مزيكا رزع الحلل !

[Virus]

wst::

سؤال حلو جدا يا سيدي الفاضل يستاهل اجابة طويلة شوية و متعددة الأوجه كمان .... حاقول لحضرتك .... اقتناعي الشخصي إن المزيكا ذوق شخصي ما ينفعش فيها الاقناع و لا الافحام ...خصوصا مع وجود أفكار مسبقة .... مثل بسيط : العبد لله رأيه إن السيمفونية الخامسة لبيتهوفن هي أبدع ما كتب إنسان في الموسيقي ....ألف مين حيرد و يقول يا عم لأ التاسعة أقوي بكتير ....أو بيتهوفن مين موتسارت هو الأصل ....أو لا بيتهوفن و لا موتسارت باخ ما فيش زيه ...أو بالروح بالدم نفديك يا هندل ....أنا مش حاغير رأيي .... بالمثل لا اتوقع إن حد مش قادر يستسيغ مزيكا رزع الحلل ممكن يغير رأيه بعد سماع أغنية واحدة .... أنا نفسي ما كنتش طايق مزيكا رزع الحلل لحد ما حاجات كتير اتغيرت ...سواء في ظروف حياتي أو في ذوقي أو طريقة تفكيري

بعد كل الكلام ده ما يمنعش إن فيه أغاني علامات في عالم الروك و الميتال .... منهم مثلا اغنيتين جبت سيرتهم قبل كده

Wind of Change ل- Scorpions

Nothing else matters ل-Metallica

بالاضافة طبعا إلي اقتراحات الافاضل "الجدار " و " أحمد سيف " اللي موافق عليها و بالثلث كمان ممكن أزود شوية أعاني كمان أنا شايف انهم من أفضل ما أنتج ..... حاضفهم تباعا فابقوا معنا wst::

أول اضافة أغنية قديمة لدافيد بويي اعادوا اصدارها فريق إسمه نرفانا ... الفريق يعتبر علامة في عالم الصخريين و المعدنيين .... نوع المزيكا بتاعهم أو ال-Genre ينتمي ل- Alternative rock و يسمي ال-Grunge rock .... نيرفانا من أكتر الفرق اللي اعتبرها النقاد و المستمعين تمثل الجيل المسمي بجنراشين أكس :waf:

كيرت كوبين مغني الفريق كان يعاني من مشاكل نفسية حادة انتهت للاسف بانتحاره

الأغنية ديه رنة موبايلي ....الحقيقة موبيلاتي كلها ....سواء في مصر أو في كندا

The man who sold the world - Nirvana

إيه رأيك ؟

شكرا ياعزيزي على الرد ..

أنا فاهم موضوع الذوق الفني ده واختلافه من شخص لشخص..أنا بس كنت عايز أقتنع إنهم أصلا بيقدموا فن أصلا..!!(قال يعني هم مستنيين رأيي)

عموما..أنا معرفتش أسمع حاجة من اختياراتك نظرا لعنصرية اليوتيوب الشريرة :lol: ..حتى لما قلت اتنازل وأشتريها من على الأيتيونز طلع مش مفتوح هنا برضو :)

بس على أي حال أنا سمعت أغنية الأخ (الجدار) بتاعة low man..ولقيتها لطيفة يعني فيها فن ما وإن كانت جرعة الميتال فيها مخففة خالص

شكرا لاهتمامك

[ايهاب سالم]

تسجيل متابعه و اندهاش و حوقله

صحيح الدنيا دي فيها ناس دماغات

مش ممكن مش معقول

مش منطق مش مقبول

[ايهاب سالم]

عموما..أنا معرفتش أسمع حاجة من اختياراتك نظرا لعنصرية اليوتيوب الشريرة :waf: ..حتى لما قلت اتنازل وأشتريها من على الأيتيونز طلع مش مفتوح هنا برضو

هو ايه اللي مش مفتوح

لما كنت في قطر مكانش فيه حاجه مقفوله

[د هشام ابراهيم]

يا Boss كلامك صح لو الواحد فنان بجد يغني كلام الجرنال

بينك فلويد دي عايزة قاعدة بجد والواحد عايزلها دراسة بس أوعدك قريب جداً حتلاقي روجر ووترز وسيد برات وريك رايت ونيك ماسون وحبيب قلبي ديفيد جيلمور (الفنان العبقري)

مع رزع الحلل مش حتقدر تغمض عينك

واترز و جلمور دول علي جنب و بقية خلق الله من المزيكاتية علي جنب ..... بجد غير طبيعي أبدا ابداعهم ده .... مزيكا بينك فلويد بتاخدني عوالم تانية أصلا و كلامهم و معانيهم غاية في العمق و الجمال ..... مش عارف أقول عليهم إيه صراحة ....عندك حق ما تردش علي طول .... في انتظار الدراسة المتأنية يا صديقي العزيز

[د هشام ابراهيم]

شكرا ياعزيزي على الرد ..

أنا فاهم موضوع الذوق الفني ده واختلافه من شخص لشخص..أنا بس كنت عايز أقتنع إنهم أصلا بيقدموا فن أصلا..!!(قال يعني هم مستنيين رأيي)

عموما..أنا معرفتش أسمع حاجة من اختياراتك نظرا لعنصرية اليوتيوب الشريرة md2: ..حتى لما قلت اتنازل وأشتريها من على الأيتيونز طلع مش مفتوح هنا برضو md2:

بس على أي حال أنا سمعت أغنية الأخ (الجدار) بتاعة low man..ولقيتها لطيفة يعني فيها فن ما وإن كانت جرعة الميتال فيها مخففة خالص

شكرا لاهتمامك

العفو يا أفندم متابعة حضرتك للموضوع أسعدتني حقا

أنا محبط من حكاية اليوتيوب ديه مش عارف أكمل وضع روابط و لا أجيب إسم الأغنية و أسيب لحضراتكم فرصة البحث عنها .... طب ما فيش نسخ تانية لنفس الأغنية بتفتح md2: ..... ساعات فيه نسخ بتتشال علشان دعاوي الملكية الفكرية بس بيبقى فيه نسخ تانية موجودة

بالنسبة لسؤال حضرتك رزع الحلل فن و لا لأ ..... برضه خاضع للنسبية .... ممكن يبقى اه و إحتمال يبقى لأ .... حسب المتلقي :)

[د هشام ابراهيم]

تسجيل متابعه و اندهاش و حوقله

صحيح الدنيا دي فيها ناس دماغات

مش ممكن مش معقول

مش منطق مش مقبول

فيه إيه بس ...فغر فاه دهشة برضه md2:

[عصام]

بينك فلويد دي عايزة قاعدة بجد والواحد عايزلها دراسة بس أوعدك قريب جداً حتلاقي روجر ووترز وسيد برات وريك رايت ونيك ماسون وحبيب قلبي ديفيد جيلمور (الفنان العبقري)

لو اتكلمت على الوول بس .. من ناحية المزيكا أو الكلمات أو الفيلم .. أنا ممكن أملا منتدى لوحدى عن الوول لوحده !!

دا كفاية الفكرة

ما بالكم لو الكلام بقى على بينك نفسهم؟

بالمناسبة حد سمع ألبوم Ummagumma؟ md2:

تم تعديل 27 مارس 2009 بواسطة عصام
إعادة صياغة

[الجدار]

بينك فلويد دي عايزة قاعدة بجد والواحد عايزلها دراسة بس أوعدك قريب جداً حتلاقي روجر ووترز وسيد برات وريك رايت ونيك ماسون وحبيب قلبي ديفيد جيلمور (الفنان العبقري)

لو اتكلمت على الوول بس .. من ناحية المزيكا أو الكلمات أو الفيلم .. أنا ممكن أملا منتدى لوحدى عن الوول لوحده !!

دا كفاية الفكرة

ما بالكم لو الكلام بقى على بينك نفسهم؟

بالمناسبة حد سمع ألبوم Ummagumma؟ :)

الله الله الله ايه يا عم عصام دانت طلعت جامد قوي

انا بحترم بجد اي بينكاوي

على رأيك كفاية فيلم the wall بجد تحفة تحفة

طيب ايه رأيك نعمل حلقات لبينك كل واحد يتكلم شوية انا عجبتني الفكرة

ألبوم عم جمعة الشهير ب Ummagumma من الألبومات المفضلة عندي لبينك

تحس انك وانت مشغلة انك دخلت عالم الإختلال العقلي بجد انا بحس اني مجنون وانا بسمعة

منك لله خليتني اشغله يا عم طب منا كنت في حالي md2:

يالا حتبتدي معايا أمتى الحلقات ؟؟

[عصام]

لا يا معلمى ..

أنا لما اعمل حاجة باعملها بذمة

والوقت مش هايساعدنى

أديك شايف أول مرة اكتب فى موضوع من شهور

الموضوع الوحيد اللى استفزنى للكتابة خلال الشهور اللى فاتت .. تخيل؟

ممكن تبدأ انت واوعدك انى هاساعد أد ما اقدر

بس فعلا فكرة هايلة

[الجدار]

لا يا معلمى ..

أنا لما اعمل حاجة باعملها بذمة

والوقت مش هايساعدنى

أديك شايف أول مرة اكتب فى موضوع من شهور

الموضوع الوحيد اللى استفزنى للكتابة خلال الشهور اللى فاتت .. تخيل؟

ممكن تبدأ انت واوعدك انى هاساعد أد ما اقدر

بس فعلا فكرة هايلة

طيب كفاية اننا استفزناك يا سيدي

خلاص على البركة وأكيد الدكترة مش حيسيبني لوحي md2:

[ايهاب سالم]

تسجيل متابعه و اندهاش و حوقله

صحيح الدنيا دي فيها ناس دماغات

مش ممكن مش معقول

مش منطق مش مقبول

فيه إيه بس ...فغر فاه دهشة برضه

مفيش حاجه

بس انا كنت فاكر نفسي غريب الاطوار في موضوع المزيكا ده و كنت لما اكلم حد م الناس العاديين الوحشين دول و اقوله بيز جيتار او اكوستيك جيتار وبركشن و الا وتريات و شيللو كان يبص لي بصه معناها

ايه الواد العبيط ده

تعرف انا مره واحد معرفه ركب معايا العربيه و كنت مشغل شريط مزيكا ليحيى خليل و بعد دقيقه كده قالي هو ليه محدش بيغني

وفطس على روحه م الضحك لما عرف انه مزيكا بس واعتبرني انسان مش طبيعي امال لو شاف اللي بيتكتب هنا هيقول ايه

لا حقيقي انتو فزاع فزاع خالص

لاسعين حئيئي

[د هشام ابراهيم]

طيب كفاية اننا استفزناك يا سيدي

خلاص على البركة وأكيد الدكترة مش حيسيبني لوحي :P

عصام باشا و "الجدار " باشا ....منورين :closedeyes: :unsure:

طيب نبتدي مع بينك فلويد واحدة واحدة .... أنا اتعرفت علي بينك فلويد متأخر قوي ..... أخر ألبوم اللي هو Division bells طلع و أنا في الكلية .... كنت أسمع عنهم بس قبل كده .... الألبوم سحرني .... لا بجد غير طبيعي .... اغنياته كلها لكن بالذات keep talking (مش حاحط لينك بقي اللي عايز يدور عليها ) و جايبين صوت ستيفين هوكنج أستاذ الفيزياء العبقري ( قعيد و مشلول و بيتكلم بمساعدة جهاز مخصوص ) ....المهم مبسوط قوي بقي باكتشافي و بتاع ألاقي الناس الجامدة في الصخر و المعدن يقولولي ده أوحش ألبوم لبينك فلويد .... فين أيامك يا واترز ....يا خسارتك يا جلمور يا أخويا .... وا حسرتاه علي الفن

طبعا في منتهي الاندهاش ابتديت أدور علي الانتاج القديم ....اذا كان ده وحش امال الحلو كان شاكله إيه .......

[د هشام ابراهيم]

مفيش حاجه

بس انا كنت فاكر نفسي غريب الاطوار في موضوع المزيكا ده و كنت لما اكلم حد م الناس العاديين الوحشين دول و اقوله بيز جيتار او اكوستيك جيتار وبركشن و الا وتريات و شيللو كان يبص لي بصه معناها

ايه الواد العبيط ده

تعرف انا مره واحد معرفه ركب معايا العربيه و كنت مشغل شريط مزيكا ليحيى خليل و بعد دقيقه كده قالي هو ليه محدش بيغني

وفطس على روحه م الضحك لما عرف انه مزيكا بس واعتبرني انسان مش طبيعي امال لو شاف اللي بيتكتب هنا هيقول ايه

لا حقيقي انتو فزاع فزاع خالص

لاسعين حئيئي

" بيز جيتار و اكوستيك جيتار وبركشن و وتريات و شيللو " .... إيه اللي بتقول عليهم يا باشا دول ...إيه الحاجات العجيبة ديه ....شوية شوية بقي حتقولي كونترباص و لا اوبوا و لا بالالايكة .... بلا إيه يا أخويا (وش عادل إمام في مدرسة المشاغبين )

أوعي كمان تقولي انك دفعت فلوس في الشريط الفاضي ده ....اللي من غير كلا يعني (وش محمد رضا ) :unsure:

أهلا و سهلا بيك يا باشا وسط أقرانك اللاسعين :closedeyes:

[MoTo]

تسجيل متابعه و اندهاش و حوقله

صحيح الدنيا دي فيها ناس دماغات

مش ممكن مش معقول

مش منطق مش مقبول

فيه إيه بس ...فغر فاه دهشة برضه

مفيش حاجه

بس انا كنت فاكر نفسي غريب الاطوار في موضوع المزيكا ده و كنت لما اكلم حد م الناس العاديين الوحشين دول و اقوله بيز جيتار او اكوستيك جيتار وبركشن و الا وتريات و شيللو كان يبص لي بصه معناها

ايه الواد العبيط ده

تعرف انا مره واحد معرفه ركب معايا العربيه و كنت مشغل شريط مزيكا ليحيى خليل و بعد دقيقه كده قالي هو ليه محدش بيغني

وفطس على روحه م الضحك لما عرف انه مزيكا بس واعتبرني انسان مش طبيعي امال لو شاف اللي بيتكتب هنا هيقول ايه

لا حقيقي انتو فزاع فزاع خالص

لاسعين حئيئي

انا بحب يحيي خليل جداَ علي فكرة و بروحله حفلاته دايماَ .. يا تري تعرف ويب سايت عليه أغاني له ؟

و بالنسبة لبينك فلويد انا مش big fan بس بحترمهم جداَ طبعاَ و أتفق علي موضوع إنهم يمثلوا الهلوسة الموسيقية العبقرية .. انا معرفتي بيهم كانت التقليدية .. مراهق غاضب في المدرسة لقي أغنية بتقول we dont need no education !

[د هشام ابراهيم]

و بالنسبة لبينك فلويد انا مش big fan بس بحترمهم جداَ طبعاَ و أتفق علي موضوع إنهم يمثلوا الهلوسة الموسيقية العبقرية .. انا معرفتي بيهم كانت التقليدية .. مراهق غاضب في المدرسة لقي أغنية بتقول we dont need no education !

عارف يا موتو باشا ...في حفلة التخرج بتاعتنا ....دفعة ١٩٩٥ القصر العيني ...... كنا عاملين الحفلة في هيلتون النيل و جايبين فرقة مزيكا و العبد لله طلب منهم يعزفوا The Wall ..... بتاع ٣٠٠ دكتور لسه متخرجين ( الدفعة كانت بتاع ١٨٠٠ نفر ) الكل بيغني مع الفرقة we don't need no education و قاعدين ندبدب في الارض .....إيه ذكريات يا صديقي :closedeyes:

[thesaintmanwar]

دكتور هشام

احب اهنئك على الموضوع الهايل دة و لونها متاخرة شوية

انا من عشاق الميتل بس بفضل حاليا نوع معين من الميتل و هو

Symphonic Gothic Metal

فعلا لاقيت نفسى فية خاصتا سولوهات الجيتار و بعشق كمان الفوكل انة يكون صوت نسائى عشان كدة انا من عشاق

Within Temptation

After Forever

Nightwish

Amorphis

Forever Slave

The Gathering

Krypteria

Lacuna Coil

وا تمنى ان اكون احد اعضاء هذا الموضوع الرائع و ياريت تقبل هديتى المتواضعة دى

Within Temptation - Enter ( live )

http://www.youtube.com/watch?v=8cIyYCoyfTc

[د هشام ابراهيم]

دكتور هشام

احب اهنئك على الموضوع الهايل دة و لونها متاخرة شوية

انا من عشاق الميتل بس بفضل حاليا نوع معين من الميتل و هو

Symphonic Gothic Metal

.................................

وا تمنى ان اكون احد اعضاء هذا الموضوع الرائع و ياريت تقبل هديتى المتواضعة دى

Within Temptation - Enter ( live )

http://www.youtube.com/watch?v=8cIyYCoyfTc

يا أهلا بالمعدنيين يا أهلا :lol:

مرحب بيك يا أفندم طبعا .... الحقيقة أنا ما عنديش معلومات كفاية عن ال-Symphonic metal و ما أعرفش حاجة عن الفرق المفضلة ليك ...علشان كده وجود حضرتك حيبقى اضافة مهمة للموضوع .... في انتظار مساهماتك يا باشا

الأغنية حلوة .... أنا ما باعزش قوي الصوت البروتال في الغنا (معلهش يا برو باشا ) بس الأغنية علي بعضها كستايل كويسة .... أنا صراحة ما سمعتش حاجة من الجوثيك قبل كده و ما أعرفش الفريق فاستعنت بصديق (ويكيبديا ) طلع فريق جامد و حاصل علي جوايز و أهم حاجة لفتت نظري نشاطهم الخيري و تبرعاتهم لمؤسسات رعاية الأطفال ..... مشاركة مميزة يا باشا bv:-

[MARDUK]

دكتور هشام

احب اهنئك على الموضوع الهايل دة و لونها متاخرة شوية

انا من عشاق الميتل بس بفضل حاليا نوع معين من الميتل و هو

Symphonic Gothic Metal

فعلا لاقيت نفسى فية خاصتا سولوهات الجيتار و بعشق كمان الفوكل انة يكون صوت نسائى عشان كدة انا من عشاق

Within Temptation

After Forever

Nightwish

Amorphis

Forever Slave

The Gathering

Krypteria

Lacuna Coil

وا تمنى ان اكون احد اعضاء هذا الموضوع الرائع و ياريت تقبل هديتى المتواضعة دى

Within Temptation - Enter ( live )

http://www.youtube.com/watch?v=8cIyYCoyfTc

تمام قووي انا بحب Within Temptation و Lacuna Coil و Nightwish برضه

بس كدا في امل انك ممكن تحب DIMMU BORGIR و تبقي معدني اكستريم

[الجدار]

(1)

جامعة كامبريدج – إنجلترا

أضافت الكثير والكثير للبشرية من علوم وثقافة وحضارة

ولكن بالنسبة لي قدمت أعظم شيء

جمعت أناس من أعظم الفنانين في العصر الحديث

....

لقد كان له حلم مثل أي شخص فينا

ترى هل كان يريد أن يصبح مهندساً معمارياً كبيراً يشار اليه بالبنان

ولما لا لقد اتخذ الطريق الصحيح

ألتحق بتلك الجامعة العظيمة وبداخله أمواج ثائرة من أحلام الشباب الكثيرة

التي لم ترتطم بعد بصخور الواقع

....

ــ أتسمح لي بالجلوس

ــ ولم لا !

ــ عذراً فأنا لم أتعرف بعد على زملاء هنا

ــ لا عليك لا يضايقني جلوسك بجواري

ــ أدعى روجر ووترز

ــ نيك ماسون

ــ سعيد بمعرفتك

ــ شكراً لك (يوميء برأسه مع ابتسامه خفيفة ثم ينظر إلى الأمام)

(فترة من الصمت)

ــ ترى متى تبدأ محاضرة اليوم

ــ في تمام التاسعة والنصف على ما أعتقد

ــ مازال أمامنا وقت إذن

ــ نعم 15 دقيقة، لما يبدو عليك التوتر

( يهز روجر رأسه أن لا مع رفع كتفيه ثم ينظر أمامه )

هنا يدخل المحاضر ويبدأ في الشرح وتنتهي المحاضرة ويذهب الجميع الى بيوتهم

....

ــ هاي روجر كيف حالك

ــ في أحسن حال

ــ قميص رائع "B.B. King" إذن أنت تحب البلوز ؟؟

ــ بالطبع

ــ ممتاز أنا أعشق البلوز و الـ R&B

ــ حقاً ؟

ــ انني أعزف الجيتار أيضاً

ــ لا تقول ذلك !! يبدو أننا سنحظى ببعض المتعة هنا

ــ (إبتسامة)

ــ انني أعزف الدرامز

ــ أوه، يا لها من صدفة كم تمنيت ان أكون فريق يعزف أغاني البلوز و ال R&B

ــ يا لها من فكرة

.....

نعم، النجم بدأ يسطع ويرسل أول ضوء له

بدأ ووترز وماسون رحلتهم مع الفرق

أنضموا إلى الفرق التالية

Megadeaths

Sigma 6

Screaming Abdabs

Abdabs

Architectural Abdabs

Tea Set

وكان ذلك الأخير هو نواة بداية بينك فلويد

كان يتكون من

روجر ووترز (عازف جيتار)

بوب كلوز (عازف جيتار)

نيك ماسون (عازف درامز)

ريتشارد رايتس (عازف كيبورد وآلات النفخ)

كريس دينيس (مغني)

مر الوقت ولكن ليس بكثير ليتم استبدال المغني دينيس

بالفنان العظيم المغني ومؤلف الكلمات وعازف الجيتار سيد بارت

والذي سيعتبر نقلة مهمة في تاريخ بينك فلويك

تم تعديل 29 مارس 2009 بواسطة الجدار

[د هشام ابراهيم]

تمام قووي wst:: انا بحب Within Temptation و Lacuna Coil و Nightwish برضه :huh:

بس كدا في امل انك ممكن تحب DIMMU BORGIR و تبقي معدني اكستريم

معدني اكستريم = معدني شديد :blink: