كل نصر وأنتي بألف خير يا مصـــــــــر

[icehearted girl]

السلام عليكم أهل المنتدي الكرام

شحوالكم ..إن شاء الله تكونوا منيحين :lol:

إمبارح كان يوم 19 مارس

يمكن كتير ميعرفوش ذكري اليوم دا

اليوم دا ذكري استرداد آخر شبر في سيناء من العدوان الصهيوني

حتي بالامارة كان أجازة رسمي هنا في مصر_للطلبة فقط_

يمكن مش كتير اللي زاروا طابا ...ولاحتي يعرفوا عنها حاجة

هيا تقريبا مساحتها 1 كم2 ...طبعا هتقولوا اي الهبل دا :blush2:

مصر كانت عاملة كل الهليلة دي علي كيلو؟؟؟؟؟؟؟؟ :lol:

بس اللي شاف طابا هيحس الكيلو دا اتدفع فيه كام لتر دم..وسيناء كلها

يوم مرحت أزور طابا كانت الفرحة مش سعياني

ولكي أصدقكم القول أول موصلت كتمت فرحتي بداخلي

خاصة عندما رأيت البوابات الصهيونية تحدنا بجوار فندق طابا مباشرة

لكن فرحتي بقي تقريبا اختفت تماما لما وجدت أكتر من 70% من المتواجدين في طابا إسرائيليين

أو صهاينة في رأيي

سواء عمل أو إقامة أو سياحة

بصراحة انا مبقتنعش بنوع العلم المرفوع علي قطعة أرض

انا اقتنع بالانتماء الحقيقي للارض

تفتكروا أناللي غلط

وسياسة التطبيع المفروض تطبق كمان في الارض؟

عملنا ايه باسترداد طابا وهما بيتمتعوا بخيرها 100 %

يمكن يكون دا فكر تعصبي شوية

لإنها مش اول مرة تحصل في التاريخ

انا فاكرة لما السلطان قطز طرد المغول من الاراضي العربية كانت مجرد عقود رسمية

لكا اللي فعلا خلص القدس من آخر رجل مغولي كان الظاهر بيبرس

تفتكروا إي هو تحرير الارض والنصر

أهو عقود؟؟ أم واقع نعايشه؟؟

[شاب مصري]

مبروك .

[شاب مصري]

بصراحة طابا هي أجمل مكان شافته عيني

وخصوصا جزيرة السلطان صلاح الدين .. المنظر من فوق القلعة راااائع وخيالي ولا يمكن وصفه بكلمات لانها ستكون سطحية وغير معبرة

والطريق البري الى طابا (خصوصا الـ20 أو 30 كلم قبل طابا) كلهم جبال رائعة مطلة على خليج العقبة

مناظر ساحرة تخلي الواحد يقول سبحان الله

احنا بنظلم نفسنا كتير باهمال زيارة المناطق دي .

[التونسى]

اولا احلى ايام عمرى قضيتها فى طابا .. كنت ب اعمل هناك .. وكنت بصحى الصبح افتح عينى على الجبال المواجهه لمكان سكنى

ياريتها كانت دامت

على فكره مش طابا بس اللى حلوه .. لا دى المناطق اللى حواليها بقطر 20 او 30 متر كده

هى فعلا فنادقها مليانه اسرائليين وفيه منهم قطاع كبير عرب 48 ... اسرائلى مسلم ومسيحى

دلوقتى على ما اسمح وبعد تشغيل المطار بصفه جديه بقى فيه رحلات واوفواج كبيره بتجيها من اووربا .. مره فوجئت بمديرى العام بيستوقفنى اثناء عملى فى احد الدول الاوربيه .. وبيقولى انت مصرى قلتله اه .. فحكالى انه كان فى طابا اسبوع وقد ايه كان مستمتع بكل شئ الى جانب رخص الرحله من كافة النواحى

بالنسبه للتطبيع مع اسرائيل حلخصه من وجهة نظرى فى جمله صغيره ((مجبر اخاك لا بطل))

والجمله دى برده ردا على تساؤلك حول النصر هل هو عقود ام واقع نعايشه ..

مع خالص تحيتى