# حاجة تجـــنـن ...!!!!

[Abu Reem]

والله حاجة تحير وتجنن

: أولا: المقاطعة

قاطع المنتجات الأمريكية لأنها تدعم اسرائيل.

قاطع المنتجات البريطانية لأنها تدعم أمريكا.

قاطع المنتجات الدينامركية عشان الكاريكاتير.

قاطع المنتجات الهولندية عشان الفلم المسيء.

قاطع المنتجات الألمانية لأنها جنب الدول السابق ذكرها.

و بالنهاية كل الناس ببعثوا الايميلات لبعض من لاب توب كل البرامج الي فيه أمريكية، و همه قاعدين في ستاربكس بعد ما اتعشوا في كنتاكي و معاهم "تيك أوي" من ماكدونلدز.

ثانيا: الصحة:

لا تشرب بيبسي لأنه يحتوي على مواد تنظيف و عصارة خنزير.

لا تشرب ريد بول لأنه يسبب عقم.

لا تستعمل مزيل العرق و لاالشامبو و لا الصابون لأنه يسبب سرطان.

لا تأكل لحم البقر لأنه يسبب جنون البقر.

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكر خضار و لا فواكه لأنها كلها هرمونات

لا تشرب ماء لأنه معالج بالكلور

لا تأكل معلبات لأنها تحتوي على مواد حافظة

لا تشرب عصير طبيعي لأنه يأتي على شكل عصارة مركزة

لا تشرب عصير غير طبيعي لأنه كله ألوان

طيب يعني آكل هوا؟!!! ..... لأ طبعا لأنه الهوا ملوث بعوادم السيارات و المصانع.

و اذا خالفت النواهي السابقة كلها، دخلنا على العادات:

لا تشرب ماء بعد الأكل.

لا تنام و لا تمشي و لا تقعد بعد الأكل.

لا تدخن و لا تشرب شاي و لا قهوة بعد الأكل

أحسن شي .... انك تاكل و تنتحر!!!!!!

لا تخلي الماء في الثلاجة داخل علب بلاستك لأنه مسرطنة

و لا تخلي في زجاج للأنه ممكن ينكسر بدون ما تعرف و تشربه و تموت.

و لا تخلية برة الثلاجة لأنه ممكن يتلوث.

و لا تشرب من الحنفية لأنها مش نظيفة

و لا تشرب مية صحة لأنها معبئة من الحنفية أو مكررة و فيها مواد مسرطنة.

لا تتكلم عالموبايل بدون سماعة عشان الموجات تقتل خلايا المخ

و لا تتكلم عن طريق السماعة عشان الكهربا الساكنة

و لا تتكلم عن طريق البلوتوث عشان الموجات برضو تقتل خلايا المخ.

(يعني كل العالم الي عايشين هالأيام عايشين بدون مخ)

لا تخلي الهوا يدور في السيارة لما تشغل التكييف لأنه يتلوث من التنفس.

و لا تخلي الهوا يجي من بره لأنه ملوث.

لا تعبي بنزين الصبح عشان الكثافة عالية

و لا تعبي في الليل عشان الكثافة واطية

و اشرب خل عشان يحرق الدهون .... و لا تشرب خل عشان يسبب قرحة

و اطلع في الشمس عشان فيتامين "د" .... و لا تطلع في الشمس عشان الأوزون.

ثالثا: الدين:

ابعث هذا الايميل لجميع من عندك الله يعطيك 25864973 حسنة .... (لأنه الي باعث الايميل مكشوف عنه الحجاب)

حارس قبر الرسول (صلى الله عليه و سلم) حلم انه الرسول (صلى الله عليه و سلم) قالة انه لازم يبعث الرسالة.

و يجيلك ايميل مكتوب في أولة قسم انك تبعث الايميل لكل الي تعرفهم و بعدين يقوم يذكرك انك أقسمت.

(ماسك عليك ذلة)

و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)

و ايميل يقولك أحاديث كاذبة و اذا ما بعثتها فأنت مقصر

و ايميل يقولك "دعاء مرة واحدة في العمر" (يعني ادعية و افجر!!!!)

و ايميل يقولك "دعاء هز عرش الرحمن"

و ايميل يقولك "دعاء من دعاه حققت له 100 أمنية" (مصباح سحري مش دعاء!!!!)

و بعدين فتوى الرضاعة

و فتوى تحريم "البوكيمون"

و فتوى تحريم "البلايستيشن"

و أحلا فتوة فيهم ............ فتوى قتل "ميكي ماوس"

يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يرسل ايميلات ....

ملاحظة: اذا بعثت الايميل هاذا لكل الي عندك راح يطلعلك جني سويسري راكب بنتلي، و اذا ما بعثته راح أطلعلك أنا كل يوم في المنام و اقولك "ليه ليه ليه ليه مبعتوش " للصبح

[osmel33]

يا تمريراتك يا أبو ريم أستاذ والله

أنت عارف موضوع الموانع ده تاعبنى نفسياً من زمان وكان على أيام أهالينا تلاقي

كل تصرفاتهم سبحان الله غلط وعايشين ومافيش مشكلة من بداية أكل السمن

البلدى مع العسل وشرب الميه من الزير ومافيش حاجة خالص مافيش حد فيهم

قال يا خوانا كده نعيا يا خوانا كده هانموت وكانوا عايشين ولو حد فى جيلنا حاول

يقلدهم ممكن يروح فيها ده من ناحية الموانع

ونيجى بقى لموضوع المقاطعة بتاع الأكل والشرب والحركات دى المشكلة أنا

مع اقتناعي اللى نص نص بموضوع المقاطعة ده لأن بصراحة من باب أولى

نقاطعهم فى الإجهزة اللى احنا قاعدين نكتب عليها الكلام ده ،

أنت عارف أنا زمان مرة فكرت فى موضوع المقاطعة ده بس من شكل تاني أن لو

مثلاً المقاطعة فى الأكل والشرب والحاجات دى جابت نتيجة جامدة فكرت أنهم

بنفس البساطة يقدروا يقطعوا الميه والنور والتكنولوجى عننا يعنى يا ابو ريم

كنا هانقضيها أنا وانت كلام فى الكوز من أم الغويلينة للنجمة

نيجى بقى لموضوع الميلات اللى كل ما نفتح الميل نلاقي ميل ينط فى وشنا

ابعت الميل وهاتاخد حسنة ولو مابعاتوهوش هاتشوف الويل وسواد الليل

عارف الميلات دى منتشرة بينا ليه لأننا من الشعوب العاطفية ومن الشعوب

اللى مش عايزة تتعب ياه ه ه ... هابعت ميل لكام واحد عندى وهاخد كام حسنة

يا سلام ولا كأننا فى موسم التخفيضات ومن غير تعب وقيام ليل ودفع زكاة

وكده خلصت ميل واحد خلص كل الكلام ده لما أخد أنا 213939489384939 حسنة

يبقى هاصلى بقى ليه ؟ ولا هاتصدق ليه ؟ ماهى حاجة ببلاش كده

ده غير كمان الكلام المكذوب عن الرسول "عليه أفضل الصلاة والسلام"

اللى بيتبعت وهنا بصراحة هى المشكلة وهى ترويج ماليس فى الدين على أنه

أصل من أصوله وطبعاً سي الافندى اللى مش مكلف خاطره يدور الكلام ده صح

ولا لأ بيروح باعت على طول طب فين يا مؤمن قول الحسن البصري

"المؤمن وقاف حتى يتبين" أو كما قال عمر بن عبد العزيز "المؤمن وقاف يمضى عند الخير

ويقف عند الشر" مافيش بقى وأبعت ميل يا ريس وعيش

[Abu Reem]

ونيجى بقى لموضوع المقاطعة بتاع الأكل والشرب والحركات دى المشكلة أنا

مع اقتناعي اللى نص نص بموضوع المقاطعة ده لأن بصراحة من باب أولى

نقاطعهم فى الإجهزة اللى احنا قاعدين نكتب عليها الكلام ده ،

أنت عارف أنا زمان مرة فكرت فى موضوع المقاطعة ده بس من شكل تاني أن لو

مثلاً المقاطعة فى الأكل والشرب والحاجات دى جابت نتيجة جامدة فكرت أنهم

بنفس البساطة يقدروا يقطعوا الميه والنور والتكنولوجى عننا يعنى يا ابو ريم

ليه يازعيم بس موضوع مقاطعة الاكل والشرب مقتنع به نص نص ، للعلم هذه المقاطعة غير أنها مؤثرة من النواحي والمصالخ الاقتصادية والتجارية ،إلا أن لها تأثير أخر وهو اعطاء دلالة على أن الشعوب لها إرادتها المستقلة بعيدا عن حكوماتها.

وبعدين بالنسبة للنواحي التكنولوجية ، همه لو حرمونا منها ، هناك دول أخرى بديلة نستطيع منها الحصول على لهذه التكنولوجيا ( وبعدين إيران مثلاً مستقلة بنفسها بعيدا عن أمريكا )

وأنا إللي بيغيظني قوي إني لما أروح أي مول أو مركز تجاري ألاقي أكثر من 20 مطعم في جميع التخصصات ، وللأسف تلاقي الزحام بصورة ملفتة على المطاعم الأمريكية ،

مش عارف هل السبب أن أسعارهم أرخص ،،، أم خدمتهم أحسن ،، رغم رداءة منتجاتهم وللأسف نوعية الدجاج اللي بيستخدموها من أسوأ النوعيات ، وحتى ريحتها بتبقى غريبة ولونها من الداخل بيكون غامق ،

ولاحظ كده دائما هذا الموضوع ( دائما الزحام على ماكدونابد وكنتاكي ، وهارديز ) ... بأحسدهم أهه ،، !! وبرده مفيش فايدة !!

[سهل جدا]

والله يا بو ريم يا خويا وماليك علي حلفان

أنا لما قرأت موضوعك حبيت أعلق عليه

بس ما بقيتش عارف أعلق على إيه ولا إيه ولا إيه

دا الموضوع عبارة عن كذا محور

وكل محور مكون من كذا فقرة

وكل فقرة مكونة من كذا نقطة

وكل نقطة مكونة من .... :happy:

يا سنة سوحة يا ولاد :unsure:

دا أنا لازم آخذ أجازة من الشغل عشان أعلق على كل نقطة على حدة

إيه يا عم انت معترض على كل حاجة كده

طيب أنا هاعمل حادي بادي كرنب زبادي , وأختار حاجة واحدة أعلق عليها ..

حادي بادي كرنب زبادي شالو حاطو كل على آدي ....

((المقاطعة))

شوفي يا سيدي الناس في موضوع المقاطعة طرفين ووسط

ناس بتقولك لازم تقاطع كل البلاد الوحشة

وناس تقولك إوعى تقاطع أي حاجة لأن احنا اللي هانتضرر أكثر منهم

وأنا مقتنع بقى يا سيدي بالوسط ..

يعني المصلحة الراجحة هي التي تحدد إن كنا نقاطع ولا نوووووووووووو

لأن الأصل في التعامل مع الكفار إنه جائز , وكان الرسول صلى الله عليه وسلم بيتعامل مع اليهود بيعا وشراء وإجارة وكل شيء

لكن لو ظهرت مصلحة راجحة وواضحة في المقاطعة فبها ونعمة زي ما حصل في موضوع الدنمارك ,

كان فعلا أسلوب ضغط قوي عليها ولم تتأثر البلاد الإسلامية من المقاطعة

لأن الدنمارك كل اللي حلتهم شوية ألبان وجبن

لكن لما تقولي نقاطع دول أوربا كلها وأمريكا وكل البلاد المتقدمة

يبقى احنا كده بنضر نفسينا أكثر ما بنضرهم

وهانحرم نفسينا من تكنولوجيا مفيدة جدا ..

وبالنسبة للإيميلات يا سيدي , عندك حاجة اسمها (جانكي ميل)

الرسائل اللي مش بتعجبك حطها فيها ..

وبعد كده كل لما يبعتولك تروح تلقائيا في الجانكي ميل

دمت معترضا على كل شيء

:blink:

[Abu Reem]

وبالنسبة للإيميلات يا سيدي , عندك حاجة اسمها (جانكي ميل)

الرسائل اللي مش بتعجبك حطها فيها ..

وبعد كده كل لما يبعتولك تروح تلقائيا في الجانكي ميل

دمت معترضا على كل شيء

يا عم سهل متلخبطش الدنيا زي العادة :lol:

أنا مقلتش إني معترض :lol: ، أنا بأتريق على أوضاعنا وبقول إن في حياتنا متناقضات ، وحاجات خلت كل حاجة صعبة ،

وبعدين إنا قلت إنك هتعلق على الموضوع وتقول لنا على أفكارك النيرة تقوم تقول لي إن في جانك ميل :blink: ( ياعم ما أنا عارف ) هي المشكلة أحط الإيميلات إللي جاية فين؟؟؟ jdw::

والا المشكلة في الناس إللي بتصدق الايميلات ويبعتوها من غير تفكير طالما وجودوا فيها قال الله وقال الرسول :happy: .

وفي انتظار رأيك بجد المرة دي في هذه المواضيع :unsure:

[osmel33]

ليه يازعيم بس موضوع مقاطعة الاكل والشرب مقتنع به نص نص ، للعلم هذه المقاطعة غير أنها مؤثرة من النواحي والمصالخ الاقتصادية والتجارية ،إلا أن لها تأثير أخر وهو اعطاء دلالة على أن الشعوب لها إرادتها المستقلة بعيدا عن حكوماتها.

بص يا ابو ريم النص اللى انا مقتنع بيه هو مسألة أن المقاطعة ممكن تكون إرادة الشعب بعيداً عن الحكومات

والنص اللى انا مش مقتنع بيه تأثيرها على البلاد المقاطعة انت شايف أنه التأثير ده حيوى ؟ أنا متذكر أن

لما حصلت المقاطعة على المنتجات الديناماركية حصل دعم كامل من الإتحاد الأوروبي علشان التأثير يكون محدود

أو زى ما عملت الدنمارك بالتحايل بأن منتجاتها صناعة الإتحاد الأوروبي

يعنى أنا باعتبر الناس دى استفادت من دروس الماضي وبتخلى فيه دعم باكاب علشان الحاجات اللى زى دى

وبعدين بالنسبة للنواحي التكنولوجية ، همه لو حرمونا منها ، هناك دول أخرى بديلة نستطيع منها الحصول على لهذه التكنولوجيا ( وبعدين إيران مثلاً مستقلة بنفسها بعيدا عن أمريكا )

فين الدول دى ؟ هو فيه دول نزلت تكنولوجيا من غير ما أنا اعرف ؟ :unsure:

لو كان قصدك دول أوروبية ماهى برضه تعتبر من دول المواجهة "حلوة دول المواجهة دي" jdw::

إيران ؟؟؟؟؟؟ الدول اللى زى إيران دى دول فاشلة إقتصادياً وعلمياً وهى كل اللى بتعمله

بستورد تكنولوجيا الهدم ومالهومش فى تكنولوجيا البناء ولما حتى يقعدوا ميت سنة

مش هايقدروا يعملوا زيها

ومعلش يا ابو ريم ما تجبش سيرة ايران تاني لحسن باضرس :blink:

وأنا إللي بيغيظني قوي إني لما أروح أي مول أو مركز تجاري ألاقي أكثر من 20 مطعم في جميع التخصصات ، وللأسف تلاقي الزحام بصورة ملفتة على المطاعم الأمريكية ،

مش عارف هل السبب أن أسعارهم أرخص ،،، أم خدمتهم أحسن ،، رغم رداءة منتجاتهم وللأسف نوعية الدجاج اللي بيستخدموها من أسوأ النوعيات ، وحتى ريحتها بتبقى غريبة ولونها من الداخل بيكون غامق ،

ولاحظ كده دائما هذا الموضوع ( دائما الزحام على ماكدونابد وكنتاكي ، وهارديز ) ... بأحسدهم أهه ،، !! وبرده مفيش فايدة !!

البروفيشنالتي والإسعار طبعاً أنا على فكرة مقاطع أنا وولادى كل اللى انت قولت عليهم دول

بس بنجرى محاولات مستميتة علشان نحط جنبهم بيتزا هات بس للأسف كل المحاولات

باءت بالفشل بس هانحاول :happy:

ولما تقعد تحسدهم من هنا للصبح دول عالم بروفيشنال وبغض النظر هما بيبيعوا أيه

تم تعديل 18 مارس 2009 بواسطة osmel33

[Abu Reem]

للعلم الايميلات إللي فيها مواضيع دينية وأحاديث قد يكون معظمها موضوعة،

بيتهيأ لي الغرض منها أننا نكون شعوب (دراويش ) نعتمد فقط على الأدعية والذكر ونضمن الجنة بدون عمل

ربنا يستر على الناس // إللي بتصدق أي حاجة

تم تعديل 19 مارس 2009 بواسطة Abu Reem