مزيكا رزع الحلل !

[حسام يوسف]

اجابات السادة محبى الميتال ورزع الحلل ترتكز حول سبب عشقهم الرزع-حللى ترتكز حول مفهومين اتنين

التمرد وبصارحة مش شايف انى عشان أتمرد أعمل حاجة ليس لها قاعدة أو نظام زي الجماعة بتوع الشعر الحر

والاعتياد

والكلمة دي سيئة السمعة

فالاعتياد كفيل بأن نحب كل قيمة حتى وان كانت سيئة

أنا مقر بأن الموسيقي أذواق

بس طمعان أنى أفهم

تفهمت أن عنصر الكلمات جديد ومتغير ومتنوع عن الحب والهجر واللوع

آمين

ومازال استفهامى دائرا حول عنصري الموسيقي والأداء الصوتي

عذرا أنا لا أقصد تدخلا فى الأذواق

هي مجرد رغبة فى الفهم والتعرف

تم تعديل 18 سبتمبر 2009 بواسطة حسام يوسف

[MARDUK]

اجابات السادة محبى الميتال ورزع الحلل ترتكز حول سبب عشقهم الرزع-حللى ترتكز حول مفهومين اتنين

التمرد وبصارحة مش شايف انى عشان أتمرد أعمل حاجة ليس لها قاعدة أو نظام زي الجماعة بتوع الشعر الحر

والاعتياد

والكلمة دي سيئة السمعة

فالاعتياد كفيل بأن نحب كل قيمة حتى وان كانت سيئة

أنا مقر بأن الموسيقي أذواق

بس طمعان أنى أفهم

تفهمت أن عنصر الكلمات جديد ومتغير ومتنوع عن الحب والهجر واللوع

آمين

ومازال استفهامى دائرا حول عنصري الموسيقي والأداء الصوتي

عذرا أنا لا أقصد تدخلا فى الأذواق

هي مجرد رغبة فى الفهم والتعرف

امممم طيب انت بتسمع موسيقي عشان بتعبر عن الحاله اللي انت فيها مع ان الموضوع فيه فن كبير جداا :blink:

الموضوع مش تمرد قاد لنوع معين من الموسيقي بقي ليها محبيها

مثلا صعب تتكلم عن الحروب و الموت و الناس اللي بتتقتل و كدا و تستخدم موسيقي علي شاكله ام كلثوم او عبد الحليم

الموضوع مش حيبقي ماشي علي بعضه

كمان الموسيقي دي فيها جانب فن كبير جدااااا يعني ايرون مادين ! ممكن اقعد بالايام مش قادر اوقف اغنيه ليهم !

هي المشكله عموما في الدخله الاولي و الفكره مسبقا ان دي دوشه او ترزيع حلل

لكن لو سمعت الاغاني كويس حتلاقي نفسك حبيتها + كمان في اغاني كتير بتتكلم عن الحب حتي في الاغاني دي بتكون الاحساس فيها اصدق من اي اغنيه لتموره ولا عمرو !! مع احترامي لمحبيهم

موضوع الصوت دا بيعتمد علي انت بتنغني عن ايه يعني عندك opeth اكبر مثال ! في نفس الالبوم بتلاقي اغنيه كلين و الاغنيه اللي وراها بروتال و سكريمز :lol: و كله متوقف علي الاغنيه

الموضوع عن ان كل حد ماشي بمزاجه مفيش خط معين

حديك اغنيتين لأوبث اسمعهم و قولي رأيك :wub:

Opeth- Soldier of Fortune

http://www.youtube.com/watch?v=7vYixpbff9Y

و اسمع دي برضه وراها و قول رأيك md2:

Opeth - The Grand Conjuration

http://www.youtube.com/watch?v=t1UgyG0_yag

نفس المغني هو اللي بيغني كلين و بروتال في الاغنيه دي :)

تم تعديل 18 سبتمبر 2009 بواسطة MARDUK

[حسام يوسف]

الفاضل ميردوك

أنا بشكرك جدا انك بتحاول تفهم العبد لله لون جديد عليه من الموسيقي والغناء

وبقدر لك جدا صبرك وشرحك

نردهالك يارب فى حاجات تانية ان شاء الله

بخصوص الأغنية الأولى بتاعة Soldier of Fortune

محسيتش خالص انها رزع حلل

اللى سمعته اليكتريك جيتار

ودرمز

وايقاع ظريف وجميل مضغطش على أعصابي

ودمتم

وعجبتنى كلماتها ولحنها وأداء المطرب

لو الرزع هوة ده

يبقى معنيش أى سؤال خالص أو استفسار

هية ظريفة وشغالة

بس أمال الجدع بتاع أيم بروكييييييييييييييييين ده ايه؟

ده كرهنى فى نفسي الصراحة

نيجي للأغنية التانية

The Grand Conjuration

مقدمة موسيقية لمدة 80ثانية

ايقاع عنيف شوية من الاليكتريك جيتار

بعده بدأ عفوا "الفحيح"

وبرضة مميزتش الكلمات أوى

جايز لغتى الانجليزية مش برفكت

أو مش واخد على الأغانى الأجنبية

ثم عفوا يا جماعة أنا آسف

بس ده وصفى للى سامعه دلوقتى

صوت قبيلة كلاب جعانة

ده اللى بيرد على غناء المطرب

ونعم الكورال الصراحة

الحقيقة الأولى ظريفة

التانية مش عاطفية خالص

خالص

خالص

كل ده طبعا رأيي المتواضع الشخصي جدا

مع كامل احترامي لآرائكم وأذواقكم

الف شكر على المشاركة اللى فاتت يا عم ميردوك

[cypher]

حاجه كنت حطيتها قبل وقوع الموقع بس لسه بسمعها لغايه دلوقتي laugh.gif

حاجه من الثراش الالماني و باند من الناس اللي اثرو في الناس و اول البوم ليهم كان من المؤثرات في طلوع الديث ميتال laugh.gif

Kreator - Violent Revolution

http://www.youtube.com/watch?v=6chg2l6O3lc

مجبتش الفيديو بتاعها عشان ناقص شويه عن الاغنيه الاصليه و اداء اللايف ممتاز برضه laugh.gif

ولا يهمك الأداء الليف قوي جدا ... أول مرة اسمع الباند ده ... Welcome Back

[cypher]

خبر بسرعه كدا نايل حينزلها البوم في اول نوفمبر في امريكا !!

عاجبني قووي الارت وررك بتاع الالبوم قلت افرجهلكم هنا

http://farm3.static.flickr.com/2551/392330..._2d0c5a0770.jpg

بعيدا عن انها شبه ال10 جنيه بس فنان اللي عاملها !

الالبوم اسمه Those Whom the Gods Detest

خبر كويس جداا عقبال ميتاليكا وايرون مايدين ..... بس الارت ورك فعلا تحفة .. الواحد يجهز نفسة لحصة التاريخ الفرعوني من دلوقتي :lol:

[cypher]

اجابات السادة محبى الميتال ورزع الحلل ترتكز حول سبب عشقهم الرزع-حللى ترتكز حول مفهومين اتنين

التمرد وبصارحة مش شايف انى عشان أتمرد أعمل حاجة ليس لها قاعدة أو نظام زي الجماعة بتوع الشعر الحر

والاعتياد

والكلمة دي سيئة السمعة

فالاعتياد كفيل بأن نحب كل قيمة حتى وان كانت سيئة

أنا مقر بأن الموسيقي أذواق

بس طمعان أنى أفهم

تفهمت أن عنصر الكلمات جديد ومتغير ومتنوع عن الحب والهجر واللوع

آمين

ومازال استفهامى دائرا حول عنصري الموسيقي والأداء الصوتي

عذرا أنا لا أقصد تدخلا فى الأذواق

هي مجرد رغبة فى الفهم والتعرف

زى ما قلتلك كلينا تقريبا ابتدينا بالحاجات الخفيفة زي Soldier Of Fortune لكن العملية بتتطور تدريجي بعد كدة ومن غير ما تحس ....... بالنسبة للحن والاداء الصوتي فدول زي ما بنقول لكل مقام مقال ... ونوع الاغنية وكلماتها بتفرض اللحن والاداء الموسيقى يعني مثلا اسمع دول ومش ممكن تتخيل انهن نفس الباند ونفس المغني

Metallica - Nothing Else Matters

دي اغنية رومانسية متتغناش الا كدة

انما دي

Metallica - All Nightmare Long

كلماتها متتغناش غير بالشكل ده برضة.

وبعدين القاعدة الاساسية: لولا اختلاف الاذواق لبارت السلع

[cypher]

من كام يوم كنت بتشقلب في مواقع شعر وبعدين لقيت نفسي قدام قصيدة اسمها The Rime Of The Ancient Mariner وفوجئت ان ايرون مايدين عاملين منها أغنية...مش زي The Trooper لأ دول مدخلين مقاطع من القصيدة في الاغنية حاجة روعة بجد

معلش الاغنية متقسمة جزئين على يوتيوب لأنها 13 دقيقة بس تستاهل والأداء الليف بتاعها قوي جدا من Flight 666

Iron Maiden - The Rime Of The Ancient Mariner pt1

Iron Maiden - The Rime Of The Ancient Mariner pt2

[MARDUK]

لفاضل ميردوك

أنا بشكرك جدا انك بتحاول تفهم العبد لله لون جديد عليه من الموسيقي والغناء

وبقدر لك جدا صبرك وشرحك

نردهالك يارب فى حاجات تانية ان شاء الله

عادي والله انا مستمتع جدااا بالمناقشه

بخصوص الأغنية الأولى بتاعة Soldier of Fortune

محسيتش خالص انها رزع حلل

اللى سمعته اليكتريك جيتار

ودرمز

وايقاع ظريف وجميل مضغطش على أعصابي

ودمتم

وعجبتنى كلماتها ولحنها وأداء المطرب

لو الرزع هوة ده

يبقى معنيش أى سؤال خالص أو استفسار

طب دي بدايه مبشره جدااا

بس هو دا نوع من الاغاني الميتال و موجود و اغانيه كتير قوي فا انا اقصد الميتال مش مقتصر علي فكره ان الاغنيه لازم تبقي كلها سكريمز او بروتال

دايما القصه او المجال اللي بتتكلم عنه هو اللي بيخليك تظبط الموسيقي ازاي

بس أمال الجدع بتاع أيم بروكييييييييييييييييين ده ايه؟

ده كرهنى فى نفسي الصراحة

بص خلي ليركس الاغنيه تتكلم عشان تعرف معاناه المغني :lol:

I wonder if we'll smile

in our coffins while

loved ones mourn the day,

the absence of our faces,

living, laughing, eyes awake.

Is this too much for them to take?

Too young for one's

conclusion, the lifestyle won.

Such values you taught your son.

(That's how! That's how! That's how!)

Look at me now. I'm broken.

Inherit my life. I'm broken.

That's how!

Look at me now. I'm broken.

Inherit my life. I'm broken

One day we all will die,

a cliched fact of life.

Force fed to make us heed.

Inbred to sponge our bleed.

Every warning, a leaking rubber,

a poison apple for mingled blood.

Too young for ones delusion

the lifestyle cost

Venereal Mother embrace the loss

.

الاغنيه كلماتها ان مكنتش كويسه فهي ليها معني :blink:

نيجي للأغنية التانية

The Grand Conjuration

مقدمة موسيقية لمدة 80ثانية

ايقاع عنيف شوية من الاليكتريك جيتار

بعده بدأ عفوا "الفحيح"

موضوع الاداء الصوتي دا هو اللي مزعلك :wub:

شوف هي الاغنيه معناها باين من اسمها فا انت لو مشيت مع الليركس حتلاقي لازم فكره الفحيح دي عشان يديك الاحساس

ثم عفوا يا جماعة أنا آسف

بس ده وصفى للى سامعه دلوقتى

صوت قبيلة كلاب جعانة

ده اللى بيرد على غناء المطرب

ونعم الكورال الصراحة

الحقيقة الأولى ظريفة

التانية مش عاطفية خالص

خالص

خالص

كل ده طبعا رأيي المتواضع الشخصي جدا

مع كامل احترامي لآرائكم وأذواقكم

الف شكر على المشاركة اللى فاتت يا عم ميردوك

مش محتاج اعتذار :)

موضوع قبيله الكلاب ههههه برضه لو مشيت مع كلمات الاغنيه حتلاقي لازم تطور يطلع في الاغنيه كدا

+ مش كل المعدنيين بيفضلو البروتال عندك عمنا الكبير شيكو md2: بس طبعا بعد التأثير عليه بدأ يستلطفه :)

[MARDUK]

من كام يوم كنت بتشقلب في مواقع شعر وبعدين لقيت نفسي قدام قصيدة اسمها The Rime Of The Ancient Mariner وفوجئت ان ايرون مايدين عاملين منها أغنية...مش زي The Trooper لأ دول مدخلين مقاطع من القصيدة في الاغنية حاجة روعة بجد

معلش الاغنية متقسمة جزئين على يوتيوب لأنها 13 دقيقة بس تستاهل والأداء الليف بتاعها قوي جدا من Flight 666

Iron Maiden - The Rime Of The Ancient Mariner pt1

Iron Maiden - The Rime Of The Ancient Mariner pt2

الواحد كان احد احلام حياته يروح دبي لما الايرونز راحو هناك :(

ححط حاجه بلاك بس Instrumental بحبها جداا !

Graveworm - Thorns Of Desolation

http://www.youtube.com/watch?v=PnFJTS32kcA

بحب قوي الحاجات الاسكتلنديه و الBagpipe !

[د هشام ابراهيم]

أشكرك على كرم أخلاقك يا دكتور هشام

الحقيقة عندي سؤال وسألته لأصدقائي من محبي الرزع الحللى

لكن اجابتهم لم تكن مقنعة

فأتمنى أسمع اجابة حضرتك لو وقتك يسمح

يا باشا العفو و أنا تحت أمرك ....ما شاء الله عليك مشاركتك نشطت الموضوع تاني و الموضوع ده بالذات أنا باحبه جدا

قبل ما أسأل السؤال أقدر أوضح لحضرتك تصنيفي من ناحية السمع الموسيقي

أنا من حزب كوكب الشرق أم كلثوم وأقدر من الحاليين محمد منير ولا أستمع أو أستمتع للغناء الأجنبى

ندخل على السؤال وأعتذر للاطالة

بالعكس يا باشا إطالة إيه طب أنا حارد علي كل نقطة في مشاركتك الغالية ...ازيك بقي

كلام جميل و ذوق عالي بس أنا من حزب حليم ....لو حاسمع عربي يعني ....بعديه بمسافة عبد الوهاب و بعديهم مختارات من الناس التانية ..... باحب حاجات للست و لمنير انما ما أقدرش أقول انهم من المفضلين عندي

مفهومى للفن أنه رسالة ومتعة وجمال

انا مع حضرتك ان الواحد زهق من ان كل الأغاني عن الحب والهجر والعيون والرموش والشفايف

وعشان كدة بحب محمد منير اللى بيغني لموضوعات حياتية أخرى

لكن أين الجمال فى الرزع والخبط والطحن ده؟

بفرض أن الكلمات ذات مغزي هادف وجميل وغير ممل

طيب فاضل الضلعين التانيين

الأداء الصوتي

واللحن و الموسيقي

كلام صحيح ميه في الميه ....الفن رسالة و متعة و جمال الله ينور عليك

انما مش شرط تكون الخلطة تلت و تلت و تلت ....يعني فيه فن عنصر الجمال فيه طاغي علي الباقيين و فيه فن المتعة هي اللي طاغية و فيه فن عنصر الرسالة هو اللي طاغي ....أيوه صح ...رزع الحلل اللي هو الروك و الميتال الرسالة أهم من الجمال و من المتعة ..... لو الذاكرة ما خانتنيش كان فيه تصريح مرة لمايك جاجر مغني الرولينج ستونز عن الروك و هدفه ...قال إن هدف المزيكا ايقاظ الناس من غفوتهم و تنبيهم للي بيحصل حواليهم في الدنيا بدل الأغاني الحالمة اللي بتخليهم يستلقوا علي "ظهورهم " علشان يتأملوا مجد الأمبراطورية (البريطانية) الغابر و ينسوا الأحداث الخطيرة اللي بتقع النهارده ...... لو تابعت انتاج فريق زي آيرون مايدن مثلا ...فريقي المفضل .... مش حتتخيل كمية السمو و الرقي اللي ورا أغانيهم ......

مش حاطمع و أقولك أقرا الستين صفحة بتوع الموضوع ده انما بجد لو عايز تاخد فكرة شاملة عن الروك و الميتال الموضوع ده مليان مشاركات قيمة جدا من ناس بتمثل اتجاهات كتير في عالم الرزع الساحر

نيجي للمتعة و الجمال ....طبعا الجمال نسبي و بيختلف من شخص لاخر ....ده بيختلف في شخص نفسه من وقت لوقت و من مكان لمكان .....أكبر مثال قلته في الأول خالص أنا ما كنتش باطيق أصلا رزع الحلل لحد وقت ما في حياتي كل حاجة اتغيرت و أنا اتغيرت معاها

المتعة طبعا أندورفينز طالعة من الدماغ و برضه موضوع نسبي و شخصي

صراحة في رأيي ما فيش أحلي و لا أجمل من رزع الحلل ..... يعني رسالة و متعة و جمال أهو

أنا فى مرة سمعت شريط هيفي ميتال كنت حاسس ان اللى بيغنى مش انسان

كان بيقول

iam broooooooooooooooooooooooken

وصوته بجد انا اسف وعفوا يشبه نباح صوت كلب بلدي تعيس بيموت على الطريق نتيجة دهسه بعربية أمن مركزي

واللحن

مش عارف أقول فين اللحن

خبط ورزع ودرمز واليكتريك جيتار وبس

بانتيرا يا رااجل

ما هو ما تبتديش من بانتيرا طبعا .....بص يا دوك الرزع عامل زي الستيك فيه من أول البلو رار ....رار ...مديوم رار ....مديوم ...مديوم ويل ...ويل دون .....فيري ويل دون ....شارد ......سعادتك بادي من الاخر يا باشا ......ده التدريجات اللي موجودة في الروك و الميتال أكتر من تدريجات درجة طهو الستيك ...... فيه رزع أقرب للطبطبة علي الحلل علي رأي الغائب الحاضر العزيز الجدار و بيتدرج لرزع بيفجر الحلل بالمطبخ بالبيت كله ....علي فكرة فيه أعلي كمان من بانتيرا

ما يمنعش اني في فترة من الفترات ...نيابة القصر العيني ...كان بانتيرا فريقي المفضل ده ليهم أغاني أنيل من كده بمراحل و كنت باحبها ...صحيح صوت فيل أنسيلمو عامل زي صوت راكون أعور حزين دهسته مدرعة ال-SWAT انما ليه وقته برضه wst::

اسف مش قصدي أى اساءة لما تحبون

بس عايز أفهم

فين الجمال سواء فى الصوت أو اللحن؟

ولا مش مهم الجمال؟

ولا هوة تأثير الاعتياد؟

ومين عارف

جايز أقتنع وأسمع وأجرب من تانى

العفو يا باشا ما فيش داعي لأي اعتذار و لا حاجة ...... الجمال موجود يا دوك مش لازم بانتيرا خالص علشان النقاش حيطول عليهم ....إنما أؤكد لك انك حتلاقي أنواع مختلفة من الجمال في مزيكا الرزع و موجودة في الموضوع ده ..... أبقي معنا مش حتقدر تسد ودانك :wub:

[د هشام ابراهيم]

عودة قوية جداا يا دكتور ... اختيار ممتاز .... Good Luck With SOAD :wub:

العفو يا صديقي العزيز و بجد أنا ممتن لتعريفي علي الشباب دول ...تعيش يا باشا wst::

[MARDUK]

دكتور هشام والله فعلا انت عميد المعدنيين

Нам не нужно никакого образования :wub:

طيب دي اغنيه لبانتيرا wst:: نفس الباند اللي عملت I'M BROKEN wst::

Pantera -Cemetery Gates

http://www.youtube.com/watch?v=nX_pSFXuoL0

تم تعديل 19 سبتمبر 2009 بواسطة MARDUK

[د هشام ابراهيم]

ايه الجمال ده ..... بالرغم من ان الالبوم عندي على الجهاز ودايما بسمعة بس كنت دايما بنسى اشوف صورة كفر الالبوم ده بالذات ..... فعلا مش عارف اقولك ايه يا دكتور :lol: :)

يا باشا العفو ....أفضالك سابقة :D ...

الصراحة كتير من كفرات ألبومات الرزع بتبقى جامدة جدا و وراها فكر عالي جدا .....تحياتي يا صديقي العزيز

[د هشام ابراهيم]

نقول مرحب الاول معانا هنا :lol: وان شاء الله تخرج سميع :wub:

لو تسمحلي ممكن اساعد الدكتور في الرد على كلامك...

خلينا نتفق الاول ان كل شئ عبارة عن اذواق وخاصة الموسيقى وان كانت الموسيقى كمان تعتبر ...... ادمان . وهقولك ليه بعد شوية.

انا مبحبش احلل الاغنية واقسمها لأداء ولحن وموسيقى لأنه غالبا بيضيع المتعة بتاعة الاغنية ..... مثلا مقطوعة carl orff الشهيرة جدا o fortuna المعروفة كمان باسم Carmina Burana اكيد عارفها طبعا بالرغم من شهرتها الكبيرة الا انك لو فصلتها هتلاقيها عبارة عن قصيدة باللاتيني :) اللي هو لغة منقرضة اساسا . عادي اذواق. بالنسبة للطحن والرزع فده جزء الادمان اللي بقولك علية او ممكن تعتبرة تعود يعني في البداية انا ابتديت بأغاني slow وبعدين دخلت على الراب وبعد شوية الروك وبعدين الهارد روك وبعدين الميتال .... ايام الراب مثلا سمعت اغنية ميتال بالصدفة أول حاجة قولتها ايه القرف ده في حد بيسمع الكلام ده وحتى لما ابتديت اسمع ميتال كنت بسمع الخفيف أوي اللي مفيهوش رزع كتير زي Bittersweet مثلا الحاجات السيمفوني وبعدين ابتديت اجرب اكتر واكتر

يعني مثلا اغنية i'm broken اللي انت جايبها دي كنت من 3 شهور مش طايقها تماما النهاردة باسمعها كل يوم smk: ........ وعلى فكرة انا مقدرش اقول الجمال في كدة او كدة لانه مينفعش التقييم بالشكل ده ممكن ينفع في الكلمات انما الموسيقى واللحن صعب شوية .يعني الراب مثلا اللي شعبيتة ضخمة في العالم كلة بيعتمد على Beat ثابت طول الاغنية ومتركب علية كلمات غالبا ملهاش معنى ومعظمها شتايم ومخدرات واذا استبعدنا Eminem هتلاقي ان معظم اللي بيغنوة ولا صوت ولا منظر ولا اي حاجة خالص وحتى صعب انك تطبق الليركس على اللي هو بيغنية اساسا ...... وعلى فكرة الميتال انواع كتير يعني لو يهمك الموسيقى ممكن تسمع سيمفونيك ميتال ... الموسيقى ممتازة لكن هتلاقى فية كتير عن اساطير وحكايات قديمة واحتمال الكلام ميعجبكش .... زي ما بنقول الحلو ميكملش.... معلش طولت عليك.

واهلا بيك في عالم الرزع :D

أستاذ و رئيس قسم و عميد و رئيس جامعة و رئيس المجلس الأعلي للجامعات كمان :old:

[د هشام ابراهيم]

نتكلم جد شويه

بص يا حسام

أنا بأسمع أجنبي ساعات بس غالبا بوب و شوية روك

أما المعدن بتصنيفاته المتعدده فمعظم اللي عجبهم النوع ده من الموسيقى .. وأنا منهم .. كان في فترة بداية الشباب فترة التمرد و السخط و واللي فيها بتكون عايز تسمع حاجه .. مختلفه .. عنيفه .. صاخبه .. متمرده .. متفجره .. مزعجه

بعد كده المفروض إن المسائل بتهدى و الحاله بتستقر وبتقلع لوحدك عن هذا النوع من الرزع

الناس اللي بتكمل معاهم الحاله على طول يبقوا أكيد ما زالوا

متمردين

و ساخطين

و شباب على طول

:lol:

كلام جميل كلام معقول ما أقدرش أقول حاجة عنه ..

انما سؤال خبيث شوية :) ... مين فينا مش متمرد و ساخط علي أحوال العالم و لسه جواه روح شاب :D

علي قد شلة الدروب جوز أقدر أقولك ما فيش حد يا كنج

[د هشام ابراهيم]

ترالك لميتاليكا هاجم عليا بقالة كام يوم ومش عارف ابطل اسمعة خالص

Metallica - Thorn Within

أنا كنت ناسي الاغنية ديه خالص .....اييه ......أيام ......شكرا جزيلا يا أفندم :lol:

[د هشام ابراهيم]

انا سعييييييييييد بعوده الموضووووع دا

أنا فى مرة سمعت شريط هيفي ميتال كنت حاسس ان اللى بيغنى مش انسان

كان بيقول

iam broooooooooooooooooooooooken

وصوته بجد انا اسف وعفوا يشبه نباح صوت كلب بلدي تعيس بيموت على الطريق نتيجة دهسه بعربية أمن مركزي

واللحن

مش عارف أقول فين اللحن

شوف بعيدا عن اي حاجه الاغنيه اساسا ليها معني عميق عميق عميق :lol: الاغنيه دي اساسا انتحااااار

شوف الفيديو بتاعها مش حتبطل هيد بانجينيج

فين الجمال سواء فى الصوت أو اللحن؟

ولا مش مهم الجمال؟

ولا هوة تأثير الاعتياد؟

ومين عارف

جايز أقتنع وأسمع وأجرب من تانى

بص الموضوع مش موضوع فين الجمال الموسيقي هي تعبير عن الحاله اللي انت حاسسها

يعني انا شخصيا لو سمعت اغنيه حبيبي حموت من غيرك ووووووو حيجيلي هارت اتتاك قبل ما الاغنيه تخلص

عارف صوت البروتال لو جربت تسمعه و تحبه حتحس بجد انه بيطلع كل الحماس و الغضب اللي حاسس بيها

عارف حاجه كدا زي انك بتطلق السخط اللي جواك :) كمان في ناس بتغني بأصوات عاديه الموضوع مش مقتنصر علي الصوت

+ اغلب اللي بيغنو معدن بيغنو عشان هما عاوزين يغنو بيبقي عموما في هدف و في موضوع في الاغاني وورا الناس

محدش بيطلع كدا عشان عاوز يتشهر !

نرفع القبعة يا باشا :D ...مش باقولك غيرت رأيي في جينراشين واي كله بسببك يا صديقي الموسوعي ...و تحية خالصة لاسلوبك في الحوار

[حسام يوسف]

أشكر جدا الأخوة الأعزاء محبى مزيكا رزع الحلل على التوضيح والشرح

وأنا فعلا استظرفت جدا الأغاني الهادية فى رزع الحلل

يعنى فيه بالفعل بعض انتاج رزع الحلل كان مقبولا لي

وجميل كمان

يمكن لم أستسغ حتى الآن النوع التاني العنيف ده

لكن هية دي الحياة

اختلاف أذواق

وتنوع أمزجة

شكرا جزيلا للردود والشرح من بروفيسور هشام

وسيفر

وشكر وتقدير خاص للعزيز ميردوك على شرحه الوافي

وصبره واهتمامه ووقته

وكل سنة وانتم طيبين جميعا

[د هشام ابراهيم]

الحقيقة لسه عندي كلام كتير عايز أرد و أعلق بيه علي مشاركات الناس الحلوة اللي في التوبيك انما وقتي مش ساعفني ..... حاسيبكم مع أغنية مسيطرة علي تماما ....بجد إيه ديه .... و ليه .... و امتي ..... و ازاي كمان :closedeyes:

YouTube

http://www.youtube.com/watch?v=cTtuNseSjuo

MP3

/?sharekey=7b9a983...04e75f6e8ebb871

Why don't you ask the kids at Tiananmen square?

Was Fashion the reason why they were there?

They disguise it, Hypnotize it

Television made you buy it

I'm just sitting in my car and waiting for my...

She's scared that I will take her away from there

Her dreams that her country left with no one there

Mezmerize the simple minded

Propaganda leaves us blinded

I'm just sitting in my car and waiting for my girl

I'm just sitting in my car and waiting for my girl

I'm just sitting in my car and waiting for my girl

I'm just sitting in my car and waiting for my girl

تم تعديل 23 سبتمبر 2009 بواسطة د هشام ابراهيم

[cypher]

دكتور هشام والله فعلا انت عميد المعدنيين

Нам не нужно никакого образования

طيب دي اغنيه لبانتيرا :unsure: نفس الباند اللي عملت I'M BROKEN :blink:

Pantera -Cemetery Gates

http://www.youtube.com/watch?v=nX_pSFXuoL0

اتلعبت قبل كدة لكن مقبولة منك :) ....... الا ايه اللي انت كاتبة باللغة اللي انا معرفش اسمها دي :blush2: