مزيكا رزع الحلل !

[د هشام ابراهيم]

ما شاء الله يا دكتور هشام :) المنتدي هنا مليان بالمعدنيين :sad:

هو بالرغم من اني في الميتال قوي بس معنديش خبرات في الروك قوي يمكن عشان معاصرتش الايام دي بس بحب اسمع حاجات كتير من الحاجات القديمه زي

GNR و موتورهيد سكوربيونز و كويين بلاك ثاباث كدا يعني بس هو عشان لقيت ضالتي في الديث ميتال :D ا هو الجينير الاصلي بتاعي :D

متابع الموضوع بأهتمام :)

أيوه بقي :)

منور يا صديقي الموسوعي ....

ما فيش بانتيرا ؟ ;)

و بعدين فين Iron Maiden ؟ wst::

سعيد لوجودك هنا و أرجو أن تواصل المشاركة و المتابعة يا باشا :sad:

[الجدار]

اقتناعي الشخصي إن المزيكا ذوق شخصي ما ينفعش فيها الاقناع و لا الافحام ...خصوصا مع وجود أفكار مسبقة

أتفق مع كلام حضرتك 100% كنت زمان ببص على اللي بيسمع غير الميتال ده يبقى مخه تعبان

بس مع الأيام الواحد فهم ان مش معنى اني بحب حاجة لازم كل الناس تبقى كده يا اما بلاش

وبقيت ببص لنفسي من منظور الناس يعني كل واحد مقتنع بنفسه انه هو السميع الفنان وغيره لأ

بصراحة الواحد مابقيتش فيه الحتادي دلوقتي ولو أني لو ركبت مع حد في عربية وشغل أغاني غير معدنية ببقى مش طايق نفسي :lol:

الأغنية ديه رنة موبايلي ....الحقيقة موبيلاتي كلها ....سواء في مصر أو في كندا

The man who sold the world - Nirvana

أغنية من أحلى أغاني نيرفانا أحييك على ذوقك العالي جداً مع ان معظم المعدنيين مش بيحبوا يسمعوا نيرفانا بس بجد دول من الفرق المفضلة عندي

واحب أضيف ان الميتال مش منظرة أو لفت نظر الناس أو للمراهقين لأن الواحد لغاية دلوقتي (بعد ما عدار مرحلة المراهقة بكتييييييييييييييييير) بيسمع ميتال وبيحترم الناس دي وبيتعلم منهم ان الواحد مايبصش لمنظر اللبس أو الشعر أو الشكل

لكن يبص لفكر الناس وعقولهم

وكل واحد مننا ليه عقله يا يقبل يا يرفض الفكرة

وأعتقد أن مافيش حد بيتمنظر انه بيعرف انجليزي غير الناس الناقصة وبس

دمت بخير يا دكتور أتش

:blink:

تم تعديل 23 مارس 2009 بواسطة الجدار

[د هشام ابراهيم]

اقتناعي الشخصي إن المزيكا ذوق شخصي ما ينفعش فيها الاقناع و لا الافحام ...خصوصا مع وجود أفكار مسبقة

أتفق مع كلام حضرتك 100% كنت زمان ببص على اللي بيسمع غير الميتال ده يبقى مخه تعبان

بس مع الأيام الواحد فهم ان مش معنى اني بحب حاجة لازم كل الناس تبقى كده يا اما بلاش

وبقيت ببص لنفسي من منظور الناس يعني كل واحد مقتنع بنفسه انه هو السميع الفنان وغيره لأ

بصراحة الواحد مابقيتش فيه الحتادي دلوقتي ولو أني لو ركبت مع حد في عربية وشغل أغاني غير معدنية ببقى مش طايق نفسي :wub:

الأغنية ديه رنة موبايلي ....الحقيقة موبيلاتي كلها ....سواء في مصر أو في كندا

The man who sold the world - Nirvana

أغنية من أحلى أغاني نيرفانا أحييك على ذوقك العالي جداً مع ان معظم المعدنيين مش بيحبوا يسمعوا نيرفانا بس بجد دول من الفرق المفضلة عندي

واحب أضيف ان الميتال مش منظرة أو لفت نظر الناس أو للمراهقين لأن الواحد لغاية دلوقتي (بعد ما عدار مرحلة المراهقة بكتييييييييييييييييير) بيسمع ميتال وبيحترم الناس دي وبيتعلم منهم ان الواحد مايبصش لمنظر اللبس أو الشعر أو الشكل

لكن يبص لفكر الناس وعقولهم

وكل واحد مننا ليه عقله يا يقبل يا يرفض الفكرة

وأعتقد أن مافيش حد بيتمنظر انه بيعرف انجليزي غير الناس الناقصة وبس

دمت بخير يا دكتور أتش

:wub:

يا باشا أدام الله المعروف و سعيد جدا بتفاعلك :sad:

تعليقا علي كلام حضرتك .... زي ما قلت قبل كده ..... تقبل الأخر مش من أقوي صفاتنا كشرقيين ....و علشان أكون منصفا مش من أقوي صفات بني آدم علي الاطلاق ...

الحقيقة أنا الأربعة الكبار عندي هم علي الترتيب

Iron Maiden

Guns n Roses

Metallica

Scorpions

بس طبعا باسمع ناس تانية كتير و لي أغاني مفضلة لناس تانية ... Pink Floyd مثلا :) ..... حقيقي أنا من أكبر المعجبين بيهم و باحس إن انتاجهم بيتحدي الزمن .... يعني بيفضل متميز بالرغم من مرور الوقت

أغنية نيرفانا من الأغاني القليلة اللي حبيت فيها أعادة الأصدار عن الأصدار الأصلي .... زاي ما حضرتك عارف إعادة اصدار الأغاني القديمة ديه منتشرة جدا في الأغاني الغربية .... قليل جدا ما باحس إن إعادة الأصدار في نفس قوة الأصل ....لكن المرة ديه نيرفانا تكسب Hands down :)

[د هشام ابراهيم]

الموضوع ده جميل فعلا :sad:

مش علشان أنا اللي أبتديته أو بيتكلم عن حاجة مهمة في حياتي ..الموسيقي عموما .... لكن علشان مشاركاتكم و تفاعلكم و تعليقاتكم ....المؤيدة و المعارضة سواء .... ألف شكر للجميع ...... أنا كنت متصور إن الموضوع حيقتصر علي رد أو اتنين و دمتم ...... سعيد لخطأ تصوري

ما زلنا في الجانب الاهدي من مزيكا رزع الحلل .... تدرج في الجرعات كما طلب صديقي العزيز شهاب باشا :wub:

أغنية النهارده لفريق نرويجي ...دول شمال أوروبا ليها باع كبير في عالم الميتال و الروك .... الفريق مستقر في انجلترا و ما زال نشط حتي النهارده و إن كان نجاحه في أمريكا الشمالية محدود إلي حد كبير ....أنتاجه يترواح ما بين ال-Synthpop و ال-Alternative rockو ال New wave.....أشهر أغانيه كانت synthpop زاي Take on me و Hunting High and low

الفريق هو A -Ha و الأغنية من أنتاج التمانينات لكن عزفوها في حفلة جوايز نوبل ١٩٩٨ و أعيد اصدارها كذا مرة من فرق تانية

The sun always shines on TV

[MARDUK]

أيوه بقي :wub:

منور يا صديقي الموسوعي ....

ما فيش بانتيرا ؟ ;)

و بعدين فين Iron Maiden ؟ :sad:

سعيد لوجودك هنا و أرجو أن تواصل المشاركة و المتابعة يا باشا

اكييييد موجودين عندي الديسكوجرافي بتاعت بانتيرا و ايرون مايدين كلها و بحبهم بس هما مش روك , هما معدن تقيل :)

برضه متابع مع حضرتك للموضوع :wub: و في انتظار وصولك للثراش و الهيفي :)

[qenawy]

إنتو كنتو بتتفرجو على أيه يا دوك

والله يا باشمهندس كلك نظر

عمر عبد الكافي يمشي؟

كنا بالدور

[د هشام ابراهيم]

اكييييد موجودين عندي الديسكوجرافي بتاعت بانتيرا و ايرون مايدين كلها و بحبهم بس هما مش روك , هما معدن تقيل :)

برضه متابع مع حضرتك للموضوع :wub: و في انتظار وصولك للثراش و الهيفي :)

مش باقولك موسوعي .... بس غالبا لما أوصل للثراش حاديك المايك تتكلم إنت :wub: ...أكيد حتبقى أحسن مني كتير ...خصوصا إنت عارف رأيي في الثراش إيه ;) ..... منور يا صديقي العزيز :sad:

[مسافر زاده الخيال]

طب ايه رايكم في فرقة

modern talking????? كان ليهم شعبية في التمانينات بمدينة جده

والفرقة التي كانت aqua العيال؟؟؟؟؟؟؟؟؟

[الجدار]

طب ايه رايكم في فرقة

modern talking????? كان ليهم شعبية في التمانينات بمدينة جده

والفرقة التي كانت aqua العيال؟؟؟؟؟؟؟؟؟

بس كده مابقيتش مزيكا رزع الحلل كده أحنا حنحسس على الحلل ونطبطب عليها :)

modern talking كانت من احلى الفرق المفضلة عندي زمان وبالذات الأغنية الشهيرة Chery Chery

احساسهم عالي (عالي قوي يعني زياده عن اللزوم :closedeyes: )

أما Aqua انا مش عارف قصدك أي فريق بس انا ماعرفش غير Aqua بتاع Barbie girl

:)

وبرضو بحبهم علشان دمهم خفيف

ذوقك ممتاز

[MoTo]

دكتور إتش .. المعدني المفضل بالنسبة لي حول العالم .. واحشني جداَ

الحقيقة الميتال و الهارد روك يمثل أكبر جزء من حياتي خلال ال 22 سنة اللي عشتهم لحد دلوقت

أصل انا كنت مراهق غاضب شوية .. من أولي ثانوي كدة مكنش عاجبني حد ولا عاجبني العجب ولا الصيام في رجب زي ما بيقولوا

فا إبتديت أدور علي موسيقي عنيفة و لقيت الميتال .. و يتهيألي لو مكنتش لقيته كنت هخترعه .. مش عارف مين رما في إيدي ألبوم للينكين بارك .

المهم طبعاَ باند سيس .. بس كان بداية معرفتي بالميتال .. بعدها أعجبت فترة كبيرة ب koRn ! بعدها كنت ماشي في ميدان المساحة كدة

لقيت واحد راكب عجلة قام رامي في وشي flyer لحفلة .. طبعاَ إذبهليت .. حفلة ميتال .. في مصر !!؟ قمت رايح .. حسيت العيال سيس شوية .. اللي بيلعبوا و اللي بيتفرجوا

قمت متعلم ال bass و عملت باند كنت انا البيزيست فيها و الفوكالست .. بس زي ما تقول كنا متضايقين أكتر من اما عرفنا الميتال .. فا قمنا داخلين في ال thrash وش كدة

slayer .. pantera .. metallica .. megadeth .. و كنا بنلعب في حفلات صغيرة رغم إن كنا بنلعب تراك لست مرعبة ( hangar 18 علي سبيل المثال .. كان الناس تقعد تتفرج عالجيتاريست بتاعنا و إحنا بنلعب و هما فاتحين بقهم .. و كان عندي 17 سنة و بنغني i was born in the cemetary under the sign of the moon, raised from my grave ... by the dead ) .. بس انا الحقيقة مكنتش عارف انا كويس ولا لأ .. بس كنت ساعات بغني أو بلعب off key لأن مكنش عاجبني الناس اللي بنلعبلهم و مستخسر أتدرب عشانهم (مش بقولك مكنش عاجبني حاجة) .

بعد فترة .. الغضب بقي فيه جزء منه هبل أو هلوسة .. أعجبت أوي ب system of a down .. و كان عاجبني أوي أغنية sugar و لعبناها مرة في حفلة في مدرسة ال MLS بكل الشتايم اللي فيها .. و كمان i improvised و زودت شتايم من عندي و قطعوا الصوت علينا و إحنا عالستاج .

ثم جاءت فترة مكنش فيه orgnisers لحفلات الميتال في مصر و مبقاش فيه حفلات نلعب فيها فا إبتدينا ننظم حفلات لينا .. مرة فوق سطوح عمارة واحد صاحبنا في الهرم و مرة في شقة ناس صحابنا في شارع سوريا و في المرتين الناس بلغوا البوليس بس في حفلة شارع سوريا البوليس مجاش إلا بعد ما كنا لعبنا أربع تراكات بحالهم يعني إنجاز !

اللي حصل بعد كدة إن انا بقيت مبسوط .. إبتديت أسمع rock n roll ... و خاصة ac/dc و kiss

ثم deep purple, black sabbath, thin lizzy, QUEEN !!

بس أكتر باند علقت معايا و لحد دلوقت .. MOTORHEAD !

و بالنسبة لي اللي يقول عليه lemmy يمشي من غير نقاش ! الراجل ده تجربة حياتية فريدة يا جدعان !

و انا بحب كلماته و طريقة تفكيره كمان هو capricorn زيي و انا مولود بعده بيوم فا بنفهم بعض .

و إبتديت أرجع للقديم .. the beatles .. elvis

و الحقيقة انا مع الناس اللي بتقول إن إلفيس هو الكنج و إنه يستحق كل حاجة مش overrated خالص .

و تحضرني (حلوة تحضرني دي) كلمة جون لينون .. before elvis .. there was nothing

حاجة كمان أدين لها للموسيقي .. إن إتعملت اللغة الإنجليزية من خلالها و بشكل جيد جداَ .. لأن انا كنت في مدرسة حكومية و مدرس الإنجليزي بتاعنا ربنا لوحده اللي يعلم بيه!

فا التجربة دي ثقفتني من غير ما أحس لأن ساعات كنت أعرف مثلاَ إن أغنية لأيرون مادين أو ميجا ديث بتتكلم عن قضية معينة فا ألاقي نفسي بدور فيها و هكذا .

مش هحكيلكم مرحلة lamb of god و arch enemy أحسن .

بس عامة الموسيقي بتتحكم في مودي بشكل فظيع .. و انا حالياَ بسمع كل حاجة .. هاوس و ريجي و جاز و أوبرا .. كل حاجة

و بسمع موسيقي أول ما أصحي لازم عشان أفوق و أخش في مود إن اليوم إبتدي .. و بعد كدة في العربية و في المكان اللي هروحه

و رغم إني عقلت شوية و مبقتش غاضب زي زمان .. إلا إني لأخر يوم في عمري هسمع كلام def leppard و i'll rock rock till i drop

تم تعديل 24 مارس 2009 بواسطة MoTo

[MoTo]

ملحوظة : the man who sold the world مش بتاعة نيرفانا أصلاَ ده cover لصاحب الأغنية الأصلي david bowie

[MARDUK]

فا إبتديت أدور علي موسيقي عنيفة و لقيت الميتال .. و يتهيألي لو مكنتش لقيته كنت هخترعه .. مش عارف مين رما في إيدي ألبوم للينكين بارك .

علي فكره لينيكن بارك تقريبا بدايه كتير قوي من الفانز الجداد , برضه انا اول ميتال اسمعه كان لينكن بارك ايام اعدادي ;)

بسمع شويه اغاني ليهم و بابا روتش بس عشان بيفكروني بذكريات كويسه في عمان :P

تم تعديل 24 مارس 2009 بواسطة MARDUK

[د هشام ابراهيم]

طب ايه رايكم في فرقة

modern talking????? كان ليهم شعبية في التمانينات بمدينة جده

بس كده مابقيتش مزيكا رزع الحلل كده أحنا حنحسس على الحلل ونطبطب عليها bv:-

modern talking كانت من احلى الفرق المفضلة عندي زمان وبالذات الأغنية الشهيرة Chery Chery

احساسهم عالي (عالي قوي يعني زياده عن اللزوم wst:: )

ياااه .... فكرتوني بالايام الحلوة ..... مسافر باشا و جدار باشا ...منورين :waf:

Modern Talking كانوا في وقت ما فريقي المفضل .... و ساعتها كنت متابع أخبارهم أول باول و عندي كل أغنية طلعوها .... تقدروا تقولوا انهم استلموا الراية من Boney M :)

موسيقي الفريق بسيطة جدا و كلماتهم برضه ..... الفريق ألماني أصلا و بيغني بوب بيصنفوه تحت مسمي Eurodisco .... لو فاكر كويس متهيألي ديتر بوهلين (الواد الاشقر) انفصل عن الفريق و توماس أندرس (الواد التاني :P) كمل بعديه يغني صولو

الفريق كان بيفكرني بعمرو دياب wst:: .... كل الأغاني شبه بعضها و الكلام بيتعاد و الجمل الموسيقية بتتعاد بس مبيعات هائلة و شعبية جامدة !! .... ما يمنعش اني كنت من أكبر المعجبين .... يوما ما

في رأيي أحلي ما غني الفريق كان

In 100 years

بيعجبني قوي في الفيديو إن العربي موجود و في الاول كمان 1:23 بعد الأنجليزي و الألماني علي طول :)

------------------------------------------------------------------------

أعتقد برضه إن المقصود ب-Aqua الفريق بتاع Barbie girl .... أعتقد إنه هولندي أو دانمركي .....يعني Eurodisco برضه

تم تعديل 24 مارس 2009 بواسطة د هشام ابراهيم

[د هشام ابراهيم]

دكتور إتش .. المعدني المفضل بالنسبة لي حول العالم .. واحشني جداَ

..........................................

و رغم إني عقلت شوية و مبقتش غاضب زي زمان .. إلا إني لأخر يوم في عمري هسمع كلام def leppard و i'll rock rock till i drop

صديقي العزيز ...The global citizen :) :waf:

منورني يا باشا .... معدني أصيل bv:- .... كان نفسي فعلا أحضر الحفلة بتاعة ساقية الصاوي .... تتعوض إن شاء الله

تجربة ثرية جدا يا باشا .... و ما لكش حل أصلا في أسلوب الكتابة ..... دمت معدنيا و صخريا wst::

[د هشام ابراهيم]

ملحوظة : the man who sold the world مش بتاعة نيرفانا أصلاَ ده cover لصاحب الأغنية الأصلي david bowie

تمام يا موتو باشا .... بس نسخة نرفانا أجمد بكتير من نسخة بويي ... رأي شخصي :)

[د هشام ابراهيم]

علي فكره لينيكن بارك تقريبا بدايه كتير قوي من الفانز الجداد , برضه انا اول ميتال اسمعه كان لينكن بارك ايام اعدادي :waf:

بلاش فضايح يا عمنا .... linkin park دول زاي اولادنا .... كنا أتخرجنا من الكلية خلاص و بنعتبرهم الشباب اللي مش بيحترموا تراث الصخر و المعدن .... قال راب مع روك قال :)

[Sherief AbdelWahab]

عزيزي الدكتور هشام ، وحشتنا المزيكا والنقاشات الموسيقية التي تظهر وتختفي على فترات.. :waf: وأسعد بأي نقاش يتناول الفنون الحالية عربي أو أجنبي جيد أو هابط.. الموضوع ممتع إلى أقصى حد..

بالمناسبة .. فيه فريقين صعب نتكلم عن النوع دة من المزيكا من غيرهم ، الأول هو Scorpions الفريق الألماني الشهير ، واتكلمنا في وقت سابق عن أشهر أغانيه Winds of Change.. والتاني ما يتحسبش قوي على موسيقى الميتال وهو الفريق الرائع Linkin Park..

جيتارات الفريق ما هياش بصخب فرق الميتال التقليدية ، لكنها من أقوى أدواتهم في التعبير بشكل عام ، ومعظم كلمات أغانيهم إنسانية وبسيطة ، زي رائعتهم Breaking The Habit و رائعتهم الأخرى In The End.. وليهم أغنية قوية برضه كانت بتذيعها قناة MBC Action كبرومو لمسلسل Prison Break.. :) إنها Runway!

بالمناسبة .. "خلص الكلام" هي التوقيع بتاعي .. مستوحاة برضه من أغنية لـ"عمرو دياب".. wst::

خلص الكلام

[د هشام ابراهيم]

طب ما دمنا وصلنا للمرحلة ديه يبقى نرزع حلل بجد بقى :)

حاضيف اغنيتين من فرقتين عتاولة في عالم الصخر و المعدن

الأغنيتين بيتكلموا عن الحرب

تيمة الحرب تيمة بتتكرر كتير وسط فرق رزع الحلل و أغلبهم (مش كلهم ) ضد الحرب بكافة اشكالها .... أهوال الحرب و دمويتها .... ضحايا الحروب من مدنيين و عسكريين .... قتلي و مصابين ....محور أغاني كتير اخترت منهم اتنين :

- أول واحدة لMetallica .... واحدة من أشهر فرق الميتال في العالم ....من أمريكا ..... كتير قوي بيقلبوا علي Thrash ...... الاغنية علي لسان مصاب في احدي الحروب .... اصابته خطيرة جدا و هو بين الحياة و الموت موصل علي الأجهزة الصناعية (تنفس و بتاع ) ..... الأغنية عنيفة نوعا و موضوعها جاد جدا .... فيديو الأغنية فيه لقطات من فيلم قديم إسمه Johnny got his gun ....انتاج ١٩٧١ و كان بيحكي نفس الفكرة ..... رسالة الأغنية ضد الحرب و بشاعتها

- الأغنية التانية لIron Maiden .... برضه أسطورة في عالم الصخر و المعدن .... فريق بريطاني كما اسلفت .... الأغنية تحية لقتلي الحروب خاصة الجنود المجهولة الهوية .... نفس الرسالة .... ضد الحرب

One - Metallica

Como estais amigos - Iron Maiden

[الجدار]

أزي الميتلاويه وأعدائهم

مش عارف انا حاسس ان العملية محتاجة شوية باور دلوقتي

جه في بالي اغنية territory لـفريق sepultura البرازيلي اللي نزلوها في ألبوم Chaos A.D سنة 93 تقريباً

تصويرة وموسيقته ممتازة ومحبب لمعظم الميتلاوية على اساس ان الأغنية متصورة في فلسطين

وأن الباند متعاطف مع الفلسطينيين وضد اليهود

تصدقوا اني دورت على الفيديو على اليوتيوب مالقيتهاش !!

للدرجادي اليهود عايزين يمسحوا اي تعاطف مع الفلسطينيين

بصراحة الأغنية مميزة وأكتر ما بيعجبني فيها السولو بتاع أندرياس كيسر بجد ممتاز وموفق جداً في اختياره لscale شرقي فيه

يالا اتفرجوا وقولولي رأيكوا

Sepultura - Territory

[د هشام ابراهيم]

عزيزي الدكتور هشام ، وحشتنا المزيكا والنقاشات الموسيقية التي تظهر وتختفي على فترات.. :) وأسعد بأي نقاش يتناول الفنون الحالية عربي أو أجنبي جيد أو هابط.. الموضوع ممتع إلى أقصى حد..

..................

سيدي الفاضل أنا فعلا سعيد بالمشاركات و الحوار الراقي و ممتن جدا من تطور الموضوع علي هذا الشكل اللي بصراحة ما كنتش متوقعه

اشارك حضرتك الرأي في Scorpions و Linkin Park ....الحقيقة كمان Numb بحبها قوي .....

تحياتي و تقديري يا باشا