مزيكا رزع الحلل !

[د هشام ابراهيم]

(1)

جامعة كامبريدج – إنجلترا

أضافت الكثير والكثير للبشرية من علوم وثقافة وحضارة

ولكن بالنسبة لي قدمت أعظم شيء

جمعت أناس من أعظم الفنانين في العصر الحديث

....

هو ده الكلام wst::

متابعين مستمتعين و مستمعين :huh:

Wish you were here - Pink Floyd

واحدة من أحلي أغاني بينك فلويد ...موسيقي و كلمات و أداء ... لو يوتيوب عملها تاني رجاء اعملوا search عليها :blink:

[Shehab]

مرحبا بك في عالم الصخر يا صديقي :blink: ....أنا باحب الأغنية ديه برضه ....بتتذاع كتير علي محطات الراديو هنا

أعتقد إن موضوع المنع ده ليه علاقة بحقوق الملكية أكتر منه رقابة و أخلاق

بص يا دكتورنا انا تعبت من الليلة ديه انا هاخلينى زى ما انا ..باسمع اللى بيعجبى و خلاص

..مش مهم لا نوعه ايه و لا الفرقة نشأت ازاى و و لا الدنيا ديه خالص...لأنى واضح أنى فاشل و ماليش فيها ...ما دام الكلام و الموسيقى عاجبنى يبقى شكراً.

بس ده ما يمنعش انى مستمتع و عامل دماغ من الموضوع...و لقيت فيه كذا حاجة عجبتنى..كفاية انت اللى عامله

بالنسبة لموضوع اليوتيوب فما اعتقدش له علاقة بحقوق الملكية....لأنه الاغانى موجودة فى كليبات تانية كتير

وبرده الكليب اللى كنت بقولك عليه ده كان فيه صور عربية...يعنى اللى حاطه عايز الناس تشوفه و الاغنية كانت محطوطة كخلفية لصور مش اكتر....و عنوانه مالهوش ايه علاقة بالاغنية...و بعدين الرسالة بتوضح انه مش متاح فى بلدان معينة..يعنى مش ممنوع عشان حقوق الملكية

بالنسبة للينكات يا باشا حطها انت ومايهمكش...اى حاجة ما بتفتحش هانغيرهالك ع طول...و بالنسبة للحساب ماتقلقش لم نتقابل.

س:الأغنية الأخيرة ديه ايه ما مدى علاقتها برزع الحلل؟؟؟

تم تعديل 29 مارس 2009 بواسطة Shehab

[د هشام ابراهيم]

بص يا دكتورنا انا تعبت من الليلة ديه انا هاخلينى زى ما انا ..باسمع اللى بيعجبى و خلاص

..............

متفق معاك تماما يا صديقي ....ما دام المزيكا عجباك و الكلام داخل دماغك يبقى خلاص مش مهم أي حاجة تانية (يعني لا شئ يهم علي رأي إحسان عبد القدوس أو Nothing else matters علي رأي ميتاليكا )

أنا الصراحة ما عنديش أي تفسير لحكاية يو تيوب ديه ما عدا الخيار و الفاقوس

بينك فلويد من أعظم و أشهر و أكبر و أقدم و حاجات تانية كتير علي وزن أفعل فرق الروك .... هما اللي أبدعوا حاجة اسمها Psychedelic rock .... كلامهم و مزيكتهم كأنها من عالم تاني أو كوكب تاني أو نفس العالم بس واقع موازي .... لاسعين تماما يعني .... زاي ما قولتلك يا صديقي كله في الأخر رزع حلل .... بس رزع عن رزع بيفرق

مبسوط جدا انك بتابع و ممتن لذوقك و مجاملتك يا صاحبي :rolleyes: :unsure:

[الجدار]

(2)

يجري وفي يده شنطة سوداء كبيرة

تكاد عيناه تخبر الجميع عن سعادته

يذهب إلى بيته

يرفع سماعة الهاتف ومازال يحتضن الشنطة بيدة

يدير قرص التليفون

ــ هيا أجب

(.....)

ــ ألو، ديفيد يتكلم

ــ هااااااااااااااااااااه، لقد حصلت عليه لا أصدق نفسي

ــ حقاً !!

ــ نعم نفس الموديل الذي معك

ــ متى سنبدأ ؟؟ الآن أنا في طريقي اليك

ــ سيد .. سيد .. (يا لهذا المجنون لقد أغلق الخط)

لم تكد تمر دقائق ويدق جرس الباب

واذا بسيد بارت يقف أمام منزل ديفيد جيلمور

ــ واو، جيتار رائع

ــ نعم هو كذلك

ــ دعني أجرب هذه الأغنية الجديدة

ــ لا لن أضيع لحظة فلتبدأ في تعليمي حالاً

ــ ولكن عندي كثير من الواجبات اليوم واختبارات المدرسة على وشك البدء

ــ والله لن أدعك اليوم حتى تعلمني

ــ لن استطيع

ــ هيا لاتكن سخيف، أتخشى من أمك

ــ أعلم اني من سيخسر في هذه المعركة، هيا بنا إلى القبو وليذهب الجميع إلى الجحيم

[د هشام ابراهيم]

"الجدار " باشا ..... يا سيناريست يا فنان wst::

-------------------------------------------------------------

واحدة من أحلي أغنيات بينك فلويد و أكثرها تأثيرا ..... الأغنية علي لسان انسان فقد الكثير و الكثير و علي حافة الانهيار العصبي ...قمة المعاناة الانسانية يعني .....

الحزن طابع مسيطر علي الأغنية ......

الأغنية موجودة كمان في الفيلم The Wall المبني علي أشهر ألبومات بينك فلويد علي الاطلاق

موسيقي ما لهاش حل و مؤثرات صوتية تعني الكثير و الكثير و كلمات عبقرية

I've got a strong urge to fly but I got nowhere to fly to

Nobody home - Pink Floyd

[MoTo]

تصدق يا دكتور إن ده ال line المفضل لي في كل أغاني بينك فلويد !

عاش يا فنان .

[د هشام ابراهيم]

تصدق يا دكتور إن ده ال line المفضل لي في كل أغاني بينك فلويد !

عاش يا فنان .

صديقي العالمي موتو باشا ..... إنت شفت الفيلم بتاعهم ؟ لو ما شفتوش لازم تشوفه ..... غير طبيعي :unsure:

[MoTo]

مشفتوش بس أساسي هشوفه !

[thesaintmanwar]

متشكرين يا دكتور هشام على قبول الدعوة

انهاردة جايب ليكو اغنية من احلى اغانى Nightwish و هى اغنية Sleeping Sun

الاغنية دى من اشهر الاغانى الى شهرت Nightwish و طبعا قبل ما الفوكل القديم تارجا تنفصل عنهم

خدو اللينك

http://www.youtube.com/watch?v=C9s0U7u70CE

مستنى ردكم ضرورى عشان لو عجبكو حكمل المسيرة

[MoTo]

مفيش حد هنا بيضرب تراكات ل the doors !?

[عصام]

مفيش حد هنا بيضرب تراكات ل the doors !?

عييييييييييييييب smk:

طبعا فيه :lol:

أنا بس زعلان ان موريسون مات بدرى

كانوا جامدين فعلا وانا شخصيا كنت باتخيل فى وقت من الأوقات انهم ممكن يكونوا المنافس الوحيد لبينك

تم تعديل 30 مارس 2009 بواسطة عصام

[MoTo]

مفيش حد هنا بيضرب تراكات ل the doors !?

عييييييييييييييب wst::

طبعا فيه :lol:

أنا بس زعلان ان موريسون مات بدرى

كانوا جامدين فعلا

only the good die young عصام باشا :sad:

عندك موريسون و كيرت كوبان و جيمي هيندريكس و جانس جوبلن .. كلهم ماتوا و هم عندهم 27 سنة .

ده غير العظيم كليف بيرتون (24 سنة) .. و بادي هولي (22 سنة) و ناس كتير smk:

هم فعلاَ تحسهم في سكة الهلوسة بتاعة بينك فلويد بس بطريقة جيم موريسون .. انا دايماَ و انا مسافر بالليل لازم أعمل سي دي the doors, pink floyd, و شوية تراكات هلوسة لكوين .

[عصام]

كوين؟

هيييييييييييييييييييييييييه

دنياااااااااااااااااااا

[MoTo]

بمناسبة كوين

انا أعتقد في رأيي الشخصي لو فيه في الكون عمل موسيقي واحد نقدر نطلق عليه صفة : PERFECT

that'd be

BOHEMIAN RHAPSODY !!!

[عصام]

اللى ما سمعهاش يتفضل هنا

[عصام]

حبيت بس أضيف ان اللى هايسمعها لأول مرة يا ريت يكون من خلال هيد فونز "ستريو"

[ايهاب سالم]

بصراحه إنتو هوستوني بالكلام عن بينك فلويد دول يا جماعه

أنا دخلت على موقع المكتبه العامه طلبت الألبومين اللي كل الناس بيقولو عليهم أفضل ألبومين لهم

The wall

Dark side of the moon

و كمان لقيت السي دي ده .... روحت طالبه بالمره

The Royal Philharmonic Orchestra plays hits of Pink Floyd

و طبعا طلبت DVD الفيلم نفسه

لما ييجو بقى ...نسمع ....و نشوف

ده أنتو روشتووني

تم تعديل 31 مارس 2009 بواسطة ايهاب سالم

[د هشام ابراهيم]

بصراحه إنتو هوستوني بالكلام عن بينك فلويد دول يا جماعه

............................

ده أنتو روشتووني

يا كنج الهوسة و الروشة حتيجي بعد السمع و المشاهدة بس خلي بالك ......هلاوس و ضلالات و أحلام كارتونية علي فلسفة و علم نفس و علم اجتماع علي روحانيات ..... و رزع حلل :lol:

[د هشام ابراهيم]

http://www.youtube.com/watch?v=C9s0U7u70CE

مستنى ردكم ضرورى عشان لو عجبكو حكمل المسيرة

كمل يا باشا .... الأغنية حلوة فعلا :lol: .... طبعا أخوك ما عندوش خبرة خالص في عالم السيمفونيك و الجوثيك متال .....ما بينك و بين ماردوك باشا منتظرين تعريفنا بال-Genre ده :)

[د هشام ابراهيم]

مفيش حد هنا بيضرب تراكات ل the doors !?

أهم دول بقي اللي مش عارف أحبهم .... مش عارف ليه :lol: .... ده ساعات أسمع أغنية تعجبني أعرف انها لل-Doors أغير رأيي ( زاي break on through في فورست جمب مثلا) ..... عقدة ما تفهم تحيز و تعصب جايز ....مسيري أعرف ليه :)