المتسولون في الأرض

[se_ Elsyed]

ظاهرة خطيرة أُبتليت بها الأُمة الإسلامية عامة والعربية خاصة ... وهي ظاهرة التسول ...

فالتسول أصبح وظيفة ومهنة من لا مهنة له ..

وهي أسهل طريق للحصول على المال ... وبشكل وفير .. بل وبالملايين

وللأسف هؤلاء المتسولون يستغلون الجهل الديني لدى البعض ... وخلط المفاهيم لدينا .. وعدم التفرقة بين الصدقة والزكاة ومستحقيها من السائلون والفقراء والمساكين

وبالتأكيد لا يدركون إن من يُساعد مثل هؤلاء فهو يُحارب الله ورسوله ..

نعم يُحارب الله ورسوله ويُشجعهم على سلك هذا طريق الفساد في الأرض

والذي أعتبره لا يفرق كثيراً عن النصب أو السرقة أو وضع اليد في جيب الأخرين لسرقتهم ...

ولا أُخفي عليكم بإن هناك بعض المُسلمين يدفعون زكاة أموالهم أو زكاة الفطر إلى المتسولين ... تخيلوا ؟ !!!

بحجة إنهم لا يعلمون مصارف الزكاة الشرعية .. وهي حُجة ضعيفة ومردود عليها ...

فأغلب إن لم يكن كل المساجد تستقبل زكاة الفطر أو زكاة المال ليدفعوا بها إلى مستحقيها ... ولكن الناس تستهل وتريح دماغها وتريد أن تشعر بلذة دفع الزكاة إلى مستحقيها – كما يظنون – مباشرةً ...

ولا يدرون أن هؤلاء أشبة بـ " موظفي الحكومة " وأقصد هنا أنهم يمتهنون تلك المهنة يومياً بإنتظام .. ومهما حصلوا على اموال ولو بالملايين فلن يكفوا عن ممارسة تلك العادات القبيحة ... التي تصل إلى عبادة المال ... نعم عبادة المال ..

فكل هؤلاء وجميعهم يتمتعون ويتنشون بجمع وتكنيز الاموال .. ويظلوا يعيشوا حياة حقيرة ويستخسروا في أنفسهم حتى اللقمة .. وبالتالي يصلوا إلى تلك الحالة .. تكنيز وتجميع اموال والتمتع بمشاهدتها تتكدس وتتكوم امامهم .. حتى يأتي صاحب النصيب الذي غالباً ما يكون لص ويستولي عليها إما غصباً أو قتلاً .. او ينفقها المتسول في الأدمان والاعمال الغير اخلاقية ..

وأصبح ما يُحزنني للأسف هي إنتشارها في المساجد ... وبالنسبة لي شخصياً أصبحت عملية إنقضاء الصلاة هي كابوس .. أينعم كابوس .. من تلك الأصوات القبيحة التي أسمعها عقب كل صلاة في المسجد ..

فهنا في الرياض .. لا أدرى كيف تسلل هؤلاء المجرمون إلى الرياض .. اتفهم أنهم ياتون إلى مكه أو جده أو المدينة المنورة لأداء العمرة ومن ثم يتخلفون وينتشرون في تلك المدن ليمارسوا التسول ... لكن الرياض .. كيف اتوا لى هنا ؟

والملاحظ أنهم تقريباً لا يخرجون عن أربع جنسيات للاٍسف يعني :

1- سعوديون لديهم هذا المرض .. وغالباً ما يكونوا مدمني مخدرات أو شخص لا يريد أن يعمل ويهوى التسول والأستسهال ..

2- أفارقة ممن لا جنسية لهم أو كما يدعونهم هنا " تكارنه " وهم لهم مجتمعهم الخاص ومناطق سكنهم المحرمة على اي غريب .. بل على الشرطة نفسها .. وجميعهم يعملون في تجارة المخدرات والسرقة والتسول والدعارة .. رجالاً وأطفالاً ونساءً وهم أشبه ما يكونوا بالغجر في المجتمعات الأخرى .. .

3- يمنيين ... بشكل فظيع

4- فلسطينيين واردنيين ... ويتضح ذلك من لهجتهم وشكل بشرتهم ...

فيا سادة يا كرام أصبحنا ما أن نفرغ من التسليم من الصلاة إلا ونرى أعداداً منهم وقفت وسط المصلين لتبكي وتتباكى وتسرد لنا قصص خيالية عن عمليات جراحية مطلوبة لهم أو لأحد من ذويهم وتستلزم تدبير عشرات الألوف من الريالات ... شيء قبيح وقذر ... وغير مقبول لا من الله ولا رسوله ..

الأفظع من ذلك والذي يُقطع قلوبنا .. ليس شفقة عليهم ولكن رثاءً وشفقه على حالة المرض والغي الذي وصلوا له .. هو أن يستغل أحدهم من هو ذو عاه أو مرض من عائلته ليتسول من خلاله ..

وهذا ما سبب تشويش وقلق لدى إبني الصغير الذي يبلغ من العمر 8 سنوات هو ذلك الموقف الذي حدث منذ أسبوعين .. فبعد أن فرغنا من صلاة الجُمعة إذ بشخص نطع ... طوله لا يقل عن 190سم وحجمه ضخم يُمكنه من جر ساقية أو عربة بحمار إذا غاب الحمار .. وهذا النطع كان يحمل كهل عجوز يتجاوز عُمره الثمانون عاماً ويكاد يكون ميتاً بالفعل ووزنه لا يتعدى 40 كج من مرضه وشيخوخته ويُمسك بيده قسطرة بول ويكاد يتنفس بصعوية ... وطبعاً سرد علينا إن هذا هو والده وهو مصاب بالسرطان ويحتاج إلى عمليه جراحية بمبلغ 40 ألف ريالاً ... إلخ

وفعلاً الولد أصيب بحيرة وأستغراب واصبح يتسائل : لماذا يفعل هذا الشاب ذلك مع والده العجوز ؟

وبالامس وقف نطع أخر يحمل طفلاً صغيراً مصاباً بشلل رباعي ليسأل تكاليف العملية الضخمة التكاليف ,,, !!!!!!!!!!!!

والحمد لله لقد أفهمت الولد من البداية إن هؤلاء مجرمون نصابون ويحاربون الله ورسولة وسيأتون يوم القيامة كما أخبرنا الرسول وليس في وجوههم قطعة لحم واحده لإنه أذهبوا ماء وجوههم في التسول وعدم الحياء في الدنيا ..

وبدل من أن يتركنا هؤلاء المجرمون نتعبد ونستغفر الله عقب كل صلاة .. إذ بهم إعتادوا على مقاطعة الجميع وأختراق سكينتهم .. فمن المعروف أيها الاخوة إن الصلاة لله لا نُجازى عنها بالعلامة الكاملة ... يعني إذا كانت الصلاة 10/10 .. فليس جميعنا نحصل على الدرجة الكاملة .. نتيجة للسرحان أو التفكير او عدم التركيز أثاء الصلاة وهي عادة عند جميع البشر بلا إستثناء .. وبالتالي المُسلم يستيطع تعويض تلك الدرجات عن طريق الإستغفار والاذكار المعروفة عقب كل صلاة ... واعتقد بإنه ليس هناك وقت افضل في الدعاء من أبدار الصلاة .. كل هذا تذهب لذته لما يفعله هؤلاء من تشويش على الجميع ..

وهم هم أنفسهم من نراهم كل يوم سواء ً كانوا رجالاً داخل المسجد أو نساءً مع اطفالهم خارج المسجد وهم ينقلون لهم عصارة خبرتهم في التسول ..

وهذا كله أضاع حق المحتاجون الحقيقيون للمساعدة .. وأختلط الحابل بالنابل .. ومن نص عليهم القرآن وقال عنهم بإنهم لا يسألون الناس إلحافاً و تحسبهم أغنياء من التعفف .. للأسف هؤلاء المتسولون المجرمون شوهوا صورة المحتاجين الحقيقين وأضاعوهم بغيهم وإجرامهم ...

يُتبع

[ابو محمد المصري]

بارك الله فيك اخي الفاضل

وهناك ظاهره اخري وهي من يقرعون عليك الباب في البيت وعانيت منهم الكثير واصبحوا يمثلون رعب لاسرتي عند طرق الباب

[HDarwish]

ذكرني الموضوع ده بموقف حصل لي وانا في الحج اللي فات ده

بعد ما خلصنا أنا وأصدقائي مناسك العمرة ومتجهين من الحرم لمنى بنمشيى في ممر كده كبير وفيه تهوية وعجبني قوي النظام ده والواحد طبعا ماشي وفي تجلي مع الله وبيدعي ويستغفر ألاقي فجأه واحد خبط على كتفي وقعد يعيط بدموع هو ومراته وكان واضح قوي انهم مصريين الغريب ان ما شاء الله عليهم ما يدلش عليهم أي مظاهر الفقر ولا حاجه المهم قعدوا يحكولنا إنهم ضاعت فلوسهم في الحج ومش عارفين يعملوا ايه ... كنا 6 أشخاص ... إثنين منا هارشين العملية وقاموا مكملين مشي ... بس أنا بصراحة والثلاثة الباقيين اللي معايا ضعفنا قدام الموقف واتخيلنا لو احنا اتحطينا في الموقف ده وكمان ... قلنا مهما كان أهو ناخد بيها ثواب وقمت مطلع مبلغ مش قليل ومش كثير في نفس الوقت وكذلك الثلاثة اللي معايا ... وبعدين لسه ماشيين مافيش 100 متر إلا ولقينا نفس الدموع ونفس الكلام من اثنين مصريين برضه ... طبعا ولا عبرناهم وعملنا زي زمايلنا الاثنين اللي كانوا سبقونا في أول مرة ... بس بصراحة زعلت جدا واتأسفت عن المصريين اللي بيسيئوا لمصر والمصريين بعمايلهم دي.

مش بس في السعودية .... في الكويت كمان

كثير قوي تلاقي الباب بيخبط وتفتح تتلاقي متسولين وخاصة من الجنسية السورية وعلى وجه الخصوص بيكونوا حريم مش رجاله ودول طبعا بيلاقوا رد فعل واحد من ثلاثه ... وهو واحد بيديلها اللي فيه النصيب أو واحد بيرفض ويقول ربنا يسهلك ... أو واحد نفسيته مش طيبه وبيكون رده فعله عنيفه شوية أو تشمئز ليها النفوس (مش عايز توضيح اكثر)

المهم إني أنا رأيي في الموضوع ده

إن الواجب على مواجهة الفرد المتسول كالتالي

طالما في استطاعتك الصدقة يبقى الواجب علينا ما نردهم ونطلع اللي فيه النصيب بس في نفس الوقت تنصح المتسول ده إن العمل الشريف أكرم واحسن له ولعائلته طالما يقدر يشتغل

تحياتي للجميع

[se_ Elsyed]

طالما في استطاعتك الصدقة يبقى الواجب علينا ما نردهم ونطلع اللي فيه النصيب بس في نفس الوقت تنصح المتسول ده إن العمل الشريف أكرم واحسن له ولعائلته طالما يقدر يشتغل

إسأل فيها أي شيخ .. الصدقة لا تجوز على المتسول المحترف يا حسن ... وإنت كده بتساعده على الفساد .. اومال إحنا بنقول إيه ؟

[HDarwish]

يا سيدي كلامك وكلام الشيخ على عيني وراسي

لكن هل أنا لما هعطيله هتحرم من الثواب ولا ربنا هيعاقبني علشان واحد متسول نصب عليا واخد مني قرشين؟ هو ده السؤال ...

أنا معاك إنه مش حرام إني أرفض إني أعطي لواحد متسول اللي هو عايزه ... لكن بإذن الله آخد عليها ثواب ...

إستنى إستنى ... فكرتني بحتة موقف ميه ميه .... لسه قريب في أجازتي اللي فاتت في شهر واحد

أحكي ولا مش فاضيين؟!

أنا هاحكي وخلاص ...

الأجازة اللي فاتت كنت نازل وفرحان إن والدي إشترى عربية جديدة أحسن من اللادا اللي كانت عندنا واللي طلعت عيني ... العربية المرة دي أي موديل السنة وهيدروماتيك وتكييف وسي دي وآخر حلاوة وبئيت في كل مشوار اطلعه معايا العربية ... وفي يوم من الأيام نزلت أنا والمدام والآنسة جنا ورايحين في زيارة لنسايبي وطبعا لازم من الزيارة وما ينفعشي ندخل بإيدينا فاضية وطبعا عديت على صاحبي وحبيبي العمده بتاع الحلويات (واخد بالك يا تهامي) ركنت العربية جنب محل الحلويات ونزلت اختار الحاجة اللي هجيبها وكده وفجأه وانا مستني اخونا اللي بيظبط طبق الحلويات انه يخلص افاجأ بواحد لابس جلبية مدخل راسه من شباك العربية مش حتى واقف بعيد عن العربية طبعا أنا جيه في بالي حاجه من اثنين يا إما بيعاكس الجماعة وهتبقى وقعته سوده يا إما حرامي وبرده هتبقى وقعته سوده رحت جري عالعربية وبعصبية وبصوت جهوري ... فيه إيه يا عم ... لقيته راجل شحات ولابس كوفيه وبيدعي الفقر وكده الغريبه بئا إنه شحات غريب شوية كلامه حلو جدا وادعيته اول مره اسمعها قولت اديله اللي فيه النصيب وانا بديله ما كانشي راضي ياخد الفلوس نهائي و سلم علي وقعد يرقيني على كتفي وانا مش فاضيله والراجل بتاع الحلويات كان خلص قولتله خلاص يا عم إتوكل على الله .. والله يسهلك ...وروحت أخد الحلويات وأنا رايح بشيل الأكياس من المحل إفتكرت إني كنت حاطط تليفوني في باب العربية وقولت أكيد ميه الميه الراجل ده أخد الموبايل أثناء ما كان مدخل راسه من الشباك علشان ياخد صدقة من مراتي (آه من نسيت أقولكم مراتي برضه أكرمته باللي فيه النصيب) قولت في نفسي أكيد مد إيده وأخد الموبايل ... وأول ما ركبت العربية أول حاجه قولتها لمراتي ... الموبايل إتاخد صح؟ قالتلي إتاخد إيه ... إنت مش حاطه في باب العربية ... قولتلها طيب خلينا نشوف ... وبشوف لقيته فعلا اتاخد ... وكان رد فعلي إني ضحكت وطبعا استعوضت ربنا فيه ... حاولت اتصل على التليفون لقيته بيرد ويقوللي ... الله ... الله ... كريم ... وحاجات غريبه كده ... على كل حال الحمد لله ... بس ده كان أول درس ليا من المتسولين ...

أي حد هيقرأ كلامي هيقول علي بناقض نفسي ... لكن الحقيقة غير كده ... كل ما هنالك إني ببقى طمعان في ثواب الصدقة ... خليها تخف من الذنوب اللي على الواحد شويه ... وبعدين المتسول ده جزاءه عند ربنا ...

[MoHaMMeD EgYpT]

لو المتسولين مش هما اللي مستحقين الزكاة امال مين مستحق الزكاة ؟؟ اكيد الجميع هيقول المساجد طيب هي المساجد هتودي الزكاة دي فيين ؟؟ و بخصوص المتسولين مش مفروض نعمم علي الكل انهم ناصبين يعني المتسولين في مصر ازاي يعيشوا ؟؟ يمكن في دول الخليج فيه بيت الزكاة و الزاكة و الكلام ده كله لكن في مصر هل الجميع متوقع ان الزكاة هتروح في مكانها الصحيح و حتي لو هتروح مثلا في بناء مسجد ولا تجديد مسجد طيب و الناس الغلابة الفقراء يعيشوا ازاي ؟؟ انا اظن ان مساعدة المتسولين مش حرام بالعكس دي زكاة

و بخصوص التسول في السعودية الله اعلم اما هنا في الكويت انا شوفت فعلا متسولين بس قليلين جدا و فعلا باين عليهم بيمثلوا هنا لان اي واحد يقدر يلاقي شغل هنا في الكويت طالما انه في الكويت و مافيش حد بيموت من الجوع في الكويت يبقي اكيد المتسولين دول نصابين

[أحمد سيف]

والله يا عم س س فكرتني بموقف حصلي في مصر آخر مره نزلت فيها هناك (مش فاكر امتى )

لقيت قدام باب الجراج حفره بقطر متر تقريبا وعمق نص متر ... الظاهر الحكومه كانت بتعمل شوية حفريات في الشارع ونسيوا (كالعاده) يردموا وراهم ... بس ناس ذوق بصراحه ... سايبين تراب الردم حوالين الحفره علشان ما تغلبش نفسك وتروح تجيب تراب جديد (انسى الأسفلت طبعا)

ربنا ستر ووقفت بالسياره في آخر لحظه قبل ما تنزل في الحفره ... وقلت مش مشكله أركن السياره قدام الباب الليله دي والصبح أنزل أردم الحفره أو أجيب حد يردمها.

وأنا واقف بانزل حاجتي لقيت واحد نطع زي اللي بتوصفهم عمري ما شفته قبل اليوم ده جاي يقولي (كل سنه وانت طيب يا باشا وحمد لله عا السلامه)

أنا قلت في نفسي: هوا ايه اللي حصل في البلد الناس بقى عندها ذوق ولا ايه ... وطبعا أخذتلي فتره بسيطه علشان أفهم إنه مستني العيديه أو الحلاوه أو أي مسمى من اللي بيدلعوا بيها الشحاته والنصب اليومين دول

قلتله ايه رأيك بدل ما أديك فلوس من غير ما تعمل حاجه تاخذ فاس تردملي الحفره اللي قدام البيت دي وها أديك فلوس ضعف اللي بتطلبها، يعني شغل ربع ساعه بالكثير هاتاخذ عليه عشرين جنيه ... أنا اللي شغال في الخليج ما باعملهمش

الراجل بصّلي من فوق لتحت زي ما يكون بيبص لواحد معتوه وقام سايبني وماشي

بالذمه والدين لو الواحد أعطى الأشكال دي فلوس هاياخذ ثواب على ايه ؟؟؟؟

[MoHaMMeD EgYpT]

والله يا عم س س فكرتني بموقف حصلي في مصر آخر مره نزلت فيها هناك (مش فاكر امتى :wub: )

لقيت قدام باب الجراج حفره بقطر متر تقريبا وعمق نص متر ... الظاهر الحكومه كانت بتعمل شوية حفريات في الشارع ونسيوا (كالعاده) يردموا وراهم ... بس ناس ذوق بصراحه ... سايبين تراب الردم حوالين الحفره علشان ما تغلبش نفسك وتروح تجيب تراب جديد (انسى الأسفلت طبعا)

ربنا ستر ووقفت بالسياره في آخر لحظه قبل ما تنزل في الحفره ... وقلت مش مشكله أركن السياره قدام الباب الليله دي والصبح أنزل أردم الحفره أو أجيب حد يردمها.

وأنا واقف بانزل حاجتي لقيت واحد نطع زي اللي بتوصفهم عمري ما شفته قبل اليوم ده جاي يقولي (كل سنه وانت طيب يا باشا وحمد لله عا السلامه)

أنا قلت في نفسي: هوا ايه اللي حصل في البلد الناس بقى عندها ذوق ولا ايه ... وطبعا أخذتلي فتره بسيطه علشان أفهم إنه مستني العيديه أو الحلاوه أو أي مسمى من اللي بيدلعوا بيها الشحاته والنصب اليومين دول

قلتله ايه رأيك بدل ما أديك فلوس من غير ما تعمل حاجه تاخذ فاس تردملي الحفره اللي قدام البيت دي وها أديك فلوس ضعف اللي بتطلبها، يعني شغل ربع ساعه بالكثير هاتاخذ عليه عشرين جنيه ... أنا اللي شغال في الخليج ما باعملهمش

الراجل بصّلي من فوق لتحت زي ما يكون بيبص لواحد معتوه وقام سايبني وماشي

بالذمه والدين لو الواحد أعطى الأشكال دي فلوس هاياخذ ثواب على ايه ؟؟؟؟

هو ممكن فعلا يكون فيه نصابين كتير جدا بس مش كلهم

يعني يا جماعة مافيش فقراء خالص و لو فيه يبقي نعرفهم ازاي ؟؟ نجيب جهاز كشف الفقر مثلا

و مش شرط نساعدهم بالفلوس ممكن اكل او ملابس قديمة او اي حاجة

امال بقا لو ادينا الفلوس للمساجد هيودوها فين ؟؟ حاجة من اتنين ياما بياخدوها لنفسهم ياما بيجددوا في المسجد

يبقي بقا نساعد الفقراء ازاي ؟؟ و معقولة كل الفقراء نصابين ؟؟

انا عن نفسي اللي بحس بجد انه محتاج بديله يالا ربنا يقدرنا علي عمل الخير :lol:

[الحر الأشقر]

الصدقة لاتجوز للمتسولين ///// فتوى من الأزهر سنة 77

فتوى كبار علماء السعودية سنة 92

معلومة للتوضيح قريتها دلوقتي في كتاب الزكاة للشيخ المياسي ـ رحمة الله ـ

[فــيــروز]

من فتره طوييييله كان فيه كتاب لصحفى كان مشهور أظن كان اسمه "عبد العاطى حامد" .. حكى فيه كيف تنكّر فى زى متسوّل أو مشروع شخص يرغب فى التحوّل لمتسوّل كى يعرف خبايا هذا العالم المرعب .. الكتاب ده ندمت بشدّه على قراءته من بشاعة و هول ما وصفه عمّا كان المتسوّلون يفعلونه بأنفسهم من عاهات مستديمه و ذهابهم لمتخصصين فى إحداث هذه العاهات و كيف أفلت بأعجوبه من عمليه جراحيه قذره هدفها إكسابه عاهه يسترزق من وراها ..

بقيت من بعد قراءة هذا الكتاب كلّما أرى متسوّل صاحب عاهه فى الشارع أشعر بذهول من إقدام البعض على مثل هذا الفعل مقابل مكسب متوقّع أيّا كان قدره !! اللىّ يعمل كده فى نفسه يستحق أن يحاكم لا أن يُكافَأ بالصدقات !! مثل هؤلاء الذين يصطحبون أطفال أو رضّع من أجل سبك الدور و لا يتورّعون عن إعطاء هؤلاء الأطفال مخدّر أو ما شابه ليضمنوا سكوتهم و سكونهم خلال ساعات العمل و التنطيط فى الشوارع أو الجلوس على الأرصفه لا يستحقون التعاطف بل يستحقون -هو و أهالى هؤلاء الأطفال البؤساء- الشنق على إجرامهم ولا إنسانيتهم فى التعامل مع هذه الكائنات التى لا حول لها ولا قوّه .. أمّا عن منح الزكاه فأظن أن الشرع شدّد على أهمية منحها لمستحقيها -وإلاّ ماكانش وضّح بالتفصيل و التحديد مصارف الزكاه- و المحتاجين و الفقراء ما أكثرهم .. يكفى أن يذهب الإنسان لوحده صحيه على أطراف المدينه أو مقر وزارة الصحّه المخصّص لقرارات العلاج على نفقة الدوله أو مدرسه ابتدائيه فى حى فقير أو ملجأ أيتام فى منطقه شعبيه و سيجد كل ما يحتاجه من مستحقين حقيقيين للزكاه .. الموضوع حيوى لأن الاستسهال فى منح الزكاه و الصدقات لغير مستحقيها يحرم من هم بحاجه ماسّه لها من حق فرضه الشرع لهم و من الظلم أن نشارك فى تصعيب الحياه عليهم

[se_ Elsyed]

[امال بقا لو ادينا الفلوس للمساجد هيودوها فين ؟؟ حاجة من اتنين ياما بياخدوها لنفسهم ياما بيجددوا في المسجد

يا راجل حرام عليك ده أنت بتتكلم عن مساجد مش كباريهات !!!

هناك صناديق مخصصة في معظم المساجد للزكاة وأخرى للصدقات ..

وهذه المساجد لديها قوائم بالمحتاجين الفعليين من أبناء المنطقة ..

وبتخصص لهم مرتبات شهرية ومساعدات نقدية وعينية في المناسبات كالأعياد والمدارس ورمضان ..

حتى لو كنت مغترب فممكن أقرباءك في مصر يعرفوا بسهولة الشُرفاء من الفقراء واللي ما بيمدوش إيدهم لحد ولا يسألون الناس إلحافاً .. وفعلاً عندهم عزة وكرامة وربنا اعلم بحالهم ..

لكن هل أنا لما هعطيله هتحرم من الثواب ولا ربنا هيعاقبني علشان واحد متسول نصب عليا واخد مني قرشين؟

إنما الاعمال بالنيات ... صدق رسول الله

لكن لما أكون عارف إن فلان ده متسول نصاب وموظف في المكان ده وكل يوم أشوفه .. يبقى ده محاربة لله ورسولة ولا لأ ؟

ولما ما أتعبش نفسي وأبحث عن المحتاجين أو اوكل المسجد إنه يفعل ذلك نيابة عني .. أو بعض البنوك كبنك فيصل اللي ممكن توكله يدفع عنك الزكاة او الصدقة .. أو أروح أتبرع لمستشفى السرطان أو معهد الكلى أو أي مستشفى او جمعية رسالة أو جمعية دار الأورمان أو أي دار ايتام .. يبقى ده حرام عليه ولا لأ ؟

كلامك ينطبق فقط لو إنت بتفتكر إن اللي قدامك محتاج وهو كان نصاب ..

لكن إنت شايفه قدامك مجرم وحرامي ومع ذلك بتساعده على إجرامه ..

والدتي دايماً تناغشني لإنها عارفاني بأتضايق من الموضوع ده وتقولي " صاحبتك بتسلم عليك "

وصاحبتي دي واحده ست بقى لي بالظبط بأشوفها وبأسمعها بتعدي في شارعنا كل يوم بإنتظام من 27 سنة في نفس الموعد وتردد نفس الكلام " معايا عيال أيتام واللي يساعدني بحاجه لوجه الله "

ده أنت بتتكلم عن شارع واحد .. ما بالك بحي بأكلمه ؟

في حين تلاقي ستات أرامل أو أزواجهم لديهم ظروف صحية صعبة قاعدين في السوق بخضروات بسيطة يبيعوها ويكسبوا منها قروش قليلة عشان يعفوا أنفسهم وما يتحوجوش لحد .. يبقى مين أولى بالمساعدة ؟

فيروز ..

كان في برنامج بييجي في رمضان على الأم بي سي وبعدين السنة اللي فاتت إتعرض على إقرأ ... ويقدمه شاب سعودي مثقف جداً .. إسم البرنامج خواطر وإسم الشاب " أحمد القشيري " وبيعتمد عن التحدث لمدة دقائق عن سلوكياتنا في المجتمع ... ومن ضمنها عمل حلقة عن التسول وعمل مكياج ونزل وقف ساعتين فقط في أحد إشارات مدينة جده... ولم حوالي 270 ريال .. إضربي بقى في ثمان ساعات - حسب قانون العمل والعمال :) - في 6 أيام ... ما هو مش معقول أشحت كل يوم لازم يوم إجازة .. في 4 أسابيع في سنة ....

مرتب يا فيروز يا أختي لا تقوليلي مهندس شبكات أو مبرمج - لا مؤخذه إحنا بنتكلم - أو حتى طبيب عام

أما موضوع العاهات فشوفته في مكه في الأفارقة خصوصاً بتوع نيجيريا وبيعملوها بإحتراف وتحس إن في وباء جه في بلدهم قطع أرجلهم وايديهم ...

وبصراحة مكه وجده والمدينة والطائف مستحملين غُلب من الملايين اللي بتجيهم سنوياً ومنهم مجرمين متسولين .. ونخلي بالنا إن مش كل الدول بتكتب الديانة في الجواز وبالتالي ممكن ييجي بلاوي زرقا يمارسوا التسول والأعمال المنافية للأداب في الأماكن المقدسة

وللأسف أقولها .. إن الشرطة في بلادنا العربية بالذات بتتساهل في الموضوع ده وبتريح دماغها وتقول لك : هو أنا هالاحق وأقبض على مين ولا مين ؟

[MoHaMMeD EgYpT]

[امال بقا لو ادينا الفلوس للمساجد هيودوها فين ؟؟ حاجة من اتنين ياما بياخدوها لنفسهم ياما بيجددوا في المسجد

يا راجل حرام عليك ده أنت بتتكلم عن مساجد مش كباريهات !!!

هناك صناديق مخصصة في معظم المساجد للزكاة وأخرى للصدقات ..

وهذه المساجد لديها قوائم بالمحتاجين الفعليين من أبناء المنطقة ..

وبتخصص لهم مرتبات شهرية ومساعدات نقدية وعينية في المناسبات كالأعياد والمدارس ورمضان ..

حتى لو كنت مغترب فممكن أقرباءك في مصر يعرفوا بسهولة الشُرفاء من الفقراء واللي ما بيمدوش إيدهم لحد ولا يسألون الناس إلحافاً .. وفعلاً عندهم عزة وكرامة وربنا اعلم بحالهم ..

لكن هل أنا لما هعطيله هتحرم من الثواب ولا ربنا هيعاقبني علشان واحد متسول نصب عليا واخد مني قرشين؟

إنما الاعمال بالنيات ... صدق رسول الله

لكن لما أكون عارف إن فلان ده متسول نصاب وموظف في المكان ده وكل يوم أشوفه .. يبقى ده محاربة لله ورسولة ولا لأ ؟

ولما ما أتعبش نفسي وأبحث عن المحتاجين أو اوكل المسجد إنه يفعل ذلك نيابة عني .. أو بعض البنوك كبنك فيصل اللي ممكن توكله يدفع عنك الزكاة او الصدقة .. أو أروح أتبرع لمستشفى السرطان أو معهد الكلى أو أي مستشفى او جمعية رسالة أو جمعية دار الأورمان أو أي دار ايتام .. يبقى ده حرام عليه ولا لأ ؟

كلامك ينطبق فقط لو إنت بتفتكر إن اللي قدامك محتاج وهو كان نصاب ..

لكن إنت شايفه قدامك مجرم وحرامي ومع ذلك بتساعده على إجرامه ..

والدتي دايماً تناغشني لإنها عارفاني بأتضايق من الموضوع ده وتقولي " صاحبتك بتسلم عليك "

وصاحبتي دي واحده ست بقى لي بالظبط بأشوفها وبأسمعها بتعدي في شارعنا كل يوم بإنتظام من 27 سنة في نفس الموعد وتردد نفس الكلام " معايا عيال أيتام واللي يساعدني بحاجه لوجه الله "

ده أنت بتتكلم عن شارع واحد .. ما بالك بحي بأكلمه ؟

في حين تلاقي ستات أرامل أو أزواجهم لديهم ظروف صحية صعبة قاعدين في السوق بخضروات بسيطة يبيعوها ويكسبوا منها قروش قليلة عشان يعفوا أنفسهم وما يتحوجوش لحد .. يبقى مين أولى بالمساعدة ؟

فيروز ..

كان في برنامج بييجي في رمضان على الأم بي سي وبعدين السنة اللي فاتت إتعرض على إقرأ ... ويقدمه شاب سعودي مثقف جداً .. إسم البرنامج خواطر وإسم الشاب " أحمد القشيري " وبيعتمد عن التحدث لمدة دقائق عن سلوكياتنا في المجتمع ... ومن ضمنها عمل حلقة عن التسول وعمل مكياج ونزل وقف ساعتين فقط في أحد إشارات مدينة جده... ولم حوالي 270 ريال .. إضربي بقى في ثمان ساعات - حسب قانون العمل والعمال :) - في 6 أيام ... ما هو مش معقول أشحت كل يوم لازم يوم إجازة .. في 4 أسابيع في سنة ....

مرتب يا فيروز يا أختي لا تقوليلي مهندس شبكات أو مبرمج - لا مؤخذه إحنا بنتكلم - أو حتى طبيب عام

أما موضوع العاهات فشوفته في مكه في الأفارقة خصوصاً بتوع نيجيريا وبيعملوها بإحتراف وتحس إن في وباء جه في بلدهم قطع أرجلهم وايديهم ...

وبصراحة مكه وجده والمدينة والطائف مستحملين غُلب من الملايين اللي بتجيهم سنوياً ومنهم مجرمين متسولين .. ونخلي بالنا إن مش كل الدول بتكتب الديانة في الجواز وبالتالي ممكن ييجي بلاوي زرقا يمارسوا التسول والأعمال المنافية للأداب في الأماكن المقدسة

وللأسف أقولها .. إن الشرطة في بلادنا العربية بالذات بتتساهل في الموضوع ده وبتريح دماغها وتقول لك : هو أنا هالاحق وأقبض على مين ولا مين ؟

تمام كلامك يا س س :blush2: و مافيش قول بعد قولك يا ريس :lol:

انت قولت لي المكان اللي جمع فيه المذيع ال270 ريال في ساعتين كان فين ؟؟ احسن انا نسيت :lol:

[Virus]

أتذكر أن الشيخ عمر عبد الكافي قال إذا سألك أحدهم وشككت في صدق حاجته فأعطه شيئا رمزيا (ربع جنيه مثلا) حتى لا تكون قد نهرت السائل كما علمنا القرآن الكريم

[se_ Elsyed]

أتذكر أن الشيخ عمر عبد الكافي قال إذا سألك أحدهم وشككت في صدق حاجته فأعطه شيئا رمزيا (ربع جنيه مثلا) حتى لا تكون قد نهرت السائل كما علمنا القرآن الكريم

ما هي دي مصيبة برضوا يا فيروس ... والمصيبة هي خلط الأمور ببعضها والرعب من تفسير القرآن بالشكل الصحيح .

ربنا لما قال " وأما السائل فلا تنهر " لم يقصد الله جل شأنه " المتسول او النصاب " ولكنه قصد السائل ذو الحاجه ..

هاتقولي هاتعرف تفرق بينهم إزاي ؟

السائل : ده راجل مش لاقي قوت يومه وممكن يسأل الناس لكي يسد رمقه وممكن جنيه يكفيه ..وغالباص هو عفيف النفس لا يسأل الناس مباشرة ... وحتى يا شيخ لو الناس ماحسوش به فممكن يلجأ للجمعيات الخيرية أو المساجد اللي عندها اخصائيين يسألوا عن حالته عشان يتأكدوا ده محتاج ولا لأ .. وبالتالي الصدقات والزكاوات هاتوصل له لحد بيته وهو معزز مكرم ومحتفظاً بماء وجهه .

النصاب : هو المتسول اللي بنقابله في حياتنا اليومية يمكن في نفس المكان كل يوم .. وهو اللي بيقطع علينا صلاتنا ليحكي أكاذيب ويختلق قصص عن عمليات وأدوية يحتاجها ... ويخرج من المسجد ده يروح ده .. او هو اللي بنقابله بيعيط ويقول فلوسي ضاعت وعايز حق التذكرة أروح بها ولو أخدته من إيده تقطع له التذكرة ممكن يشتمك أو يتطاول عليك لإنك فقسته .. أو هو اللي بأقابله راكب لاند كروزر أخر موديل وشخص قد الديناصور ويوقفني بعربيتي ويقولي : انا جاي الرياض من سلطنة عمان وفلوسي ضاعت ومحتاج بنزين عشان أرجع به عُمان ... !!!!!!!!!!!!!!!! ولو أعطيته وجيت بعد 5 دقايق تلاقيه واقف نفس الوقفه بينصب عالناس وكإنه بيجمع ثمن محطة بنزين سيفتتحها قريباً

او هي الست اللي دايرة في تاكسي طول اليوم وتوقف المارة والسيارات عشان تقول لهم إن فلوسها ضاعت وعايزة تدفع حق الليموزين .. وكإن بيتها كمان ضاع عشان تخلي الليموزين يوصلها لحد هناك وبعدين تحاسبه !!!!

او هو اللي بيجمع زكاة الفطر اللي عبارة عن ارز هنا في السعودية ويجمع يمكن أطنان من ده وده ويروح يبيعها بأبخس الأثمان للبقالات ..

بأصلي في مسجد كبير في وسط الرياض ..إمام المسجد طبيب .. بيصلي بنا المغرب والعشا والفجر .. وباقي الصلوات هو في عمله .. لكن عنده عقده برضوا من موضوع التسول ده .. ولإن المسجد ما شاء الله له ميزانية للصدقات والزكاوات .. فهو بيمنع اي حد يقوم بعد الصلوات عشان يتسول والمسجد عنده قوائم بأسماء ناس محترمة وفقراء محتاجين ... المهم من كام شهر كده وبعد صلاة العشا قام نطع يعيط ويأفلم الأفلام المعتادة دي .. راح قايم له بكل ذوق وقال له إتفضل معايا يا أخي الكريم .. في حجرة كده وراء المحرب بيدخل منها الشيخ .. مافيش 5 دقائق إلا والشيخ فتح الباب وبيزعق ويقول : أقول للناس إنت مين وإيه الأوراق اللي معاك دي وبتقول ده دليل حالتك المتعسرة ؟.

طبعاً صاحبنا خد بعضه وفريره على بره لإنه مجرم وحرامي ونصاب وجايب ورقتين من الزبالة يسرقنا بهم ..

فهل هذا عندما ننهره يبقى حرام ؟

يعني واحد بيحط إيده في جيبي عشان يقلبني .. لو زجرته وأديته على وشه .. أبقى كده خالفت الأية اللي بتقول " وما السائل فلا تنهر " ؟

[HDarwish]

مشكلتنا كمصريين على وجه الخصوص هي العاطفة اللي بتغلب دايما في تصرفاتنا على عقولنا

كلامك يا س س صح ميه الميه ومعقول جدا ... لكن تعالى مثلا تكون واقف في محطة قطر وتلاقي واحده غلبانه ماشية شايله عيل على ايديها وبنت صغيرة هدومها مقطعة وبتعيط ... صدقني في الوقت ده استحالة حد يعرف يحكم عقله ويتغلب على العاطفه ويمنع نفسه انه يعطيهم ولو جزء بسيط يقدر يساعدهم بيه ...

حكاية التبرع للمستشفيات وملاجيء الأيتام الكلام فيها في نقطتين:-

أولاً: معظم الناس بتكسل حتى إنها تسأل عن المكان ده اللي ممكن يتصدق فيه وإذا حدث بيكون بقصد الزكاة فقط ... وطبعا فيه فرق كبير بين الزكاة والصدقة والكلام فيهم يطول.

ثانياً: نفس المشكلة اللي بتقابلنا مع المتسولين (النصابين) ممكن برضه تقابلنا مع مراكز تبرع (نصابين) برضه ... وتبقى المشكلة برضه ما تحلتش.

مرة كنا قاعدين على القهوة وفي ساعة تجلي مني ... فكرة دارت في دماغي وخرجت عن لساني ... وسألت زمايلنا إحنا كام واحد مصري في الكويت وطبعا الإجابة معروفه وهي إن عددنا ما يقارب النصف مليون ... قلت عارفين يا جماعة لو واحد نصاب محترف ممكن يكسب حوالي نصف مليون دينار بفكرة صغيرة قوي ... إزاي ... النصاب ده لو لم من كل واحد مصر دينار (دينار واحد مش هيفرق مع أي حد بالمرة) هيقى معاه نصف مليون دينار ... طب إزاي يا فالح هياخد من كل واحد مصري في الكويت دينار ... أيوه هي دي النقطة .... وطبعا حلها سهل قوي وهي إن النصاب ده ممكن يروح على الأماكن اللي بيتجمع عندها المصريين بكثرة زي السفارة المصرية أو الخارجية أو القهاوي والجمعيات ويعمل إعلان صغير عن التبرع لمرضى السرطان أو ملاجيئ الأيتام أو حتى يقترح مشروع خيري للمصريين في الكويت وطبعا الكل مش هيتردد لإن المبلغ اللي هيدفعه قليل جدا وهو عبارة عن دينار

تخيلوا ... إن بالظبط إسبوعين ولقيت واحد من الناس اللي كانوا مشاركينا في الحوار ... عرفت إنه مر على ناس كثير جدا وراحلهم السكن مخصوص علشان يعرض عليهم الفكرة ... وفكرته كانت كالتالي إن فيه مستشفى ما في بلد ما مدعمة الأدوية والعلاج بسعر زهيد قوي وهو عباره عن خمسة جنيه وناس كثير جدا بالطوابير قدام المستشفى كل يوم مش عارفه حتى تدبر الخمسة جنيه دي وطبعا عن لسانه هو ومجموعه معاه من الناس اللي موجوده في مصر هيتكفلوا إنهم يوصلوا الفلوس دي للناس اللي مش قادره بإنه هيتكفل بجمع الفلوس من الكويت ويعدي على كل واحد أول كل شهر ياخد منه دينار ويحولهم للمجموعه اللي في مصر اللي هتتكفل بإنها مش حتى تعطي للناس في إيديها الفلوس .. لأ دول هيقطعوا التذاكر ويوزعوها على الناس اللي مش قادره اللي قدام المستشفى ....

تخيلوا ومع إني صاحب الفكرة ورغم ذلك لما اتعرض عليا الموضوع تبرعت وقولت برده مش هيفرق الدينار ده وهو جزائه عند ربنا ... سواء عمل بيها خير أو شر ... واللي أثبتلي إن الموضوع ده في شك ... إن المفروض إنه كانت الحكاية دي هتبقى شهرية لكن اللي حصل إنه جمع من الناس مرة واحده وبعد كده ما عرفشي إيه اللي حصل هل تاب ولا اصابه الكسل ولا إيه الله أعلم ... أه وكان من ضمن وصاياه إن مش المهم الدينار اللي الواحد هيدفعه لأ ده المهم إن كل واحد يبلغ كل اللي يعرفه من المصريين سواء في الشغل أو في السكن أو في الشارع.

في الآخر نرجع ونقول إننا شعب بيغلبنا التفكير العاطفي أكثر من التفكير بالعقل والمنطق.

تصبحوا على خير

[سهل جدا]

جزاك الله خيرا أستاذ (سين سين)

موضوع مهم وحيوي كأغلب مواضيعك

لكن معليش اسمحلي ..

لا يدركون إن من يُساعد مثل هؤلاء فهو يُحارب الله ورسوله ..

دي بصراحة واسعة أوي

الموضوع ده يرجع لنية المتصدق..

حتى لو كان المتصدق عليه لا يستحق الصدقة..

ودليل ذلك :

قوله صلى الله عليه وسلم:

(قال رجل لأتصدقن بصدقة

فخرج بصدقته فوضعها في يد سارق فأصبحوا يتحدثون تصدق على سارق فقال اللهم لك الحمد

لأتصدقن بصدقة فخرج بصدقته فوضعها في يدي زانية فأصبحوا يتحدثون تصدق الليلة على زانية

فقال اللهم لك الحمد على زانية لأتصدقن بصدقة

فخرج بصدقته فوضعها في يدي غني فأصبحوا يتحدثون تصدق على غني

فقال اللهم لك الحمد على سارق وعلى زانية وعلى غني

فأتي فقيل له أما صدقتك على سارق فلعله أن يستعف عن سرقته وأما الزانية فلعلها أن تستعف عن زناها وأما الغني فلعله يعتبر فينفق مما أعطاه الله)

رواه البخاري

والشاهد من الحديث إنه ثبت أجر المتصدق لأن نيته كانت خالصة لله..

ثم إنه ليس كل من يتسول غنيا (وإن كنت أتفق معك في أن أغلبيتهم كذلك)

وكثير منهم اضطرتهم الظروف للتسول

لأن أكثر الأغنياء للأسف لا يشعرون بالفقراء

فهم يعيشون في مناطق خاصة بهم (المناطق الراقية) منعزلين عن الفقراء والمحتاجين

ما سبق ليس دفاعا عن المتسولين

وإنما توضيح أكثر للصورة حتى لا نصدر أحكاما عامة في غير محلها..

والحل لهذه الظاهرة أن يقوم الأغنياء والصالحون بعمل جمعيات ومؤسسات خيرية لتوزيع الصدقات والزكوات على مستحقيها

وعندما تنتشر هذه المؤسسات والجمعيات في كل مكان من بلاد المسلمين .. عندها فقط يمكننا أن نعاقب أي متسول ..

[se_ Elsyed]

ما أنت قلت كده يا سهل عشان أقتطعت جزء من كلامي فقط ولم تستكمل الباقي ..

نقول تاني : موضوع النية .. لو أنا شايف واحد واقف كل يوم في نفس المكان .. أساعده برضوا على الفاسد واقول أنا نيتي سليمه ؟

وعن حديث الرجل اللي من بني إسرائيل اللي تصدق على غني وزانية .. بالتأكيد لم يكن يعرف !!

عامة ً إحنا بننصح واللي بيُصر إنه يكسل ويرمي الصدقة والزكاة لمن لا يستحق .. يبقى حسابه عند ربه

[محمد عيسى]

المستحق للصدقة لا يلزم ان يكون صاحب عاهة او مرض و اللي عايز يعرف المحتاج يقدر يشوف او يسال بدون احراج عن كثير من الاسر تعيش بدخل اقل من خط الفقر و تتعفف عن السؤال و لو اديتهم صدقه مش هايصرفوها في كماليات و انما هايستكملوا الاساسيات اللي ناقصاهم و هذا هو الأجدى من وجهة نظري لأنك بتساعد ناس شرفاء على كفاحهم في الحياة .. و غالبا بيكون عليهم ديون بسيطه او متوسطة ممكن تقضيها عنهم تحت بند (الغارمين) ده لو رفضوا ياخدوا المساعده مباشرة .. بينما القوائم اللي في المساجد كثير منها محترفين تسول برضه و لو عايزين يشتغلوا هايشتغلوا .. دي الشغالة المنزلية بتاخد مرتب اربع محاسبين