تهامي بقي رجل أخضر يا قوم :)

[Alshiekh]

عندك واحد

كده يا تهامي

إنتقلت لمعسكر الأعداء

شكرا يا باش مهنــــــــــــــــــــــــــــــــــدس

[osmel33]

أنا مش لسه قايلك مبروك فى حتة تانية ؟

وبعدين معاك يا ريس تهامي ما ينفعش كده أفتحلك قهوة ولا أعملك نصبة

واقعودلك فيها ويجيلك كل المعازيم عليها ماشي ؟

مبروك يا دكترة :giveup: وعلى فكرة نفس الوردة دى أنا إدتهالك فى حتة تانية

[ناوية ع الهجرة]

الف الف مليوووووووون مبروك يا دكتور

طبعا ده مكسب كبير جدا لأهل منتدى كندا الكرام

وانا كنت اون لاين وفجأة لقيت التهامي اخضر لدرجة اني شكيت في نفسي

واقول ايه ده ؟اتاريك بقيت من كبارات البلد؟

ايه دنيا ولا بتخلي الراكب راكب ولا الاسود اسود :giveup:

[Virus]

لأ واجب نهني برضو في الموضوع الشعبي كمان..

حبيب قلبي ودفعتي وزميل كفاحي ورفيق سندوتشات الفول من الشرق ..(تماحيك( :giveup:

والله أنا فعلا مبسوط جدا وسعيد بقرار الإدارة..لأنك لك بصمة واضحة في باب كندا وهو أكيد من أهم الأبواب..زائد إن شخصية بوبيلار واللي هتقوله الناس كلها هتمشيه إنشا الله لو لغيت عضوياتهم :lol:

عايزين بقى شغل جامد..أظن اليومين دول الجو حلو ومفيش انفلونزا في البريمة ولا دياولو..احلقلهم بقى وتقفل باب عيادتك عليك وما تقومش من على المحاورات..بس ظبط انت التمبوشر الأول بحبايتين من اياهم

ألف ألف مبروك يابو سعد

[precanadian]

الف مبروك يا كبير عقبال الحزام الازرق بس بالراحه علينا احنا برضه من رجالتك

توارد خواطر و لا إيه يا دكتور ...بس حكاية الرجل الأخضر ديه لايقة علي عم الحاج تهامي قوي :giveup:

ياباشا ( الأرواح جنود مجندة , فما تعارف منها ائتلف , وما تناكر منها اختلف)

بس حكاية الرجل الأخضر ديه لايقة علي عم الحاج تهامي قوي

دي لايقه جدا وخصوصا لما بيتنرفز بيبقي زي الشربات.

[ssmaly]

احب ان اتقدم بالتهنئة والمباركة للمنتدى وخاصة قسم الياقات البيضاء( القسم الكندى) على المرسوم السلطانى السامى بتعين ابن الشعب التهامى ليبقى واحد من الحكام مشرف للباب العالى

ودعاء للدكتور التهامى بربنا يعينوه على الاشراف وارجوا من الله انه لا يتغير ومايحيش فى يوم يقول لحد--

انتى بيتشغلى ايه؟

سواكة------

خرسيس اكسوا برة--

[se_ Elsyed]

إنت جيبت يا تُهامي ...

سيبني بقى أفطر وأعمل دماغ .. وأروح رازعك كِصة .. إنما إيه ..ز أنقح من بتاعة لولا .

مبروك علينا دُفعت المستجدين الجُدد وربنا معاهم ..

ويالا إنت وهيا عالطابور ..

مُستجدين صفا

مًستجدين إنتباه

مخالي شِل يا عسكري تُهامي إنت والمُجندة لولا ....

الجيش يعني خشونة .. يعني رجولة ..

يعني لا لولا بعد اليوم ... عايزين نختار لها إسم خشن يليق بسلك الجهادية ...

[محمد عبدالعزيز]

ألف مبروك يا دكتور تهامى

وده تكليييييييييييييف مش تشريييييييييييييييييييييف ولا سفسطة ولا ملك وجااااااااااااااااااااااه

ربنا معاك يا دكتور ويعينك على المسئولية الجامدة دى :winner:

[bentmasria]

الف مبروك استاذنا الفاضل ربنا يوفقك ويعينك

مبروك لينا وللمحاورات :winner:

البنت المصرية

[الباشمهندس ياسر]

قلبى عندك يا تهامى يا خويا

بصراحة اكتر باب يتعب بعد باب المغتربين

شد حيلك و بالتوفيق

و من نجاح لنجاح اشد

[qenawy]

مبارك لك يا تهامي

الدنيا كده بقت جميلة جمال

[حسام يوسف]

ألف ألف مبروووووووووووووووووووووووووووووووووووووووووك :blink:

[ام بودى]

انا شايفة حركة ترقيات وتعديل وزارى جامدة فى المحاورات خير خير كويس يا جماعة دا مناخ ايجابى دم جديد =فكر جديد لولا وتهامى الف مبروك بس ماتنسوش الغلابة عمال الغزل والنسيج اخوة التراب والمحاورات اللى كنتو بينهم قبل شوية ام انها سنن الاولين اولها دعوة واخرها ملك (موسيقى تصويرية ملوك الطوائف) :blink: mfb:

[عصام]

على الله بقى تنزل من على كتفى وتعدل موضوعاتك بنفسك

قااااااااااااااااابل يا معلم :blink:

[ايهاب سالم]

عندك واحد

كده يا تهامي

إنتقلت لمعسكر الأعداء

شكرا يا باش مهنــــــــــــــــــــــــــــــــــدس

لا شكر على واجب يا ا / محمد

[لولا]

الف مبروك يا كبير عقبال الحزام الازرق بس بالراحه علينا احنا برضه من رجالتك

توارد خواطر و لا إيه يا دكتور ...بس حكاية الرجل الأخضر ديه لايقة علي عم الحاج تهامي قوي :blink:

هو لما بيزعل بيقى كده :)

ربنا معاكم :lol: