الأخوة المصريين بالكويت جزاكم الله خيرا

[aboutabeakh]

بسم اللة الرحمن الرحيم

الأخوة المصريين بالكويت افيدونى جزاكم اللة خيرا انا مقيم بالكويت التحاق بزوجتى المعلمة بوزارة التربية وهذا النظام فى استقدام الزوج اول مرة يطبق هذة السنة وعملت اجراءات الأقامة واستخرجت المدنية وكل شىء ولكن حدث انى كنت اقوم بعمل اقامة لأبنى الذى ولد فى الكويت منذ شهر ولكنى فوجئت بأنهم يقولوا لى ان اقامتى بسنة ولن استطيع تجديد الأقامة مع انهم عندما اصدروا هذا القرار على اساس ان يبقى الزوج مع زوجتة طوال ما هية فى العمل وكثير من المعلمات وافقوا على السفر الى الكويت على اساس هذا الأمر وكثير من المعلمات قاموا باستقدام ازواجهم ولا يعلموا بهذا التغيير فى القرارفلو فرضنا ان هذا الأمر قرار نهائى وسوف يقوموا بالغاء اقامتنا بعد انتهاء هذة السنة ماذا افعل ؟؟؟؟؟؟

وهل يمكن ان اقوم بشراء اقامة او زيارة تجارية ثم احول لأقامة عمل واية نظام الزيارة التجارية دى وبماذا تنصحونى يا اهل الخير يا اخوانى المصرييين انا بالمناسبة مؤهل عالى خدمة اجتماعية

[aboutabeakh]

اية يا جماعة مفيش ولا واحد عايز يفيدنى

[HDarwish]

أستاذ أبو طبيخ

أنا عايز أعرفا لمشكلة فين بالظبط؟

هل ما عرفتش تدق الإقاملة لإبنك؟

ولا بس خايف إنك تيجي أول ما تخلص سنة تروح على مصر؟

وبعدين يا سيدي إنت بس علشان لسه جديد في البلد فعندك الرهبة دي من القوانين لكن هي دي حال البلد كل يوم في قانون جديد وماشاء الله عليهم المندوبين المصريين وخاصة الصعايدة منهم كل ما يطلع قانون جديد تلاقيهم يلاقوا ثغرة يخلصوا بيها مصالح الناس ..

ولنا عودة

[قلب ابيض]

بدايه مبروك ما رزقك به الله وربنا يجعله خلف صالح

انا اول مره اسمع عن موضوع التحاق الزوج بالزوجه لان معروف بالكويت ان المعلمات المتعاقدات مع وزارة التربيه لايسمح لهم بذلك

ثانيا يا اخى الفاضل هل هى زياره ام اقامه ؟ الاقامه معروف تجدد سنه او سنتين يعنى قابله للتجديد طول ما زوجتك على رأس العمل

انت اسأل فى الوزاره نفسها لان ده موضوع جديد ولا يفتى ووزاره التربيه بالمدينه - وحبذا لو استطاعت نقل اقامتك او تحويلها على كفيل كويتى ( انت ما اشتغلتش طوال السنه دى ؟؟ ) يعنى ممكن تحولها على صاحب العمل وطبعا بمقابل مادى

والله ده اللى اقدر افيدك به وربنا يوفقك

[aboutabeakh]

شكرا على اهتمامك بالرد على استفسارى يا استاذ درويش انا خلاص عملت اقامة لأبنى على اقامة امة المشكلة انى خايف اصل يكون فعلا اقامة سنة وبعدين يكنسلوا اقامتى مع اننا جينا الكويت على اساس ان التحاق بعائل للزوج زى ما الوزارة قالت وتجدد ولكن هذا الشخص اللة يجازية اللى فى جوازات الأحمدى قالى كلكم حتتكنسلوا بعد سنة بالرغم من ان واحدة فى نفس القسم قالتلى مجاش لنا قرار بكدة طب ولية يقلقنى وكان بيكلمنى بطريقة غبية كدة

[HDarwish]

ياراجل ده إلا بتوع الأحمدي ...

بتعامل معاهم من أول ما جيت الكويت والحمد لله كانوا بيبئوا متساهلين عن أي جوازات تانية ...

عموما اللي أنا متأكد منه واللي ما يختلفش عليه اثنين بالعقل كده والمنطق ... استحاله هيحصل اللي انت خايف منه ده

وحتى لو إقامتك إنتهت ... إيه المشكلة هتنزل مصر وتيجي زيارات ... والزيارة العائلية الوقتي ثلاث شهور وهكذا

بس نصيحة من أخ لأخوه حول تعدل بئا وضعك وتشوف شغل تحول عليه إقامتك

تمنياتي بالتوفيق

[قلب ابيض]

??

[MoHaMMeD EgYpT]

بخصوص ابن حضرتك فاظن انه عادي يجي علي كفالة امه زي ما انا جيت الكويت و يدرس كمان في مدارس الكويت الحكومية و مجاني علشان والدته مدرسة اما بخصوص حضرتك فعلا في قانون جديد بتاع الالتحاق بعائل و فعلا سنة واحدة بس بصراحة انا مش فاهم حضرتك تقصد ايه بالضبط حضرتك عاوز تقعد اكتر من سنة طيب لو قعدت ما انت كده كده مش هتعرف تشتغل و ملزم تشتري اقامة او زيارة تجارية بس نصيحتي اقامة احسن و تقريبا اسعارها ما بين 700 دينار كويتي الي 1200 دينار كويتي انا خالي جابها ب 700 دينار علي صايدين الاول جه علي زيارة عائلية من والدتي و بعد كده راح اشتري اقامة اشترها علي صايدين اقامة لمدة سنة و بعد كده بيجددها بسعر اقل لو مكانش لقي شغل طول السنة بس ان شاء الله هيليقي فحضرتك المفروض تعمل كده برده و ربنا يقدم لك اللي فيه الخير

[قلب ابيض]

بمناسبه الموضوع ده

هل يجوز لمدرسه متعاقده من قبل ثم تزوجت هل يجوز لها استقدام زوجها ؟

ولا ده بس فى التعاقدات الجديده فقط ؟؟

[MoHaMMeD EgYpT]

بمناسبه الموضوع ده

هل يجوز لمدرسه متعاقده من قبل ثم تزوجت هل يجوز لها استقدام زوجها ؟

ولا ده بس فى التعاقدات الجديده فقط ؟؟

لا ينفع لكله التعاقدات القديمة و الجديدة :blush2:

[aboutabeakh]

يا استاذمحمد انا كان فى دماغى انى ممكن بعد سنة احول من اقامة التحاق بعائل لأقامة عمل ودة احسن واسهل لأن القانون بيقول ان اقامة التحاق بعائل يحول اقامة عمل بعد سنة ولو سمحتوا يا جماعة اية حكاية اشترى اقامة دى ويعنى اية زيارة تجارية يعنى احول من اقامتى التحاق بعائل لأقامة عمل ولا اية انا معنديش معرفة كويسة بالمواضيع دى ويا رب حد يفيدنى وينصحنى نصيحة اخوية وشكرا لأهتمامك جميعا

[MoHaMMeD EgYpT]

يا استاذمحمد انا كان فى دماغى انى ممكن بعد سنة احول من اقامة التحاق بعائل لأقامة عمل ودة احسن واسهل لأن القانون بيقول ان اقامة التحاق بعائل يحول اقامة عمل بعد سنة ولو سمحتوا يا جماعة اية حكاية اشترى اقامة دى ويعنى اية زيارة تجارية يعنى احول من اقامتى التحاق بعائل لأقامة عمل ولا اية انا معنديش معرفة كويسة بالمواضيع دى ويا رب حد يفيدنى وينصحنى نصيحة اخوية وشكرا لأهتمامك جميعا

انا والله ما اعرفش حكاية ان بعد السنة ممكن تحول من اقامة التحاق بعائل الي اقامة عمل اما حكاية الزيارة التجارية هي زي الاقامة بس بتبقي شهر ولا اتنين و برده بتدفع تقريبا 200 - 250 دينار كويتي فيها و انا برده مش ابو العريف يعني في الحكاية دي لكن انا خالي مدرس رياضيات و جاب اقامة علي الصيادين ب 700 دينار اقامة عمل لمدة سنة و اتمني بجد اني اقدر افيد حضرتك لكن انا ما اعرفش كتير عن حكاية الالتحاق بعائل لان خالي مستحيل يعملوا له التحاق بعائل فعلشان كده هو جه زيارة عائلية و بعد كده دور علي ناس يشتري منهم اقامة و فعلا لقي و اهوه اليومين دول في مصر عبال ما اجرائات الاقامة شغالة و بما ان حضرتك في الكويت فحضرتك حاول تسال و خلي مراتك حضرتك تسال المدرسات اللي معاها في المدرسة و ان شاء الله تعرف راسك من رجليك و ربنا يقدم لك اللي فيه الخير بس خالي بال حضرتك مش كل الناس مضمونة في حكاية الاقامة يعني لازم تلف كتير و تدور لحد ما تلقي ناس ولاد حلال تشتري منهم اقامة سليمة

[HDarwish]

يا عم أبو طبيخ

الله يكرمك ما تتحسسنيش إنك قاعد في صحراء لا زرع فيها ولا ماء

يعني بتقول بئالك سنة في البلد ولسه ما تعرفشي يعني إيه زيارة تجارية ولا تحول لإقامة عمل

نفترض إنك فعلا لسه ما تعرفش

الكلام اللي بيقوله محمد هو إنك تحول نوع إقامتك من إلتحاق بعائل لإقامة عمل يعني تشتري فيزه واللي ثمنها من 1000 - 1200 دينار وده علشان اللي اقامته التحاق بعائل المفروض انه ما ينفعش يشتغل وحتى لو جيه يدور على شغل بتبقى فرص تحصيلة لشغل صعبة شوية

موضوع الزيارة التجارية هو نفسه موضوع اقامة عمل بس كل الحكاية ان الكفيل بيعملك زيارة تجارية وبعد كده بيحولها لإقامة واللي سمعته إن بئا فيها مشاكل اليومين دول

بالتوفيق إن شاء الله

سؤال صغير " هو إنت السنة اللي إنت قعدتها هنا دي كلها من غير شغل "

تحياتي

[aboutabeakh]

يا استاذى الكريم درويش انا بقالى هنا 3شهور ونص بس من سنة الأقامة دى اللى واخدها فأنا فعلا لسة معرفش الرؤية كويس وبعدين انا سمعت ان الشئون قافلة اذونات العمل دى من اكتر من سنة ونص يبقى اية حكاية اشترى اقامة دى ومشاكل الزيارة التجارية فى اية ارجو التكرم بافادتى

[saad badr]

يا جماعة حبيت بس تكون ليه مشاركة معاكم وتكون المشاركة بتاعتي بس للتنوية عن" حلم العلم "

شفت دكتور زويل ولا مصطفى السيد ولا يعقوب ولا مين ولا مين تتمنى تشوف ابنك مكانه او بنتك او اخوك

يبقى لازم نشارك في التنمية الفكرية والعلمية ونبدء نخطط لعلم بجد وللتغير فكري بجد

واحنا اطفالنا اذكى اطفال العالم ايه اللي بيحصل بعد كده ؟؟ واحنا فينا من التقدم العلمي ؟

ولو ابنك قالك بابا انا عملت حاجه جديدة وحسيت انه عالم او مخترع صغير هتقوله ايه روح المدرسة ولا يكون فيه باب قدامه وصرح حضاري كبير يحتوي عبقريتة وينميها ؟

له الناس لما تحس ان ابنها موهوب كورة تجري وتدور على نادي لان النادي موجود ؟

يبقى ان شاء الله لما تحس ان ابنك عبقري ولا مخترع ولا عالم لما يكون الصرح العلمي موجودة هتجري على طول توديه

يبقى لازم نشارك كلنا في الحلم ده ونحوله لواقع وحقيقة ...............

بيقولوا في الامثال لو عندك كلمة خير قلها معندكش سمعنا سكاتك

هل مستشفى السرطان تاني مستشفى على مستوى العالم والأولى عربيا وفي الشرق الأوسط مع العلم بامكانيات منطقة الخليج اللي يقدروا يعملوها المستشفى كانت حلم واتنفذ على ارض الواقع وكانت المشكلة في الأول فين ومنين ؟؟؟

السد العالي في عز الخراب والحرب علينا من العالم كله يبقى له منسبناشي من الاحباط والكلام ونحط ايد في ايد

صدقوني والله مصر اعدائها كتير اوي والدنيا كلها عينها على مصر

ايران الفارسية وانا هنا في الخليج وعارف كويس اوي حلمها الخليج الفارسي وعارفة ان مصر هية اللي في وشها ومصر سنية وتحاول تهز صورتها قدام العرب ويكون هناك من الجهلة من العرب اللي انقسموا على مصر بفعل ايراني

اسرائيل عدونا اللدود ومش هقول اكتر من كده

الغرب واطماعهم في المنطقة واداركهم ان مصر هية الدولة الوحيدة اللي ممكن تقف ضدهم

والله انا ممكن اتكلم واشرح بس ده مش موضعنا

موضوعي الحلم ده موجود على الفيس بوك والناس بتشارك برايها له منرحش نشوف واللي عنده فكره يقولها

وكمان اللي يقدر على حاجه يعملها

وصدقوني لما ربنا يكرمك وتشوف علماء مصريين زي الاول عملوا ....

ولا ابنك واحد منهم واخترع ...

ولا ولا ولا ونقدر نقول عندنا علم وعندنا عمل ونقدر نغير ونقدر نرجع مكانتنا

وايه ده بس مش هتعمل حاجه هتقدر تدفع مية جنية ادفع مية جنية كرت شحن وماله

هتقدر تدفع عشرة جنية بحق علبة سجاير وماله

هتقدر تدفع جنيه وماله

مش معاك ومش هتقدر تدفع قول بس يارب اكرمهم علشان بكره وعيالي واحفادي يكون ليهم مستقبل مش يدوروا يهجوا

وتخلع جذروك من اجمل مكان في الدنيا

عامة ده اللينك وان شاء الله كلنا نشارك

http://www.facebook.com/reqs.php#/group.php?gid=67969053584

وكمان فيه مقترحات واراء

يلا كلنا بنحب مصر واللي يلف الدنيا مش هيلاقي احسن من تراب مصر

ترابها ده كنوز

ده الشمس بتضحك لما تعدي على مصر وتشرق على المصريين

والنسمة ترقص لما تعدي من اسكندرية وكمان من حلايب وشلاتين

ولا العصرية وساعة المغربية والحلاوة جاية والشمس تبكي من فراق الفلاحين

ولا السمسية ولا القلوب الطيبة في الشراع شراع المحتاجين

ياناس كفاية نسمة صباها صبية دايما ارض الملايين

عمرانه بالخير والخيرين

وحياة هواها ونسمة صباها لانول رضاها وارجع هناها

ويقولوا عليها انها قاسية مين يهون على امه وازاي نهون على ام المصريين

دهية عافية قووووي وصبورة وصابرة وماترد ايد ولا تزعل حبيب

يا بلاد طيبة وقريبة وحبيبة وقت الخطر امي بتحملي همي حضنك ده دفه وحنان

ايوة دفه وامان وقت الخطر درعي وسيف من غدر الزمان

ولا نقول ماشفش الرجال السمر الشداد ولا العناد في عيون الولاد

ولا نقول احلف بسماها وبترابها

مصري مغترب زيه زيكم بيعشق تراب مصر وروحي فدا كل شبر فيها وبحبها زيكم

شاركوا معنا احنا المصريين اللي معندناشي مستحيل

واحنا المصريين احفاد قطز وصلاح الدين

اللي عندها الادب والف اديب وشوف واسمع صلاح شاهين

عندنا العلم احنا الفراعنة وعرفناه من سنين

عندنا مصر ارض الحب بتلم شمل المصريين

واحنا يا جدع الجدعان الطيبين

عمي فلاح مسكين شايل رزقه والصبح يصبح يقول رزقي عليك يا كريم

وشايل رزقه على كتفه ورايحه ارضه اللي احن عليها من النيل

بيضرب بأيده فيها وتسمع قلبه بيقول بضرب فيك ولو بيوجعك ضربي قلبي فيه سكاكين

ولكن بضرب بطلع خيرك اللي مش موجود اللي في ارض المصريين

وتقول يا جدوا عاوزة برتقالة بلدي ووردة بلدي من خير ارضي

عرفت انها بلدي واصلي وامي

هية شرفي وهية عرضي

تحيا مصر والمصريين

[MoHaMMeD EgYpT]

يا استاذى الكريم درويش انا بقالى هنا 3شهور ونص بس من سنة الأقامة دى اللى واخدها فأنا فعلا لسة معرفش الرؤية كويس وبعدين انا سمعت ان الشئون قافلة اذونات العمل دى من اكتر من سنة ونص يبقى اية حكاية اشترى اقامة دى ومشاكل الزيارة التجارية فى اية ارجو التكرم بافادتى

المهم انا هحاول اشرح لك علي قد ما اعرف

اولا : لازم حضرتك تشتري اقامة عمل و دي بتكون مدتها من سنة الي سنتين و اسعارها بتختلف طبعا من شخص لشخص اقصد الشخص اللي بيبعها

حضرتك طبعا محتار تجيبها منين انا بصراحة ما اقدرش اساعد في الحتة دي لكن حضرتك لازم تسال كل الناس اللي حضرتك تعرفهم في الكويت و تعرفهم انك عاوز اقامة و تكون مضمونة و بسعر معقول و الله انا اللي جابها لخالي مدرس عندي في المدرسة ما اصل انا ما سبتش حد ما قولتلوش المهم المدرس ده عنده قرايب كتير و جابوه في الاول علي الصيادين و بعد كده هو ضبط اموره المهم المدرس ده هو اللي ساعدنا و جابها علي الصيادين و بسعر معقول لكن للاسف حضرتك لازم تتدور بنفسك و ان شاء الله هتلقي ناس ولاد حلال لان فيه نصابين كتير و ده عن تجربة و حصلت لخالي مرة و المصيبة ان اللي كان هينصب علينا مصريين :unsure: و الحمد لله ربنا ستر في اخر لحظة :happy:

اما الزيارة التجارية بيقولوا فعلا فيها مشاكل و هي عموما سعرها 250 دينار لكن انا ما انصحش بيها هما بيقولوا الاقامة هي المضمونة يبقي من الاول اقامة عمل احسن

طبعا حضرتك يمكن مش فاهم تجبها منين المهم هي بتتجاب علي شركات او مكاتب المهم و اصحاب الشركات دي بيكونوا كويتين لكن مش معظمهم هما اللي بيبعوها و بيوكلوا ناس يبيعوا لهم فيها و طبعا كلوا بتمنه و غالبنا بيكونوا مصريين و معني الاقامة انهم بيجيوك مثلا محاسب علي شركتهم او كاتب او مندوب او اي شئ و بعد كده انت بتبقي حر تشتغل في اي حتة في الكويت بس طبعا مش هتشتغل عندهم و بعد كده حضرتك مثلا لقيت شغل في جمعية تعاونية او مثلا اي سوبر ماركت او محل او اي حتة يقوموا بقا اللي انت هتشتغل عندهم يحولوا الاقامة عليهم و بكده مبروك عليك العيشة في الكويت و متنساش الحلاوة بتعتنا لما تلقي شغل ان شاء الله mf( و حاجة اخيرة لو عاوز تطلع رخصة سواقة لازم الوظيفة اللي هتبقي في الاقامة تبدا بحرف الميم و اشهر الوظايف دي مندوب او يكتبوا لك ان مرتبك 250 دينار او اكثر و بكده تقدر تطلع رخصة لان اكيد هتحتاج سيارة في الكويت

و ربنا يقدملك اللي فيه الخير و اي استفسار هحاول الرد علي قد ما اقدر

[HDarwish]

الله ينور يا محمد بس أخطأت في حاجه واحد بس وهو إن من شروط الحصول على رخصة كويتية في الأيام دي هو :-

1- جامعي

2- راتب لا يقل عن 400 أو 450 دينار

3- أقام في البلد مدة سنتين

4- مش متأكد منها قوي .. يكون معاه رخصة مصرية

بس طبعا المصريين ما بيغلبوش ... طلعوا سكك تانية يقدروا يطلعوا بيها رخصة وهي أقلها إن يكون الوظيفة في إذن العمل سائق