السفر إلى الماضي

[الجدار]

بعد بحث شاق وفحص وتمحيص لنظرية النسبية للعالم العبقري أينشتاين

توصل فريق من الباحثين لعمل آلة الزمن

ولآنها ما زالت في طور التطوير أقصى ما وصل له هؤلاء الباحثين هو جعل الآلة تعود للماضي يوماً واحداً.

وللأننا شعب نقدر الوقت جداً وكل يوم يفرق في حياتنا جداً

إذا اتيحت لحضرتك فرصة العودة للماضي لمدة يوم واحد

هل في رأيك ستقوم بعمل شيء يغير ما لم تستطع تغييره أمس

أم أن اليوم مثل أمس مثل غداً

وهنا يصيح سبع الليل : إيه يا عم انت تقلت في الصنف النهاردة ولا ايه ؟؟ يالا قوم روح

واد يا كانشه وصل الأستاذ جدار لحد باب بيتهم قبل ما يتهد على دماغنا

يا ترى يا عالم كان حيفرق لو رجعنا يوم لورا؟؟ نفسي أعرف رأيكم في الموضوع

يقول الإمام الشافعي رحمه الله: إذا ما مضى يوم ولم أصطنع يداً ولم أقتبس علماً فما ذاك من عمري فهذا اليوم الذي لم أجد فيه قرباً من الله، ولم أصنع يداً أو معروفاً، ولم أكتسب فيه علماً جديداً، فلا يحتسب ذلك اليوم من عمري

يا ترى احنا عمرنا كام سنه احم قصدي كام شهر ولا يوم ولا ساعة ؟؟

[الجدار]

ايه يا جماعة افهم من عدم الردود ان كله رجع بقى امبارح ولا ايه ؟؟ :lol:

كده يبقى مافيش حد حيقرا الموضوع لأنه لسه ماتكتبش

طيب ادوني رنه يا عالم برضو تسيبوني لوحدي كده

[waloaa]

يا ترى يا عالم كان حيفرق لو رجعنا يوم لورا؟؟ نفسي أعرف رأيكم في الموضوع

أكيد كان حيفرق حضرتك: يعنى على المستوى الشخصى مثلا

لو حاجة كنت عملتها وما استفدتش بيها او كان فيها قصور أكيد حتجنبها واحاول احسنها

ولو حاجة كانت مضيعة للوقت او مافيهاش خبرة اتعلمتها برضه حتجنبها

حضرتك فكرتنى بكلمة كنت قريتها فى كتاب الاستاذ عبد الوهاب مطاوع"ارجوك اعطنى عمرك" اللى كان بتكلم عن اهمية الاستفادة من خبرات الاخرين الحياتية و عدم الوقوع فى اخطاءهم

كان بيقول انه بيتمنى ان يكون للانسان حياتين حياة يعيشها ليتعلم فيها واخرى يعيشها ليتجنب الاخطاء اللتى وقع فيها فى الاولى

[MoHaMMeD EgYpT]

الواحد كان هيعمل اللي في نفسه :) و بعد كده يرجع الزمان يوم و يبقي كده فلت من اللي عمله

يعني مثلا شخص متغاظ منه تضربه و بعد كده ترجع بالزمان يااااااااااااااه لو ده اتحقق ^^

[د هشام ابراهيم]

سؤال صعب ....أرجع يوم واحد بس ..... ممكن أغير العالم ..... و ممكن ما أعملش حاجة خالص ..... و ممكن و ممكن .......

اللي حصل حصل بقى و خلاص ..... حتي الغلطات الواحد بيستفيد منها برضه .... و بعدين :

All in all you're just a....

another brick in the wall

:)

تحياتي يا سيدي الفاضل

[الجدار]

يا ترى يا عالم كان حيفرق لو رجعنا يوم لورا؟؟ نفسي أعرف رأيكم في الموضوع

أكيد كان حيفرق حضرتك: يعنى على المستوى الشخصى مثلا

لو حاجة كنت عملتها وما استفدتش بيها او كان فيها قصور أكيد حتجنبها واحاول احسنها

ولو حاجة كانت مضيعة للوقت او مافيهاش خبرة اتعلمتها برضه حتجنبها

حضرتك فكرتنى بكلمة كنت قريتها فى كتاب الاستاذ عبد الوهاب مطاوع"ارجوك اعطنى عمرك" اللى كان بتكلم عن اهمية الاستفادة من خبرات الاخرين الحياتية و عدم الوقوع فى اخطاءهم

كان بيقول انه بيتمنى ان يكون للانسان حياتين حياة يعيشها ليتعلم فيها واخرى يعيشها ليتجنب الاخطاء اللتى وقع فيها فى الاولى

كلام حضرتك مظبوط 100% لكن هل تعتقد ان اليوم اللي عدا امبارح في حياة كل شخص مننا مختلف عن النهاردة أو عن بكرة ؟؟

يعني انا حاسس ان معظمنا عايشين حياة روتينية مملة لدرجة تكرار نفس الشيء كل يوم

يعني اعتقد انا لو رجعت امبارح يتهيألي اني ماكنتش حعمل جديد

انا معاك ان في ايام بتبقى فاصلة في حياة الواحد لكن معظم الأيام الواحد عايشها كده وخلاص يعني زي ما تيجي

يعني لما تيجي تسأل معظم الناس ازيك عامل ايه؟ يقولك أهو عايش، اهي ماشيه، في الدنيا

بجد نفسي الواحد يحط خطة لليوم ويحاول يمشي عليها ويحاول يستغل كل لحظة بس الإنسان بطبيعته عدو للقوانين عايز يعيش كده

ولا انا رأيي غلط ؟؟

[الجدار]

الواحد كان هيعمل اللي في نفسه :lol: و بعد كده يرجع الزمان يوم و يبقي كده فلت من اللي عمله

يعني مثلا شخص متغاظ منه تضربه و بعد كده ترجع بالزمان يااااااااااااااه لو ده اتحقق ^^

طيب نعمل فيك ايه يا حاج محمد يعني انا لو في نفس المرحلة السنية اللي انت فيها كنت رجعت يوم وشفت الإمتحان اللي كالعادة ماحلتش فيه كويس

وتاني يوم ادخل الإمتحان واعمل نفس الغلطات

لكن ضرب وطرح وقسمة مش تمام كده :giveup:

[الجدار]

سؤال صعب ....أرجع يوم واحد بس ..... ممكن أغير العالم ..... و ممكن ما أعملش حاجة خالص ..... و ممكن و ممكن .......

اللي حصل حصل بقى و خلاص ..... حتي الغلطات الواحد بيستفيد منها برضه .... و بعدين :

All in all you're just a....

another brick in the wall

:lol:

تحياتي يا سيدي الفاضل

عزيزي الدكتور هشام أسعدتني مشاركتك وإجابتك بصراحة كانت في الجول يعني لو رجعت في يوم من أيام الروتين الكاربوني (من ورق الكاربون اللي بينسخ الورق بتاع زمان ده)

مش حتعمل حاجة والحياة حتبقى زي ما هي

غير لو رجعت ليوم فاصل في حياتك (قرار سفر، قرار شغل، قرار جواز - ولا بلاش القرار ده :giveup: - ) أكيد 100% كنت حتغير حاجات كتير

مش ناوي تنسى Pink Floyd ولا ايه ؟؟

[د هشام ابراهيم]

مش ناوي تنسى Pink Floyd ولا ايه ؟؟

صعب جدا يا باشا ....أنا حاسس إن موضوع حضرتك كأنه من وحي أغنية ليهم

[سهران]

أول حاجة جت في ذهني ........ أعرف الأسعار في البورصة و أعمل أحلى شغل في الأعادة

بس الله يباركلك أوعى أرجع من يوم السبت للجمعة و تبقى البورصة قافلة جمعة و سبت

[الجدار]

مش ناوي تنسى Pink Floyd ولا ايه ؟؟ :lol:

صعب جدا يا باشا ....أنا حاسس إن موضوع حضرتك كأنه من وحي أغنية ليهم :)

انا كلي pink floyd بصراحة تطلع من الألبوم من دول مخك بيفكر في مليون حاجه كانت أدامك وماكنتش شايفها

أحييك مرة تانيه على ذوقك العالي

[الجدار]

أول حاجة جت في ذهني ........ أعرف الأسعار في البورصة و أعمل أحلى شغل في الأعادة :)

بس الله يباركلك أوعى أرجع من يوم السبت للجمعة و تبقى البورصة قافلة جمعة و سبت :lol:

والله ده يبقى حظك زي الـ....

ولا بلاش

خلينا في سوق العملات أحسن وأدعيلي

[سهران]

أول حاجة جت في ذهني ........ أعرف الأسعار في البورصة و أعمل أحلى شغل في الأعادة :)

بس الله يباركلك أوعى أرجع من يوم السبت للجمعة و تبقى البورصة قافلة جمعة و سبت :lol:

والله ده يبقى حظك زي الـ....

ولا بلاش

خلينا في سوق العملات أحسن وأدعيلي

هادعيلك من غير عملات ..........ده حتى كفاية موضوعاتك الجيدة ... حضرتك شايف حاجة نافعة ؟؟؟ لا بورصة و لا دهب و لا غيره ... حتى الماكنة بتاعتك بترجع جمعة و سبت و البورصة قافلة :blink: ;)

خالص التحية