الخروف والحب !!!

[crossfield]

الله يخرب بيت الشام على جنوب شرق أسيا اللى هيودونا فى داهية دول

ايه يا جماعة؟هى الست المصرية مضروبة قوى للدرجة دى؟فلبينية ؟؟؟؟ ياللهول !!!!!! :mad:

طيب متخلونا نتكلم بصراحة و نقول ليه؟

علشان الطاعة المطلقة ؟ طيب ما هو فى بنات و ستات مصريين كتير من عينة الست أمينة .

و بعدين أنا مش شايفة انها ميزة قوى خصوصاً ان القط ميحبش الا خناقه .تخيل لو متجوز واحدة مفيش فى بقها غير حاضر و نعم ؛و دى تبقى عيشة دى؟

قطيعة محدش بياكلها بالساهل :twisted: :twisted: :twisted:

[se_ Elsyed]

الله يخرب بيت الشام على جنوب شرق أسيا اللى هيودونا فى داهية دول

ايه يا جماعة؟هى الست المصرية مضروبة قوى للدرجة دى؟فلبينية ؟؟؟؟ ياللهول !!!!!! :mad: 

طيب متخلونا نتكلم بصراحة و نقول ليه؟

علشان الطاعة المطلقة ؟ طيب ما هو فى بنات و ستات مصريين كتير من عينة الست أمينة .

و بعدين أنا مش شايفة انها ميزة قوى خصوصاً ان القط ميحبش الا خناقه .تخيل لو متجوز واحدة مفيش فى بقها غير حاضر و نعم ؛و دى تبقى عيشة دى؟

 

قطيعة محدش بياكلها بالساهل :twisted:  :twisted:  :twisted:

يا سلام كان فين موضوع الخروف ده من زمان ... حمد لله على السلامه يا كروساية .. انا عارف انك اول ما سمعتي مئمئت الخروف جيتي على طول .

وانتي كتبتي

هى الست المصرية مضروبة قوى للدرجة دى؟فلبينية ؟؟؟؟

وأنا غير متفق معك يا كروساية فى إنطباعك عن الفلبينيات على ان كلهم خادمات .. على العكس ممكن تلاقي فيهم نساء مسلمات محترمات وتقدس الحياة الزوجية لدرجة أنها ممكن تعمل أراجوز لزوجها وتشعره أنها فى خدمته 24 ساعة .. في حين أن هناك بعض - انا بعض - النساء المصريات يوجد عندها موضوع التكبر والكبرياء وممكن تعايره كل شوية وتقوله انا مش الخدامة اللي أنت أشتريتها ،

لكننا فى موضوع الخروف يا عزيزيي نتكلم عن الطريقة اللي الراجل ده اتجوز فيها من ورا أهله .

[crossfield]

الله ينور عليك يا سى السيد يا فاقسنى

أنا فعلاً مأمأة الخروف هى اللى جابتنى و قلت هاجى الاقى هنا فتة و لحمة و الذى منه لكن اكتشفت ان الخروف لسه ما استواش .

وأنا غير متفق معك يا كروساية فى إنطباعك عن الفلبينيات على ان كلهم خادمات .. على العكس ممكن تلاقي فيهم نساء مسلمات محترمات وتقدس الحياة الزوجية لدرجة أنها ممكن تعمل أراجوز لزوجها وتشعره أنها فى خدمته 24 ساعة .. في حين أن هناك بعض - انا بعض - النساء المصريات يوجد عندها موضوع التكبر والكبرياء وممكن تعايره كل شوية وتقوله انا مش الخدامة اللي أنت أشتريتها

أنا مش قصدى ان كلهم خادمات ؛لأ طبعاً و لا باحب فكرة التعميم .لكن بذمتك يا شيخ مش حرام تفضل واحدة فلبينية على مصرية؟ على الأقل من الناحية الشكلية يعنى و الا عايزين تقنعونا يعنى بإن الرجل المصرى "زاااااااااهد " فى هذه التفاهات و انه بيعمل بنصيحة سمير غانم فى مسرحية المتزوجون"لا المتين بينفع و لا المتينة عالأصل دور"؟؟؟؟؟؟ :lol:

أنا مش ضد الزواج من أجنبية "أو رومية"زى ما بتقول-وش واحدة بتتكلم من تحت الضرس بعد هزيمتها فى معركة أنواع النساء- لكن يعنى المفروض نرتقى بالنسل مش ناخده و ننزل بيه سابع أرض.و ده عشان مصر طبعاً. :D

معلش يعنى كلمتين واقفين فى زورى: الراجل ده مش هيستمر فى علاقته أو جوازته دى كتير ؛هوه بس ديته ينزل مصر يومين و بعدها يرجع لقواعده و يبعتلها ورقتها ؛ المصريين أهمه-انتوا بتتكلموا فى ايه؟

بصراحة صاحبنا ده"نى" قوى ؛يعنى همه شويتين التمريض دول همه اللى وقعوه ؟ طيب ما احنا عندنا التمريض هنا فى مصر كويس برضو و انتوا عارفين.بيتهيألى لو كان حظه و قع فى ممرضة من موزمبيق كان هيقول نفس الكلام؛العملية مش عملية فلبينية و مصرية و سريلانكية ؛صاحبنا فى غربة و ما صدق لقى حد يهتم بيه و السلام حتى لو كانت دى طبيعة عمله.

خرفان آخر زمن :D

[Lancelot]

يا سلام كان فين موضوع الخروف ده من زمان ... حمد لله على السلامه يا كروساية .. انا عارف انك اول ما سمعتي مئمئت الخروف جيتي على طول

و الله عندك حق يا س س ... حمد لله ع السلامة يا كروساية ...

حشيشو باشا ... صاحبك ده بيهزر أكيد .... جواز إيه المنيل بنيلة ده ...

[حشيش]

أخونا العزيز عمى محبط

وصلتنى رسائل من بعض الأخوة بالمنتدى يطلبون منى أن أرسل لهم نسخة من الرسالة التى أرسلتها لى على المسنجر وتفوقت فيها على نفسك فى وصف خبايا دنيا الفلبينيات...وقبل أن أفعل أود أن أحصل منك على موافقة كتابية بتوزيع الرسالة على الأخوة المتلهفين لمعرفة الحقيقة...فهل تأذن لى بذلك مع إحتفاظك بحقوق الملكية الفكرية؟؟؟...

أخوك

حشيش

أديب ومفكر

[se_ Elsyed]

أخونا العزيز عمى محبط

وصلتنى رسائل من بعض الأخوة بالمنتدى يطلبون منى أن أرسل لهم نسخة من الرسالة التى أرسلتها لى على المسنجر وتفوقت فيها على نفسك فى وصف خبايا دنيا الفلبينيات...وقبل أن أفعل أود أن أحصل منك على موافقة كتابية بتوزيع الرسالة على الأخوة المتلهفين لمعرفة الحقيقة...فهل تأذن لى بذلك مع إحتفاظك بحقوق الملكية الفكرية؟؟؟...

أخوك

حشيش

أديب ومفكر

إبراء ذمة

يعلن الدكتور / س س بإنه لم يحدث ان أرسل للأخ حشيش رسالة أو فاكس أو حتى ميسد كول بهذا الخصوص ... وذلك لسبب بسيط جداً وهو ان الفلبين مش سكته.

وإذ يعلن بهذا براءة ذمته من أي محاولات للزج بإسمه في هذا الموضوع .

أ/ خلف خليفة خلف الله المحامي ... نيابة عن الدكتور س س

[disappointed]

أخونا العزيز عمى محبط

وصلتنى رسائل من بعض الأخوة بالمنتدى يطلبون منى أن أرسل لهم نسخة من الرسالة التى أرسلتها لى على المسنجر وتفوقت فيها على نفسك فى وصف خبايا دنيا الفلبينيات...وقبل أن أفعل أود أن أحصل منك على موافقة كتابية بتوزيع الرسالة على الأخوة المتلهفين لمعرفة الحقيقة...فهل تأذن لى بذلك مع إحتفاظك بحقوق الملكية الفكرية؟؟؟...

أخوك

حشيش

أديب ومفكر

تعلن ادارة "مركز البحوث المحبطيّه فى خبايا المرأة الفلبّينيّه" (و يشار اليها فى هذا البيان الرسمى بالـــطرف الأوّل) عن أن التقرير الصادر من طرفها الى مؤسسة "حشيش الدوليّه للاستشارات الزوجيّه" (ويشار اليها فى هذا البيان الرسمى بالــطرف الثانى)كان قد صدر الى تلك المؤسسة بناءا على طلب رسمى تم التقدّم به من جانب الطرف الثانى الى الطرف الأوّل...وعليه فان ادارة الطرف الأول تخلى مسئوليّتها من توابع قيام الطرف الثانى بعرض محتويات التقرير على أطراف أخرى (خاصة لو كانت أطرافا أنثويّه ) وان كانت لا تمانع فى قيام الطرف الثانى بذلك على مسئوليّة الطرف الثانى الشخصيّه و دون أى مسائلة قانونيّه أو منتدييّه على الطرف الأول مع احتفاظ الطرف الأوّل بكامل حقّه فى تحصيل أى رسوم قد يراها من الطرف الثانى فى حال حصول الطرف الثانى على أى عائد أو ربح من الأطراف الأخرى التى سيقوم الطرف الثانى بتمرير فحوى التقرير المشار اليه أعلاه اليهم حتّى ولو كانت هذه العوائد أو الأرباح فى صورة عينيّه ( ويندرج تحت بندها البط و الوز والديوك الرومى و عجول التسمين) أمّا لو كانت فى صورة نقديّه فسيتم اشعار الطرف الثانى بواسطة الادارة القانونيّة للطرف الأول لعقد اجتماع يتم فيه الاتفاق على حصتى الطرفين

وسيتم نشر نسخة من هذا الاعلان فى الصحف الرسميّه خلال ثمانى وأربعين ساعة من تاريخه

وتفضّلوا بقبول فائق الاحترام

=نسخة الى محكمة زنانيرى للأحوال الشخصيّه

=نسخة الى مكتب مأذون دولة "حشيش آباد" الرسمى

=نسخة الى السفارة الفلبينيه بدولة "حشيشستان"

=نسخة الى المكتب الاقليمى لشركة الشرق الأقصى المحدودة لخدمات الزواج السريعة

[حشيش]

عمى محبط

أشكرك على موافقتك الكتابية والسماح بالنشر...تم توزيع العديد من النسخ على خيرة من شباب المنتدى التواقين لمعرفة الحقيقة فى عملية جريئة هى الأولى من نوعها فى تاريخ المنتدى أطلقت عليها لدواعى أمنية وإستخبارتية (عملية كشف المستور)...

عقيد/محمد حشيش

مباحث أمن الدولة