عيد ميلاد الرجل الاخضر

[moheltohamy]

كل سنة ودكتورنا الفاضل ومشرفنا الجميل بالف خير وصحة وسعادة

ربنا يخليكي يا باشمهندسة سمية... وما يحرمناش من مرورك اللطيف أبداً...

دومي بكل خير

[jessika]

دكتور moheeltohamy مبروك على الاشراف ولونها متاخرة فعلا ونعم الاختيار حضرتك شخصية جميلة ومتابعة مداخلاتك ومستنيين كل جديد منك وسلامى لمدام هند

[moheltohamy]

فكّيها شويّة... دانتي بتقبضي آد كيداهوه ، دا طبعاً بخلاف مرتبك م الإدارة أول كل شهر

ادى اخرة اللى يقول مرتبه لحد :)

عايز تفهمنى ان الإدارة عرضت عليك اقل من خمس تلاف دولار عشان تمسك باب كندا ؟!! :)

وكمان العربية الفيرارى اللى بتيجى بيها الشغل دى وتركنها قصاد باب كندا مش محسوبه ولا ايييييييييييييه :sad:

ولا عايز تفهم الناس انك بتعمل الحكاية دى لله وللوطن ............. ولقهاوى باب كندا ;)

تعرفي يا لولا... أنا والله مانا عارف أتخيّلك أشكيف أزرق على رأي المشرفين!

إنتي تعرفي تكشّري يا لولا صحيح؟!

أنا المفروض أشوف مشاركة للولا ، وأحس إن جتتي اتلبّشت! لكن الواقع إني أول ما باشوف مداخلة ليكي ، بابتسم ، ده لو ما ضحكتش!

مشرفين آخر زمن! :wub:

د.هشااااااااااااااااااااااااااااااااااااااااااااام ..................... احكم انتا انا خلاص غسلت ايدى منه ومش عايزه تورته ولا جاتوه واروح اشوف شغلى

انا كمان زى حضرته ، خلى الناس هناك فى القهوه تقطعه :)

آهااااااا... إنتو قصدكوا على القهوة...

طب وانا أعمل إيه طيب؟!

الناس عاوزة مشاريب ، وانا لسّه ما حضرتش مشروب يوحّد ربنا!

هاروح يتملّوا في جمالي وسواد عيوني؟! :wub:

[moheltohamy]

عالم ما يجوش إلا بالتهديد و الوعيد صحيح :wub: ....

يا زعيم زباين القهوة صوتهم إتنبح " عايزين تهامي عايزين تهامي" و إنت و لا كأنك سامع ....

أرجع لبيتك يا هاميس قصدي يا تهامي يا أخويا بجد وحشتنا جدا :wub:

حاضر يا فندم والله... المشكلة إني تايه ما بين القهوة والإدارة والشكاوي والاقتراحات ، والبريمة والمذاكرة ، وعيشتي مرة! :sad:

بس I'll do my best بجد... هاشوف لو قدرت بكره ، عشان الناس اللي زعلانة مني!

[moheltohamy]

دكتور moheeltohamy مبروك على الاشراف ولونها متاخرة فعلا ونعم الاختيار حضرتك شخصية جميلة ومتابعة مداخلاتك ومستنيين كل جديد منك وسلامى لمدام هند

چيسيكا...

الله يبارك فيكي ويسلّمك ، بقالي زمان ما سمعتش عنك!

ولا عن وضعك إيه مع فكرة السفر لكندا.

أتمنى تكوني لحقتيلك كرسي في القطر قبل ما يمشي ، وما تكونيش صرفتي نظرر زي نيو كمر.

بالتوفيق يا رب.

[د هشام ابراهيم]

عالم ما يجوش إلا بالتهديد و الوعيد صحيح :wub: ....

يا زعيم زباين القهوة صوتهم إتنبح " عايزين تهامي عايزين تهامي" و إنت و لا كأنك سامع ....

أرجع لبيتك يا هاميس قصدي يا تهامي يا أخويا بجد وحشتنا جدا :wub:

حاضر يا فندم والله... المشكلة إني تايه ما بين القهوة والإدارة والشكاوي والاقتراحات ، والبريمة والمذاكرة ، وعيشتي مرة! :sad:

بس I'll do my best بجد... هاشوف لو قدرت بكره ، عشان الناس اللي زعلانة مني!

حبيب هارتي يا تهامي :) ....ربنا يعينك يا باشا ...قدها و قدود يا عم الحاج

[newcomer]

ولا عن وضعك إيه مع فكرة السفر لكندا.

أتمنى تكوني لحقتيلك كرسي في القطر قبل ما يمشي ، وما تكونيش صرفتي نظرر زي نيو كمر.

بالتوفيق يا رب.

الأول لازم اقول لسعادتكم :

" كل عام و عظمتكم بالف خير ...حضرة صاحب مقام عالى

اشرافات ....قهوات....هانداوفرات .....

هابى بيرث تويوهات ( علشان القافيه ...بس)

(وش كومبارس من اللى بيمثلوا تركى و لازم يقولوا ...امان ربى امان..)

ثانيا....

انا ماصرفتش نظر عن كندا الحبيبة و لا حاجة

هما اللى اخدوا الفلوس و الأبليكيشن .....

و بعتوا لى اغنية تلات سلامات wst::

يعنى يا فندم لا حس و لا خبر ...من اخر نوفمبر :blush2:

( صوت حد بيشتكى فى برنامج.....همسة عتاب)

[ناوية ع الهجرة]

دكتور تهامي كل سنة وحضرتك طيب وعقبال 100 سنة

والسنة اللي جاية تحتفل بعيد ميلادك مع مدام هند في كندا :blush2: wst::

[jessika]

متقلقش يا دكتور moheltohamy لحقتلى كرسى الحمد للة وادونى رقم الكرسى كمان.........قصدى الفيل نمبر wst:: حضرتك بس اللى مش متابع الباب بتاع بنك المعلومات الخاصة بكيبك .ومرسى جدا على سؤالك. :blush2:

[حسام يوسف]

السلام عليكم ورحمة الله وبركاتة

أولا انا اسف للتأخير يا عم تهامى

غصب عنى والله

ثانيا

كل سنة وانت طيب

وربنا يديك الصحة

والمال

وروقان البال

وعمرا

مديدا

سعيدا

ثالثا

كنت بتعايرنى بيها انى انا بتاع التهانى والمناسبات والمعرفشي اه

وحسدتنى

لحد ما راحت علية الفرصة انى انا اللى اعمللك التهنئة

بس معلش

ملحوقة

مرة تانية

كل سنة وانت طيب يا أبو سعد :)