول بس صدقني يا حشيش انا حسة اني بمر بأكتآب فعلا انا النهرده كنت فعلا مش طبيعية ضحكت الناس ضحك وبقيت أضحك بس كنت بحس اني بتخنق مش راضيا عن نفسي مش عرفة هل بيضحكوا مني ولا بيضحكوا عليا انا بخرف حسة بكده بس انا بجد تعبانة

متزعلوش مني بجد انا هنا بقرأ ليكم كل الي بتكتبوه وعرفة الكلام الي بتقوله فريده والي أكده سيد مرزوق انا عمري ما كتبت وانتظرت رد بس انا حسيت اني زي الجوكر بتاع الكتشينه كمالت عدد ملهوش لزمه ووقت الجد بنحطه على جنب !!!

شكرا يا حشيش انت من الاشخاص الي كنت بدخل ادور على مداخلاته وحزنت لما انقطعت عنه لانك زي القلم الجميل بتاع الفنان الي بيخطط بيه اخر رتوش على اللوحة علشان تعجب الناس ( حتى وانا بقولك همشي تتريق يبني ارحمنى شوية خليني اسبك الموضوع )

ايجبتت 5 انا قلت ليكم اني هامش في كل شيء عيزة اكون انسانه جديده يمكن تعجب الناس ويمكن اكره فيها انا نفسي

لنكس

انا عمله زي المطرب الي بيغني اغتني هفأ ممكن تسمعله في الافراح او في الأجزات لكن عمرك متجبله شريط فهغير لوني ...

وايت

بيعجبني فيك قوة شخصيتك وثقتك في نفسك على الرغم من كثرة المعترضين عليك وعلى اسلوبك نفسي اكون كده بس انت قلتها اليأس وانا كنت قلت ابل كده في كلمات اليأس أنا بالأنا دنيا الفناء )

[Farah]

تعرفي يا نوره اول ماشفت اسمك فرحت جدا

TAKE IT EASY

وحده وحده وانشاء الله حتبقي كويسه

حاولي تغيري من الروتين اليومي والتنشنه اليوميه

[nora]

دكتورة شانا

انت من البنات الي اعجب بهم جدا جدا وكم اتمنى ان اكون مثلهم انا بحس بكلامك كتير اوي وبحب أرآك جدا جدا حتى كلماتك واشعارك بتعجبني وبحس انها من القلب بس بتقدري تعبري عن نفسك وتقولي لاه انا بعجز عن كده على الرغم اني مش ضعيفة خالص بالعكس انا كل الناس بتقول عليا شخصيتي قوية اوي بس معرفش انا مش رضيا

ابن مصر

بعد 26 سنة الي هتمها الاسبوع الجي حسيت اني ولا حاجة مش يس بعد 414 مداخلة وابحث بجد في المراجع يمكن تعرف سبب للحالة الي عندي يمكن علا مرض وانا مش عرفة

FARAHELYOM

هبعد وعرفة اني راجعه وقريب اوي النهرده عملة نفس الشيء وقلت للمدير بتاعي انا هاخد اجازة 3 شهور فقالي ماشي بس سعتها هنجيب مكانك حد تاني فقلت له بس مش هتعرفوا تعوضوني فكله ضحك وقالوا صراحة اه حتى المدير قالها اه مش عرفة سعات الواحد ميعرفش قيمة الي في ايده الا لما بفقدها وده الي انا نويه اعملة هبعد وهتغير علشان يعرفوا انا اية ..........( مبقصدش انتم خالص انا عملت كده لانكم جزء من حياتي وانا نويت اتغير في كل شيء حتى معاكم)

فيروز

نفس الي قلته!!!

سي السيد

انت راجل كبرة وعظيم بجد انا بكون طيره من الفرح لما بشوفك وانت بترد عليا ان كلماتي قدرت تهزك وتثير انتباهك و تبعث داخلك الرغبة في انك ترد عليا وبحس بمنها الفخر لدرجة بيبقى هاين عليا اقول للدنيا كلها س س رد عليا انت بجد كنت من الناس الي مقصودين بالسلام وكويس انك عرفت كده ( الي على راسة بطحة)

فعلا انا عيزة اجازة من نفسي ........

فريده

رديت عليكي ...

محمد ابو زيد

فعلا الحساب تقيل بس الحساب يجمع

سيد مرزوق

انت مش هتحرم ولا نسيت الي حصلك المرة الي فاتت لما رحت دورت عليا يبني انا في دسمان ده شغلي وبيتي في السالمية بس دور انت بأه بمكرفون ومزيكت حصبلا علشان ارد ثما ايه ونيت دي هو انا مقامي كده برضوا ثما اسكت مقلتلكمش على الموضوع ده عملت حادث الاسبوع الي فات لما افوق من الي انا فيه هبقى اقولكم مغامرات نورة في الاسم ...............

انا عرفة انا جبانة وهرجع :oops: :oops:

انت غلين اوي اوي عندي

[حشيش]

جايز اكون فعلا مريضة زي ما حشيش بيقول بس صدقني يا حشيش انا حسة اني بمر بأكتآب فعلا انا النهرده كنت فعلا مش طبيعية ضحكت الناس ضحك وبقيت أضحك بس كنت بحس اني بتخنق

للأسف يانورا ده يؤكد إصابتك بالشخوريا المتوطنة وقد بحثت فى مراجع كثيرة عن أفضل علاج لها وقد إحتاج ذلك إلى وقتٍ طويل لأن الأبحاث المنشورة عنها قليلة جداً...هناك نوعان من العلاج:

العلاج الأول: صدمات كهربائية على المخ والأنف (2000 كيلووات/ثانية)...ستشعرى بحرارة شديدة فى البداية ولكن بعد ثوانى سيختفى كل شئ...ستحتاجى إلى جلسة واحدة فقط !!!

العلاج الثانى: تعملى زار ويفضل أن ترتدى ثياب مهلهلة (أقترح بنطلون بيجامة كستور وتى شرت عليه صورة عمرو دياب ويكون شعرك منكوش) وترقصى على أغنية ( أنا عايش ومش عايش ومش قادر على بعدك) لمدة 12 ساعة يومياً...سيستغرق هذا العلاج حوالى شهر...

د/محمد حشيش

أستاذ الشخوريا المساعد بطب الزقازيق

[se_ Elsyed]

أنا هأقول كلمتين وآجري على الله .. لأني اعتقد أن فيهم العلاج المناسب ليكي ( ده مش تعدي على علاج الدكتور حشيش ولكنه علاج تكميلي )

- خلصي يا نورا شراء بقية السجاد والنجف واتجوزي يا بنتي وأستقري جنب الراجل اللى حمض فى مصر ده .. ساعتها هاتتغير حياتك 180 درجة وسوف يصبح لك هدف كبير فى حياتك .

انا قولت لك العلاج ده قبل كده فى مواضيع من مواضيعك لكن يظهر انك مابتحبيش الدواء.