سؤال للمغتربين اللي كانوا بيصيفوا

[Katamando]

يعني ما شفتوش أي حاجة عدلة أبداً في الأجازة؟

كل اللي شفتوه سلبي ؟

يا عالم حرام والله - احنا (اللي عايشين هنا) مش ناقصين إحباط

حد يدينا شوية أمل

حد يدينا حل وعمل

ولا هي خيبة الأمل راكبة جمل؟

[Mohammad Abouzied]

يعني ما شفتوش أي حاجة عدلة أبداً في الأجازة؟

كل اللي شفتوه سلبي ؟

يا عالم حرام والله - احنا (اللي عايشين هنا) مش ناقصين إحباط

حد يدينا شوية أمل

حد يدينا حل وعمل

ولا هي خيبة الأمل راكبة جمل؟

لأ طبعا فيه

اولا الدولار بأكثر من سته جنية يعني اصبحنا من الاثرياء !!!!!!!

ثانيا تعلما الصبر وقوة الاحتمال مما يعطينا قوة على تحمل الغربة ومشاكلها !!!!!

ثالثا شعورنا بالسعادة والرضا لاننا أتخذنا القرار الصح في حياتنا لما قررنا العمل في الخارج !!!!!!

[فــيــروز]

ثالثا شعورنا بالسعادة والرضا لاننا أتخذنا القرار الصح في حياتنا لما قررنا العمل في الخارج !!!!!!

عفوا لهذا السؤال يا اخى العزيز .. هل معنى هذا ان موضوعات المغتربين عن انطباعاتهم عن مصر هى مجرد لاراحة النفس و ارضاء الذات انكم اتخذتم القرار الصحيح؟ لهذا الغرض فقط !!

[freefreer]

يا أخت فيروز .. حرام عليكى اساءة الظن بنا ..

يا اختاه راجعى ما يكتب فى كافة المواضيع .. راجعى اراء كل الناس .. جوه و برة .. انظرى الى الحقائق التى لا يمكن انكارها أو العبث فى مدلولها .. كسعر الجنيه المصرى مثلا ..

يا اختاه الناس بتخرج برة .. و بتتعود على عيشة معينة .. و عند العودة أو الزيارة بتحصل لهم صدمة .. و هم يعبرون عن صدمتهم بهذه الفضفضة ..

[freefreer]

عزيزى كتماندو ..

لأ هناك أمل .. الأمل الوحيد هو ..

التغييــــــــــــــــــــــــــــــــــــــــر

الأمل الوحيد ان يتسلم الشعب المصرى حكم مصر .. الأمل هو فى مطالب المصريين الموجودة فى الباب المخصص لذلك فى المنتدى ..

[فــيــروز]

يا اخ فرى

اظن انى سالت سؤال قبل ان اقفز الى اى سوء ظن

على انى لاحظت ان الاخ الفاضل العضو الذى وجهت السؤال اليه قام بالرد فى موضوعات اخرى بنفس الباب ولم يرد على سؤالى ورغم ذلك انا لم اقفز الى سوء ظن ولم اكن انا من كتب تلك الاجابات ردا على سؤال كاتماندو

ثانيا تعلما الصبر وقوة الاحتمال مما يعطينا قوة على تحمل الغربة ومشاكلها !!!!! 

ثالثا شعورنا بالسعادة والرضا لاننا أتخذنا القرار الصح في حياتنا لما قررنا العمل في الخارج !!!!!!

ولا ادرى ما المفترض ان افعله حتى لا اتهم ظلما بسوء الظن !! احتفظ بالسؤال لنفسى ولا اعمل ايه بالتحديد؟ مع تحياتى

[se_ Elsyed]

يا فيروز ويا عم كاتاماندو

عندما ننتقد نحن المغتربين - الذيم مازلنا مصريين - أوضاعنا فداخل بلادنا فإن ذلك لا يكون من الشماتة لا سمح الله ولكنه رغبة فى التغيير إلى الأحسن .. ولاحظ مداخلاتنا جميعاً فى جميع الأبواب ستجد حلول وإقتراحات بناءه جداً لحل مشكلاتنا ولكن لللآسف مين يسمع ومين يستجيب .

بس بيني وبينكم أحسن حاجة عجبتني فى مصر ( بس ماحدش يضحك عليه ) إني لما كنت بأخد حمام كنت بالاقي الميه باردة ومنعشة بعكس السعودية اللي الميه بتنزل فيها من الحنفية وكأنها حميم غساق لأن هنا نظام خزانات فوق أسطح المباني.

[فــيــروز]

والله يا سى السيد ده كان ما توقعته طبعا .. ان الجميع سواء داخل او خارج مصر انما يريد ان يراها افضل لكن صدمنى رد الاخ محمد ولهذا اردت ان اتاكد .. زى اللى بيهز راسه بعد ما يسمع حاجه غريبه مش مصدقها بس كده ..

[Katamando]

بس بيني وبينكم أحسن حاجة عجبتني فى مصر ( بس ماحدش يضحك عليه ) إني لما كنت بأخد حمام كنت بالاقي الميه باردة ومنعشة بعكس السعودية اللي الميه بتنزل فيها من الحنفية وكأنها حميم غساق لأن هنا نظام خزانات فوق أسطح المباني.

ماشي

يعني ممكن أعتبر نفسي أنا اللي اخد الدش البارد

بس برضه لازم اتفائل واقول أن في بارقة أمل و لو بمجرد دش بارد يطفي نار الصيف ويرحم من نار الحمام

للعلم فقط

أنا كنت واحد من المغتربين حتى عدت من 4 سنوات فقط وعدت بعد أكثر من 20 عام في الغربة والحمدلله لا أراها ولم أراها بهذه النظرة القاسية فهي بلدي وعزتي وكرامتي

كل ما أرجو أن نفعل نحن شيئاً من أجل تحسين بعض الأوضاع التي نراها سلبية ولا أن نقف نحن ونتفرج يجب أن نحاول ونحاول

مش كده ولا ايه

[Mohammad Abouzied]

ثالثا شعورنا بالسعادة والرضا لاننا أتخذنا القرار الصح في حياتنا لما قررنا العمل في الخارج !!!!!!

عفوا لهذا السؤال يا اخى العزيز .. هل معنى هذا ان موضوعات المغتربين عن انطباعاتهم عن مصر هى مجرد لاراحة النفس و ارضاء الذات انكم اتخذتم القرار الصحيح؟ لهذا الغرض فقط !!

اولا انا اسف لتأخري عن الرد

ثانيا الموضوع اساسا اخذ شكل كوميدي شوية ومش معقول طبعا نضحك على نفسنا ونقول اشياء كويسه غير موجودة ولكن الاشياء الكويسة كتير

اهما طيبة شعبنا وحسن نيته وأصالته وبالرغم من التخبط الكبير الي الموجود والتسيب الرهيب الا انه لم يخرج لنا عصابات مافيا زي الى موجودة في الخارج وكمان فيه امان لو حصل لك حاجة تلاقي مليون واحد يقولك سلامتك ويقدمو العون لك ودا بالنسبة للشعب وهو الاهم

اما بالنسبة للنظام وتطبيقة لم نجد احد من المسئولين كلف خاطرة وتعب نفسه شوية في تطوير النظام وتفعيله ودي مشكلة مصر وهي كل مسئول من الوزير حتى الزبال مجرد اشخاص يقومون بعمل روتيني بدون اي ابداع ويرفض التطوير والتحسين

واي واحد يحاول يطور يكون من اعداء البلد

وافتكر انا اثناء بداية تشغيل مصنع الالمنيوم العربية واجهنا بعض المشاكل القاتلة في قانون الاستثمار وكان لازم يتم التعديل حتى لا تتعطل مسار التنمية في البلد ولكن لم يوجد اي مسئول استطاع اتخاذ اي اجراء فيه

وبعد عشر سنوات قرأت في جرنال الاهرام ان رئيس الجمهورية اعطى تعليماته بعمل تعديلات على قانون الاستثمار في مصر لفتح المجال للشركات الاجنبية لزيادة استثمارها وكانت هذه التعديلات بالنص كما انا طلتها من قبل

يعني قرارات الاصلاح تأتي بعد عشر سنوات اي بعد ان تأتي مشاكل اخرى يصعب حلها الا بعد اتخاذ قرارات اخرى ولازم ننتظر عشر سنوات اخرى حتى يتينا الفرج

هي دي المشكلة

[White heart]

se_ Elsyed كتب:

لما كنت بأخد حمام كنت بالاقي الميه

دة لو كانت المية مش مقطوعة، حاكم انا أعرف أحياء كتيرة فى وسط العاصمة لا يصل الماء الى الأدوار العليا فى العمارات الا من الحادية عشر مسائا و حتى السادسة صباحا!!!!

و انت بنفسك لاحظت شئ بخصوص هذة النقطة:

se_ Elsyed كتب:

من يسكنون فى مدينة نصر يعانون من تكرار إنقطاع المياه خاصة فى فصل الصيف

عموما و أعتذر مسبقا فلا أبغى أن أكون متشائما أو محبطا و لكنى ماذلت أعتقد انه لن يتغير شئ، بل سيزداد الأمر سؤا ان لم تحل المشكلة الرئيسية.

[فــيــروز]

شكرا يا اخ محمد للرد

وعلى فكره يا جماعه .. نحن لا نريد منكم ان تكذبوا ما ترون او تسكتوا عن سلبيات .. ولكن المثل بيقول ايه؟ ان توقد شمعه خير من ان تلعن الظلام .. واحنا محتاجين كل الشمع اللى عندكم احسن النور قاطع من زمن

[Mohammad Abouzied]

المشكلة هي تقديس السلطة كأنها مفوضه من الله عز وجل ولا تخطأ ابدا والشعب كله يثور بطريقة همجية ويكثر ويحطم او يكون سلبي ولا يعير اي اهتمام لما يحدث والمسئولين مؤدبين جدا وخوفين جدا ومطيعين جدا لان كل واحد خايف على منصبه والهبر الي الي بيجيله

وطبعا كلمة وانا مالي

ودع الخلق للخالق

وملاكش دعوة

هو انت تصلح الكون

حتى اصبحت السلبية هي العرف السائد في البلد !!!!!

ياريت تتغير المفاهيم وتتغير انظمة البلد

[Faro]

عزيزى كتماندو ..

لأ هناك أمل .. الأمل الوحيد هو ..

التغييــــــــــــــــــــــــــــــــــــــــر

الأمل الوحيد ان يتسلم الشعب المصرى حكم مصر .. الأمل هو فى مطالب المصريين الموجودة فى الباب المخصص لذلك فى المنتدى ..

عندما كنت أقيم فى مصر كنت أتمنى أن يحدث تغيير فى طبيعة الشعب المصري ... للأسف التغيير حدث ولكن فى الإتجاه السلبي الذى إنعكس على الحكومات المتتالية.

إذا أردنا التغيير فيجب أن نتعامل كشعب واحد لافرق بين طبقة وأخرى ولا غنيا و فقيرا ولا عامل و رئيس وبهذا نستطيع التغلب على الأنانية التى كانت متفشية وأصبحت وباء.

المذكور أعلاه إنطبعاتي عن رحلة الشتاء السنوية.

[فــيــروز]

المذكور أعلاه إنطبعاتي عن رحلة الشتاء السنوية

فين الانطباعات؟

[جـورج]

يعني ما شفتوش أي حاجة عدلة أبداً في الأجازة؟

اجابه سؤالك ياعزيزى تاتى عن طريق سؤال اخر

هذا السؤال يمكن يوضح لنا حاجه احنا كلنا نعرفها ولكن بنغمض عينينا عنها

و السؤال هــو

لماذا يحترم المصرى القانون و النظام طالما هو خارج مصر

و عندما يعود يكون هو اول من يحاول التحايل على كل القوانين الموجوده فى البلد

لماذا يحترم اشاره المرور فى الخارج و يكون هو اول المخالفين لها فى شوارع مصر

لماذا يحافظ على النظافه فى الخارج ولا يهتم بها داخل بلده

هناك العديد من مثل هذه الاسئله و لكن هل العيب فى القانون ام العيب فى من يطبق القانون

ام ان العيب فـى من لا يحترم القوانين الوضعيه ظنا منه بمخالفتها لمعتقداته الدينيه

هل هـو الفقـــر الذى يدفع المسئولين يتقبلون الرشاوى و يتغاضون عن المخالفات

اذا اجابنا على هذه الاسئله قد نعرف لماذا لا يرى المغترب اى شئ جيد فى مصر كما تعود ان يراه فى بلد غربته

[se_ Elsyed]

من ضمن الحاجات الحاجات الحلوه اللى عملتها فى الأجازة الأخيرة هو إني سرقت بضعة أيام وروحت شرم الشيخ ( لوحدي ) وذلك علشان أرتاح من البشر والزحمة وبصراحة الواحد يقول أيه ولا أيه ولا أيه ... بإختصار هي مدينة مصرية ولكنها ليست للمصريين ... فبقدر ما بها من جمال وتنظيم وهدوء وآيات تدل على قدرة الله عز وجل المبدع تتجلى فى المناظر الخلابة للبحر وما فيه من مخلوقات تكاد تلمسها بيدك ومنرظر الجبال الساحرة.. إلا ان تكلفة الإقامة هناك عالية جداً جداً هذا إن وجدت لك مكان من الأساس .... ففى حين ان الليلة للأجنبي بتكلف 18 دولار شاملة الإفطار ( تصوروا ) و للمصري تقريباً ممكن تدخل على 80 دولار مع الإفطار !!!!!!!!

فمن البداية طلع عيني على ما لقيت حجز طيران مع إنا فى الصيف اللي بيعتبر مس موسم جذب زي الشتاء مثلاً .. اما الإقامة فالحمد لله يوجد لي أصدقاء يعملون مرشدين سياحيين هناك وهؤلاء قدموا لي مساعدات جليلة للحجز فى أحدى المنتجعات بالإضافة إلى تنظيم رحلة سفاري بالموتوسيكلات ( بيتش باجي ) وبالجِمال

وتلك الرحلة لن تنمحي من ذاكرتي لما وجدته من إستمتاع ومغامرة .

بس نصيحة : ماحدش يأخد عائلته معاه علشان هايضطر يقضي أيامه هناك محبوس فى الغرفة علشان الناس اللي بتصيف هناك بتأخد راحتها قــــــــــــــــــــــــــــــــــوي على الشواطيء .

[فــيــروز]

ماحدش يأخد عائلته معاه علشان هايضطر يقضي أيامه هناك محبوس فى الغرفة

ايوه ده حقيقى انا آخر مره رحت كان من اربع سنين تقريبا ومن ساعتها مش عارفه اروح تانى .. انا ممكن ابقى ادور وشى يعنى عشان الاحراج لكن المشكله انى اعتقد ان بيكون شكلها غريب ان حد يروح هناك و ماينزلش الميه مثلا حاجه تخنق

[زهــZــرة]

:( :( :(

البلد مش بلدنا

ومالناش مكان فيها

حتى لو حاولنا نعمل سياحة داخلية لازم نعمل قرض علشان نغطي النفقات

:? :?

[KWA]

بسم الله الرحمن الرحيم

السلام عليكم ورحمة الله وبركاته

من ضمن الحاجات الحاجات الحلوه اللى عملتها فى الأجازة الأخيرة هو إني سرقت بضعة أيام وروحت شرم الشيخ ( لوحدي )

فعلا من المدن الي تستحق الزياره التمتع بالطبيعه الخلابه الجميله.....واظن انهاختيارموفق

بإختصار هي مدينة مصرية ولكنها ليست للمصريين ...

مبدأ عام ....ان الأماكن اسياحيه و الترفيهيه غاليه الأسعار من فنادق و مطاعم و خلافه حتي في امريكا هنا.... اما نوعيه السواح فهم مما يظهر عليهم انهم حضرا الي مصر للسياحه و الترفيه عن المصرين و سهلت لهم الحكومه المصريه سبل الأنتقال و خصوصا الرحلات القادمه من روسياالبيضاء ومباشره الي شرم الشيخ .....انا عمري ما رأيت رحله جويه ركابها بنسبه 85في المائه نساءمختلفي الأعمار والأطوال واحجام .....بالأضافه وجودعدد من الشباب المصري الذي يتكلم الروسيه مماشجع علي زياده الروس.....في شرم الشيخ....و بالتالي شعر انك في روسيا البلد....

ففى حين ان الليلة للأجنبي بتكلف 18 دولار شاملة الإفطار ( تصوروا ) و للمصري تقريباً ممكن تدخل على 80 دولار مع الإفطار !!!!!!!!  

يا سي سيد ....ياسي سيدحكايه 18دولار ده لنوعيه معينه من السواح انت فاهمني....لكن لو القيت نظره علي اسعار الفنادق في شرم الشيخ علي النت سوف تندهش....انا لما نزلت شرم نزلت في حياه ريجينسي و كان الحجز تم خدمه بسعر مخفض و معامله مصري و دفعت في الليله ما بين 450 الي 470 ....علي مااتذكر ....و السعر شامل الأفطار و العشاء فقط....و الغداء علي حسابنا....و المكان يستحق اكثر لأنه فعلا منتجع اكثر من رائع.....