مزيكا رزع الحلل !

[عصام]

شوف هنا كدا؟

[osmel33]

شوف هنا كدا؟

يا سلام على حضورك يا استاذ عصام هو ده الكلام ...

بس هما عملوا اغاني كتير وانا كل اللى فاكره أنهم عملوا حوالى 24 أو 25 ألبوم

ودول يعملولهم مبلغ وقدره من الأغاني

[عصام]

طيب شوف هنا كمان

دا موقع بيعمل بحث على الرابيد شير ..

أعتقد ان دى ألبومات كاملة

[osmel33]

طيب شوف هنا كمان

دا موقع بيعمل بحث على الرابيد شير ..

أعتقد ان دى ألبومات كاملة

واحد يابنى قبعة وصلحه مش عارف اقولك أيه ؟

اسمحلي ارفعلك القبعة :unsure:

جارى البحث والتحميل

تم تعديل 26 مارس 2009 بواسطة osmel33

[Shehab]

بس أنا بجد بعد كلامكو ده ، وخصوصاً الواد موتو ، اللي بيتكلّم كلام كده معظمه - إن لم يكن كله - مش فاهم منه ولا كلمة ، ودا كمان بيتكلّم كما لو كان كلامه من المسلّمات اللي المفروض - بديهياً - إن الناس كلها عارفاها (يمكن أنا اللي لسّه طالع م القمقم؟ :sad: ) ، وتكمل بعم الجدار اللي بيقوللك مش عارف مين اللي لو ما سمعتوش يبقى خسر كتير!

ساعتها بأه قلت... سلامو عليكو بأه!

يا باشا الشاب ده بيقول كلام كبير و زين ...ده بيقولك ثقافته الموسيقية توقفت عند سنة 94 ......

واحمد ربنا يا هشام إن التوبيك ده مش في باب كندا... كنت نسفته! :ninja:

تخيل أغانيكو الأبيحة دي... جيت أسمع أغنية نيرفانا بتاعت الراجل اللي باع العالم ده ، وألاقي يا هشام ياخويا اليوتيوب يقوللي (This video is not available in your country) ، وانا في السعودية بلد التقوى والورَع!

عرفتو بأه إن دي أغاني لا يصح سماعها في البلاد الشريفة العفيفة الطاهرة اللي زي منطقتنا؟ :unsure:

انا برضه الرسالة ديه طلعتلى بس مش عارف ايه سببها....بس ما اعتقدش انها بسبب الطهارة و العفة ....لأنها طلعتلى ع كليب كان فيه صور عربية متعدلة ...كنت بشوفه عادى و بعد كده بدأت الرسالة ديه تظهر!!

[د هشام ابراهيم]

بما ان في كلام عن الباندات من اوروبا في باند بدأت احبهم قووي برغم انهم مش ديث يعني او كدا بس دايما مواضيع اغانيهم كويسه جدااااا

و عندهم عداء شويه لأمريكا :closedeyes: اسمهم Rammstein بيلعبو اندستريال ميتال :happy: مشكلتهم ان كل الليركس بتاعتهم الماني و بتحتاج ترجمه :(

كل اغانيهم ليها طابع سياسي نوعا ما او اجتماعي :lol:

دي اول اغنيه سمعتهالهم اسمها امريكا

كنت لقيتها بالصدفه و هي اللي خليتني ادور علي باقي اغانيهم wst::

حلوة جدا جدا :unsure:

طبعا ما فهمتش حاجة من الكلام غير الكام جملة الأنجليزي و Cocacola sometimes war ....انما الرسالة واضحة و الفيديو مبتكر جدا

أيوه كده عايزين اضافات حلوة زي ديه تاني يا برو باشا ..... ماردوك باشا و لا إيه wst::

[د هشام ابراهيم]

إطلاقا ..

دى مرحلة ..

تعرف؟

أجمل ما فى القصة دى إنك لما توصل آخر الثلاثينيات زيي كدا ..

وتفتكر .. زيي كدا برضه

هاتكتشف ان سماع المزيكا كان مراحل ..

....................

وفى النهاية ينتهى بيك الأمر .. إلى إذاعة نجوم إف إم مروان قدرى ويارا مش عارف مين

صباحطو زى القشطة :unsure:

كلام حضرتك صحيح تماما و حصل معايا برضه باختلافات بسيطة

بدايتي كانت مع فريق أسباني إسمه باكارا و أغنيتهم الاشهر Yes sir I can boogie ثم بوني إم فمودرن توكينج ثم نفس مراحل حضرتك تقريبا ......

بس فيه فريق ابتدي معايا من الاول و فضل معايا في كل المراحل ...عمر ما مكتبتي الموسيقية باختلاف اشكالها و وسائطها و أماكنها ما خليت من انتاج ليهم ...حتي يومنا هذا ....ال-Bee Gees

تحياتي يا أفندم :closedeyes:

[د هشام ابراهيم]

اخوانى فى المعدنيات والنحاسيات وكل وجع القلب ده وبالذات الناس القديمة

حد عنده فكره اجيب اغاني الخنافس (البيتلز يعنى) كاملة منين ؟

لأنى دورت عليها لقيت حاجات بسيطة خالص أو صوتها تعبان وشاكرين مهللين

طب الفاضل عصام مشكورا أهو اتحفنا بروابط شديدة ...نطمع بقى يا أفندم ... يا توأم توأمي :unsure: .... سعادتك تحكيلنا عن تجربتك المزيكية :closedeyes:

[د هشام ابراهيم]

كل مرة قريت العنوان قريته على انه مزيكا (الواد مزيكا) ورزع الحلل يفعل ماضى .. وقلت أشوف ايه .. طلعت ميوزيكا رزع بتسكين الزاى و فعل حاضر (ههههههههه)

كله إلا حلل بندق باشا ...ده كفاية صينية القلقاس .... احنا يا باشا بنرزع في حلل تانية خالص :closedeyes:

[د هشام ابراهيم]

أغنية النهارده لفريق صخري بريطاني من علامات الهارد روك .... الأغنية كانت في فيلم لشوارزنجر إسمه Last action hero ..... ما نجحش قوي بس الساوند تراك ألبوم بتاعه في رأيي من أجمد ما يمكن .....الأغنية هادية و رومانسية و ما فيهاش رزع كتير

Two steps behind - Def Leppard

[Shehab]

مش هاينفع كده يا دكتورنا ......مش طريقة شغل ديه خالص.....و لا نظام تعامل...

كل اللينكات This video is not available in your country.

ما ينفعش خالص كده...انت قصدك تغيظنا عشان هى available عندك و احنا لأ؟؟...صح؟؟

انا عارف قصدك كويس...عموماً انا مش هانولك غرضك المرة ديه

Two steps behind - Def Leppard

[د هشام ابراهيم]

مش هاينفع كده يا دكتورنا ......مش طريقة شغل ديه خالص.....و لا نظام تعامل...

كل اللينكات This video is not available in your country.

ما ينفعش خالص كده...انت قصدك تغيظنا عشان هى available عندك و احنا لأ؟؟...صح؟؟

انا عارف قصدك كويس...عموماً انا مش هانولك غرضك المرة ديه

Two steps behind - Def Leppard

ألف شكر يا شهاب باشا .... بس بجد مش فاهم حكاية youtube مع الخيار و الفاقوس ديه .... اشمعنا بجد ؟!!!!!

[MoTo]

الحقيقة مقدرش أقول رأيي في ديف ليبارد يا كتور .. هوا انا مين أصلاَ .. يمكن معرفش أنام بالليل .

هما دول الروكرز الحقيقيين .. يكفي يا جماعة إن ريك الين الدرامر بتاعهم .. دراعه مقطوع في حادثة سيارة من سنة 84

و مع ذلك درب نفسه علي بعض التكنيكات للعب الدرامز بذراع واحد !! و ما زال الدرامر الأوحد للباند حتي الان .. بذراع واحد !!

ده بجد بيقول يعني إيه باند و يعني إيه روك اند رول .

بس بالمناسبة يا دكتور كنت عايزك تسمع السولو اللي في التراك ده .. بيلعبه المرعب زاك وايلد من البوم اوزي الأخير

السولو ده كان سبب الحادث الوحيد لي بالسيارة .. يا نهار أبيض يا جدعان !

و صحيح إنت سمعت ميتاليكا الجديد بمزاج ولا لسة ؟

التراك أهوه :

http://www.youtube.com/watch?v=VlkegkWiAAo

[د هشام ابراهيم]

اوزبرن في أجمد صوره :happy: ...هو صحيح مهبوش رسمي هو و العائلة الكريمة نفر نفر ..( الريالتي شو بتاعهم مسخرة أصلا ) بس عبقري فعلا و ملوش حل ...... و الصولو جامد جدا .... و أنا باسمعه أصلا لقيت قدمي الشمال كأنها بتهيد بانج لوحدها :closedeyes:

ديف ليبارد فعلا أسطورة ..في كل حاجة ...أنا باحبلهم حاجات كتير بس اخترت ديه علشان هادية

تخيل يا موتو باشا .... ما سمعتش Death Magnetic إلا مرة واحدة أول ما جبته و من ساعتها قابع في سانت كاترين

اللي سمعته كذا مرة Chinese Democracy .... مش قادر أقول GNR من غير سلاش :unsure:

[Shehab]

ألف شكر يا شهاب باشا .... بس بجد مش فاهم حكاية youtube مع الخيار و الفاقوس ديه .... اشمعنا بجد ؟!!!!!

العفو يا كبيرنا...احنا اللى متشكرين ع مجهودك....بس هو فعلاً موضوع غريب...لأن الحاجات اللى بيحجبها ديه حاجات عاديةً جداً...يعنى الكليب اللى كنت بقول عليه للدكتور تهامى...كنت لقيته و انا بقلب كان فيه صور عربية بولونيز....فعجبنى و حطيته فى Favourates ....طبعا مش عشان العربي انما كان فيه اغنية اسمها

It's Too Late to Apologize و كنت متكيف اوى من دخلة البيانو فى اولها...مش عارف ليه برده...و شغلتها بعد كده كذا مرة عادى جداً ...لحد ما جات فى مرة و لقيت الرسالة الغبية ديه مش عارف ليه... و من ساعتها و انا نفسى اعرف سر الرسالة الهباب ديه ايه!!

[Shehab]

بس بالمناسبة يا دكتور كنت عايزك تسمع السولو اللي في التراك ده .. بيلعبه المرعب زاك وايلد من البوم اوزي الأخير

السولو ده كان سبب الحادث الوحيد لي بالسيارة .. يا نهار أبيض يا جدعان !

و صحيح إنت سمعت ميتاليكا الجديد بمزاج ولا لسة ؟

روح يا شيخ .....ربنا يهديك....انت اخرتك زى ما قلتلك الصبح!!!

هاتتمسك....و أنا اول واحد هاشهد عليك!!

تم تعديل 27 مارس 2009 بواسطة Shehab

[د هشام ابراهيم]

ألف شكر يا شهاب باشا .... بس بجد مش فاهم حكاية youtube مع الخيار و الفاقوس ديه .... اشمعنا بجد ؟!!!!!

العفو يا كبيرنا...احنا اللى متشكرين ع مجهودك....بس هو فعلاً موضوع غريب...لأن الحاجات اللى بيحجبها ديه حاجات عاديةً جداً...يعنى الكليب اللى كنت بقول عليه للدكتور تهامى...كنت لقيته و انا بقلب كان فيه صور عربية بولونيز....فعجبنى و حطيته فى Favourates ....طبعا مش عشان العربي انما كان فيه اغنية اسمها

It's Too Late to Apologize و كنت متكيف اوى من دخلة البيانو فى اولها...مش عارف ليه برده...و شغلتها بعد كده كذا مرة عادى جداً ...لحد ما جات فى مرة و لقيت الرسالة الغبية ديه مش عارف ليه... و من ساعتها و انا نفسى اعرف سر الرسالة الهباب ديه ايه!!

مرحبا بك في عالم الصخر يا صديقي :closedeyes: ....أنا باحب الأغنية ديه برضه ....بتتذاع كتير علي محطات الراديو هنا

أعتقد إن موضوع المنع ده ليه علاقة بحقوق الملكية أكتر منه رقابة و أخلاق

[الجدار]

مين مننا ماسمعش الموسيقى بتاعة البرنامج اللي كل الناس كانت بتحبه

"ومش حنسى اجيب معايا نهال يحى، عبير كمال، يسري غرابه و جلال علام"

برنامج مواقف وطرائف كان بييجي يوم الخميس الساعة 10 بالليل على القناة الثانية

كانت موسيقى البداية بحبها قوي سبحان الله يعني لا كنت اعرف لا روك ولا ميتال

أتاري الأغنية طلعت لباند بريطاني من أقوى باندات الروك في رأيي (Dire Straits)

انا بصراحة من عشاق مارك نوفلر راجل دماغ ومزيكاتي أصيل ومؤلف كلمات عبقري

دلوقتي مع مواقف وطرائف

Money For Nothing

اللي عجبتني ان مارك نوفلر كتب الأغنيه وهو في محل في نيويورك

كان سامع حوار بين عمال توصيل الأجهزة (بتاعة المطابخ)

كانوا بيتفرجوا على تليفزيون بيزيع قناة ال MTV وبيشوفوا حالهم ومدى تعبهم في الشيل والحط وفي الأخر

حتة مغني ولا عازف بياكل الجو فلوس وبنات وكله ببلاش

والراجل جاتله فكرة انه يكتب الأغنية واخد كلام فعلي وتعليقات من اللي كان بيقولوها العمال دول وحطها في كلمات الأغنية

enjoy!

[د هشام ابراهيم]

Money For Nothing

اللي عجبتني ان مارك نوفلر كتب الأغنيه وهو في محل في نيويورك

enjoy!

تخيل حضرتك المواطن الظريف جلال علام ده كان فعلا سبب اني اتعرفت علي Dire Straits من خلال الأغنية ديه بالذات

قصة الأغنية طريفة جدا طبعا ..... بتفكرني بحكاية إن المغني اللي بجد و حقيقي ممكن يغني كلام الجرنال و يطلع عمل فني

اضافة متميزة يا باشا .... هو سعادتك حتتكلم امتي علي بينك فلويد بقي

[الجدار]

Money For Nothing

اللي عجبتني ان مارك نوفلر كتب الأغنيه وهو في محل في نيويورك

enjoy!

تخيل حضرتك المواطن الظريف جلال علام ده كان فعلا سبب اني اتعرفت علي Dire Straits من خلال الأغنية ديه بالذات

قصة الأغنية طريفة جدا طبعا ..... بتفكرني بحكاية إن المغني اللي بجد و حقيقي ممكن يغني كلام الجرنال و يطلع عمل فني

اضافة متميزة يا باشا .... هو سعادتك حتتكلم امتي علي بينك فلويد بقي

يا Boss كلامك صح لو الواحد فنان بجد يغني كلام الجرنال

بينك فلويد دي عايزة قاعدة بجد والواحد عايزلها دراسة بس أوعدك قريب جداً حتلاقي روجر ووترز وسيد برات وريك رايت ونيك ماسون وحبيب قلبي ديفيد جيلمور (الفنان العبقري)

مع رزع الحلل مش حتقدر تغمض عينك