مين بيخلص اوراقه اليومين دول للسفر للسعوديه يفيدني ..

[خالد شحاته]

السلام عليكم ورحمة الله وبركاته

اختي الفاضله السمسار ده نصاب ومعندوش ضمير للاسف علشان بيطول في الموضوع علي الفاضي ومفيش تاشيره اكيد وانا هرسلك علي الخاص المهندس الزارعي الا واخد التاشيره بتاريخ وده رقم الصارد من القنصليه السعوديه بتاشيره وهي نفذت بتاريخ ده

3024634243 20090125 يعني التاشيره مسحوبه من 25/1/2009 وجوزك عمل الشهاده الصحيه في شهر 2 طيب ليه السمسار ضحك عليكم وعمل شهاده علي تاشيره متنفذه وربنا يوفق زوجك للخير ان شاء الله

تم تعديل 31 مارس 2009 بواسطة خالد شحاته

[doha]

السلام عليكم ورحمة الله وبركاته

اختي الفاضله السمسار ده نصاب ومعندوش ضمير للاسف علشان بيطول في الموضوع علي الفاضي ومفيش تاشيره اكيد وانا هرسلك علي الخاص المهندس الزارعي الا واخد التاشيره بتاريخ وده رقم الصارد من القنصليه السعوديه بتاشيره وهي نفذت بتاريخ ده

3024634243 20090125 يعني التاشيره مسحوبه من 25/1/2009 وجوزك عمل الشهاده الصحيه في شهر 2 طيب ليه السمسار ضحك عليكم وعمل شهاده علي تاشيره متنفذه وربنا يوفق زوجك للخير ان شاء الله

لا حول ولا قوة الا بالله يعني تاكدت ان التاشيرة سبق وتم اخذها .. معليش خير

طيب منتظره البيانات بعد اذنك على الخاص عشان اقدر اتفاهم مع الشخص ده وجزاك الله خيرا ..

[doha]

اليكم آخر ماحدث في الموضوع ..

نبدأ بالقصة من البدايه ..

لما اشترينا التاشيرة كان شرطي على الوسيط الموجود في السعوديه انه يوريني رقمهاعشان اتأكد انها موجوده فعلا .. الراجل ارسل لنا الرقم ودخلنا موقع وزارة الخارجية وتاكدنا ان في تاشيرة بجد فدفعنا الفلوس كاش..

بعدها هو وجهنا لشخص موجود في مصر ( اخوه ) ولنطلق عليه مجازا وسيط مصر ..قالنا ده اخويه روحوا له يخلص لكم الاوراق على اساس ان عنده مكتب في مصر .. رحنا له في ( بيته ) واخذ مننا الجواز والاوراق وفوقهم الف جنيه مصاريف تدفع مقدما طبعا شامله كل شيء من رقم نت وخلافه..

كلام وسيط السعوديه لنا ان لازم ندفع الفلوس كاش قبل اي اجراء لانه بمجرد ماندفع الفلوس ( هيطلع لنا رقم نت ) وبكده تكون التاشيرة اتحجزت باسمنا وعليه فهو ميقدرش يطلع رقم النت المزعوم ده غير لما يضمن حقه كاش .. طبعا اتضح بعد كده ان رقم النت ده لا يثبت شيء ولا يمنعه انه يبيع التاشيرة لحد تاني او حتى يلغيها من على اسمنا يعني هي مجرد اسلوب استهبال على اساس ان احنا المفروض منعرفش الحقيقة دي .. رقم النت لا يعني شيء ولا يترتب عليه اي التزامات ومش هيكلفه غير مبلغ تافه جدا ممكن مياثرش ..

المهم اخذنا رقم النت وقام زوجي بعمل اجراءاته وفي اثناء ذلك تاخر شويه على تسليم الاوراق لوسيط مصر ( في خلال شهر تقريبا كان مخلص اوراقه كلها وده مش تاخير بالنسبة لنا لكن وسيط مصر اعتبره تاخير )

المهم كان وسيط مصر بيتصل بينا دائماقبل اذان الفجر بشويه عشان يقولنا فورا تسافروا بالورق القاهرة النهرده عشان تخلصوه عشان ترجعوه لنا في نفس اليوم عشان يروح بكرا القنصلية ( وده شبه مستحيل لان الوسيط ده في قرية من القرى عشان الورق يروح ويرجع في نفس اليوم له صعب جدا شيء اشبه بلبن العصفور كده ) المهم حسيت من الاسلوب ده انها طريقة تعجيزية وده شككني ان في حاجه غلط وبناء عليه طلبت من زوجي انه ( يبطل حجته ) ويسافر بالورق في نفس اليوم زي ماطلب منه وفعلا راح ودى الورق وجابه في نفس اليوم في رحله استغرقت يمكن عشرين ساعه .. وبرغم كل ذلك الوسيط اخذ الورق بكل برود وقال خلاص يومين كده وادخله القنصلية .. طيب لما هي فيها يومين بتستعجلنا ليه ؟ عرفت وقتها ان في شيء غلط وبدأت اتصالاتي ..

المهم ربنا سخر لنا ناس ولاد حلال جدا على رأسهم الاخ خالد شحاته الموجود هنا في المنتدى الي كشف لي على التاشيرة واتضح انها ( متنفذة فعلا ) يعني في شخص خذها على جوازه من بدري وسافر كمان على مايبدوا وان تاريخ اخذ التاشيرة دي قبل تاريخ شراءنا لها بيومين تلاته تقريبا يعني الراجل قبض تمنها وهي متباعه فعلا ..

اتصلنا بوسيط السعوديه وواجهناه بحقيقة ان التاشيرة مباعه فلم ينكر نهائيا بالعكس قال ايوه عادي ناس تانيه اخذتها اعمل لكم ايه مهو انتم الي اتاخرتم !!

طبعا هو عارف اننا كأفراد عاديين منقدرش نعرف التاشيرة اتابعت بتاريخ ايه لكن مكانش متصور اننا عرفنا فعلا وهي ان التاشيرة مباعه بتاريخ كذا وهو تاريخ قبل شرائنا لها من اساسه يعني حتى لو انجزنا اوراقنا في يومين اتثنين برضه مكناش هناخذها ..

المهم كلمنا ناس عشان تجيب لنا فلوسنا منه والناس دي ميقدرش انه يتنصل منهم .. بس الحق يقال برضه ان قبل مانكتشف حقيقة التاشيرة كان وسيط مصر طلب مننا نعمل رقم نت جديد على الاوراق ( على اساس ان لما تاخرنا الاوراق القديمه باظت ومحتاجين رقم نت من اول وجديد ) طبعا هو طلب مننا مصاريف اضافية للرقم الجديد ده خلاف ان زوجي هو الي كان بيقوم بكل المشاوير الخاصة باستخراج الارقام والاجراءات دي وطبعا هي مشاوير مكلفه لاننا من الاقاليم مش من القاهرة وطبعا برضه المفروض ان مكتب مصر الي بيقوم بكل ده لكن هو عشان ميكلفش نفسه بيطلب مننا احنا نعملها ..

المهم اتضحت الصورة كما يلي ..

وسيط السعوديه باع لنا تاشيرة مش موجوده على اساس يضمن فلوسه لغايه مايلاقي لنا تاشيرة تانيه ..

وسيط مصر الي هو اخ لوسيط السعوديه استغل جهلنا بالاجراءات في مماطلتنا وكل مماطلة بتعني مبالغ اضافية له واحنا بندفع على اساس منضيعش الي راح .

وسيط مصر اساسا لايملك مكتب ولكنه مجرد سمسار للمكتب الحقيقي الي بيخلص التاشيرة وهو بيحصل الاف جنيه فوق مصاريف الانتقال بينما بيحاسب المكتب على مبلغ اقل يمكن في حدود 400 او 500 والباقي بيحطه في جيبه .

وسيط مصر حاول ابتزازنا في طلب مبلغ اضافي ( كان عاوز 800 كمان ) بحجة اننا كلفناه اوراق جديده فقلت له بالحرف دي غلطتك بتنفذ ليه على تاشيرة متنفذة حتى لو تكلفت مليون جنيه انت الملزم بيهم لان محدش قالك تخلص في حاجه متخلصه وهنا مقدرش ياخذ مننا جنيه زياده وطبعا لو مكناش نعرف المعلومه بتاعت ان التاشيرة مباعه من قبل شرائنا لها كنا هنضطر ندفع له المبلغ الي طلبه على اساس ( انها غلطتنا )

في كل الفترة الي فاتت دي كنت بستغرب ازاي يطلع الراجل بتاع التاشيرة ده نصاب واحنا مصليين استخاره قبل مانتعامل معاه .. الحكاية دي كانت قلقاني جدا ان منين مستخيرين ومنين تطلع التاشيرة ( فشنك ) ؟ وعشان كده اطمنت قلت حتى لو باظت يبقى هو ده الخير لان مستحيل الواحد يستخير وميطلعش له الخير في الآخر ..

بس رسيت على ايه؟

مطلعش نصاب ..

ابشركم اخذنا التاشيرة والحمد لله احنا في الرياض بقالنا يومين دلوقت ..

لسه طبعا باقي الجزء الاصعب وهو استخراج الاقامه وللاسف مضطرين فيها نتعامل مع وسيط السعوديه وعسى يطلع شخص كويس بعد كل ده وميطلعش عينا زي مااخوه عمل فينا في مصر .. ولسه طبعا في مرحلة البحث عن عمل دعواتكم لنا بالتوفيق في الحكايه دي ..

بس ده خلاصة ماحدث حبيت احطها لسببين اولا عشان اشكر الاخ خالد على مساعدته لنا واشكر برضه الناس التانيه الي ساعدتنا في معرفة الحقيقة وعشان نكون على ارض صلبة .. وبرضه عشان احط تفاصيل ماحدث يمكن حد يكون في نفس الموقف بعد كده فيبقى عارف ( الدنيا ماشية ازاي ) ..

وبرضه اكيد عشان اقولكم ان هي دي نتيجة الاستخاره ..

[الباحث عن الرزق]

الف مبروك وربنا ييسر لكم الحال

وكمان انابشكر الاخ الفاضل خالد شحاته لانه مش بيبخل على اى حد بالمساعده

وكمان بادعيله رنا يجعل مساعده الناس فى ميزان حسناته

[خالد شحاته]

الاخت الفاضله ضحي والاخ العزيز الباحث عن الزرق

تاكد اني معملت الا الواجب الا ربنا قدرني عليه ومفيش اي شكر بين الاخوان لاننا جميعا اخوه في الله وانا تحت امركم وامر اي شخص في المنتدي لاي استفساربخصوص السفر للسعوديه

[engmido]

مش انتو اصلا فى السعودية؟؟؟؟؟؟؟؟؟؟؟؟؟؟؟؟؟؟؟؟؟

[doha]

مش انتو اصلا فى السعودية؟؟؟؟؟؟؟؟؟؟؟؟؟؟؟؟؟؟؟؟؟

مهو عشان نبقى في السعوديه كان لازم نمر بالاجراءات دي الاول

لاحظ تاريخ الموضوع