مكسوفة وخايفة ومحتارة

[شيشة]

انا فرحانة جدا جدا انى اشتركت معاكم بصراحة كل اللي هنا زى العسل من نونة ونورا اللي هازعل اوى لومشيت وروسة وست سيدة وست امينة وفيروز وحبيتي كليو دول اللي قدرت اعرفهم في فترة متبعتي للمنتدى وعلي الجانب الاخر الاخ الطفشان والاستاذ رجب و هشام وحشيش ولانسلوت ودارويين وكلكوا اسمايكو كلها في دماغي وموضوعتكوا كلها كمان اكتر حاجة عجبانى هية الانتماء اللي بيبان في كل كلمة هنا حتي في الضحك

عندى ليكو طلب صغير لو غلط او كتبت حاجة غلط سامحونى معلش دى اول مرة ليا علي الانترنت وعمري ما كلمت حد قبل كدة معلش للتطويل

[White heart]

شيشة كتبت:

انا فرحانة جدا جدا انى اشتركت معاكم

بصراحة كدة يا "شيشة" و بدون كسوف أو حيرة أو خوف...

احنا اللى فرحانين بيكى...

[شيشة]

ربنا يخليك يارب دة من ذوق حضرتك بس

حضرتك فعلا كتالوج الصور جميلة وخصوصا صور الاكل

بس الراجل دة باين علية لسة جايب البدلة والجزمة طازة

متشكرة جدا جدا

[فــيــروز]

ممكن يا شيشه سؤال ولا تزعليشا !!

انتى ليه مسميه نفسك شيشه؟ لو السؤال بايخ اعتبرى انك ماسمعتيش حاجه

[Katamando]

ممكن تكون قريبة العضو المحترم

حشيش

[شيشة]

لا ابدا يا زوزو واللة انتى زي العسل

كل الحكاية ان جدى كان علي طول شغال بالشيشة والمعسل وانا اللي كنت مستلماة من فترة قريبة اقتنع بكلامى وبطل شيشة وانا بصراحة ملاقيتش اسم تحسن من دة لانى بينى وبينك بحب صوت البئاليل وهية بتبئلل

الاخ كتامندو مافيش اي صلة قرابة لا من قريب والا من بعيد بالحشيش هوة كان معسل وبس معسل سلوم كمان ومعرفش عن حشيش غير القصة بتاعت هيثم ووائل وسميو

[شيشة]

كتاماندو

لا ابدا يا زوزو واللة انتى زي العسل 

كل الحكاية ان جدى كان علي طول شغال بالشيشة والمعسل وانا اللي كنت مستلماة  من فترة قريبة    اقتنع بكلامى وبطل شيشة  وانا بصراحة ملاقيتش اسم تحسن من دة لانى بينى وبينك بحب صوت البئاليل وهية بتبئلل

الاخ كتامندو مافيش اي صلة قرابة لا من قريب والا من بعيد بالحشيش هوة كان معسل وبس معسل سلوم كمان ومعرفش عن حشيش غير القصة بتاعت هيثم ووائل وسمير

[بنت شعنونة]

اهلالالالالا اهلالالالالا

نورتينا يا فندمة :))

بقى عندنا شيشة و حشيش وشعنونة مش ناقصنا غير ابريق شااااااي وفحمتييييين ولعة

نورتينا بجد والله :))

عاوزين نعمل موضوع عن اغرب واطرف اسماء الأعضاء على فكرة

[فــيــروز]

ميرسى على ذوقك يا جميل يا شوش ..

ان شاء الله تبقى "حجر" اساس فى حزب الفكيهات و "تفاحة" المنتدى

[حشيش]

الأخت العزيزة شيشة

حاسس إنى أعرفك من زمان...الدم بيحن...تقديرى وتحياتى لجدك العزيز...حاولى تقنعيه بالعودة إلى الشيشة...فإن لم تستطيعى فيكفيكى شرف المحاولة...

حشيش

[disappointed]

عندى ليكو طلب صغير  لو  غلط او كتبت حاجة غلط  سامحونى 

ربّنا ما يجيبش غلط

ولو ان الاسم اللى اخترتيه يا "شيشة" حيخلّى ادارة المنتدى تفكّر فى ادخال بعض التعديلات على برمجيّات المنتدى وقواعد الكتابة به ...زى مثلا :

1- التخطيط لتركيب " شفّاط " فى السيرفر (لزوم التهوية من دخّان الشيشة....فيه ناس معانا عندها ربو)

2-اعتماد ميزانية خاصة لصرف كيس "فحم" لكل منسّق فى فريق الادارة علشان يلحقك بيه لو مداخلاتك"نامت"أو مشاركاتك قلّت

3-اقرار صرف ورق " بفره" لكل عضو للرد فيها على مداخلاتك

4-يتم التشديد على أن تكون الردود على مداخلاتك ملتزمة بالأسلوب "المعسّل"فى الكلام

5-يتم اضافة بند فى شروط الكتابة بالمنتدى يحظر"الكركره"فى الحوار

6-يراعى قيام كل عضو بتغيير "الحجر"بعد الانتهاء من كل مداخلة

7-يتم الالتزام بصيانة السيرفر عن طريق تغيير"الميّه"بصورة دوريّه

8-يتم احتساب مشاركات كل عضو عن طريق"ماركات"يتم صرفها من"بنك"المنتدى

9-يحظر على أى عضو "لىّ"الحقائق

10-ينصح بالتروّى والاسترخاء و أخذ "نفس" عميق قبل كتابة أى رد على أى عضو

وعموما....

نرحّب بك ترحيب حار...و تأكّدى أن أى غلطة غير مقصودة لك سيتم "كتمها" وستكونين انشاء الله تفّاحة"المنتدى شريطة أن تقومى بــ"تكريس" مجهوداتك فيه و كتابة مداخلاتك بــ"مزاج"

و.....أهلا بيكى فى منتدى المحاورات

ولو احتجت أى حاجه من أى حد ابقى بس "سقّفى ليه" وحتلاقيه بيقول لك "جاااىىىىى آهووووو"

ماشه؟؟......آآآآآآ....قصدىىىىى...ماشى؟؟!!!

ملحوظة أخيره (هوّه الحقيقه تنبيه وتحذير) :

ابعدى عن "حشيش" لو سمحتى.........المنتدى متراقب والمخبرين "مترصّصين " فيه.......

و...

و...

و....

"ولعه" هنا يا باشمهندس

[Cleo]

أهلا بيكى يا شيشة و إنشاء الله تعدلى مزاج المنتدى كله....

نهارك "معسل"...

[freefreer]

صراحة .. المنتدى بقى ااااااخر سلطنة .. و باين علينا ليلتنا نجف ان شاء الله .. هاهاهاهاها

شكلى حاخدلى كرسى و اروح اقعد فى الغابة .. علشان ارص الكلام ..

[شيشة]

فعلا انا مش مصدقة نفسي ا :roll: :roll: ية دة الشاشة بتكلمنىاية الناس الكبيرة دى اللي بترد عليا انا واللة مش عارفة اقول اية

ربنا بجبر بخاطركم كلكم(الدعوة دى مستجابة اول ما قولتها لاستاذ سيد جالو خبر عوضو)

بقى عندنا شيشة و حشيش وشعنونة مش ناقصنا غير ابريق شااااااي وفحمتييييين ولعة

سكر سكر يانونى ربنا يخليكي علي الكلام الحلو دة

والمعسل والطاولة و ايشي كام كيلو كباب علي كفتة وعلبة كشري

عشان القاعدة تقف قصدى تكمل :wink:

بس يختى مافيناش من الحشيش لحسن نروح فى دوكة

ان شاء الله تبقى "حجر" اساس فى حزب الفكيهات و "تفاحة" المنتدى

شكرا يا زووزو بس هية المعركة لة ماانتهتشى؟

...حاولى تقنعيه بالعودة إلى الشيشة...فإن لم تستطيعى فيكفيكى شرف المحاولة...

لية بس دانا ماصدقت انة سابها متعرفش ان التدخين ضار جدا بالصحة يا اخ كرم وربنا يديك الصحة يارب

بينى وبينك كدة( سمعت عن اخر صنف)

اقتراحات جوهرية يا اخ محبط تخفي وراءها شخصية متمكنة انك حقا لمتمكن

ولكن لتخفيف الحمل عن ادارة المنتدى ستتولي شركتى اللي هعملها ان شاء اللة بعد كام سنة) تفييذ المقترحات اللي تفضلت سيادتك بطرحها بدون مقابل وذللك بعد استسماح عمى الوزير في المبلغ المطلوب(شوفت بئي احنا ناس واصلة برضة)

نهارك "معسل"...

كليو باتر بشحمها ولحمها بتكلمنى

ربنا يخليكيكى ويساعدنى في تظيط المزاجات دى كلها

استاذى فرير ياااة هتروح الغابة وبليل كمان ماانصحكش بكدة خليك معانا واكسب ويانا

وهايكون شعارنا في الفترة المقبلة

اسهر معانا خلينا نسهر وياك

اسهر معانا دى السهرة تحلو معاك

مستنينيك يا نوراااااااااااااا

[farasha79]

منوره يا شيشه المنتدى

[هشام عبد الوهاب]

الأخت الفاضلة شيشة

نورتى المنتدى ومليون مرحبا بك .