باستا تونة .. مع فلفل مشوى وبنجر مخلل

[بندق أفندى]

باستا تونا خفيفة وسريعة ..

تسلق المكرونة لمدة 7 دقائق ..

يفرم 3 فصوص ثوم .. تدبل فى زيت زيتون .. ثم يضاف زيتون أخضر وأسود مع قليل من الفلفل الأسود .. ثم تضاف التونة بعد تصفيتها من السائل المحفوظه فيه ..

بعد ثلاث دقائق الى خمس دقائق تضاف المكرونة المسلوقة ..

قدمت مع فلفل مشوى بعد تبيله بزيت زيتون وملح وخل .. وبنجر مخلل

دى شغل الحكومة ..

[fatfouta]

يا سلام يا سلام

ايه الجمال ده ربنا يخليلك الحكومة وتسلم ايديك وايديها يا رب

[بندق أفندى]

يا سلام يا سلام

ايه الجمال ده ربنا يخليلك الحكومة وتسلم ايديك وايديها يا رب

بس الحق يقال .. انا صاحب الجرأة دى فى المطبخ .. على اعتبار .. ايه اللى هيجرى يعنى؟ أكلة تفوت ولا حد يموت brth) ههههه

وبعدين هتتاكل يعنى هتتاكل ..

ربنا يسعدك ويخلى حضرتك

تم تعديل 21 مارس 2009 بواسطة بندق أفندى

[لولا]

المكرونة بالتونه - للى بيحب التونه - بتكون فعلا اكلة منقذة وقت الزنقة وانا تقريبا بعملها بنفس الطريقة بس بضيف صلصة بعد التونه

واخليها تتسبك مع اعشاب ايطاليه ومعلقة كتشب وبستعمل مكرونة قواقع صغيره عشان الصوص والتونه تدخل جواها ..

بص من الآخر انا بحب المكرونة بالتونه بكذا طريقه وممكن اخترع كذا طريقة للطبخ ليها .

على فكرة انتا هايل جدا جدا فى موضوع الخضار .. اسمحلى احييك بجد .. فلفل رومى مشوى .. حقيقى نادرا لما بصادف

راجل بيحرص ديما على احتواء الأكل على صنف خضار وياكله كده وهو حاسس انه لذيذ .

جوزى بيتعبنى جدا فى موضوع الخضار .. صعب جدا اضيف خضار مشويه او سوتيه لأى صنف لأنى غالبا باكلها لوحدى

واى طبق فى اى مطعم فيه خضار بيستبدله ببطاطس وبابا واخواتى وكل الناس اللى اعرفهم كده ... انتا استثناء نادر جدا على فكره :lol: :blink:

انا مش بحسد والله .. ادينى حقول مشاء الله تبارك الله قبل ما امشي ;)

وطبق ممتاز جدا جدا زى ما انتا معودنا ديما ..

الف شكر

لولا

[بركة]

مزيد من الابداع للشيف المميز بندق ;)

[se_ Elsyed]

المكرونة بالتونه - للى بيحب التونه - بتكون فعلا اكلة منقذة وقت الزنقة

عدم اللامؤخذه دي أكلات المرأة العاملة ..

فين محشي ورق العنب ... وحلة الكوارع اللي بالممبار .. ولا فتة الفخده الضاني ..

مش تقوليلي تونه بالقواقع البحرية مع صلصة المايونيز في الفرن ..

[بندق أفندى]

المكرونة بالتونه - للى بيحب التونه - بتكون فعلا اكلة منقذة وقت الزنقة وانا تقريبا بعملها بنفس الطريقة بس بضيف صلصة بعد التونه

واخليها تتسبك مع اعشاب ايطاليه ومعلقة كتشب وبستعمل مكرونة قواقع صغيره عشان الصوص والتونه تدخل جواها ..

بص من الآخر انا بحب المكرونة بالتونه بكذا طريقه وممكن اخترع كذا طريقة للطبخ ليها .

على فكرة انتا هايل جدا جدا فى موضوع الخضار .. اسمحلى احييك بجد .. فلفل رومى مشوى .. حقيقى نادرا لما بصادف

راجل بيحرص ديما على احتواء الأكل على صنف خضار وياكله كده وهو حاسس انه لذيذ .

جوزى بيتعبنى جدا فى موضوع الخضار .. صعب جدا اضيف خضار مشويه او سوتيه لأى صنف لأنى غالبا باكلها لوحدى

واى طبق فى اى مطعم فيه خضار بيستبدله ببطاطس وبابا واخواتى وكل الناس اللى اعرفهم كده ... انتا استثناء نادر جدا على فكره :waving: :happy:

انا مش بحسد والله .. ادينى حقول مشاء الله تبارك الله قبل ما امشي :)

وطبق ممتاز جدا جدا زى ما انتا معودنا ديما ..

الف شكر

لولا

طيب عشان حضرتك بتقدرى السلطة .. الأكلة الأصلية أهه

هو ينفع أكل بدون سلطات ومشهيات؟

[بندق أفندى]

مزيد من الابداع للشيف المميز بندق :)

الله يخليكى يا مدام ياللى كلك بركة ..

[بندق أفندى]

المكرونة بالتونه - للى بيحب التونه - بتكون فعلا اكلة منقذة وقت الزنقة

عدم اللامؤخذه دي أكلات المرأة العاملة ..

فين محشي ورق العنب ... وحلة الكوارع اللي بالممبار .. ولا فتة الفخده الضاني ..

مش تقوليلي تونه بالقواقع البحرية مع صلصة المايونيز في الفرن ..

محشى ورق العنب موجود .. والكرنب موجود .. والكوارع موجود .. الممبار لأ (بندور على حد يعزمنا) .. الفخدة الضانى مسلوقة لأ

طب شوف دى

[لولا]

المكرونة بالتونه - للى بيحب التونه - بتكون فعلا اكلة منقذة وقت الزنقة

عدم اللامؤخذه دي أكلات المرأة العاملة ..

فين محشي ورق العنب ... وحلة الكوارع اللي بالممبار .. ولا فتة الفخده الضاني ..

مش تقوليلي تونه بالقواقع البحرية مع صلصة المايونيز في الفرن ..

محشى ورق العنب موجود .. والكرنب موجود .. والكوارع موجود .. الممبار لأ (بندور على حد يعزمنا) .. الفخدة الضانى مسلوقة لأ

طب شوف دى

اكل المرأة العامله ha)

للأسف هو كده فعلا .. بس حنعمل ايه بس .. اهو اكل وخلاص :Exclam:

والحمد الله الحمد الله الحياه اهى ماشيه وادينا عايشييييييييييييييييييييييييين ha)

الأكلات اللى انتا بتقول عليها دى يا سي السيد بتتعمل فى العزومات يافندم او الويك اند ..اهو انا فى الشهور الأولى من الجواز حبيت اعمل فيها شملولة

وست الستات وكنت اطبخ الطبخة التمام وبعدين لقيت ان صحتى راحت من وقفة المطبخ كل يوم بعد الشغل واحنا اصلا محدش فينا

اكيل من اساسه .. اشتريت دماغى بعد فترة واهى الحياة ماشية بمبى برضوا :Exclam:

بيعجبنى فى مطبخ بندق انه سريع وصحى ومبتكر ...

بس يا بندق باشا .. امممممممممممم الصورة اللى انتا حاططها دى ... حرااااااااااااااااااااااااااااااااااااااااااااااااااااااااام عليك ha)

دى بتفكرنى بالضلوع المشويه فى تشيلز بصلصة التفاح ... اهو كان ناقصها تفاح عشان تبقى افتكاسه من افتكاساتك المعهوده :D

انتا عاملها بالصويا صوص ؟؟ اصل لمعة التحمير اللى من بره بتقول كده .. بس لذيذ موضوع البيبى بوتايتو دا شكله تحفة .

اكله هايلة جدا طبعا ... تستاهل عليها دى :Exclam:

لولا

[se_ Elsyed]

بندق .. عملت البتاعه دي إزاي ؟

يعني مسلوقه وبعدين شويتها ؟

وبعدين هو الأكل عندك شكله بيبقى حلو ومختلف عن اللي عندنا ليه ؟.

مش قلت لك .. إنت محسسني إني بأكل من خشاش الأرض

بس الحاجه الوحيدة اللي ما اكنتش مختلفة هو السمك اللي في لافرن ابو طيحنة .. أول ما خرجت الصينية كان شكلها توووحفه ( مين بيقول توحفه دي .. لولا وتُهامي ؟ )

[بندق أفندى]

شوف يا س س أنت ومدام لولا .. الموضوع بسيط خالص .. فى رأيى الشخصى أى أكلة بيكون فيها حتة صغيرة هى اللى بتغير التايب بتاعها والطعم .. ودى حاجة بسيطة أوى .. الفخدة صحيح تقليدية .. بس طبخها مش تقليدى .. لأنها مش فى الفرن .. دى معمولة بالكامل على صينية على البوتاجاز من فوق .. و÷انزلها فى طريقة لو حدها

كمان فكرتينى بالضلوع عندى واحدة وهانزلها ان شاء الله .. وبمناسبة المطاعم رحنا الخميس أبل بييز وطبعا عشان احنا شيفات اخترنا الأكل صح ..

وجبة كانت جمبرى مشوى مع سبانخ بالكريمة وكانت الوجبة تحفة .. وهانزلها لكم فى مرة .. والتانية كانت سلمون مشوى .. وبرضه عندى منها أفكار ووجبات كتير ..

انتظرونا ..

[se_ Elsyed]

انتظرونا ..

ويتنج فور يو يا ريس

بس بلاش السبانخ اللي بالكريمة عشان نفسي بتجزع منها .. :sad:

يعني خليها وصفة سرية وإبعتها للناس عالخاص :sad:

إدخل عليه بالفخده الضاني ...

وبعدين الريش ( كوستاليتا ) .. أنا مدمن ريش يا بندق ... ياريت تظبطنا في كام وصفة كده من بتوع تذكرة داود ...

كلام في سرك .. عايز ألحق أكل كل الأكلات الدسمة واللي نفسي فيها قبل ما أوصل لسن الأربعين وبنتدي بقى أكل البزادي والسوتيه والني في ني ..

[HDarwish]

سلمون مشوى،، وسبانخ بالكريمة،،، :sad:

ما هو يا إما أنا اللي من المريخ يا إما إنتم اللي من المريخ

الشيف بندق ... المحترم

دي أول مرة أشارك في موضوع ليك علشان فعلا كل مره بدخل موضوع من مواضيعك بطلع منها متضايق ومتعقد وبتحسسني فعلا ان طول عمري عايش مخدوع بالكام صنف اللي ما بيتغيروش في حياتي وأتاري فيه هناك أكلات عمري ما سمعت عنها ...

لكن المرة دي كنت لازم أعلق ... سلمون مشوي وكمان سبانخ بالكريمة !!!!!!

تحياتي

[alsaher]

بندق باشا

اليوم جربت المكرونة والتونا

بس للأسف ما لقيتش لا الباستا ولا القواقع في الصحرا اللي أنا فيها :wub:

معملتها بمكرونة الصغيرة خالص

وعملت المكرونه بالصلصة زي توصية لولا

بس طلع طبق تحفه بصراحه

وسريع وتغيير

طبق التونا حطيت عليه حاجات كتير ، زيتون وفلفل أخضر مفروه وبصل مفروم والتوم زي ما حضرتك قلت وورق نعناع وليمون وشويه ملح

الفلفل الرومي بأحب أقطعه بشكل دائري ورقيق ومن غير شوي ولا حاجة مع شرائح خيار رقيقة

بس بجد طبق كان تحفه

وبالنسبة للفخدة الضاني ، كنت عملتها في تالت أيام عيد الأضحى بس كان مش فخده كان دراع

أصل زميلي يومها لخبط وراح جايب الدراع بدل الفخده :sad:

يومها كنت محتار إزاي أعمل صوص

فرحت جايب حبتين صغيرين طماطم ، وراميهم بالخلاط ، وحاطط عليهم قرفة وكزبرة وهيل ، وفلفل أسود وملح

وضاربهم كده مع بعض في الخلاط بعض ما طحنت البهارات ، ودهنت اللحمه بيهم :wub:

شكرا جزيلا

وفي إنتظار إبداعاتك دائما

[بندق أفندى]

سلمون مشوى،، وسبانخ بالكريمة،،، :unsure:

ما هو يا إما أنا اللي من المريخ يا إما إنتم اللي من المريخ

الشيف بندق ... المحترم

دي أول مرة أشارك في موضوع ليك علشان فعلا كل مره بدخل موضوع من مواضيعك بطلع منها متضايق ومتعقد وبتحسسني فعلا ان طول عمري عايش مخدوع بالكام صنف اللي ما بيتغيروش في حياتي وأتاري فيه هناك أكلات عمري ما سمعت عنها ...

لكن المرة دي كنت لازم أعلق ... سلمون مشوي وكمان سبانخ بالكريمة !!!!!!

تحياتي

شوف يا عم اتش درويش .. انا دائما مع الافتكاس فى حدود المتاح ..

زمان وأنا صغير كنت بأشوف السلمون كسمك سليم وبعدين اختفى تماما .. لحد ما سافرت ولقيته قدامى .. وشفت أكتر من طريقة لعمايلة وعملت انا من عندى .. كده لا أنا من المريخ ولا انت من النجوم هههههههههه

وصدقنى الكم صنف للى مش عاجبينك نعمة وفضل .. انت بس حاول تجدد فيهم وتنوع والموضوع بسيط أوى

ولو سمحت الظروف أكيد هأعزمك .. عشان تعرف انه الموضوع بسيط خالص

[بندق أفندى]

بندق باشا

اليوم جربت المكرونة والتونا

بس للأسف ما لقيتش لا الباستا ولا القواقع في الصحرا اللي أنا فيها :ninja:

معملتها بمكرونة الصغيرة خالص

وعملت المكرونه بالصلصة زي توصية لولا :unsure:

بس طلع طبق تحفه بصراحه

وسريع وتغيير

طبق التونا حطيت عليه حاجات كتير ، زيتون وفلفل أخضر مفروه وبصل مفروم والتوم زي ما حضرتك قلت وورق نعناع وليمون وشويه ملح

الفلفل الرومي بأحب أقطعه بشكل دائري ورقيق ومن غير شوي ولا حاجة مع شرائح خيار رقيقة

بس بجد طبق كان تحفه

وبالنسبة للفخدة الضاني ، كنت عملتها في تالت أيام عيد الأضحى بس كان مش فخده كان دراع

أصل زميلي يومها لخبط وراح جايب الدراع بدل الفخده :sad:

يومها كنت محتار إزاي أعمل صوص

فرحت جايب حبتين صغيرين طماطم ، وراميهم بالخلاط ، وحاطط عليهم قرفة وكزبرة وهيل ، وفلفل أسود وملح

وضاربهم كده مع بعض في الخلاط بعض ما طحنت البهارات ، ودهنت اللحمه بيهم :blink:

شكرا جزيلا

وفي إنتظار إبداعاتك دائما

عمنا الساهر ... كل واحد بيطبخ حسب ما مناخيره ولسانه ما بيشمو ويدوقو .. والا ما كنش فيه التنوع الرهيب ده ..

على فكرة دى كمان ايه (كتف) وانا بأحبها أكتر من الفخد عشان أخف وانعم)

بس نادار ما أحط طماطم على السمك مثلا أو على اللحم أو على الدجاج