مزيكا رزع الحلل !

[د هشام ابراهيم]

بمناسبة كوين

انا أعتقد في رأيي الشخصي لو فيه في الكون عمل موسيقي واحد نقدر نطلق عليه صفة : PERFECT

that'd be

BOHEMIAN RHAPSODY !!!

في كلمة واحدة = Masterpiece .... و مش حتتكرر و ما ينفعش أي حد تاني يغنيها ....واحدة من الأغنيات اللي ممكن أفضل اسمعها كل يوم و كذا مرة كمان :lol:

[د هشام ابراهيم]

حبيت بس أضيف ان اللى هايسمعها لأول مرة يا ريت يكون من خلال هيد فونز "ستريو"

:lol:

أستاذ بصراحة :)

[الجدار]

"الجدار " باشا ..... يا سيناريست يا فنان

-------------------------------------------------------------

واحدة من أحلي أغنيات بينك فلويد و أكثرها تأثيرا ..... الأغنية علي لسان انسان فقد الكثير و الكثير و علي حافة الانهيار العصبي ...قمة المعاناة الانسانية يعني .....

الحزن طابع مسيطر علي الأغنية ......

الأغنية موجودة كمان في الفيلم The Wall المبني علي أشهر ألبومات بينك فلويد علي الاطلاق

موسيقي ما لهاش حل و مؤثرات صوتية تعني الكثير و الكثير و كلمات عبقرية

I've got a strong urge to fly but I got nowhere to fly to

Nobody home - Pink Floyd

يا دكتور احنا على أدنا خالص سيناريستات ايه بس الله يكرمك

انا بس عجباني فكرة انك تقول التاريخ على شكل قصة

طول عمري مش بحب رص كلام التاريخ مع ان التاريخ المفروض في حد ذاته يكون ممتع

معلش انا من امبارح والنت قاطع بس ما شاء الله الناس هنا دماغاتها قوية على فكرة

خليني اقلب شوية في الردود الباقية

تحياتي ليك وشكراً على الأغنية الرائعة دي :lol:

مشفتوش بس أساسي هشوفه !

ازاي يا عم مش معقول !!! أجري على الlimewire وداونلوده بسرعة يا راجل انت لسه واقف يالا

مفيش حد هنا بيضرب تراكات ل the doors !?

ودي عايزة سؤال !! أنااااااااااااااااااااااا

انت دماغك حلوة بس لو ماكنتش أبتديت بـ Korn مش عارف بصراحة فريق مالوش لازمة معذرة يعني مش بالع انهم عايشين دور الفنانين يعني الأخ ذرياب او مش عارف اسمه ايه الجيتاريست بتاعهم اللي ضاف الوتر السابع للجيتار وجه في الحفلة اللي كانوا بيعزفوا فيها أغنية one بتاعة ميتاليكا وطلعت زي ولا مؤاخذة الـ.... ولا ال bassist بتاعهم اللي هربان من فريق rap أوعى تزعل مني انا عارف ان كل واحد ليه دماغة ومزيكته بس مش عارف ابلعهم

تحياتي وتقديري لدماغك العالية يا باشا

عييييييييييييييب

طبعا فيه

أنا بس زعلان ان موريسون مات بدرى

والله يا عم عصام انت بتبهرني كل يوم اشطة عليك يا معلم thump up

بصراحه إنتو هوستوني بالكلام عن بينك فلويد دول يا جماعه

أنا دخلت على موقع المكتبه العامه طلبت الألبومين اللي كل الناس بيقولو عليهم أفضل ألبومين لهم

The wall

Dark side of the moon

و كمان لقيت السي دي ده .... روحت طالبه بالمره

The Royal Philharmonic Orchestra plays hits of Pink Floyd

و طبعا طلبت DVD الفيلم نفسه

لما ييجو بقى ...نسمع ....و نشوف

ده أنتو روشتووني

والله انت صعبان عليا قوي يا حاج ايهاب ليه تدفع اكتر لما ممكن ماتتدفعش خالص (شعار الـ Limewire) يا سيدي كل ده موجود وببلاش انا معاك ان الأوريجينالات بيبقى ليها طعم تاني

على العموم مش حتندم على الفلوس اللي دفعتها بجد حتروح في مكانها وبالذات الأوركسترا دي قوية قوي حتعجبك وتحس ان فيها رؤية تانية غير الألبوم خالص

تقديري الكبير لحضرتك وتقولنا رأيك بقى في الحاجات :)

تم تعديل 31 مارس 2009 بواسطة الجدار

[الجدار]

(3)

ــ مرحباً روجر لقد مر كثير من الوقت دون أن اسمع صوتك

ــ نعم سيد انك تعلم الحياة، كيف حالك

ـــ لاجديد يا صديقى الحياة مملة كالعادة

ــ أمازلت تحلم بالعزف في فريق

ــ لا أعلم ، ولما السؤال ؟؟

ـــ تعلم انني أعزف في فريق Tea Set

ــ سمعت بذلك

ــ لقد تركنا كريس دينيس ونحتاجك معنا

(صمت بارت قليلاً)

ــ أوافق أنا معكم

ذهب بارت لمقابلة أعضاء Tea Set وبدا على الكل الترحيب به حيث كانت شخصيته مرحة

على الرغم من انه غريب الأطوار في بعض الأوقات

وبدأت مرحلة إعادة توزيع الأدوار

روجر ووترز (عازف بيز جيتار)

بوب كلوز (عازف جيتار)

نيك ماسون (عازف درامز)

ريتشارد رايتس (عازف كيبورد)

سيد بارت (مغني وعازف جيتار)

.....

ــ نعم اختيارك كان موفق فأنه يثبت نفسه يوماً بعد يوم

ــ ألم أقل لك يا ماسون انه فنان بحق

ــ ولكن يا روجر انه يريد ان يغير اسم الفريق

ــ اسمحوا لي بالتدخل بارت لديه كل الحق هناك من يسمون أنفسهم بنفس أسمنا tea set

ــ وماذا تقترح يا رايتس ؟؟

ــ دعونا نفكر

وهنا يدخل من الباب سيد وفي عينيه بريق الفرح

وهنا يصرخ

The Pink Floyd Sound

ــ ما رأيكم بهذا الأسم ؟؟

(كل ينظر الى بعضه البعض)

ــ أجده جذاباً

ــ وأنا أيضاً

ــ وكذلك أنا

ــ فليكن إذن

ــ ولكن من أين استوحيت هذا الأسم

ــ ستضحكون ؟؟

ــ لا

ــ إذن سأخبركم، كنت اتصفح النوته الموسيقية لألبوم Blind Boy Fuller ورأيت أسم كلاً من عازفي البلوز المعروفين

Pink Anderson

Floyd Council

فأخذت الأسم الأول من كليهما وأضفت the ….. sound

ــ وهنا يقع الجميع من الضحك

ــ ما هذا لقد وعدتموني (يشاركهم الضحك)

ــ يا لك من ماكر يا بارت

ومع مرور الوقت قاموا بحذف الجملة التي ضافها بارت ليصبح الأسم النهائي

Pink Floyd

تم تعديل 31 مارس 2009 بواسطة الجدار

[د هشام ابراهيم]

يا دكتور احنا على أدنا خالص سيناريستات ايه بس الله يكرمك

انا بس عجباني فكرة انك تقول التاريخ على شكل قصة

طول عمري مش بحب رص كلام التاريخ مع ان التاريخ المفروض في حد ذاته يكون ممتع

معلش انا من امبارح والنت قاطع بس ما شاء الله الناس هنا دماغاتها قوية على فكرة

خليني اقلب شوية في الردود الباقية

تحياتي ليك وشكراً على الأغنية الرائعة دي :P

هي فعلا الفكرة حلوة و مديانا احساس إن احنا بنتابع مسلسل أو دوكيومنتاري علي الهيستوري تشانيل مثلا :rolleyes:

استمر يا باشا و احنا معاك ....كان نفسي أضيف حاجة لبينك فلويد بس الأغنية المسيطرة علي النهارده هي

Welcome to the Jungle - Guns n Roses

[ايهاب سالم]

والله انت صعبان عليا قوي يا حاج ايهاب ليه تدفع اكتر لما ممكن ماتتدفعش خالص (شعار الـ Limewire) يا سيدي كل ده موجود وببلاش انا معاك ان الأوريجينالات بيبقى ليها طعم تاني

على العموم مش حتندم على الفلوس اللي دفعتها بجد حتروح في مكانها وبالذات الأوركسترا دي قوية قوي حتعجبك وتحس ان فيها رؤية تانية غير الألبوم خالص

تقديري الكبير لحضرتك وتقولنا رأيك بقى في الحاجات :rolleyes:

عزيزي الجدار

المكتبه العامه هنا ببلاش و فيها كل ما تتخيله من مواد سينمائيه و موسيقيه للاستعاره

هما بس شروطهم صعبه شويه

استعارة السي دي لمدة 3 اسابيع فقط .. تخيل

وتقدر تجدده الى مالا نهايه طالما محدش طلبه غيرك

اما الاجرام الحقيقي فهو انك متقدرش تستعير اكتر من 50 مصنف في وقت واحد

عالم مفتريه

عمار يا كندا

[الجدار]

يا دكتور احنا على أدنا خالص سيناريستات ايه بس الله يكرمك

انا بس عجباني فكرة انك تقول التاريخ على شكل قصة

طول عمري مش بحب رص كلام التاريخ مع ان التاريخ المفروض في حد ذاته يكون ممتع

معلش انا من امبارح والنت قاطع بس ما شاء الله الناس هنا دماغاتها قوية على فكرة

خليني اقلب شوية في الردود الباقية

تحياتي ليك وشكراً على الأغنية الرائعة دي clp::

هي فعلا الفكرة حلوة و مديانا احساس إن احنا بنتابع مسلسل أو دوكيومنتاري علي الهيستوري تشانيل مثلا :winner:

استمر يا باشا و احنا معاك ....كان نفسي أضيف حاجة لبينك فلويد بس الأغنية المسيطرة علي النهارده هي

Welcome to the Jungle - Guns n Roses

والله يا باشا انت الوحيد اللي مشجعني اني أكمل مش عارف انا عجباني الفكرة ويدينا ويديك طولة العمر مش عارف ممكن نستمر لأمتى :P

مش حضحك عليك يا boss انا ماليش قوي في Guns n Roses مش عارف أكسل روز مش بيتبلع عني :rolleyes:

بس ده مايمنعش ان في أغاني كتير بتعجبني ليهم خليني اسمع أغنيتك دي وأقولك رأيي

[الجدار]

والله انت صعبان عليا قوي يا حاج ايهاب ليه تدفع اكتر لما ممكن ماتتدفعش خالص (شعار الـ Limewire) يا سيدي كل ده موجود وببلاش انا معاك ان الأوريجينالات بيبقى ليها طعم تاني

على العموم مش حتندم على الفلوس اللي دفعتها بجد حتروح في مكانها وبالذات الأوركسترا دي قوية قوي حتعجبك وتحس ان فيها رؤية تانية غير الألبوم خالص

تقديري الكبير لحضرتك وتقولنا رأيك بقى في الحاجات clp::

عزيزي الجدار

المكتبه العامه هنا ببلاش و فيها كل ما تتخيله من مواد سينمائيه و موسيقيه للاستعاره

هما بس شروطهم صعبه شويه

استعارة السي دي لمدة 3 اسابيع فقط .. تخيل

وتقدر تجدده الى مالا نهايه طالما محدش طلبه غيرك

اما الاجرام الحقيقي فهو انك متقدرش تستعير اكتر من 50 مصنف في وقت واحد

عالم مفتريه

عمار يا كندا

:rolleyes:

:P

يالهوي !! إحنا بنحسدوكوا

بجد عمار يا كندا

لأ وبنسأل العالم دي بتتقدم ليه يالهوييييييييييييييييييييييييييي

مافيش عقد عمل طيب؟؟ (غسيل ومكوة زي الفل) :winner:

[الجدار]

..............

استمر يا باشا و احنا معاك ....كان نفسي أضيف حاجة لبينك فلويد بس الأغنية المسيطرة علي النهارده هي

Welcome to the Jungle - Guns n Roses

بروفيسير والله العظيم

الأغنية قوية جداً الله

ينور بجد

وبالمرة بقى طالما جت سيرة كوين والأغنية المجنونة العبقرية بتاعتهم "BOHEMIAN RHAPSODY" يبقى بالمرة نتكلم على مصطفى إبراهيم

مصطفى ابراهيم

دي من الأغاني اللي دوخت الواحد نفسي أفهم ايه الكلام اللي بيقوله ده شوية عربي وشوية تقريباً عبري الله أعلم مش ده المهم المهم مين هو مصطفى ابراهيم

أتمنى ان حد يكون عنده الإجابة

أعتقد ان الغموض بيبقى سر لنجاح الفريق وأنه يعيش مدة طويلة

يالا مستنيين الهمة

[ايهاب سالم]

مصطفى ابراهيم

دي من الأغاني اللي دوخت الواحد نفسي أفهم ايه الكلام اللي بيقوله ده شوية عربي وشوية تقريباً عبري الله أعلم مش ده المهم المهم مين هو مصطفى ابراهيم

سمعتها :rolleyes:

يا سلاااااام

حقيقي ويخلق مالا تعلمون

مش يمكن بييجي معاها مانيوال يشرحها

هو الكلام ده بيعتبر فن يا جماعه

[د هشام ابراهيم]

عزيزي الجدار

المكتبه العامه هنا ببلاش و فيها كل ما تتخيله من مواد سينمائيه و موسيقيه للاستعاره

هما بس شروطهم صعبه شويه

استعارة السي دي لمدة 3 اسابيع فقط .. تخيل

وتقدر تجدده الى مالا نهايه طالما محدش طلبه غيرك

اما الاجرام الحقيقي فهو انك متقدرش تستعير اكتر من 50 مصنف في وقت واحد

عالم مفتريه

عمار يا كندا

يا مكتباتك يا كندا :wub: ....

عارف بقى اللي يفقع بجد ...لما الأخوة الكنادوة يشتكوا إن المكتبات العامة لازم تستني لحد ما يجيبولك اللي إنت عايزه و ساعات الأنتظار ده بيوصل لاسبوع !! :D

أنا مش عارف نظامكم في ميسيسوجا إيه بس تورنتو يا عيني المكتبات بتسلم المطلوب قال إيه متأخر !!!!!!!!

[د هشام ابراهيم]

والله يا باشا انت الوحيد اللي مشجعني اني أكمل مش عارف انا عجباني الفكرة ويدينا ويديك طولة العمر مش عارف ممكن نستمر لأمتى

مش حضحك عليك يا boss انا ماليش قوي في Guns n Roses مش عارف أكسل روز مش بيتبلع عني :D

بس ده مايمنعش ان في أغاني كتير بتعجبني ليهم خليني اسمع أغنيتك دي وأقولك رأيي

أنا معاك يا صديقي العزيز .... بس كمل بقي بنفس الاسلوب و خد وقتك ما فيش ضغط أو استعجال ...... الموضوع كله كده كده فلة شمعة منورة ....ده احنا كنا بنقول مش حيكمل صفحة wst::

تصدق أنا ما باحبش شخصية اكسل أفندي خالص .... باحب المزيكا طبعا و باحب GnR جدا حتي من غير سلاش ..... بس اكسل ما باطيقهوش ..... وايت تراش أصلي

فيه ناس كتير عندي كده ما باحبهمش كبني آدمين انما باحب انتاجهم الموسيقي :wub:

[د هشام ابراهيم]

وبالمرة بقى طالما جت سيرة كوين والأغنية المجنونة العبقرية بتاعتهم "BOHEMIAN RHAPSODY" يبقى بالمرة نتكلم على مصطفى إبراهيم

مصطفى ابراهيم

دي من الأغاني اللي دوخت الواحد نفسي أفهم ايه الكلام اللي بيقوله ده شوية عربي وشوية تقريباً عبري الله أعلم مش ده المهم المهم مين هو مصطفى ابراهيم

أتمنى ان حد يكون عنده الإجابة

أعتقد ان الغموض بيبقى سر لنجاح الفريق وأنه يعيش مدة طويلة

يالا مستنيين الهمة

سمعتها :wub:

يا سلاااااام

حقيقي ويخلق مالا تعلمون

مش يمكن بييجي معاها مانيوال يشرحها

هو الكلام ده بيعتبر فن يا جماعه

:D

ديه لوحدها عايزة موضوع لوحده

بص يا باشا و يا باشا

مصطفي ابراهيم كانت أصلا زاي مقدمة ل Bohemian rhapsody و بعدين فصلوهم لاغنيتين مختلفين

الأغنيتين أتكتب عليهم نظريات و أتألفت عليهم كتب .... تراوحت النظريات و التفاسير من حاجات في عمق الروحانيات و الأديان لتفاسير انها مش أكتر من نكتة أو هزار من فريدي

المواطن فريدي أصله فارسي / هندي و مولود في أفريقيا و يحمل الجنسية البريطانية ....توليفة غريبة شوية ..... عيلته كلها بتتبع ديانة اسمها زردشت انما هو عمره ما بين أي ميل لأي دين المهم الحاجات ديه كلها خلت الناس تفسر الأغنيتين تفسير ديني ....فيه كتاب في ايران ...أيوه كتاب بحاله بيفسر الأغنية علي انها توبة مسلم قبل وفاته !!

كلام مصطفي ابراهيم برضه اختلفوا فيه .... فيه كلام عربي واضح انما الكلمات التانية اللي قالك فارسي قديم و اللي قالك سنكريست و اللي قال تركي و اللي قال عبري و اللي قالك كلام ما لوش معني

في الآخر السر راح مع فريدي .... بالمناسبة لما كان بيتسأل عن Bohemian rhapsody كان بيقول إنه يفضل إن كل واحد يفسرها زاي ما هو عايز ......

ما دام جينا للاغاني اللي محتاجة تفسير ....أغنية من أشهر أغاني رزع الحلل و لحد النهارده الناس مختلفة في تفسيرها

Hotel California - Eagles

[ايهاب سالم]

ما دام جينا للاغاني اللي محتاجة تفسير ....أغنية من أشهر أغاني رزع الحلل و لحد النهارده الناس مختلفة في تفسيرها

Hotel California - Eagles

دي بقى عارفها طبعا يا دوك و باموت فيها

خصوصا صولو الاليكتريك جيتار اللي في اخر النسخه الاصليه مش نسخة الاكوستيك جيتارز .... اللي هي برضه تحفه طبعا

بس دي مش رزع حلل خالص ... دي صخر عادي و خفيف كمان .... مش معدن خالص

متخوفش الناس وتقول على كل حاجه رزع حلل ... سيب الناس تسمع

انما انت شفت ولاد المبدعه دول

http://www.youtube.com/watch?v=HAM1g0oX4OE...feature=related

تم تعديل 31 مارس 2009 بواسطة ايهاب سالم

[د هشام ابراهيم]

بس دي مش رزع حلل خالص ... دي صخر عادي و خفيف كمان .... مش معدن خالص

رزع حلل برضه يا كنج .... بس رزع عن رزع بيفرق ... فيه ناس بترزع هادي و بشويش و فيه ناس بتفجر الحلل بالمطبخ بالبيت كله :D

طبعا ملهاش حل .... بس برضه إيه تفسير الكلام؟؟ .... بتتراوح من أول فلسفة و تأملات في الحياة المعاصرة مرورا بعبادة الشيطان و لحد ناس محششة بس الصنف نضيف !! و لحد النهارده الناس مختلفة علي التفسير

النسخة الكوفر ديه تحفة ... يعني واحد في أمريكا و التاني في هولندا و كل واحد مع نفسه أصلا .... كمان التعليقات طريفة جدا

باشاركك نفس الحلم ...نفسي أعزف جيتار ..... حلم مؤجل يا رب يتحقق

و ساعتها بقي نعمل sessions Jamming بدل ال-Virtual jamming ده :wub:

[MoTo]

ههههههه مصطفي إبراهيم دي عاملها رنة لأبويا "أصل إسمه مصطفي"

و أول ما يكلمني تلاقي "مصطفاااااااا .. مصطفااااااااا" و المزيكا تحسسك إن كتيبة من الجيش الأمريكي نازلة عليك بالهيليكوبتر .

الجدار باشا .. متقلقش انا مبحبش korn :wub: :D

بس هما من أول الباندات اللي وقعت في إيدي و قدمتني للميتال و بعد كدة انا تعمقت بنفسي .

بصوا يا جماعة إنتوا تضربوا التراك المسيطر عليا اليومين دول بقي و هو ظريف و فرايحي مفيش ترزيع حلل كتير .

king of the whole wide world

http://www.youtube.com/watch?v=8JUq-zBgWBU

[ايهاب سالم]

بس دي مش رزع حلل خالص ... دي صخر عادي و خفيف كمان .... مش معدن خالص

رزع حلل برضه يا كنج .... بس رزع عن رزع بيفرق ... فيه ناس بترزع هادي و بشويش و فيه ناس بتفجر الحلل بالمطبخ بالبيت كله -_-

:wub: :D

اه كده فهمت

يعني انت قصدك برزع الحلل من اول الصخر وطالع مرورا بالمعدن و المعدن الثقيل و المعدن الاسود

باشاركك نفس الحلم ...نفسي أعزف جيتار ..... حلم مؤجل يا رب يتحقق

هو انت شفت الجمله قبل ماشيلها bv:-

الله يسامحك يا بابا .... ليه دخلتني هندزه و مدخلتنيش معهد الموسيقى الغربيه

ليه جبتلي عجله لما نجحت في الابتدائيه ومجبتليش جيتار

عموما ياللي اتحرمتم م التعليم ..... الجيتار لسه قدامكم

انا ناوي احقق حلم الموسيقى في ولادي ان شاء الله

نور هاعلمها باليه و كريم هاعلمه سباحه

طبعا بعد ما يخلصو دروس السكاتينج smk:

و ساعتها بقي نعمل sessions Jamming بدل ال-Virtual jamming ده

نعملها فرشوال بردو حدرتك

انت في سانت كاثرين و انا في ميلتون

قاعد وسط الطين جنب العصايتين wst::

[ايهاب سالم]

بصوا يا جماعة إنتوا تضربوا التراك المسيطر عليا اليومين دول بقي و هو ظريف و فرايحي مفيش ترزيع حلل كتير .

king of the whole wide world

http://www.youtube.com/watch?v=8JUq-zBgWBU

عجبتني

امال انا ليه محبتش الفيس زمان لما سمعته ..... من ييجي 15 سنه كده

عموما كلمة "إنتوا تضربوا التراك" دي تؤكد نظريتي فيكم يا معشر المعدنيين

انتم شوية ضريبه .... بتشديد الراء

بتتعاطو الموسيقى المعدنيه لتغيبكم عن الواقع :wub:

[MoTo]

إلي جانب خط بينك فلويد أحب أحط خط لل thrash metal، هوا ده الكلام .. نخش في الموضوع علي طول

thrash metal = The big Four

the big four = Metallica, Megadeth, Slayer, Anthrax

كلهم ظهروا في فترة واحدة .. بداية الثمانينات .

و لديهم القدرة في الحفلات إن يخلوا الناس تتمرمغ في الأرض و تتشقلب فوق بعض .

و لكل باند أغاني بتشقلب الناس في الحفلة و تخليهم يتجننوا .

و دي لينكات لأغاني لايف لل big four

Metallica - Creeping Death

http://www.youtube.com/watch?v=ywEmIHFUgDI

Megadeth - Take No Prisoners :lol:

http://www.youtube.com/watch?v=uJ9v80JUdY4

SLAYER (YEAAAAAAAAAA :D ) - Angel of death

http://www.youtube.com/watch?v=myP9VX_WMHY

ANTHRAX - Metal Thrashing MAAAAAAD

ملحوظة : لسلامتك الشخصية .. متسمعش الأغنية دي و إنت سايق

http://www.youtube.com/watch?v=Wm9hBvjCMFY

مين شقلب الناس أكتر !؟

who rocks harder ?

تم تعديل 31 مارس 2009 بواسطة MoTo

[د هشام ابراهيم]

بصوا يا جماعة إنتوا تضربوا التراك المسيطر عليا اليومين دول بقي و هو ظريف و فرايحي مفيش ترزيع حلل كتير .

king of the whole wide world

http://www.youtube.com/watch?v=8JUq-zBgWBU

الكنج الفيس ده ماله ....ينطبق عليه المقولة الشهيرة " يا لذيذ يا رايق " :lol: