لعبة خفيفة

[سهل جدا]

شكرا يا أم بودي على موضوعك الحلو

وإن شاء الله يكون سبب في زيادة الألفة بين أعضاء المحاورات..

بس معليش أنا بعد ما قررت إني أسكن في العمارة ديه , قررت إني أعزّل منها تاني..

لأن شكلها كده ممكن يكون فيها خراب بيوت بالنسبة لي

شوفي مدام لولا بتقول إيه:

واهو بالمره اتعرف على المدام واشوف هى عارفه خططك المستقبليه ولا لأ ودا مجرد كلام منتديات وخلاص

والست فتفوتة كمان:

ماشى يا سهل انا موافقة اكون ساكنة فى الشقة اللى ادامك بس على شرط تكون فى الشقة دى مراتك الاولى وولادها بس عشان اقولها على اللى انت ناوى تعمله واتصاحب علها واوعيها منك شوية

والأخت ذهبية هي كمان:

وعايزة كمان جارى سهل جدااااا نفسى اتعرف على المدام بشكل و دى هتكون مهمة النساء فى المنتدى كلة وانت عارف بقى هنعمل اية اول ما نشوفها

آه .. يعني انتو ماسكين علي زلة بقى ولا إيه :sad:

طيب لعلمكم بقى أنا ما بخافش وراجل حمش :sad:

بس اتقاءً للمشاكل هاشوفلي حتى تانية أسكن فيها

فتكوا بعافية wst::

[لولا]

شكرا يا أم بودي على موضوعك الحلو

وإن شاء الله يكون سبب في زيادة الألفة بين أعضاء المحاورات..

بس معليش أنا بعد ما قررت إني أسكن في العمارة ديه , قررت إني أعزّل منها تاني..

لأن شكلها كده ممكن يكون فيها خراب بيوت بالنسبة لي

شوفي مدام لولا بتقول إيه:

واهو بالمره اتعرف على المدام واشوف هى عارفه خططك المستقبليه ولا لأ ودا مجرد كلام منتديات وخلاص

والست فتفوتة كمان:

ماشى يا سهل انا موافقة اكون ساكنة فى الشقة اللى ادامك بس على شرط تكون فى الشقة دى مراتك الاولى وولادها بس عشان اقولها على اللى انت ناوى تعمله واتصاحب علها واوعيها منك شوية

والأخت ذهبية هي كمان:

وعايزة كمان جارى سهل جدااااا نفسى اتعرف على المدام بشكل و دى هتكون مهمة النساء فى المنتدى كلة وانت عارف بقى هنعمل اية اول ما نشوفها

آه .. يعني انتو ماسكين علي زلة بقى ولا إيه

طيب لعلمكم بقى أنا ما بخافش وراجل حمش :wub:

بس اتقاءً للمشاكل هاشوفلي حتى تانية أسكن فيها

فتكوا بعافية ;)

ليه بس كده يا استاذ سهل .. انتا حتتبسط معانا جدا حنوصى المدام عليك وحتحطك جوا عنيها ومش حتفكر فى تانيه ولا تالته :)

والله يا جماعه انتوا ناس بجد تجنن ... انا بقى نفسي اسكن مع كل الناس الحلوه دى وفتفوته ودهبيه وام بودى .. مش معقوله

روحكم الحلوه دى ... خلاص انا ححجز فى العماره دى حالا :) :sad: :wub:

لولا

[ذهبية]

انت زعلت ولااية يا استاذ سهل دةاحنا بنهزر معاك كدة مرة واحدة تعزل من عمارة الهنا طيب يا سيدى نوعدك

اننا مش هنقول لمدام اى شىء

طيب ينفع جواب من فاعل خير و نحطة تحت عقب الباب

[الباشمهندس ياسر]

بس اتقاءً للمشاكل هاشوفلي حتى تانية أسكن فيها

فتكوا بعافية :blush2:

و راحت صلاة الفجر يا ياسر

يلا اخدنا الاجر ع النية

[بركة]

على الاستاذ سي السيد التواجد حالا في التو واللحظة

باب الحجز سيغلق و هناك شقة فضيت ورجعنا مقدم الحجز لاستاذ سهل

اللي مش سهل ابدا :blush2:

يلا مين قال أنا ؟

[SoSo R]

صباح الخير عليكم

إلا هو فيه إمكانية تحجزوا لى السطوح؟؟

أنا شايفة إنه لسه فاضى وممكن أحط شوية زرع وبسين و يبأى روف و أبأى أعزمكم فيه

و حد يعملنا عصير جريب فروت ساقع عشان الرشاقة و كدة

وفى الويك إند نتجمع فوق نعمل باربيكيو

إيه رأيكم؟؟

سؤال رفيع؟؟

هو ليه كل اللى فى العمارة إتكاتفوا على ياسر إنهم يجوزوه؟؟؟

ما تسيبوا الراجل يشوف مستقبله و ينأى على مزاجه عشان لما يضربوا بعض بالحلل بعد كدة ما تيجيش فى و لا واحدة فيكم

ويشيلكم الغلط إن أنتوا كنتوا السبب

تحياتى

سوسورانى

[se_ Elsyed]

الأول بس لازم أعرف .. الشقق دي تمليك ولا إيجار جديد ؟

يشرفني إني أسكن معاكم بالتأكيد وأقترح لمزيداً من التقارب إننا نفتح العمار على بعضيها وكل واحد ياخد أوضة بحمام مستقل .. وتبقى الصالة مشتركة والمطبخ مشترك كمان .. وعايز بندق يسكن جنب المطبخ لزق عشان كل شوية أتسلل وأدخل أسرق أكل من التلاجة الحاجات الحلوة اللي طابخها وياريت الشفاط بتاع المطبخ يفتح على الأوضة بتاعتي عشان يبقى إنذار مبكر وكل ما أشم ريحة حاجه بتطبخ أهيء نفسي وأعرف المنيو إيه النهاردة . أو بلاش كده .. نعمل كلنا ميز مع بعضينا .. يعني نلم فلوس أول كل شهر وناس تطبخ وناس تغسل المواعين وناس زي حالاتي تاكل بس ... ونسميه بيت العيلة ... والعيال بقى نرميهم فوق السطوح مع نفسيهم عشان الدوشة ونجيب لهم تليفزون كبير - شوفت حتة دين تليفزيون إل سي دي 65 بوصة إمبارح إنما كنت هاتجنن عليه .. ولقطه والله سعره 45 ألف ريال ( بثمن شقتي ) .. ... بس عايزين حد مهندس معماري يقول لنا إزاي نفتح العمار على بعض وهي بشكل رأسي ..

أصلها لو أفقي يبقى مافيش مشكلة زي بيوت الأرياف كده .. لكن الرأسي دي صعبه قوي ...

وجنب العمارة ناخد حتة أرض نزرعها سبانخ وجرجير وكرفس زي مرات أبويا الحج أوباما ما هاتعمل حديقة البيض الأبيض غيط وتلبد لجوزها في الدُره ..

ونبني حظيرة مواشي ونربي لنا قد جاموستين و3 معيز ... لزوم الحليب والكالسيوم ..

ونبني كمان فُرن فلاحي على جنب عشان الخبيز والحلوة دي قامت تعجن في الفجرية وكدهوت ..

ونبقى مجتمع متكامل .. يعني اللي دكتور أو دكتورة يكشف عالعيال ببلاش

واللي مدرس يدرس للعيال برضوا ببلاش

واللي له في الزراعة .. يعيش بقى في الغيط وتربية المواشي ومنتجات الألبان ..

والكل هايشتغل ... ماحدش بقى يقول لي المانيكير والباديكير بتاعي هايتوسخ وكدهوت ...

أنا ممكن بقى أوزع عليكم الادوار .. وأقبل وظيفة مراقب الأنفار وأعدي عليكو وإنتو بتلموا الدودة ومعايا الخرزانه ..

ونبني تكعيبة عنب عشان أنا بأحب العنب قوي ..

وكمان منحل عشان العسل بيحب الزبادي ..

ومش هانسى عشة الفراخ ... ودي بالذات بقى هاحط حواليها كاميرات مراقبة وهاعمل سلك مكهرب حواليه عاشن ماحدش يتسحب كل يوم ويسرق البيض .. أو يجيب له رقبة فرخة يعمل عليها شوربة ..

بالنسبة لإخواننا العُزاب .. معليش إحنا بنتكلم ... دول هايلعبوا مبدئياً دور النحل الشغالة .. وهانبني لهم مكان محندق على راس الأرض .. ( ده أنت هاتاكل ضرب يا ياسر .. وهاتشتغل لحد ما يتهد حيلك ) وشويه شويه نشوف لهم أي حد من الفلاحات اللي شغالين معانا عشان نسترهم وينتقلوا لبيت العيلة كعوائل يعني وأهو ندبر لهم حتتين عفش من سعف النخيل .. والقطن اللي هانزرعة عشان ننجد لهم المراتب واهي هاتنقضى إن شاء الله ومبروك مقدماً يا ياسر ...

[pink rose]

الأول بس لازم أعرف .. الشقق دي تمليك ولا إيجار جديد ؟

يشرفني إني أسكن معاكم بالتأكيد وأقترح لمزيداً من التقارب إننا نفتح العمار على بعضيها وكل واحد ياخد أوضة بحمام مستقل .. وتبقى الصالة مشتركة والمطبخ مشترك كمان .. وعايز بندق يسكن جنب المطبخ لزق عشان كل شوية أتسلل وأدخل أسرق أكل من التلاجة الحاجات الحلوة اللي طابخها وياريت الشفاط بتاع المطبخ يفتح على الأوضة بتاعتي عشان يبقى إنذار مبكر وكل ما أشم ريحة حاجه بتطبخ أهيء نفسي وأعرف المنيو إيه النهاردة . أو بلاش كده .. نعمل كلنا ميز مع بعضينا .. يعني نلم فلوس أول كل شهر وناس تطبخ وناس تغسل المواعين وناس زي حالاتي تاكل بس ... ونسميه بيت العيلة ... والعيال بقى نرميهم فوق السطوح مع نفسيهم عشان الدوشة ونجيب لهم تليفزون كبير - شوفت حتة دين تليفزيون إل سي دي 65 بوصة إمبارح إنما كنت هاتجنن عليه .. ولقطه والله سعره 45 ألف ريال ( بثمن شقتي ) .. ... بس عايزين حد مهندس معماري يقول لنا إزاي نفتح العمار على بعض وهي بشكل رأسي ..

أصلها لو أفقي يبقى مافيش مشكلة زي بيوت الأرياف كده .. لكن الرأسي دي صعبه قوي ...

وجنب العمارة ناخد حتة أرض نزرعها سبانخ وجرجير وكرفس زي مرات أبويا الحج أوباما ما هاتعمل حديقة البيض الأبيض غيط وتلبد لجوزها في الدُره ..

ونبني حظيرة مواشي ونربي لنا قد جاموستين و3 معيز ... لزوم الحليب والكالسيوم ..

ونبني كمان فُرن فلاحي على جنب عشان الخبيز والحلوة دي قامت تعجن في الفجرية وكدهوت ..

ونبقى مجتمع متكامل .. يعني اللي دكتور أو دكتورة يكشف عالعيال ببلاش

واللي مدرس يدرس للعيال برضوا ببلاش

واللي له في الزراعة .. يعيش بقى في الغيط وتربية المواشي ومنتجات الألبان ..

والكل هايشتغل ... ماحدش بقى يقول لي المانيكير والباديكير بتاعي هايتوسخ وكدهوت ...

أنا ممكن بقى أوزع عليكم الادوار .. وأقبل وظيفة مراقب الأنفار وأعدي عليكو وإنتو بتلموا الدودة ومعايا الخرزانه ..

ونبني تكعيبة عنب عشان أنا بأحب العنب قوي ..

وكمان منحل عشان العسل بيحب الزبادي ..

ومش هانسى عشة الفراخ ... ودي بالذات بقى هاحط حواليها كاميرات مراقبة وهاعمل سلك مكهرب حواليه عاشن ماحدش يتسحب كل يوم ويسرق البيض .. أو يجيب له رقبة فرخة يعمل عليها شوربة ..

بالنسبة لإخواننا العُزاب .. معليش إحنا بنتكلم ... دول هايلعبوا مبدئياً دور النحل الشغالة .. وهانبني لهم مكان محندق على راس الأرض .. ( ده أنت هاتاكل ضرب يا ياسر .. وهاتشتغل لحد ما يتهد حيلك ) وشويه شويه نشوف لهم أي حد من الفلاحات اللي شغالين معانا عشان نسترهم وينتقلوا لبيت العيلة كعوائل يعني وأهو ندبر لهم حتتين عفش من سعف النخيل .. والقطن اللي هانزرعة عشان ننجد لهم المراتب واهي هاتنقضى إن شاء الله ومبروك مقدماً يا ياسر ...

انت بجد مش ممكن

فكرة عبقرية بجد ياااااه تفتكروا ممكن تتحقق

و الناس تعيش مع بعض بالحب و العفوية دا زي زمان

و ما يبقاش كل واحد قافل بابه على نفسه و عياله و خلاص

عاوزين كمان نبني مسجد و جنبه دار تحفيظ قرآن

[بركة]

يا أهلا يا سين سين دخلت ظبط مكان كل واحد وحطيت خطة ولا أوباما في زمانه

ماشاء الله طب أنا بقى علي ألم الستات كل عصرية واديهم دروس في اخر الاكلات اللبنانية

كلام في سرك أصل مامتي الله يرحمها من لبنان ودي بقى مفاجأة مش كده :blush2:

[ام بودى]

se_ Elsyed مشاركة بتاريخ اليوم, 09:45 AM

الأول بس لازم أعرف .. الشقق دي تمليك ولا إيجار جديد ؟ الشقق دى تمليك سعادتك ايجار اية وبتاع اية احنا ناس متغربين وشقيانين يبقى لازم نفترى

يشرفني إني أسكن معاكم بالتأكيد وأقترح لمزيداً من التقارب إننا نفتح العمار على بعضيها وكل واحد ياخد أوضة بحمام مستقل .. وتبقى الصالة مشتركة والمطبخ مشترك كمان .. وعايز بندق يسكن جنب المطبخ لزق عشان كل شوية أتسلل وأدخل أسرق أكل من التلاجة الحاجات الحلوة اللي طابخها وياريت الشفاط بتاع المطبخ يفتح على الأوضة بتاعتي عشان يبقى إنذار مبكر وكل ما أشم ريحة حاجه بتطبخ أهيء نفسي وأعرف المنيو إيه النهاردة . أو بلاش كده .. نعمل كلنا ميز مع بعضينا .. يعني نلم فلوس أول كل شهر وناس تطبخ وناس تغسل المواعين وناس زي حالاتي تاكل بس ... ونسميه بيت العيلة ... والعيال بقى نرميهم فوق السطوح مع نفسيهم عشان الدوشة .لا لا الكلام دة ما ياكلش معانا كدة احنا بنات المحاورات حنبقى عاملين زى السلايف والمثل بيقول مركب الضراير سارت ومركب السلايف بارت انت كدة حتبوظ علينا صحوبيتنا انا واخواتشى باقتراحك الخبيث دة وبدل مانتخانق مع اجوازنا ونروح نشتكى لبعضشينا حنتخانق ونسيح لبعضشينا وبعدين ميز اية وفلوس اية اللى عايز تلمها انت مش عايز تنسى ابدا ايام ما كنت عسكرى امن مركزى اية بتقول اية اصل الايام دى متتنسيش يا عم ما يبقاش قلبك اسود اية اة الظابط اياة اللى كان بيوقفك فى الشمس ما خلاص اتنقل اسوان. ونجيب لهم تليفزون كبير - شوفت حتة دين تليفزيون إل سي دي 65 بوصة إمبارح إنما كنت هاتجنن عليه .. ولقطه والله سعره 45 ألف ريال ( بثمن شقتي ) .. ... بس عايزين حد مهندس معماري يقول لنا إزاي نفتح العمار على بعض وهي بشكل رأسي ..

أصلها لو أفقي يبقى مافيش مشكلة زي بيوت الأرياف كده .. لكن الرأسي دي صعبه قوي ...

وجنب العمارة ناخد حتة أرض نزرعها سبانخ وجرجير وكرفس زي مرات أبويا الحج أوباما ما هاتعمل حديقة البيض الأبيض غيط وتلبد لجوزها في الدُره ..

ونبني حظيرة مواشي ونربي لنا قد جاموستين و3 معيز ... لزوم الحليب والكالسيوم ..

ونبني كمان فُرن فلاحي على جنب عشان الخبيز والحلوة دي قامت تعجن في الفجرية وكدهوت .. اة جينا بقى لفيلم الارض واحنا طول عمرنا رجالة ووقفنا وقفة رجالة طب استنى انت يا محمد ابو سويلم على جنب على ماندرس الاقتراح بتاعك

ونبقى مجتمع متكامل .. يعني اللي دكتور أو دكتورة يكشف عالعيال ببلاش

واللي مدرس يدرس للعيال برضوا ببلاش

واللي له في الزراعة .. يعيش بقى في الغيط وتربية المواشي ومنتجات الألبان ..

والكل هايشتغل ... ماحدش بقى يقول لي المانيكير والباديكير بتاعي هايتوسخ وكدهوت ...

أنا ممكن بقى أوزع عليكم الادوار .. وأقبل وظيفة مراقب الأنفار وأعدي عليكو وإنتو بتلموا الدودة ومعايا الخرزانه ..

ونبني تكعيبة عنب عشان أنا بأحب العنب قوي .. مش بقولك غاوى افلام انا شفت المشهد دة فى فيلم الحرام الانفار والدودة والتكعيبة وكلو من جدر البطاطا يا ولة

وكمان منحل عشان العسل بيحب الزبادي ..

ومش هانسى عشة الفراخ ... ودي بالذات بقى هاحط حواليها كاميرات مراقبة وهاعمل سلك مكهرب حواليه عاشن ماحدش يتسحب كل يوم ويسرق البيض .. أو يجيب له رقبة فرخة يعمل عليها شوربة ..

بالنسبة لإخواننا العُزاب .. معليش إحنا بنتكلم ... دول هايلعبوا مبدئياً دور النحل الشغالة .. وهانبني لهم مكان محندق على راس الأرض .. ( ده أنت هاتاكل ضرب يا ياسر .. وهاتشتغل لحد ما يتهد حيلك ) وشويه شويه نشوف لهم أي حد من الفلاحات اللي شغالين معانا عشان نسترهم وينتقلوا لبيت العيلة كعوائل يعني وأهو ندبر لهم حتتين عفش من سعف النخيل .. والقطن اللي هانزرعة عشان ننجد لهم المراتب واهي هاتنقضى إن شاء الله ومبروك مقدماً يا ياسر ... ادى اخرتها يا بشمهندس ياسر البونبوناية اللى دايخ عليها طلعت بتاوة لا واية العفش من سعف النخيل حاجة اورجينال خالص عشان تبقى تتفلسف وتكتب مواضيع عن الستات ما بيعجبهومش العجب احنا بس بنتكلم استاذى س س سعدت بمداخلتك وحبيت ارحب بيك على طريقتك ولو ان اسلوبك لا يعلى علية بس اهى محاولات واهلا بك جارا متميزا فى برج الاكابر

[الباشمهندس ياسر]

صباح الخير عليكم

سؤال رفيع؟؟

هو ليه كل اللى فى العمارة إتكاتفوا على ياسر إنهم يجوزوه؟؟؟

ما تسيبوا الراجل يشوف مستقبله و ينأى على مزاجه عشان لما يضربوا بعض بالحلل بعد كدة ما تيجيش فى و لا واحدة فيكم

ويشيلكم الغلط إن أنتوا كنتوا السبب

يا مساء الورد يا دكتورة

يا فندم :closedeyes: حضرتك تؤمرى و انا اسيب شقتى و اطلع جرى ع السطوح ... مش عازب بقى!

و بعدين أخواتى بنات المحاورات خايفين منى على اجوازهم

اه .. انا راجل مقضيها سهر ودلع و فسح و بخرج براحتى وارجع براحتى

انما هما .. الله يعينهم بصراحة

بس يا دوك ... انا عايز اسال سؤال

هما المتجوزين بيخبطوا بعض بالحلل فعلا..؟؟

أصل انا ناوى اشترى مخدتين ريش نعام .. عشان نضرب بعض بيهم

اه و الله

اخاف عليها من المخدة القطن لتوجعها.. :)

شفتوا انا حنين ازاى

[الباشمهندس ياسر]

بالنسبة لإخواننا العُزاب .. معليش إحنا بنتكلم ... دول هايلعبوا مبدئياً دور النحل الشغالة .. وهانبني لهم مكان محندق على راس الأرض .. ( ده أنت هاتاكل ضرب يا ياسر .. وهاتشتغل لحد ما يتهد حيلك ) وشويه شويه نشوف لهم أي حد من الفلاحات اللي شغالين معانا عشان نسترهم وينتقلوا لبيت العيلة كعوائل يعني وأهو ندبر لهم حتتين عفش من سعف النخيل .. والقطن اللي هانزرعة عشان ننجد لهم المراتب واهي هاتنقضى إن شاء الله ومبروك مقدماً يا ياسر ...

نحلة و شغالة .. ماشى يا ابو حميد

و انا اللى بقول عليك شريكى و هنعمل بيزنس مع بعض ..مااااااشى

ان مكنتش اخليك تقولى احنا اخوات من ايام المحاورات و انا اقلك ابتا ابتا

هو البوفيه يعنى هو البوفيه و تقولى انا كنت مدير حسابات اد الدنيا

ادى اخرتها يا بشمهندس ياسر البونبوناية اللى دايخ عليها طلعت بتاوة لا واية العفش من سعف النخيل حاجة اورجينال خالص عشان تبقى تتفلسف وتكتب مواضيع عن الستات ما بيعجبهومش العجب احنا بس بنتكلم

اللى حاجة اللى انا مستغربلها فعلا

هى البتاوة

تعرفى البتاو منين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

علامات استفهام من هنا لغاية بعد بكره

و بمناسبة مبيعجبهومش العجب .. فالفكرة انى لسه متعرض لموقف زى أول ما رجعت من بره

و كنت بفكر اكتب قصيدة ف الحوار ده .. والا افأجا بالايميل ده فرحت نقلته على طول

و برده بإذن الله هلاقى البونبوناية ... و عن قريب ان شاء الله

و هسمعكم اخبار حلوة... بس انتوا ادعولى

و مش هشمت فيا سى السيد :P ولا حد خالص

[عنبو]

والله انا شخصيا اتمنى اسكن مع اى حد فيكم فى اى عماره ولو حتى فوق السطوح هو انا اطول بجد منتدى فوق فوق الممتاز

ناس فى منتهى الاحترام الوذوق والادب والثقافه هو لسه فيه ناس كده ؟؟ والله عمار يامصر

انا لما بلاقى اى وقت فاضى على طول بفتح المنتدى لدرجة لما المدير بسيال عليا فى الشركه بيقولوا له تلاقيه على محاورات المصرين اصل انا المصرى الوحيد اللى فى الشركه ؟؟

[قلب ابيض]

اللـــــــــــــــــــه بجد انا مستمتعه جدا بقرايه الموضوع ده مع انى اتاخرت اوى فى المتابعه

ونظرا لآنى اعتبر نفسى لازلت جديده فى المنتدى نظرا وقيلسا لعدد مشاركات الاعضاء فتلاقينى غلباااانه كده وماشيه وراكم بهدووووء قال يعنى حد يورينى السكه بس

وعشان كده مالاقيتش الا الله يكرمه الباشمهندس ياسر الله يكرمه اللى اعتبرنى مرات اخوه هو اللى عطف على وسكنى فى عمارتكم :blink:

وانا كمان مؤقتا يا جماعه الخير هاجى اسكن عندكم بس لغايه ما اعرف جيرانى كويس وابدأ اشوف مين جنبى ومين استحمل غسيله ينقط على (مع انى ما اعتقدش ان فى حد معندوش فول اتوماتيك لحد دلوقتى )

اولا هاسكن ياسر قدامى ليه ؟؟؟؟ عشان اجوزه بنتى :blink: نظام ساكن قصادى وبحبه وانا بقى اقول مافيش فتح شبابيك :lol: ومافيش نشر غسيل --البيت له باب يتفضل يدبس --اقصد يتفضل يتقدم

ده اولا

ثانيا لولتى حبيبتى هاسكنها او هاسكن انا الشقه اللى لازقه فيها لزم --عشان خارجه داخله اطمن عليها ولما اعمل حاجه حلوه اتسحب سوكيتى واديها طبق عشان باقى الجيران مايشموش خبر

العنبى هاسكنه فوق خالص عشان كم النرفزه والآفافا ماتصيبنيش وما شوفهوش الا وهو هاااااادى على ما يخلص السلم ويوصل لنا يكون نسى همه وركز فى قرفه من السلم العالى

لالالالا الموضوع كبييير يا اخوانا انا اركز شويه وارجع لكم

[icehearted girl]

مفيش حاجة اوضه وصالة نظام جديد لمدة سنة واحدة بس؟ :blink:

اصلي سكنة بعيد عن الكلية

صحيح عمارتكم دي فين يا قلب :blink:

[عنبو]

انا على ما اعتقد ان العماره هيبقى فيها اسنسير والا ؟؟؟؟ هقضيها زحلقه على السلم ودى هوايتى المفضله بفكر اكتب عنها فى باب الهوايات

[الباشمهندس ياسر]

ام بودي

كل سنة و حضرتك طيبة

غايبة بقالك كتيييييييييييييييير

العمارة تناديكي

[قلب ابيض]

تصدق يا ياسر انت ابن حلال مصفى 00ده اكيد طبعا

انا جايه على بالى اللعبه دى بس مش فاكره اسمها بس هى عماره تجمعنا

انا هاقراها تانى ونرجع نلم الاجره من السكان او نشوف بقى هانعزل مين ونسكن مين من الناس الجداد اللى نورونا

[Damo]

صباح الخير عليكم

إلا هو فيه إمكانية تحجزوا لى السطوح؟؟

أنا شايفة إنه لسه فاضى وممكن أحط شوية زرع وبسين و يبأى روف و أبأى أعزمكم فيه

و حد يعملنا عصير جريب فروت ساقع عشان الرشاقة و كدة

وفى الويك إند نتجمع فوق نعمل باربيكيو

إيه رأيكم؟؟

لا مؤاخذة يا sosorany ممكن اخود زخنو ء صغنون من السطوح :angry:

حكم انا مقدرش اعيش منغير اولادي حبايبي ارانبي :)

[رضوي]

بجد حلوة اوي فكرة العمارة الهايلة دي ...............

تحياتي علي الفكرة الرائعة

بس للاسف انا جيت متأخرة وظيفة البواب اتحجزت والروف كمان ياخسارة

بس مش مشكلة مادام حنبني العمارة يبقي اكيد في المدن الجديدة , ولازم يكون فيه مساحة خضراء حوالين العمارة (دة القانون ) بس دي بتاعتي , اعمل فيها مجموعة كراسي خرزان وشمسية كبييييييييييييرة ونربي عصافير كناريا ........ياسلااااااااااااااام , وع الشجر اثبت انوار زينة خفيفة , دة في الاضاءة الليلية , ولو المساحة كبيرة شوية اعمل مرجيحة للاطفال .............مع شوية اضافات هادية علشان الانسجام وكل سكان العمارة يتفضلوا يستمتعوا بوقت فراغهم في الحديقة (المحاورات جاردن ) ونزرع فيها شجرة فل وشجرة ياسمين تتسلق علي العمارة من الخلف ومجموعة مميزة من الزهور وخاصة البنفسج , واحلي شجرة شجرة نسيم الليل علشان ريحتها الخرافية بالليل والجو الهادي , دة غير أشجار الزينة القصيرة علي مدخل العمارة من الخارج والداخل , ونباتات الظل عند الاسانسير , وطبعاً المشروبات عندي ................. اي خدمة

اما عن جيراني فطبعاً حبيبة قلبي بيضاء القلب (قلب ابيض ) لازم تكون اول جارة لية

وطبعاً لمضمض حبيبتي بخفة دمها تكون بلكونتها قدام بلكونتي علشان نرغي

واكييد بوسي وعمر تحت علشان كل لما اطلع او انزل اعدي عليهم

وذهبية كمان تبقي فوق علشان هادية ولذيذة

والشيف بندق لازم يكون في العمارة علشان يمدنا بالوصفات الشهية

وطبعاً الأخ الكريم الباشمهندس ياسر

والاخت مصرية مغتربة

والاخت مغتربة

وكل أعضاء المحاورات علشان مانساش حد

بس اوعوا حد يقطف الورد قبل مايفتح...................اه دة مبدأ