رحيل!!!!

[Scorpion]

نورا..

من منسحب سابق عايزك علي الأقل تفكري في كل اللي قالوه كل الأخوة هنا.. لو أنت مش مهمة و غالية علينا ما كانش كان ده يكون رد فعل المنتدي علي قرارك...

صدقيني... الكتابة بتفرغ شحنة كبيرة جوانا... بتفرغ الضغط اللي علينا.. حتي لو فكرنا أننا ما بنضيفش حاجة جديدة..بس دي صرختنا في الدنيا علشان نقول اننا موجودين... ما تركبيش دماغك زي ما كنت هاعمل.. الله هما ماوراهمش حاجة العالم هنا غير انهم كل ليلة يفضلوا يسرحوا ورا الفراخ و الكتاكيت البايتة برة العشة و يفضلوا يقولولهم كتكت كتكت. بيتك بيتك... ( أسمعي نصيحة سي السيد فيها الخلاصة )

و بعدين بالنسبة لي وجودك مهم جدآ.. انا مش هاقدر أعدل في سيناريو كلية بهية.. و دورك أساسي في الحلقات القادمة... و قططك سارحة في الكلية مين بقي اللي هيلمهم ياختي.. و اللا الشغال اللي اشتراه ابوكم هيفضل يلف وراكم ليل و نهار.

[إبن مصر]

نورا..

  الله هما ماوراهمش حاجة العالم هنا غير انهم كل ليلة يفضلوا يسرحوا ورا الفراخ و الكتاكيت البايتة برة العشة و يفضلوا يقولولهم كتكت كتكت. بيتك بيتك....

سكووووووووووووب حرام عليك انا كنت هاعمل مصيبه فى الشغل..

قريت كلامك ووقعت على ظهرى من الضحك زى المجنون..

رنا يجازيك يا سكوب ..

نورا

نورا

نورا

كت كت كت كت بيتك بيتك ... بسررررررررررررررررعه

ابن مصر

دكتوراه فى الكتاكيت جامعه الفيوم بموسكو

[optimistic]

بالتأكيد لا يوجد ما أضيفه

باستثناء ان معظم أعضاء المنتدى ساورهم نفس الشعور في وقت ما

لكننا نعود لاننا نحب ان نحكي ما بداخلنا

و لاننا بقينا عيلة زي ما شانا بتقول

[شيشة]

نورا لازم تكونى فرحانة يا بنتى شوفتى كل دوول بيحبوكى ولو كل اللي بيتابعوا المنتدى اشتركوا هيقولو نفس الكلام

بلاش تقل علينا بئي احنا مش حمل التقل دة

ياواد يا تقيل انت يا عاجبنى

اوعى تزعلي

[farasha79]

عزيزتي نورا

عمر ما الانسان يقدر يعيش بدون اصدقاء و ناس حواليه يحبوه و يحبوهم ...يعني مش هتقدري تبعدي عن اصدقائك يمكن بتقولي كده علشان نفسيتك تعبانه و كرهه كل حاجه حواليكي. بس صدقيني انا دايما ادخل المنتدى و اقرأ و اشارك على فترات متقطعه و عمري ما زعلت ان حد بيفتكرني او لا ... دايما خاليكي واثقه من نفسك و خاليكي دايما قريبه من اناس و اصدقائك مش حل ابدا انك تهربي بالعكس هتتعبي اكتر و هتكلمي نفسك و ممكن نشوفك انا و سيد مروزق بتلفي في الشوارع و بتكلمي نفسك ...

انا عن نفسي موجوده معاكي في نفس ال location و اذا عايزه صديقه او اخت جديده خارج النت هكون سعيده جدا جدا بمعرفتك

و اضحك بقى و افرجها يا عم

[nora]

مش عرفة اقول اية انا بجد يا فراشة ويا وابتمستك ويا شيشة ويا اين مصر ويا سكوربيون مبسوطة جدا وسعيده ان كلكم جنبي و كل الي قالوا لية وبعتولي انا مش عرفة اقول اية بس كل الي اقدر اقولة انا فعلا حاولت ابعد عنكم بس مقدرتش بقيت ادخل استرق النظر على موضوعتكم وتعليقتكم واكتشفت ده اذا مكنتش متأكده انكم تمثلون جزء كبير جدا من حياتي وبتخلوني اعد اكتب وافضفض حتى لو بكلام ملهوش معنى بس بكتب وحد بيعرف انا بفكر ازاي وعلى الاقل بتقروا كلامي وتسمعوني حتى لو مردتوش عليا بس في حد شايف وسامع وبيحس ان في حد هناااااااا.......

وعلشان كده وعلشان خاطركم كلكم انا طلعت عيلة وهرجع في كلامي بس مكسوفة اني اقولكم كده هطلع عيلة قدامكم وهتتحقق مقولت سيد مرزوق اني كنت بدلع عليكم وبشوف غلوتي عندكم بس والله لاه انا اكتشفت اني انا مقدرش ابعد عنكم بجد وعلشان كده انا اعده على البكم وهكتب والي مش عجبة يشرب من البحر :oops: :oops: :oops:

انا هنا مش هبعد ابدا

[سقراط المصري]

نورا

قرار رجوعك المنتدى من افضل قراراتك ، وهو يدل على اتزان في شخصيتك.

انت عارفه ، الغريب والمرضي فعلا ان تكوني دائمة الضحك والسعاده.

والسبب ان الانفعال يرتبط بالاحداث الجاريه ، والاحداث متغيره ، وعليه فالإنفعال متغير. وإذا استقبلت كل الاحداث بنفس انفعال الضحك والفرفشه هنا يكون عدم إتزان في الشخصية.

نورا ما مررت به حالة إكتئاب سويه جدا أخذت فترتها وقراراتها وعدت بسلام والحمدلله.

فأهلا بعودتك معنا .

الفيلسوف المصري تلميذ الإخ ابو حلاوه