مزيكا رزع الحلل !

[د هشام ابراهيم]

يالا اتفرجوا وقولولي رأيكوا

Sepultura - Territory

من الأخر بقي :)

Thrash أصلي ....فينك يا ماردوك باشا كان حلل أصوات المغنيين كمان

فعلا الواحد بيفضل يتعلم حاجة جديدة كل يوم ... أنا الحقيقة ما كنتش أعرف حاجة عن الفريق أو الأغنية .....اضافة قيمة جدا يا صديقي العزيز

عجبتني جدا الكلمتين دول

Racist human being

اعتقادي الشخصي إن افة من آفات بني أدم هي العنصرية و أساس لكتير من شروره ....

في انتظار المزيد يا باشا

[الجدار]

والله يا دكترة بيعجبني فيك تواضعك وذوقك بجد

شخصية راقية جداً للأمانة والله

ربنا يديم الصداقة

sepultura على فكرة من الفرق الممتازة بس عيبها ان الأغنية الواحدة بتبقى على لحن ثابت ومافيهوش قلبات كتير أو تغيير

بس كفريق يعتبر فريق ممتاز

بس للأسف هما أنفصلوا دلوقتي

الفوكلس والريذم جيتار(ماكس كافاليرا) عمل فريق أهبل أسمه soulfly وأخوه الدرامر (إيجور كافاليرا) كمل قيادة Sepultura بس تحس أنها بقت على راب يعني الجوز من الآخر فشلوا كعادة الإنقسامات دايماً.

دمت في صحة وراحة بال يا دكتورنا الغالي

تم تعديل 24 مارس 2009 بواسطة الجدار

[MoTo]

أتفق معاك مليون% يا دكتور إن نسخة نيرفانا أحسن .. بل كمان أغنيتين كمان كانوا لعبوهم خلال الحفلة بتاعة mtv unplugged اللي لعبوا فيها the man who sold the world ، و هما lake of fire, plateau

و الأغنيتين بتوع فريق إسمه meat puppets و كانوا هما اللي بيلعبوا الجيتار في الحفلة و كيرت كوبان فوكالز بس .

كيرت كوبان أخر روكر حقيقي ظهر و انا بعتبر بموته توقفت ثقافتي الموسيقية .. أي حد بيسألني بقوله انا بسمع من 94 و إنت نازل (سنة موت كوبان) .. يالا الله يحرقه مطرح ما راح .

بالنسبة لأغاني الحرب .. طبعاَ مينفعش منذكرش ONE .. أغنية مرعبة بكل المقاييس .. ملهاش حل و الإبداع فيها بدون سقف .

بس منقدرش نجيب سيرة الحروب و السياسة و منذكرش سيرة ديف محمد عبد الستار ماستين .. MEGADETH !

يكفي هذا الرجل أغنيتين مرعبين يحطوه في مصاف كبار تجار الفاكهة في الهيفي ميتال

HOLY WARS, TAKE NOOO PRISONERS !!

و أغنية kick the chair من الألبوم قبل الأخير بتاع 2004 the system has failed

بالمناسبة فيه باند thrash و هو underrated أوي .. و هبقي مبسوط لو طلع فيه حد بيحبه لأنه باند من الأخر يعني يا جماعة

ANNIHILATOR !

[Shehab]

طب ما دمنا وصلنا للمرحلة ديه يبقى نرزع حلل بجد بقى

- أول واحدة لMetallica ....

- الأغنية التانية لIron Maiden .... برضه

One - Metallica

Como estais amigos - Iron Maiden

دكتورنا الكبير ...مجهود رائع ....و الموضوع ماشى زى الفل مش زى ما انت كنت خايف..

الاغنية التانية ظريفة..... بس الاولى ما كالتش معايا بصراحة.....شكلى ظلمت الشاب البرىء اياه..و المشكلة منى انا!!!

[MARDUK]

أ

بالمناسبة فيه باند thrash و هو underrated أوي .. و هبقي مبسوط لو طلع فيه حد بيحبه لأنه باند من الأخر يعني يا جماعة

ANNIHILATOR !

متقولش موتوريزر :| هو في باند اسمها كدا :| :D

انا كان في دماغي الاسم دا عاوز ANNIHILATOR يبقي اسم لباند ليا :)

[الجدار]

بالمناسبة فيه باند thrash و هو underrated أوي .. و هبقي مبسوط لو طلع فيه حد بيحبه لأنه باند من الأخر يعني يا جماعة

ANNIHILATOR !

Annihilator من أقوى الفرق اللي كانت موجودة على الساحة واللي ماسمعهمش خسر كتير قوي

من أقوى الجيتاريستات اللي بيدخلوا دماغي الجيتاريست بتاعهم Jeff Waters عليه شوية مزيكا تجن

من أحب الأغاني ليهم Crystal Ann و king of the kill و Welcome To Your Death وطبعاً Alison hell ومش عايز أنسى Never, Neverland

وعلشان خاطر الحبايب حنحط أغنيتهم الشهيرة (مقتبسة من قصة أليس في بلاد العجايب) واللي عايز يتكيف من حتة مزيكا يسمع Crystal Ann ويدعيلي ده الأنترو بتاع ألبوم Alice in hell الأتنين مع بعض في اللينك اللي جاي

Crystal Ann / Alison Hell

بجد نادر قوي لما بلاقي حد يعرف حاجه عن Annihilator اختيار ممتاز يا موتو Thump up

[ايهاب سالم]

يعني يا ريت لو حد م الاخوه المعدنيين يشرح لنا الفروق بين تصنيفات الموسيقى المعدنيه المختلفه مع وضع نموذج من كل تصنيف

يعني ما هو الفرق بين

hard rock

metal

heavy metal

black metal

hot metal

cold metal

red metal

metal metal

وكده يعني

شاكرين لكم حسن تعاونكم معنا

تم تعديل 25 مارس 2009 بواسطة ايهاب سالم

[عصام]

إيه دا؟

ميتال على صفحات المحاورات؟

دا تهريج !!

الموضوع دا لازم يتثبت .. قصدى يتحذف mf(

هييييييييييييييييييه .. دنيا

فين أيام تقطيع الجينز .. والكتابة على التى شيرتات .. واختراع الووكمان اللى ما كانش بيفارق راس الواحد .. ولما الزملا فى الجامعة ينصحوا البنات يبعدوا عنه عشان شكله مدمن .. :happy:

والاسطوانات 12"

وتسجيل الشرايط فى بكنيك ..

:unsure:

[عصام]

يعني يا ريت لو حد م الاخوه المعدنيين يشرح لنا الفروق بين تصنيفات الموسيقى المعدنيه المختلفه مع وضع نموذج من كل تصنيف

يعني ما هو الفرق بين

hard rock

metal

heavy metal

black metal

hot metal

cold metal

red metal

metal metal

وكده يعني

شاكرين لكم حسن تعاونكم معنا

ياريت كمان حد الــ trash Metal بالمرة يبقى كتر ألف خيره :unsure:

[د هشام ابراهيم]

والله يا دكترة بيعجبني فيك تواضعك وذوقك بجد

شخصية راقية جداً للأمانة والله

ربنا يديم الصداقة

sepultura على فكرة من الفرق الممتازة بس عيبها ان الأغنية الواحدة بتبقى على لحن ثابت ومافيهوش قلبات كتير أو تغيير

....................

دمت في صحة وراحة بال يا دكتورنا الغالي

يا أفندم العفو ...شاكر لحضرتك كريم مديحك و مشاركاتك المتميزة بس احنا كده حنطمع في المزيد و المزيد

ربنا يديم المعروف يا صديقي العزيز

[د هشام ابراهيم]

بالنسبة لأغاني الحرب .. طبعاَ مينفعش منذكرش ONE .. أغنية مرعبة بكل المقاييس .. ملهاش حل و الإبداع فيها بدون سقف .

بس منقدرش نجيب سيرة الحروب و السياسة و منذكرش سيرة ديف محمد عبد الستار ماستين .. MEGADETH !

يكفي هذا الرجل أغنيتين مرعبين يحطوه في مصاف كبار تجار الفاكهة في الهيفي ميتال

HOLY WARS, TAKE NOOO PRISONERS !!

و أغنية kick the chair من الألبوم قبل الأخير بتاع 2004 the system has failed

ياااه يا موتو باشا :D ...أنا كنت نسيت Megadeth فعلا .... كنت غاوي اكتب اسمهم علي الكراسات و الكتب أيام الكلية خصوصا علشان الM و ال H ليهم طريقة كده في الكتابة

مشكلة Megadeth معايا و المواطن ماستين بالذات انهم متخانقين مع Metallica بعد ماستين ما أتطرد .... و الخناقة الشهيرة بعد كده ماستين و لا هيميت ..... اللي بقيت زاي الأهلي و لا الزمالك ....او البيتلز و لا الرولنج ستونز :blink:

صراحة هو عبقري فعلا و عتيد في عالم الأجرام المعدني ....بس أنا متاليكاوي يا عم ما ليش دعوة :closedeyes:

بالمناسبة من أحلي أغاني الحرب كمان Civil war بتاعة GnR

what's so civil about war anyway ديه كانت داخلة دماغي قوي ..... و المقدمة الكلامية اللي في الاول كمان

Civil war - GNR

[د هشام ابراهيم]

دكتورنا الكبير ...مجهود رائع ....و الموضوع ماشى زى الفل مش زى ما انت كنت خايف..

الاغنية التانية ظريفة..... بس الاولى ما كالتش معايا بصراحة.....شكلى ظلمت الشاب البرىء اياه..و المشكلة منى انا!!!

العفو يا صديقي ...مفيش مشكلة و لا حاجة يا باشا .... الموضوع أذواق مش أكتر ..... و بداياتك مع السوفت روك مشجعة .... فيه كام حاجة عجبتك في الاول ....برضه ترزيع حلل يعني ....بس بشويش :closedeyes:

[د هشام ابراهيم]

انا كان في دماغي الاسم دا عاوز ANNIHILATOR يبقي اسم لباند ليا :closedeyes:

أرشحلك Pharaohs of Rock أو Eye of Horus

و ممكن كمان Powermasters مشتقة من powerslave بتاعة Iron Maiden

لو مصمم بقي علي الديث ميتال ممكن

Metal Mummies :D

[د هشام ابراهيم]

يعني يا ريت لو حد م الاخوه المعدنيين يشرح لنا الفروق بين تصنيفات الموسيقى المعدنيه المختلفه مع وضع نموذج من كل تصنيف

يعني ما هو الفرق بين

hard rock

metal

heavy metal

black metal

hot metal

cold metal

red metal

metal metal

وكده يعني

شاكرين لكم حسن تعاونكم معنا

يا سلام بقي hot metal و cold metal و metal metal كمان :D

بص يا سيدي مصطلح الروك عادة ما يعني الهارد روك باعتباره الوريث الشرعي للروك اند رول القديم بتاع الأخوة الفيس بريسلي و تشاك بيري و الشباب الحلو ده

فيه شباب جم بعد كده و طوروا المزيكا شوية ...رولينج ستونز مثلا و ابتدي الجيتار الكهربا و الات الايقاع و التمبو السريع يبانوا قوي .... و ظهرت فرق كتير جدا علي جانبي الأطلنطي (حلوة ديه ) ..... بعد كده بقي الاستايل بتاعهم مميز ديب بربل و ليد زبلن و كوين ..... دول رواد الهارد روك

جم شباب تاني بقي بعد كده و علوا البار شوية .... يعني الجيتار الكهربائي أكتر و أعلي و رزع الحلل علي أشده و الدستورشين عامل أساسي و الصوت كله أعلي من الهارد روك .... دول بقي الهيفي ميتال ....ايرون مايدن و ميتاليكا و ميجا دث و ما شابههم ....الميتال نوع من أنواع الروك بس أكثر صخب و أعلي في الدوشة يعني

من الروك بقي فيه فروع كتير ايشي كانتري روك و ايشي سوفت روك و ايشي جرانج روك و ايشي بانك روك ....كل واحد من دول ليه مواصفات و نوعية كلام و فرق مخصوصة و معجبين

الميتال كمان ليه فروع كتير منها الثراش ميتال .... لو سمعت أغنية ميتال حسيت إن المغني بيحشرج و الرزع بتاع الحلل علي أشده و سريع جدا و الجيتار قرب يتقطع من النوتس العالية ده يبقى سعادتك ثراش

فرق زاي ميتاليكا بتغني ثراش كتير .... فيه فريق إسمه بانتيرا بعيد عنك و عن السامعين ما سمعتوش من أيام نيابة القصر العيني ده في رأيي الشخصي الثراش علي أصوله

محاولة مني للاجابة عليك يا ملك الدفنس و علي صديقي العزيز شهاب لما سأل سؤال مشابه في الأول و الفاضل عصام كمان في المشاركة اللي بعديك

طبعا المعدنيين و الصخريين الأفاضل اللي في الموضوع ممكن يجاوبوا كمان لتمام المنفعة يعني :closedeyes:

[د هشام ابراهيم]

إيه دا؟

ميتال على صفحات المحاورات؟

دا تهريج !!

الموضوع دا لازم يتثبت .. قصدى يتحذف :blink:

هييييييييييييييييييه .. دنيا

فين أيام تقطيع الجينز .. والكتابة على التى شيرتات .. واختراع الووكمان اللى ما كانش بيفارق راس الواحد .. ولما الزملا فى الجامعة ينصحوا البنات يبعدوا عنه عشان شكله مدمن .. :blink:

والاسطوانات 12"

وتسجيل الشرايط فى بكنيك ..

:lol:

أهلا و سهلا بحضرتك ..... واضح إن سعادتك معدني أصيل برضه .... فينك يا باشا من زمان :closedeyes:

يا أفندم هو أكيد ما يستاهلش التثبيت بس ما يستاهلش الحذف برضه .... بس صراحة الدخلة الأولانية ديه استاذة :D

ما قلتش رأيك في الثراش يا باشا :blink:

[moheltohamy]

إيه ده؟

عصام كان هنا ، ومشي ، والموضوع لسّه مفتوح؟! الإدارة بتتساهل كده ، والمنتدى باظ!

النهارده ميتال ، وبكره شعبان عبد الرحيم!!!

زي نكتة الأب اللي داخل أوضة بنته لقى واحد معاها جوّه الأوضة ، فقاللها (الله الله... مش بعيد بكره أشوفك بتشربي سجاير!)

بس أنا بجد بعد كلامكو ده ، وخصوصاً الواد موتو ، اللي بيتكلّم كلام كده معظمه - إن لم يكن كله - مش فاهم منه ولا كلمة ، ودا كمان بيتكلّم كما لو كان كلامه من المسلّمات اللي المفروض - بديهياً - إن الناس كلها عارفاها (يمكن أنا اللي لسّه طالع م القمقم؟ :D ) ، وتكمل بعم الجدار اللي بيقوللك مش عارف مين اللي لو ما سمعتوش يبقى خسر كتير!

ساعتها بأه قلت... سلامو عليكو بأه!

واحمد ربنا يا هشام إن التوبيك ده مش في باب كندا... كنت نسفته! :blink:

تخيل أغانيكو الأبيحة دي... جيت أسمع أغنية نيرفانا بتاعت الراجل اللي باع العالم ده ، وألاقي يا هشام ياخويا اليوتيوب يقوللي (This video is not available in your country) ، وانا في السعودية بلد التقوى والورَع!

عرفتو بأه إن دي أغاني لا يصح سماعها في البلاد الشريفة العفيفة الطاهرة اللي زي منطقتنا؟ :closedeyes:

[د هشام ابراهيم]

تخيل أغانيكو الأبيحة دي... جيت أسمع أغنية نيرفانا بتاعت الراجل اللي باع العالم ده ، وألاقي يا هشام ياخويا اليوتيوب يقوللي (This video is not available in your country) ، وانا في السعودية بلد التقوى والورَع!

عرفتو بأه إن دي أغاني لا يصح سماعها في البلاد الشريفة العفيفة الطاهرة اللي زي منطقتنا؟ :closedeyes:

يعني يا تهامي يا أخويا نيرفانا ممنوعة في السعودية و الاخت المهبوشة بريتني سبيرز موجودة ؟ :D

و بعدين كلام موتو مفهوم كله ...أطلع من القمقم إنت بقي :blink:

[aif]

تخيل أغانيكو الأبيحة دي... جيت أسمع أغنية نيرفانا بتاعت الراجل اللي باع العالم ده ، وألاقي يا هشام ياخويا اليوتيوب يقوللي (This video is not available in your country) ، وانا في السعودية بلد التقوى والورَع!

عرفتو بأه إن دي أغاني لا يصح سماعها في البلاد الشريفة العفيفة الطاهرة اللي زي منطقتنا؟ :closedeyes:

لكن انت في الخبر .... يعني ممكن تعمل نفسك امريكاني ... كل حاجة ح تتفتح

حتى الاغاني الأبيحة جدا دي

مع اني مش معدني خالص ... لكن متابع الموضوع بشغف

كل علاقتي بالمعادن اني ماسك حسابات شركة تشغيل معادن ... وبالصدفة ... اسمها ميتاليكا

[د هشام ابراهيم]

مع اني مش معدني خالص ... لكن متابع الموضوع بشغف

كل علاقتي بالمعادن اني ماسك حسابات شركة تشغيل معادن ... وبالصدفة ... اسمها ميتاليكا

:closedeyes:

ما لكش حل يا توأمي العزيز ..... سيبك إنت بلا معدن بلا صخر ..... أنا لسه أصلا باكتشاف روائع في السي دي الفريد اللي أدتهوني قبل ما أسافر ..... ذوق عالي جدا يا عم الحاج

[aif]

مع اني مش معدني خالص ... لكن متابع الموضوع بشغف

كل علاقتي بالمعادن اني ماسك حسابات شركة تشغيل معادن ... وبالصدفة ... اسمها ميتاليكا

:closedeyes:

ما لكش حل يا توأمي العزيز ..... سيبك إنت بلا معدن بلا صخر ..... أنا لسه أصلا باكتشاف روائع في السي دي الفريد اللي أدتهوني قبل ما أسافر ..... ذوق عالي جدا يا عم الحاج

بس انا مش قادر اتخيل ... ازاي بتسمع فيروز و ام كلثوم والمعادن في نفس الوقت ده كدة يبقى شيزوفرينيا

:D :blink: :lol: