عيد ميلاد الرجل الاخضر

[se_ Elsyed]

ما شاء الله يا تهامي

يعني تاخد البهاوية وتتعين مشرف مِخضر

ويكون عيد ميلادك

وعيد ميلاد الامهات

وعيد تحرير طابا

وعيد استقلال ناميبيا

كل ده في وقت واحد

صحيح ياولاد .. الفقي لما يسعد

هابي بيرث داي سنيور توهامي

دي صورة توتالة لتهامي بعد ما إخضر

ودي تورته بمناسبة بلوغ تهامي .. لأ مش بلوغ اللي هي التانية ماحدش يفهمني غلط ... قصدي يعني بلوغه لسن الثالثة والثلاثون

ولإني ما ليش تقل عالحلويات ... فأنا جبت الاكل الحرشة بتاعتي معايا .. هاكلها على جنب

[الباشمهندس ياسر]

كل سنة وانت طيب يا تهامى

فين التورته بقى :blush2:

[waloaa]

كل سنة وانت طيب يا دكتور تهامى :blush2:

وعقبال مليون سنة

ويا رب كل أيامك تكون أعياد وتهاني

[د هشام ابراهيم]

كل سنة و أنت طيب يا عم الحاج الدكتور .... ليك عندي هدية لما تيجي المرة الجاية باذن الله ...حخليهالك مفاجأة :blush2:

[لولا]

تهامى ... مش معقوووووووووووووووووووووول .. ايه الجمال دا .. عيد ميلادك مع عيد الأم وكل الأعياد الحلوه :blush2:

كل سنة وانت طيب ..

كل سنة وانت بكل خير وسعادة ..

كل سنة وانت منور المحاورات بروحك الطيبه الخفيفة اللى مالهاش حل بجد ..

تهامى العزيز مش عارفه اقولك ايه والله ..

ربنا يسعدك ويحققلك كل احلامك .. انت تستاهل كل خير .

كل سنة وانت طيب .. عيد ميلاد سعيد جدا عليك وسنة جديده حلوه عليك يارب .

وخد كمان التورته دى ..

مش بتفكرك بحاجه

لولا

[MoHaMMeD EgYpT]

مبروك للدكتور الغالي و العزيز علي كل المحاورات كلها الدكتور تهامي :blush2: و كل سنة و حضرتك بخير و اعبال 100 سنة

عندي كلمتين علي جنب ل س س يا س س يا خويا انا عندي حساسية من الفراولة و التورتة اساسا ضغيرة جدا :lol: و انا بحب تكون بالشكولاتة يا ريت تجيب لنا واحدة بالشوكلاتة و تكون كبيرة علشان تكفي

[سهران]

كل سنة و حضرتك طيب ........

و كل سنة و أنت الى الله أقرب .

كل عام و أنت بخير و عقبال مية سنة :blush2: :lol:

[لولا]

احم احم ...

:blush2: :lol:

طبعا كلنا عارفين المصدر

[icehearted girl]

كل عام وأنت إلي الله أقرب وعلي طاعته أدوم

ماشاء الله يوم مميز تجيب لوالدتك الهدية باليمين وتخدها منها بالشمال :blush2:

[moslemah]

كل سنه و حضرتك طيب

عيد ميلاد سعيد وعقبال مليوووووووون سنه فى سعاده

و مبروك طبعا على الاشراف

بس انا لسه كنت بفكر فى انهم مش عاملين عيد للاب و بقول الاباء دول صعبانين عليا قوى

وبعدين قلت ايه ده الاب اللى عيد ميلاده يوم عيد الام ده اكيد عنده احساس مختلف انه بيجيله هديه زى الام بالظبط و مفيش حد احسن من حد..

ربنا يكرمك و كل سنه و حضرتك طيب

وايامك كلها سعيده ..

[ELSHAMY]

Dear Dr Tohamy

Happy birth day

brth)

brth)

[Shehab]

كل سنة و أنت طيب يا دكترة و عقبال 100 سن و ان شاء الله السنة اللى جاية تكون محقق كل اللى نفسك فيه

[Alshiekh]

احم احم ...

طبعا كلنا عارفين المصدر brth)

والله بنت حلال يالولا

انا كنت لسه حاسألك هى التورتة آخر مرة سيبناها عند مين brth) brth)

عموما الف مبروك لدكتور التهامى وعقبال ماتغير اللون ونشوفك كده ازرق اد الدنيا

[precanadian]

عيد ميلاد سعيد وعمر مديد ان شاء الله يا ابو سعد .

اخوك بري

تم تعديل 21 مارس 2009 بواسطة precanadian

[se_ Elsyed]

مش عارف ليه حاسس إن التورتة وصحبة الفاكهة اللي جايباها لولا .. بتحسسني إنها رايحه تزور واحد عامل الزايدة أو اللوز وداخله عليها بالحاجات دي ..... ده إحساس شخصي قد يكون صادق أو قد يكون حقيقي

[osmel33]

كل سنة وأنت طيب يا دكترة :lol: wst:: wst::

هابييييييي نيو ييييييييييير (وش فؤاد خليل)

[moheltohamy]

ما شاء الله يا تهامي

يعني تاخد البهاوية وتتعين مشرف مِخضر

ويكون عيد ميلادك

وعيد ميلاد الامهات

وعيد تحرير طابا

وعيد استقلال ناميبيا

كل ده في وقت واحد

صحيح ياولاد .. الفقي لما يسعد

هابي بيرث داي سنيور توهامي

دي صورة توتالة لتهامي بعد ما إخضر

ودي تورته بمناسبة بلوغ تهامي .. لأ مش بلوغ اللي هي التانية ماحدش يفهمني غلط ... قصدي يعني بلوغه لسن الثالثة والثلاثون

ولإني ما ليش تقل عالحلويات ... فأنا جبت الاكل الحرشة بتاعتي معايا .. هاكلها على جنب

تسلم يا سي السيد ، وتعيش وتفتكر يا زعيم ;)

وان كان ع الأكل... جايب حواوشي ، وهنا ع البريمة الغدا كان رومي مدخن ، وبيف بصوص الجريفي؟! والحلو الموجود كريم كراميل والباي (Pie) المحشي بالكريز وبصوص العنب وبالقرع العسلي (3 أصناف) :lol:

دا كلام برضه؟! wst::

بس بجد... أشكرك جداً على التهاني ، ويا رب يديم المعزّة...

ويجعله عامر (وش فلاح كفر الكنادوة wst:: )

[moheltohamy]

كل سنة وانت طيب يا تهامى

فين التورته بقى wst::

دا المفروض إني أنا اللي باتدلّع في اليوم ده!

يعني حضراتكو اللي تيجو شايلين ومحمّلين إشي تورَت وإشي هدايا (زي الناس كده ما شايلين وتاعبين نفسهم)!

وانتا طيب يا هندسة... وعقبال عيد ميلادك ، وعقبال ما نشوفك في الكوشة :lol:

[moheltohamy]

كل سنة وانت طيب يا دكتور تهامى wst::

وعقبال مليون سنة

ويا رب كل أيامك تكون أعياد وتهاني

شكراً ولّوءة :lol:

وعقبال كل سنة وانتي طيبة وبخير والأسرة بكامل الصحة والسعادة wst::

[moheltohamy]

كل سنة و أنت طيب يا عم الحاج الدكتور .... ليك عندي هدية لما تيجي المرة الجاية باذن الله ...حخليهالك مفاجأة ;)

وانتا طيب يا هشام يا حبيبي... ويا رب دايماً مع بعض wst::

تعرف... آهي دي بأه اللي كانت تستاهل نحتفل بيها مع بعض (Special Occasion بجد) :lol:

وهاحلم بالهدية من دلوقتي ، بس على الله ما تكونش سيديهاية من الفن الرفيع اللي بتحب تسمعه wst::