سر إختفاء الطفشان !!!!!

[حشيش]

لأنى من هواة قراءة القصص البوليسية ومجلة ميكى أشعر أن هناك لغز غامض وراء إختفاء الطفشان !!!....ترى هل تعرض للإعتقال من ال CIA فى جوانتانمو؟؟؟....هل تم إختطافه من ميليشيات منتدى (بيت العرب) أو (شئون مصرية)؟؟؟....هل هناك فدية نستطيع أن ندفعها لفك أسره؟؟؟...وكم تبلغ هذه الفدية؟؟؟...وهل هى بالدولار ولا بالجنيه المصرى؟؟؟...ومن منكم مستعد أن يساهم معى فى دفع الفدية؟؟؟...

أخى العزيز الطفشان...نفتقدك جميعاً...سأظل أبكيك حتى ألقاك...

حشيش

جمعية تكريم الإنسان - عمر مكرم

[صعيدي]

اللى أعرفه ان الاخ الطفشان فى أجازة فى مصر و طبعا اجهزة المخابرات المصرية نفسها تمسك هذا الصيد الثمين والذى اقلق مضاجع الملك وولى عهده بالكتابة فى المنتديات

ولذا فتم تجنيد كل الكمبيوترات فى مصر بحيث اذا حاول الطفشان لمس اى لوحة مفاتيح سيصرخ الكمبيوتر ويقول امسك طفشان ثم يطبق الماوس على زمارة رقبته

ولأن الطفشان يعرف ذلك فقلد تنكر فى شكل مواطن جاهل بالكمبيوتر ولا يعرف الفرق بين ماوس الكمبيوتر وفأر السبتية

[farasha79]

انا مستعده اشارك في الحمله

و بجميع العملات الصعبه

أنا في الخدمه و رقبتي سداده

[Farah]

الي كل محبي الطفشان وكل من يسآل عنه

تسر شركتنا ان تتولي البحث عنه

ولان الطفشان ليس كآي شخص واحتمال خطفه او اعتقاله وارده لاهميته وغلاوته فانه يحتاج الي فريق مخصوص مدرب ومحنك وذوا خبره وهذا ياحتاج الي جهد ومال

ولذا نرجوا من محبي الطفشان ارسال الدعم الي شركاتنا

(( نقبل جميع العملات الا الجنيه فانه ليس مضمون القيمه ..جميع الكردت مقبوله ان شاء الله))

٭٭٭شركاتنا ليس لها اي فروع اخري ...وليس لنا علاقه بمنسقي المنتدي او الاداره

[White heart]

FARAHELYOM كتبت:

(( نقبل جميع العملات الا الجنيه فانه ليس مضمون القيمه ..جميع الكردت مقبوله ان شاء الله))  

٭٭٭شركاتنا ليس لها اي فروع اخري ...وليس لنا علاقه بمنسقي المنتدي او الاداره

بصراحة انا خايف لا تكونى ما دفعتيش الأشتراكات المختلفة، و "الطفشان" بنفسة لما يرجع يطالبك بكل اللى جمعتية أثناء غيابة، تسديدا لأشتراكك و متأخراته!!!!

خصوصا انه قبل ما يغيب كان أشهر شركة "طفشانكوسكوربين" مخصوص للمضوع دة ....

[Farah]

شوف ياسيدWhite heart

انا لما دخلت المنتدي كان لي وضع خاص؛؛؛ ليه لان كان يوم اشتراكي في المنتدي يوم رجوع المنتدي بعد العطل الذي دام حوالي اسبوع

عشان كده كان عندي اعفاء من الضرايب والاشتركات وحتي معملوش اي محاولات للكشف عن شخصيتي

لو بتحب الطفشان ادفع بس وميهمكش

[Scorpion]

باقي من الزمن يوم واحد...

أوعي يا وايت تدفع مليم لأي حد...الله العالم ما صدقت انه غاب و بتعمل بيزنيس علي حسابنا.. آه حسابنا... و أهو كله موثق في الشهر العقاري.. شركة "طفشانكوسكوربيونكو" لسه موجودة.. و لغاية ما يرجع التحويلات تتحول علي الحساب الجاري و اللي عمره ما وقف ببنك شبرا النملة فرع أبو تيج.. و كله بفواتير عشان بتوع الضرايب... و حقك محفوظ ياللي في بالي..

[فــيــروز]

الحمد لله

كل عملات بنك الحظ و بنك السعاده موجوده عندنا و مستعده اشارك بيها فى حملة البحث عن الطفشان

[Lighthouse]

طيب واللى عامل عملة سودة ينفع يشارك بيها برضه

[DARWEEN]

فراشه ... على فكره أنا اللي بلم التبرعات

لوسمحتي حولي كل اللي ربنا يقدرك عليه بسرعه علشان نفك حبسة الراجل ...

(وش واحد بيصطاد في جميع أنواع الميه )

[Scorpion]

باقي من الزمن صفر.. أستعدوا

Lighthouse كتب :

طيب واللى عامل عملة سودة ينفع يشارك بيها برضه

لأ ماينفعش يا ناصحة... أنتي شيلي العملة السودة تنفعك في اليوم الأبيض

[Lancelot]

باقي من الزمن صفر.. أستعدوا

مستعديييييييييييييييييييين ... قول بقي ..

[حشيش]

تلقيت إتصالآً هاتفياً من مجهول يفيد بأن الطفشان مختطف فى الولايات المتحدة ولن يطلق سراحه إلا بفدية قيمتها ثلاثة ألاف دولار وقال المجهول إذا كنت حدفع حيطلق سراحه فوراً وفى حالة عدم الدفع فسوف يقومون بقتله بالكرسى الكهربائى...وقد قلت له مش دافع حاجة واللى تقدروا عليه إعملوه...فالموت يسمو بالروح ويطهر النفس من الخطيئة (وش واحد عنده حول جامد)...

[linux]

الطفشان فين بجد؟

الراجل ده له وحشة جامدة !!

[حشيش]

طفشان......طفشان......طفشان.......طفشان......طفشان.......

ده صدى الصوت

[فــيــروز]

فعلا الاستاذ طفشان له مده طويل حارمنا من مشاركاته الجميله

يا رب مايكونش فيه اى شئ سئ و تكون بس الاجازه فى مصر طولت شويه

لو حد يقدر يتصل بيه اتصال مباشر ارجو يحاول يطمنا عليه او يوصل له سؤالنا وله جزيل الشكر

[freefreer]

طفشان......طفشان......طفشان.......طفشان......طفشان.......

ده صدى الصوت

التوقيع

م. حشيش

خبير مؤثرات صوتيه و بصرية

[Mohammad Abouzied]

فعلا الاستاذ طفشان له مده طويل حارمنا من مشاركاته الجميله

يا رب مايكونش فيه اى شئ سئ و تكون بس الاجازه فى مصر طولت شويه

لو حد يقدر يتصل بيه اتصال مباشر ارجو يحاول يطمنا عليه او يوصل له سؤالنا وله جزيل الشكر

على فكرة انا اثناء اجازتي لم استطع ابدا ان اشارك ولو بمقالة واحدة وانافي مصر

عموما انا هارسل له التوبيك يمكن مش داري ان احنا بندور عليه

[sos]

وصل الى هذا الميل من ال

Egyptian Talks Mail Group

الى الاعزاء اعضاء منتدى محتاورات المصريين

السلام عليكم

انقطعت عنكم فترة نظرا للسفر لمصر و العودة بعد الاجازة

و للاسف سيستمرالانقطاع مستقبلا نظرا للانشغال 

اردت ان اطمئنكم و اعتذر لاي شخص رد على اي من الموضوعات

او المداخلات في المنتدى، حيث لم يتيسر لي الدخول قرابة

شهر 

و تحياتي و سلاماتي

الطفشان

[حشيش]

كتب سوس

وصل الى هذا الميل من ال 

Egyptian Talks Mail Group 

Quote: 

الى الاعزاء اعضاء منتدى محتاورات المصريين 

السلام عليكم 

انقطعت عنكم فترة نظرا للسفر لمصر و العودة بعد الاجازة 

و للاسف سيستمرالانقطاع مستقبلا نظرا للانشغال 

اردت ان اطمئنكم و اعتذر لاي شخص رد على اي من الموضوعات 

او المداخلات في المنتدى، حيث لم يتيسر لي الدخول قرابة 

شهر 

و تحياتي و سلاماتي 

الطفشان 

الأخ العزيز سوس

وكيف عرفت أن هذه الرسالة من الطفشان؟؟؟....ألا يمكن أن تكون هذه خدعة دبرها المجرم الذى قتل الطفشان ليوهمنا أنه لا يزال حياً حتى نتوقف عن البحث عليه؟؟؟ ( وش واحد أحول)...