إستفسار عن عقد عمل بينبُع

[ENGBIBO]

بجد نفسى أعرف ليه دايما المصريين مش بيحبه يساعدوا بعض يعنى ولا منهم ولا كفاية شرهه

فعلاً ده يء مُلاحظ على المصريين إنهم ما بيحبوش يساعدوا بعضهم وولا منهم ولا كفاية شرهم .. عشان كده سيادتك مسجل عندهم في محاورات المصريين ..

هاسألك سؤال يا ابو إياد : لو إنت في موقع زي موقعنا كده ... وفي ناس إخوة بيدخلوا يسألوا أسئلة وأخرين بيقتطعوا من وقتهم ويجاوبوا على الأسئلة دي بكل ترحاب ولوجه الله ... يقوم بقى ناس تانية تدخل تسألة نفس الأسئلة اللي لسه متجاوب عليها من دقائق والموضوع لسه سخن ويبعُد سنتيمتر واحد عن الموضوع الجديد ( زي موضوع مصاريف المدارس بتاع حضرتك ) .. على اساس يعني إنهم بيكسلوا يقرأوا أو يكسلوا يعملوا سيرش أو هو مسجل لهدف واحد وهو إنه يضع سؤال ويتلقى إجابته ويولي الأدبار .... هل هذا يُفرحك ويدل على تعاون المصريين وذكاء المصريين وتعب المصريين في الحصول على المعلومة ؟

بص كده على الموضوع المثبت في أعلى باب المغتربين بعنوان " ملف كامل عن المعيشة في السعودية " او عن موضوع البصمة في السعودية .... أهو موضوع واضح للعيان ومع ذلك كل 5 دقائق يدخل مصري من اللي بيقول ليه المصري مش بيحب يساعد أخوه المصري وولا منه ولا كفاية شره يقول " من فضلك هو موضوع البصمة إيه ظروفة بقى ؟ زي مسرحية " إلا خمسة " إنتي جايه تشتغلي إيه ؟

تعمل إيه لو إنت مكاننا يا أخ أبو إياد ؟

وصدقني لو أقترحت إقتراح بناء ستأخذ به الإدارة بحيث نشعر إن مجهودنا لا يذهب أدراج الرياح ... وبحيث نشغل مخنا شويه .. وبحيث ما نشنعش على أنفسنا - خلي بالك إنت لسه مصري وما أخدتش جنسية تانية .. وبتتهم المصريين اللي إنت منهم إنهم بيكرهوا الخير لبعض .. كل ده وإنت لسه ما سافرتش ... أومال لما تسافر بقى وتختلط بنماذج مختلفة من البشر هاتوقل إيه ؟

اهلا بيك عم سي السيد انت فعلا راجل طيب اووووي وربنا يخليك لعمل الخير انا طالب مشوره متخصصة انامحمود من الاسكندريه مهندس كيميائي تعبت من التفكير

انا مضيت primary offer مع شركه سعوديه تتبع لشركه تصنيع الشركة اسمها cristal global لانتاج التيتانيوم اكسيد والصوديوم سيليكات موجوده في ينبع الصناعية ياريت لو حد عنده معلومات عنها واقعية لانكم عارفين ان السيت بيكبروها اوي وتفاصيل الاوفر انا مش عارف هي مناسبة للسعودية كعيشة مع زوجتي وبابي 7شهرالاووفر 6200ريال اساسي +30000 ريال بدل سكن +700 ريال بدل مواصلات + 3شهور بونس من الاساسي هل هذا مناسب لوظيفه shift supervisour مع العلم اني سوف اضطر لتقديم استقالتي من قطاع البترول في مصر من فضلكم افيدوني بس من لدية مشورة متخصصة من فضلكم واسف علي الاطاله

انا راتبي في مصر حوالي 4500 مصري

[ENGBIBO]

علي فاكرة انا عندي 28 سنه وخبره 5سنين في البتروكيماويات وياريت تقبلوني صديق لحد ماقابلكوا لو كان في نصيب ارجو المشورة

[se_ Elsyed]

30000 بدل سكن .. كويس وممكن تلاقي بهم سكن في ينبع وتوفر منهم كمان

6200 راتب أساسي في مجال البتروكيماويات .. مبلغ ضئيل جداً وناس بتستهبل بصراحة ..

3 شهور بونس .. لو عندك مدارس .. يبقى دول يادوب مصاريف مدارسهم لو عايز تعلمهم كويس .. يبقى دول رايحين النار

700 بدل إنتقال كويس برضوا

بس هاتشتري عربية على حسابك إعمل حساب لكده

شايف إنه الراتب صغير مقارنة باللي بتحصل عليه في مصر ومجال البترول ما شاء الله ممتاز في مصر وفيه فرصة للتدرج والترقية والزيادات ..

أما هنا فما تضمنش ...

لو رفعوا المرتب لحد 10 ألاف ريال هايبقى حلو ..

لو ما كنتش مضيت عرض العمل يبقى حاول تضغط عليهم وتستفيد أكتر عشان التضحية اللي هاتضحيها

لو ماكنتش شغال في مصر كنت قلت لك إقبل ..

لكن تضحيتك هاتبقى كبيرة ولازم تستاهل المخاطرة ...

[doha]

لو انا مكانك لو هيدفعوا لي راتب عشرين الف حتى في الشهر لا استقيل نهائيا من وظيفة في البترول..

خليك واقعي ومنطقي دلوقت لو استقلت من شغلك في مصر يبقى مطلوب منك فوق انك تجيب مصاريفك بتاعت الحياه العاديه هنا انك تحوش مبلغ كبير جدا يكفي انه يعمل لك مصدر دخل لما ترجع مصر باذن الله ولو بعد عمر طويل مهو مفيش مغترب من المصريين بالذات الا ولاززم يرجع بلده في الآخر شاء أم ابى . ..

فكر انت لو حوشت اقصى حاجه هتعمل ايه هتجيب لك شقة ولا عربية ولا حتى بيت تمليك كل ده ميجيبش لك الايراد الي كنت هتاخذه من وظيفتك في مصر الي كثيرين بيسعوا يتعينوا فيها ولو بدفع مبالغ طائلة بتوصل لعشرات الالاف من الجنيهات ..

وظيفتك الحالية ماشاء الله تبارك الله تعتبر عقد في حد ذاتها .. يمكن مبتجيبش لك فلوس قدر السفر لكن على الاقل فيها ضمان اكتر للمستقبل .. ولاحظ انك مهما حوشت هنا ولو عملت مليونين تلاته حتى ورجعت مصر مفيش مشروع مضمون مائة في المائة ممكن تشغلهم فيه ..

ربما عملك في قطاع البترول بيسبب لك تغرب كتير عن اسرتك وده الي محفزك للسفر لكن وازنها من جهة اخرى افرض انك استقلت وسافرت ولاقدر الله حدث اي شيء اضطركم للعوده يبقى كده خسرتم الجلد والسقط زي مابيقولوا ..

دائما انصح الي عاوز يسافر برا ده يكون حاجه من ثلاثه .. اما رايح لهدف معين مثلا دكتور ورايح يجمع ثمن العياده او ساكن في ايجار وطالع يشتري الشقة التمليك ولا حتى سائق وطالع يجيب ثمن الميكروباص ..او شخص ظروف عمله صعبه جدا والعمل ملوش مستقبل شغال في قطاع خاص مثلا وممكن يستغنوا عنه في اي لحظه ده يروح برا لان مش فارقة معاه هتبقى نفس الظروف وممكن يستغنوا عنه برضه بس على الاقل هيكون العائد اجزى شويه .. او النوع الثالث شخص يكون فاقد اوي وليس لديه مايخسره زي مابيقولوا يعني واحد متخرج مثلا من كلية من الي بتخرج بالثلاث اربع الاف في الدفعة ولا وراه ولا قدامه ولا امل لديه في وظيفة بتلاته تعريفه ايوه ده طبعا يسافر ويهج من البلد ويبقى غلطان لو مفكرش كده .. اما لو ربنا فاتح عليك بوظيفة بدخل مستقر وحياتك ماشية في مصر ففكر الف مرة قبل ماتطلع لان الحياه هنا من اصعب مايكون صحيح هتاخذ الاف كراتب لكن هتطلع عينك بيهم وهتنطحن طحن مكنتش تحلم بيه برضه .. فلوس برا كتير لانها على قدر الشغل .. وشوف انت بقى الي بيقبض في مصر ثلاثمائة ولا ربعمية جنيه بيشتغل بيهم قد ايه واضرب بقى براحتك مقدار الشقا في مقدار الزياده في الراتب هنا ..

وعلى كل حال اهم من كل كلامي ده عندك الاستخاره استخير وفكر وانت ادرى بظروفك يجوز برغم كل ده يكون السفر احسن لك لكن عني رايي متسافرش واغلق باب السفر ده نهائيا وربنا يبارك لك في الموجود .

[jamalpody]

لو انا مكانك لو هيدفعوا لي راتب عشرين الف حتى في الشهر لا استقيل نهائيا من وظيفة في البترول..

خليك واقعي ومنطقي دلوقت لو استقلت من شغلك في مصر يبقى مطلوب منك فوق انك تجيب مصاريفك بتاعت الحياه العاديه هنا انك تحوش مبلغ كبير جدا يكفي انه يعمل لك مصدر دخل لما ترجع مصر باذن الله ولو بعد عمر طويل مهو مفيش مغترب من المصريين بالذات الا ولاززم يرجع بلده في الآخر شاء أم ابى . ..

فكر انت لو حوشت اقصى حاجه هتعمل ايه هتجيب لك شقة ولا عربية ولا حتى بيت تمليك كل ده ميجيبش لك الايراد الي كنت هتاخذه من وظيفتك في مصر الي كثيرين بيسعوا يتعينوا فيها ولو بدفع مبالغ طائلة بتوصل لعشرات الالاف من الجنيهات ..

وظيفتك الحالية ماشاء الله تبارك الله تعتبر عقد في حد ذاتها .. يمكن مبتجيبش لك فلوس قدر السفر لكن على الاقل فيها ضمان اكتر للمستقبل .. ولاحظ انك مهما حوشت هنا ولو عملت مليونين تلاته حتى ورجعت مصر مفيش مشروع مضمون مائة في المائة ممكن تشغلهم فيه ..

ربما عملك في قطاع البترول بيسبب لك تغرب كتير عن اسرتك وده الي محفزك للسفر لكن وازنها من جهة اخرى افرض انك استقلت وسافرت ولاقدر الله حدث اي شيء اضطركم للعوده يبقى كده خسرتم الجلد والسقط زي مابيقولوا ..

دائما انصح الي عاوز يسافر برا ده يكون حاجه من ثلاثه .. اما رايح لهدف معين مثلا دكتور ورايح يجمع ثمن العياده او ساكن في ايجار وطالع يشتري الشقة التمليك ولا حتى سائق وطالع يجيب ثمن الميكروباص ..او شخص ظروف عمله صعبه جدا والعمل ملوش مستقبل شغال في قطاع خاص مثلا وممكن يستغنوا عنه في اي لحظه ده يروح برا لان مش فارقة معاه هتبقى نفس الظروف وممكن يستغنوا عنه برضه بس على الاقل هيكون العائد اجزى شويه .. او النوع الثالث شخص يكون فاقد اوي وليس لديه مايخسره زي مابيقولوا يعني واحد متخرج مثلا من كلية من الي بتخرج بالثلاث اربع الاف في الدفعة ولا وراه ولا قدامه ولا امل لديه في وظيفة بتلاته تعريفه ايوه ده طبعا يسافر ويهج من البلد ويبقى غلطان لو مفكرش كده .. اما لو ربنا فاتح عليك بوظيفة بدخل مستقر وحياتك ماشية في مصر ففكر الف مرة قبل ماتطلع لان الحياه هنا من اصعب مايكون صحيح هتاخذ الاف كراتب لكن هتطلع عينك بيهم وهتنطحن طحن مكنتش تحلم بيه برضه .. فلوس برا كتير لانها على قدر الشغل .. وشوف انت بقى الي بيقبض في مصر ثلاثمائة ولا ربعمية جنيه بيشتغل بيهم قد ايه واضرب بقى براحتك مقدار الشقا في مقدار الزياده في الراتب هنا ..

وعلى كل حال اهم من كل كلامي ده عندك الاستخاره استخير وفكر وانت ادرى بظروفك يجوز برغم كل ده يكون السفر احسن لك لكن عني رايي متسافرش واغلق باب السفر ده نهائيا وربنا يبارك لك في الموجود .

سامع الحكم يا ابني

الله ينور عليكي يا مدام

[osaimi]

حرام عليك تسيب مرتب زي كده فى مصر وفى قطاع البترول كمان عشان تيجي تشتغل فى السعودية فى بلد مافيش فيها اي حاجه غير كده جوها كله ملوث بسبب مصانع البتروكيماويات وغيره وبدل السكن الكبير ده هتدفعة فى تأجير مساكن الهيئة الملكية لأن يتبع البلد زي القرية بالظبط مافيش لا مطعم ولا محل فيها تقدر تخش فيه

بصراحه مش فرصة خالص بالنسبالك ، شركتنا عندها فرع فى ينبع وبتتعامل مع شركة كريستال وهما محترمين جدا فى الدفع دا كل اللي اعرفه عنها لو مصر تيجي وعاوز معلومات زيادة أسألك

ويالتوفيق وماتنساش الإستخارة والمشورة

[ENGBIBO]

والله العظيم متشكر ليكم جدا جدا جدا فعلا الدنيا لسه فيها ناس قلوبهم حنينه وطيبة الحمد لله شكرا للاخ المحترم سي السيد وللمدام الفاضله ضحي وللاخ osaimi وفقة الله للخير , اما بعد والله انتوا باصين للموضوع من جهه وانا ليه وجهه نظر تانيه انا مش باصص في المقام الاول للدخل المادي لانه بصراحه العرض ده اول المتوسط حسب حساباتي من النت والمشوره يعني التوفير انشاء الله هو حوالي 8000 ريال توفير بعد السكن في ينبع البحر مش الملكية والمواصلات ويعني 2000 ريال اكل وشرب يعني تقريبا وفرت 4 اضعاف توفيري هنا واعتقد ان ده مناسب لسني انا 28 سنه دي اول نقطه , ثانيا مفيش حد في قطاع البترول في مصر مبيحلمش بالسفر للخليج بس مش بالعرض ده انا عارف بس ايه المقومات بتاعتك هما حاجتين cv وسنين الخبره مكانها والوظيفه ايه ده اللي يعلي سعرك والطموح والامل مش حرام ولا عيب يعني اولا الشركه دي حسب النت شركه ملتيناشونال وارباحها كبيره والخبره فيها كويسه بتسمي في مجالنا خبره خليج وده بيتحاسب حساب تاني لما بيفكر يرجع مصر لان انتوا عارفين الشركات الاجنبيه ماليه مصر بس مش اي حد بيتعين لازم لاما واسطه او خبره كبيره من الخليج عشان كده انا ضروري ضروري ضروري طالب منكم وخصوصا الاخ المحترم osaimi معلومات دقيقه عن الشركه وخصوصا انها بقت عالميه 9 فروع في العالم , انا عارف اني طولت عليكم بس والله انا ماليش غيركم .

ملحوظه مهمه انا حياتي في مصر مش مستقره مع شركتي لاسباب خارجه عن ارادتي لذلك لا استطيع اخذ حقوقي حاليا ممكن بعد سنه او اتنين يتغير الحال لحد ما ا لمشكله تنتهي من عند الله وحده والمشاكل دي من 2 سنه ونفسيتي تعبت جدا واثرت بالسلب الشديد علي حياتي الاجتماعيه والصحيه لذلك بصراحه انا بادور علي حياه جديده مع ناس جديده علي الاقل يقدروني ويعطوني حقوقي حتي لو حطحن في الشغل بس يقوللي كلمه كويس ويكفي اني قبلت في 4 شركات غير كريستال وفي شغلي باتحاسب علي غلطه الحكومه هي اللي فرضتها علينا ياريت تفهموووواااا

دي قصتي وحكايتي عايز عيشه متوسطه ماديا مريحه عقليا لان عقلي هو راس مالي , وخبرتي للسيفي سلاحي مع الزمن علي فكره position اللي انا رايح عليه واخدين معايا واحد مصري بترول برضه 13 سنه خبره وانا 5 سنين بنفس الراتب وانا طالب زياده الف ريال وكده لرضا لو وفقوا انا مصلي استخاره ويارب النصر والعزه ان مع العسر يسرا والف الف شكر لصبركم ووقتكم بس من فضلكم خليكوا معايا انا محتاجلوكوا اووووي

اخوكم محمود اسكندريه

[ENGBIBO]

حرام عليك تسيب مرتب زي كده فى مصر وفى قطاع البترول كمان عشان تيجي تشتغل فى السعودية فى بلد مافيش فيها اي حاجه غير كده جوها كله ملوث بسبب مصانع البتروكيماويات وغيره وبدل السكن الكبير ده هتدفعة فى تأجير مساكن الهيئة الملكية لأن يتبع البلد زي القرية بالظبط مافيش لا مطعم ولا محل فيها تقدر تخش فيه

بصراحه مش فرصة خالص بالنسبالك ، شركتنا عندها فرع فى ينبع وبتتعامل مع شركة كريستال وهما محترمين جدا فى الدفع دا كل اللي اعرفه عنها لو مصر تيجي وعاوز معلومات زيادة أسألك

ويالتوفيق وماتنساش الإستخارة والمشورة

الاخ المحترم اتمني لو تقدر توافيني عن اي معلومات واقعية عن شركة كريستال للضروره من فضلك ومتوسط المرتبات فيها للمهندسين ايه..........

اتمني الرد السريع ووفقك الله لما فيه نفع وخير

[ENGBIBO]

حرام عليك تسيب مرتب زي كده فى مصر وفى قطاع البترول كمان عشان تيجي تشتغل فى السعودية فى بلد مافيش فيها اي حاجه غير كده جوها كله ملوث بسبب مصانع البتروكيماويات وغيره وبدل السكن الكبير ده هتدفعة فى تأجير مساكن الهيئة الملكية لأن يتبع البلد زي القرية بالظبط مافيش لا مطعم ولا محل فيها تقدر تخش فيه

بصراحه مش فرصة خالص بالنسبالك ، شركتنا عندها فرع فى ينبع وبتتعامل مع شركة كريستال وهما محترمين جدا فى الدفع دا كل اللي اعرفه عنها لو مصر تيجي وعاوز معلومات زيادة أسألك

ويالتوفيق وماتنساش الإستخارة والمشورة

[font="Comic Sans MS"]الاخ المحترم اتمني لو تقدر توافيني عن اي معلومات واقعية عن شركة كريستال للضروره من فضلك ومتوسط المرتبات فيها للمهندسين ايه..........

اتمني الرد السريع ووفقك الله لما فيه نفع وخير