هو انا عايش ليه ؟؟

[MoHaMMeD EgYpT]

على فكره الي انت فيه دلوقت ده مش لان ظروفك صعبة وميؤوس منها وانما لانك بتمر بحالة اكتآب بس جايه جامده شويه ..

لما بيكون عندنا اكتآب دائما بنشوف بس الجزء الوحش من كل حاجه ودائما نقعد نفكر في زمان وكل حاجه سوده حصلت فيه .. نرتب الصور في شريط اسود مليان احداث مظلمه ونقعد نبص لها ونفتكر ونعيط على عمرنا الي راح هدر ..

لو عاوز تخرج من الحاله الي انت فيها دي خليك منطقي في التفكير ..

فعلا الظروف الي انت مريت بيها دي ظروف قاسية جدا بس خلي بالك معظم الناس الي بتشتغل برا عيالها مروا بالظروف دي ولمده سنين مش بس سنة وحده .. يمكن الفرق ان الغالبية بتقفل بابها على نفسها وانت كنت بتخرج وتشوف الدنيا ..

والدتك مش ظالمه اوي زي ماانت فاكر .. انا مش هدافع عنها لاي سبب لكن بقولك الحقيقة .. لاحظ انها انظلمت في زواجها الاول واتبهدلت ورجعت سافرت ومضطره تشتغل وتتعب وتطلع عينها عشان تبعت لك الفلوس الي يجوز قليلة من وجهة نظرك بس هي اكيد تعبت فيها اوي على ماقدرت تجيبها لك .. وحده تانيه كان ممكن تتزوج شخص محترم يصونها ولا يعمل فيها الي عمله زوجها الاول . . ووحده تانيه برضه كان ممكن تكون دلوقت مرتاحه في بيتها وزوجها هو الي بيشتغل ويصرف عليها .. بل ان كان ممكن تكون في بلدها وسط اهلها يكفي انها انحرمت من اهلها ومن ابنها الي هو انت وبغض النظر عن موقفها منك او مشاعرها السلبية ناحيتك فانت مدخلتش جواها مايمكن بتحبك بس من كتر القسوة الي تعرضت لها في حياتها مش قادره تخرج الحب ده او تعبر لك عنه..

واستوقفني في كلامك انك دائما بتلوم حد .. مش ملاحظ كده؟

يعني في الاول لمت الاب بعدين الام بعدين مصر كلها حته وحده .. طيب مش يمكن ميكونش العيب في كل دول وتكون انت متحمل ولو جزء من المسؤولية ؟

ليه بتلتمس لنفسك العذر في ان ظروفك كانت وحشه اوي وملكش اهل ومع ذلك منحرفتش يبقى خلاص انت كده براءة ومنهم لله هم الي عملوا فيك كل حاجه وحشه ؟ طيب مش يمكن انت تاعبهم ( شويه ) ولك اسلوب مستفز ( شويه برضه ) ومسبب لهم مشاكل هي الي مخلياهم يعملوا لك المحضر والكلام الي مأثر في نفسيتك ده .؟

طيب مش يمكن برضه هم مش عارفين قد ايه انت حساس وقد ايه عمال تفكر في وضعك وقد ايه صعبان عليك حالك ويمكن فاكرينك انك راضي بما انت عليه بل ويمكن كمان فاكرين انك انت الي عاوز كده ومصر انه ميتغيرش ؟

جربت تصارح والدتك بكل الي انت صارحتنا بيه النهرده بس بطريقة يكون فيها شيء من الـ .. مش عارفه اقولها لك ازاي ولكن انا متاكده انك كلمت مامتك دي كتير اوي بكل الي قلته بس من باب المعايرة او سرد الاخطاء واكيد هي كأم مستحيل تقبل كده من ابنها .. جربت انك تكلمها بمنطق الي بيحاول يدور على حل مش بيتصيد الاخطاء ؟

زي ماوالدتك او والدك حملوك في سنك الصغير فوق طاقتك فانت برضه عمال تحملهم فوق امكانياتهم .. يعني والدك خلاص امكانياته كده مش قادر يفتح بيت لاي سبب كان فترك الجمل بماحمل .. والدتك حملها ثقيل وكتر الف خيرها الي قادره تشيله لوحدها فخلاص طاقتها كده مش هتقدر تتحمل فوق الحمل حملين ..

حتى جدتك الله يرحمها الي بتحمل موتها على والدتك وهي بريئة منه.. جدتك مماتتش عشان الفلوس مكانتش مكفية جدتك ماتت عشان عمرها انتهى .. لو معاها اموال الدنيا في اللحظة دي مكانتش هتنفعها طالما ده يومها ..

متنساقش وراء وساوس الشيطان الي عاوزه تكرهك في كل الي حواليك وتصور لك ان كلهم مش عاوزينك او ضدك ..

وضعك قد يكون صعب لكن الحياه كلها ابتلاءات واحنا موجودين فيها اصلا عشان نتعب بس الشطاره اننا منبصش للجزء الفارغ من الكوب ونحاول دائما ان بين لحظات التعاسه نوجد لنفسنا فسحه من الامل ..

واخيرا حلو اوي انك بتصلي وبتناجي ربنا .. استمر على كده وكلمه وقوله كل الي بتحس بيه .. قوله يارب ان كان يرضيك الي بيحصل لي رضيني بيه وان مكانش فاعملي الي يرضيك .. وبس سيبها بعد كده على ربنا وان شاء الله مش هيخذلك ..

اولا : بخصوص الاكتئاب انا فعلا حاسس اني مكتئب و شايف كل حاجة سودة في وشي

و بخصوص والدي و والدتي انا بصراحة مش عارف اقول ايه بخصوصهم والدي رماني و رمي طوبتي من زمان و والدتي بتحملني غلطة ابويا و انه اخد كل شئ منها و انه كان بتاع مخدرات و ...الخ

اما بخصوص المحضر انا مش اقول ايه كل اللي هقوله حسبي الله و نعم الوكيل في حكومة مصر كلها لانها هي اللي سمحت لهم بكده و هما عملوا المحضر علشان يبقيوا في امان يعني بالعربي لو جري لي اي شئ مش هيحصل لهم حاجة و محدش هيسالهم

و بخصوص اني تعبهم انا عمري ما تعبتهم والدي اساسا نسيته و هو مش عاوزني فعمل المحضر اما بخصوص والدتي مخنوقة مني علشان ابويا و اللي عملوه فيها و بجد بتتخانق معيا لاتفه الاسباب

يالا هخليها علي ربنا وزي ما تيجي تيجي :)

[MoHaMMeD EgYpT]

ايه رايك مش اي حاجه تغير التوبيك الكئيب الي عملته لنا ياأ ستاذ محمد

:blush2: والله عندك حق :)

[MoHaMMeD EgYpT]

يا محمد باشا أهلا بيك وهونها تهون

الدنيا مليانه واللي يشوف بلوة غيره تهون عليه بلوته

لو حكيتلك قصتي كنت حمدت ربنا على حالك وأنا بنت مش راجل زيك وربنا لما بيحميك بيحميك لانه

بيحبك وعالم بأن فيك خيرا سينفع به غيرك في يوم من الايام وستنير الدنيا ومن حولك بتجربتك

التي ستصقلك وتجعل منك رجلا حكيما وزوجا عظيما وأبا حنونا باذن الله :blush2:

فعلا اللي يشوف بلوة غيره تهون عليه بلوته

يالا خليها علي الله و زي ما تيجي تيجي :)

[jamalpody]

لماذا تعيش ؟

سؤال بحق كل منا بحاجة إلى وقفة مع نفسه ليجيب عليه ؟

الكثيرين تمر أيامهم وتمر أعمارهم

ويكتشف فجأة أن العمر قد مضى وانتهى

وماذا صنع فيه ؟

؟؟؟

إن الله عز وجل قد خلقنا لسبب

لم يخلقنا سدى ولا هملا

بل قال فى كتابه العزيز :

{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ }

الذاريات56

لقد خلقت لعبادة الله

لم تخلق لتعمل

ولم تخلق لتتزوج

ولم تخلق لتربى أبنائك

بل كل هذا أنت تعمله عبادة لله

فليس الهدف الزواج نفسه

أو العمل ذاته

أو تربية الأبناء

بل الهدف إرضاء الله عز وجل من خلال هذه الأعمال

فأنت تتزوج لتكون أسرة مسلمة و بيت مسلم يطاع فيه أمر الله

و يقام فيه شرع الله ويعبد فيه الله

تعمل لتنفق على بيتك وأولادك طاعة لأمر ربك الذى أوجب عليك ذلك

تربى أبناءك ليكونوا أبناء صالحين يعبدوا الله و ينصروا دينه فى الأرض

فهل أنت حقا تعيش لما خلقك الله له ؟

هل تعيش لعبادته ؟

هل هدفك الأعظم "مرضاة الله " ؟

إن كنت هكذا فأنت فى نعمة عظيمة والله

ويا لسعادتك إن رضى الله عنك

ويا له من نعيم ستحيا فيه إن نلت رضاه

يقول تعالى :

{وَعَدَ اللّهُ الْمُؤْمِنِينَ وَالْمُؤْمِنَاتِ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا

وَمَسَاكِنَ طَيِّبَةً فِي جَنَّاتِ عَدْنٍ

وَرِضْوَانٌ مِّنَ اللّهِ أَكْبَرُ ذَلِكَ هُوَ الْفَوْزُ الْعَظِيمُ }

التوبة72

نعيم أكبر من الجنة

نعيم الرضا

رضا الله عنك

عن أبي سعيد الخدري رضي الله عنه

أن النبي صلى الله عليه وسلم قال:

" إن الله عز وجل يقول لأهل الجنة يا أهل الجنة هل رضيتم؟

فيقولون: ما لنا لا نرضى وقد أعطيتنا ما لم تعط أحدا من خلقك،

فيقول: ألا أعطيكم أفضل من ذلك؟

فيقولون: يا رب وأي شيء أفضل من ذلك؟

فيقول: أحل عليكم رضواني فلا أسخط عليكم بعده أبدا".

صحيح البخاري ومسلم وابن حبان والترمذي واحمد

و إن كنت تحيا لغير ذلك

فهيا الفرصه أمامك

أمامك أعظم شئ و أفضل شئ يناله بشر على ظهر الدنيا

"رضا الرحمن"

سارع إليه و اسعى فى ابتغاء مرضاته

واجعل نومك ويقظتك

حركاتك وسكناتك

كل لحظة من عمرك فى سبيل الله وابتغاء رضا الله

وقتها ستحيا نعيم لا يساويه نعيم أبدا

وستجد سعادة حقيقية تملأ القلب وتفيض على الجوارح

ستنال " رضا الرحمن"

اللهم ارضى عنا رضا لا سخط بعده أبدا

اللهم اجعل أنفاسنا فى سبيلك وابتغاء مرضاتك

اللهم اجعلنا لك كما تحب وترضى

اللهم اقبضنا إليك و أنت عنا راضٍِِِِِِ

.

[fatfouta]

يا نهااااااااار ابيض محمد الجميل زعلان مش ممكن يابنى ده احنا كلنا عارفينك بضحتك

عارف لما كنت صغننة ادك كده كنت ذيك كده لما يحصل مشكلة فى البيت او نتزنق ولا حاجة كنت احس ان الدنيا وحشة اوى اوى وماتكلمش مع حد واعمل نفسى ادام صحابى فى المدرسة انى مبسوطة وفرحانة واكتم فى قلبى وخلاص

لكن اكتشفت لما كبرت انه كده غلط لازم تتكلم وتقول اللى جواك لان مجرد الكلام هيخليك تحس انك ارتاحت وبعدين هتلاقى فين ناس ردوا عليك ويهونوا عليك ذى هنا شوف الردود جميلة اد ايه وكلهم خايفين عليك

مش هقولك غير اصبر وخليها على الله ذى مانت بتقول يا محمد ده هو ارحم الراحمين وبيعمل كده عشان تبقى راجل جاااااااااااااامد وكل المشاكل دى تأثر فى شخصيتك بالايجاب يعنى تبقى قوى وتقدر تتحمل المسئوليه

وذى ماقتلك دهبية الحمد لله على الصحة وكفاة انك قادر تقف على رجلك يا محمد ده فيه ناس بتبقى تعبانه جدااا وتشوفها وتشوف املها فى الدنيا تستغرب بس عارف ليه عشان بيقولوا يااااااااارب

خليك مع ربنا صلى وادعى

عارف لما تكبر شوية هتفتكر المشاكل دى وتحس انها خلاص بقت صغيرة اوى بالنسبالك وهتلاقيها هااااااااانت ماتخافش والله

ده ربك كريم اوى بس انت مش حاسس

وياللا بقى عاوزة اسمع قصدى اقرأ احلى ضحكة ههههههههههه

ياللا مضحكتش ليه يابنى؟ ايوه ابنى لانى لو كنت اتجوزت وانا عندى 16 او 17 سنه كان محمد ابنى هيبقى ادك كده شفت بقى

ماتزعلش وقوم فرفش واسمع كلام الناس الحلوين العاقلين اللى هنا دول

ياللا سلام عاوزة الاقيك دايما بتضحك هههههههههههههههههههههه

تم تعديل 22 مارس 2009 بواسطة fatfouta

[MoHaMMeD EgYpT]

لماذا تعيش ؟

سؤال بحق كل منا بحاجة إلى وقفة مع نفسه ليجيب عليه ؟

الكثيرين تمر أيامهم وتمر أعمارهم

ويكتشف فجأة أن العمر قد مضى وانتهى

وماذا صنع فيه ؟

؟؟؟

إن الله عز وجل قد خلقنا لسبب

لم يخلقنا سدى ولا هملا

بل قال فى كتابه العزيز :

{وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ }

الذاريات56

لقد خلقت لعبادة الله

لم تخلق لتعمل

ولم تخلق لتتزوج

ولم تخلق لتربى أبنائك

بل كل هذا أنت تعمله عبادة لله

فليس الهدف الزواج نفسه

أو العمل ذاته

أو تربية الأبناء

بل الهدف إرضاء الله عز وجل من خلال هذه الأعمال

فأنت تتزوج لتكون أسرة مسلمة و بيت مسلم يطاع فيه أمر الله

و يقام فيه شرع الله ويعبد فيه الله

تعمل لتنفق على بيتك وأولادك طاعة لأمر ربك الذى أوجب عليك ذلك

تربى أبناءك ليكونوا أبناء صالحين يعبدوا الله و ينصروا دينه فى الأرض

فهل أنت حقا تعيش لما خلقك الله له ؟

هل تعيش لعبادته ؟

هل هدفك الأعظم "مرضاة الله " ؟

إن كنت هكذا فأنت فى نعمة عظيمة والله

ويا لسعادتك إن رضى الله عنك

ويا له من نعيم ستحيا فيه إن نلت رضاه

يقول تعالى :

{وَعَدَ اللّهُ الْمُؤْمِنِينَ وَالْمُؤْمِنَاتِ جَنَّاتٍ تَجْرِي مِن تَحْتِهَا الأَنْهَارُ خَالِدِينَ فِيهَا

وَمَسَاكِنَ طَيِّبَةً فِي جَنَّاتِ عَدْنٍ

وَرِضْوَانٌ مِّنَ اللّهِ أَكْبَرُ ذَلِكَ هُوَ الْفَوْزُ الْعَظِيمُ }

التوبة72

نعيم أكبر من الجنة

نعيم الرضا

رضا الله عنك

عن أبي سعيد الخدري رضي الله عنه

أن النبي صلى الله عليه وسلم قال:

" إن الله عز وجل يقول لأهل الجنة يا أهل الجنة هل رضيتم؟

فيقولون: ما لنا لا نرضى وقد أعطيتنا ما لم تعط أحدا من خلقك،

فيقول: ألا أعطيكم أفضل من ذلك؟

فيقولون: يا رب وأي شيء أفضل من ذلك؟

فيقول: أحل عليكم رضواني فلا أسخط عليكم بعده أبدا".

صحيح البخاري ومسلم وابن حبان والترمذي واحمد

و إن كنت تحيا لغير ذلك

فهيا الفرصه أمامك

أمامك أعظم شئ و أفضل شئ يناله بشر على ظهر الدنيا

"رضا الرحمن"

سارع إليه و اسعى فى ابتغاء مرضاته

واجعل نومك ويقظتك

حركاتك وسكناتك

كل لحظة من عمرك فى سبيل الله وابتغاء رضا الله

وقتها ستحيا نعيم لا يساويه نعيم أبدا

وستجد سعادة حقيقية تملأ القلب وتفيض على الجوارح

ستنال " رضا الرحمن"

اللهم ارضى عنا رضا لا سخط بعده أبدا امين

اللهم اجعل أنفاسنا فى سبيلك وابتغاء مرضاتك امين

اللهم اجعلنا لك كما تحب وترضى امين

اللهم اقبضنا إليك و أنت عنا راضٍِِِِِِ امين

.

والله العظيم كلام حضرتك كله كله حكم و بجد انا اقتنعت بكلام حضرتك و فعلا الانسان خلق لعبادة الله بس في الايام الاخيرة اتخنقت جامد اوي فعلشان كده حسيت اني ماليش اي فايدة لكن دلوقتي الحمد لله عرفت ربنا خلق الانسان ليه :waving:

و بجد بجد الف شكر لحضرتك :) علي المشاعدة

[MoHaMMeD EgYpT]

يا نهااااااااار ابيض محمد الجميل زعلان مش ممكن يابنى ده احنا كلنا عارفينك بضحتك

عارف لما كنت صغننة ادك كده كنت ذيك كده لما يحصل مشكلة فى البيت او نتزنق ولا حاجة كنت احس ان الدنيا وحشة اوى اوى وماتكلمش مع حد واعمل نفسى ادام صحابى فى المدرسة انى مبسوطة وفرحانة واكتم فى قلبى وخلاص

لكن اكتشفت لما كبرت انه كده غلط لازم تتكلم وتقول اللى جواك لان مجرد الكلام هيخليك تحس انك ارتاحت وبعدين هتلاقى فين ناس ردوا عليك ويهونوا عليك ذى هنا شوف الردود جميلة اد ايه وكلهم خايفين عليك

مش هقولك غير اصبر وخليها على الله ذى مانت بتقول يا محمد ده هو ارحم الراحمين وبيعمل كده عشان تبقى راجل جاااااااااااااامد وكل المشاكل دى تأثر فى شخصيتك بالايجاب يعنى تبقى قوى وتقدر تتحمل المسئوليه

وذى ماقتلك دهبية الحمد لله على الصحة وكفاة انك قادر تقف على رجلك يا محمد ده فيه ناس بتبقى تعبانه جدااا وتشوفها وتشوف املها فى الدنيا تستغرب بس عارف ليه عشان بيقولوا يااااااااارب

خليك مع ربنا صلى وادعى

عارف لما تكبر شوية هتفتكر المشاكل دى وتحس انها خلاص بقت صغيرة اوى بالنسبالك وهتلاقيها هااااااااانت ماتخافش والله

ده ربك كريم اوى بس انت مش حاسس

وياللا بقى عاوزة اسمع قصدى اقرأ احلى ضحكة ههههههههههه

ياللا مضحكتش ليه يابنى؟ ايوه ابنى لانى لو كنت اتجوزت وانا عندى 16 او 17 سنه كان محمد ابنى هيبقى ادك كده شفت بقى

ماتزعلش وقوم فرفش واسمع كلام الناس الحلوين العاقلين اللى هنا دول

ياللا سلام عاوزة الاقيك دايما بتضحك هههههههههههههههههههههه

فعلا الواحد بيستريح لما بيقول اللي جواه و فعلا انا حاسس ان كل اعضاء المحاورات ناس محترمين و كلنا زي اسرة واحدة و بنساعد بعض و بصراحة عمري ما اتكلمت بصراحة كده في اي حتة تانية و فعلا في ناس ظروفها اصعب مني و الحمد لله علي كل شئ و ان شاء الله ظروفي تتحسن و فعلا طول ما انا مع ربنا ربنا هيكون معايا و فعلا ربنا كريم اوي لانه بجد حماني قبل كده لاني بجد شوفت حاجات فظيعة جدا بس الحمد لله عمري ما عملتها و حتي لو مشاكلي ما اتحلتش بس بجد انا اتعلمت منها و اخدت خبرة جامدة جدا منها و انا رجعت نفسي و قعدت شوية مع نفسي لقيت نفسي ببص للجزء الفارغ من الكوب لانها مهما كانت حياتي صعبة بس برده انا كسبت حاجات كتير منها :waving:

و عندك واحد ضحكة و صلحه :happy:

ههههههههههههههههههههههههههههههههههههههه

و بجد شكرا لحضرتك علي المساعدة :)

[hamada]

يا سيدى الصبر وباذن الله كل شئ يهون مدام انك واثق من انك ليك رب اسمة الرحيم

وبعدين كلنا مرينا بظروف صعبة وبفضل ربنا هون علينا والحمد لله اتصلح الحال وتمام

ماعليك غير انك تقرب من ربنا اكتر وهتلاقى الحل عندة

[الباشمهندس ياسر]

عايز اسالك سؤال واحد

كيف تصنع الرجال؟؟

بالمشاكل و مصاعب الحياة ولا بالبسكويت ؟؟؟

رد عليا و بعدين نتفاهم ف اى حاجة انت عايزها

[سؤال]

الاخ محمد صدقنى ظروفك ديه بيمر بها كتير من الى اهلهم بينفصلو

وانا اعرف شاب كان يمر بظروف لاتختلف كتير عن ظروفك وهو الان متزوج وناجح جداجدا بعمله ومشاء الله مع ذلك يسترضى امه وهى مهما يفعل لا ترضى بل تعامله بجفاء برغم انه انسان محترم جدا ويحاول استرضائها فقط لينال رضى الله برغم انها لم تكن تسال عنه ابدا وهو تقريبا ربى نفسه بنفسه

و اعرف قصه لواحد زميل ابوه طلق والدته وهو واخته عمرهم بضع سنوات وعندما كان يزورهم زيارته الاخيره وهم صغار كانو يجرون خلفه ليطلبو منه نقود فدفع البنت من على السلم فوقعت على السلم فنذفت ولم تنسى ابدا هذا الموقف

وذهب هو وتزوج لكنه انجب ابناء غير متفوقين احسنهم شهاده متوسطه بينما ابناؤه من زوجته الاولى البنت اصبحت مهندسه والابن مدرس ولم يكن يراهم منذ تلك الحادثه ولكنهم عندما اصبحو ا هكذا كان يتفاخر بهم امام الناس وذهب اليهم وحاول استرضائهم ليعرفوه وكتب لهم من ماله تعويضا عن هجره لهم طوال السنين اعلم انه لم يعوضهم لكن اريد ان اقول ان نجاهم هوه الى جابه ليهم

ومهما كانت ظروفك حاو ل الا تنسى ذكر الله و ان تنجح بدراستك لان مستقبلك هوه الى هيخلى اهلك يتشرفو بيك ويتقربو منك ام لو فشلت هيبعدو عنك وكل واحد هينسب فشلك للتانى

[الجدار]

وياللا بقى عاوزة اسمع قصدى اقرأ احلى ضحكة ههههههههههه

ياللا مضحكتش ليه يابنى؟ ايوه ابنى لانى لو كنت اتجوزت وانا عندى 16 او 17 سنه كان محمد ابنى هيبقى ادك كده شفت بقى

ماتزعلش وقوم فرفش واسمع كلام الناس الحلوين العاقلين اللى هنا دول

ياللا سلام عاوزة الاقيك دايما بتضحك هههههههههههههههههههههه

و عندك واحد ضحكة و صلحه :waving:

ههههههههههههههههههههههههههههههههههههههه

و بجد شكرا لحضرتك علي المساعدة :)

طيب يا عم كنت قول من الأول كنا جبنالك فتفوته من زمان علشان تضحك

والله يا عم ضحكتني مع اني كنت متضايق علشانك

احنا اتفقنا خلاص انك حتثبت للجميع انك راجل وأد المسئولية

بس بقولك ايه ماتكترش من "ههههههههههههههههههههههههه" تاني احنا حنفوتهالك علشان ست الكل بس :happy: