الطريقة السريعة لعمل شهادة الخبرة لمهنة مشغل الة طباعة

[الأمير العاشق]

ما هى الطريقة السريعة لعمل شهادة الخبرة لمهنة مشغل الة طباعة ارجو الافادة

تم تعديل 19 مارس 2009 بواسطة عصام
تغيير عنوان الموضوع بما يعبر عن مضمونه

[doha]

بتروح لاي حد صاحب مطبعه تكون عارفه يكتب لك ورقة مكتوب فيها تشهد مطبعة كذا او مؤسسة كذا او ايا كان مسمى الجهة الي انت طالب منها الشهاده بان فلان العلاني الي هو انت مصري الجنسية وحاصل على مؤهل كذا قد عمل لدينا في الفترة من كذا الى كذا وتكتب تاريخ بداية العمل وتاريخ نهايته بوظيفة كذا وممكن يكتبوا كمان كنت مسؤول عن ايه او ايه .. وانه طوال هذه المده كان كفء لاداء الوظيفة او متعاون مع زملاءه او اي كلمتين فيهم مدح فيك وفي النهايه بيكتبوا وهذا شهاده منا بذلك دون ادنى مسؤولية ومعرفش ايه الحكمه بس تقريبا عشان محدش يقولهم هاتوا فلوس .

بيمضي المدير او صاحب المطبعه على الشهاده دي الامضاء المعتمد في الغرفة التجارية وبيختم لك بالختم المعتمد برضه بعدين تاخذها وتوثقها .. من المحافظه طبعا لان دول بيوثقوا اي ورقة حتى لو ورقة لحمه ثم من جهة ثانية ناس تقول الغرفة التجارية وناس تقول الشهر العقاري بس اضمن شيء اسال المكتب الي هيسفرك باذن الله توثق الشهاده منين بالظبط ..

بس طبعا يفضل ان يكون عندك خبرة فعلا ومتكونش الشهاده مضروبه عشان ميبقاش حرام عليك .. مش عاوزه افتي بس برضه اسأل فيها حد ان كانت من باب شهاده الزور ولا لاه وربنا يبعدنا عن اي رزق حرام ..

[الأمير العاشق]

لا يا اخى انا الحمد لله عندى خبرة كبيرة وكمان انا كنت موجود فى المؤسسة دى نفسها من سنة وبنفس المهنة ونزلت ومرجعتش فارسلولى تاشيرة بنفس المسمى الغريب انى فى المرة الاولى لم يطلب منى شهادات خبرة فوجئت المرة دى ان المكتب بيقولى عايزين شهادة خبرة

[الباشمهندس ياسر]

ابعت هات شهادة خبرة من عندهم

طالما كنت شعال معاهم قبل كده

شهادة الخبرة بتاعتهم احسن من اى شهادة تانية هتجيبها