أنباء عن فصل 150 ألف مصرى يعملون بالإمارات

[مصر فى قلبى]

كما انا حزين بجد لسماع هذا الخبر اليوم ......... يا جماعه محدش هياخد اكتر من رزقه ....... يا جماعه فعلا وان يمسسك الله بضر فلا كاشف له الاهو وان يردك بخير فلا راد لفضله http://www.moheet.com/show_news.aspx?nid=235824&pg=1

تم تعديل 22 مارس 2009 بواسطة مصر فى قلبى

[se_ Elsyed]

الرقم مبالغ فيه شويه .. لكن بالفعل الإسبوع القادم هو إسبوع حاسم وهام جداً للمغتربين .. وذلك بسبب إعلان نتائج الكوارتر الأولاني لجميع لاشركات .. وهاتبقى في مدابح متوقعة وربنا يُستر .

أهم حاجه الدولة ما تقعدش حطه إيدها على خدها زي الولايه بتوع المياتم .. ولازم تعمل خطط بديلة لإستيعاب تللك الألاف المحبطة اللي هاتنزل مصر ..

وياريت لو يعملوا شركات مساهمة محترمة تجمع بعض مدخرات المصريين دول ويعملوا حاجه ناجحة للبلد ..

وأظن نشاط مواد البناء أكثر من ممتاز

واظن الأسمنت مثلاً دلوقت بيكسب أحسن من المخدرات .. لكن مين يقول ومين يسمع ومين ينذف ..

[محمد عيسى]

طبعا الرقم مبالغ فيه لاني اعرف ان عدد المصريين بالامارات اقل من 100 الف يعني في حدود 95 او 96 الف و مش معقول كلهم اتفصلوا

و بعدين صياغة الخبر تحريضيه و غير دقيقة لان الفصل يسري على جميع الجنسيات بعد الازمة الاقتصاديه لان معظم شركات المقاولات في دبي قفلت .. و اللي ما اتفصلش نزلوا مرتبه و ده يسري عالكل

تم تعديل 22 مارس 2009 بواسطة محمد عيسى

[محمد عيسى]

الرقم مبالغ فيه شويه .. لكن بالفعل الإسبوع القادم هو إسبوع حاسم وهام جداً للمغتربين .. وذلك بسبب إعلان نتائج الكوارتر الأولاني لجميع لاشركات .. وهاتبقى في مدابح متوقعة وربنا يُستر .

أهم حاجه الدولة ما تقعدش حطه إيدها على خدها زي الولايه بتوع المياتم .. ولازم تعمل خطط بديلة لإستيعاب تللك الألاف المحبطة اللي هاتنزل مصر ..

وياريت لو يعملوا شركات مساهمة محترمة تجمع بعض مدخرات المصريين دول ويعملوا حاجه ناجحة للبلد ..

وأظن نشاط مواد البناء أكثر من ممتاز

واظن الأسمنت مثلاً دلوقت بيكسب أحسن من المخدرات .. لكن مين يقول ومين يسمع ومين ينذف ..

بالنسبة لجزئية الرقم علقت عليها في ردي السابق

حضرتك قلت: ولازم تعمل خطط بديلة لإستيعاب تللك الألاف المحبطة اللي هاتنزل مصر .. و عايز اقول ان من حقنا على الدولة انها تعمل خطط بديله مش للي هاينزل بسبب الفصل .. و لكن كمان للي عايش اللي جاي على قد اللي رايح او المزنوق و و شفت واحد بقاله سبع سنين مانزلش مصر علشان المصاريف و الفئة دي الدولة ما تستفيدش منها باي حاجه يعني لا تحويلات و لا بيشتري شقق و لا اراضي و لا عربيات و لا اي حاجه .. و بالعكس لو رجعناهم مصر تاني ده و عملنا حد أدنى للعقود (زي الفلبين) هايعلي سعرنا في السوق و تبقى الغربه مجزية للي هايتغرب

[mohamedyehia]

علشان نعرف ان حكومتنا دى اسوء حكومة وكل واحد فى وادى يعنى فى الوقت اللى الناس هتنفصل بالالاف وممكن بالملايين ان ماتصلحش الحال تقوم الجامعات تغلس على الاجازات للناس اللى بتشتغل برة مع ان فية خناقة جوة بسبب المرتبات يعنى لاعارفة تحل جوة ولابرة

[elfakhrany]

بالتأكيد مصر منتظرة أولادها عشان ياخدو فلوسهم فى الجمارك وكل سنة وانتى طيبة يامصر

[ياسرر]

يا جماعة دبروني في امري جايلي عقد عمل 6000درهم وبدل سكن 20الف في السنة وتامين علاج في دبي هل اوافق ولا اعمل اية وعلي حد علمي ان المعيشة غالية هناك ممكن حد يعرفني اسعار البلد عاملة اية مثلا كيلو اللحم بكام وكذلك الفراخ وكذلك السمك والخضار زي الطماطم وخلافة وكيلو الموز والبرتقال بكام مع الشكر وثمن الشقة من غرفتين وحمام ومطبخ كحد ادني كام مع الشكر

[الباشمهندس ياسر]

بالتأكيد مصر منتظرة أولادها عشان ياخدو فلوسهم فى الجمارك وكل سنة وانتى طيبة يامصر

عرفت ان الجالية المصرية ف الامارات طلبوا م الخارجية يعملولهم استثناء فى صورة

اعفاء جمركى عن سيارات العائدين و منقولاتهم

و طبعا النتيجة متوقعة

[الباشمهندس ياسر]

يا جماعة دبروني في امري جايلي عقد عمل 6000درهم وبدل سكن 20الف في السنة وتامين علاج في دبي هل اوافق ولا اعمل اية وعلي حد علمي ان المعيشة غالية هناك ممكن حد يعرفني اسعار البلد عاملة اية مثلا كيلو اللحم بكام وكذلك الفراخ وكذلك السمك والخضار زي الطماطم وخلافة وكيلو الموز والبرتقال بكام مع الشكر وثمن الشقة من غرفتين وحمام ومطبخ كحد ادني كام مع الشكر

قبل كل التفاصيل اللى انت عايزها

سؤال واحد

العقد بكام سنة ... ولو ارادوا فسخ التعاقد هيدوك شهرين بس ولا هيدوك بقية قيمة العقد المستحقة

جاوب على السؤال ده عشان تعرف تاخد قرار تسافر ولا لآ

[doha]

مش ملاحظين حاجه غريبة ..

يعني دلوقت بدال مايقولوا الامارات بتفلس يقوموا يعيبوا على مصر ..

ايه دخل فصل المية وخمسين الف عامل بستات مصر الي في السودان انا عاوزه افهم .. وبذمتكم في مسؤول مصري يروح يشهر ببنات بلده بالشكل ده ؟ ده اذا فرضنا جدلا ان الخبر صحيح وان المصريين جاعوا اوي لدرجه يرحوا يبيبعوا نفسهم وفين في السودان .. ده احنا حتى لحمة حيواناتهم مرضيناش نجيبها من هناك نقوم احنا نروح نبيع لحمنا عندهم؟

مش عارفه ليه شامه ريحه مش مظبوطه في الخبر صياغه ومحتوى .

وده مش مستبعد من اعلام قذر فيه كل شيء مباح حتى الضرب تحت الحزام ..

عن نفسي شايفه المنطق ان لو تخلت الامارات عن 150 الف عامل مصري يبقى اضرب قدهم في اثنين فلبين وقدهم في ثلاثه هنود وقدهم وقدهم .. يعني هتلاقي الامارت مستغنية عن بتاع كام مليون بني آدم وهي تلاقي عدد سكانها اساسا كام مية الف .. تبقى الامارات جابت ضلفها يارجاله ..

حد فيكم شاف او حس ولو بالتلميح ان الخبر بيتكلم عن الامارات ؟

اهو رمي جتت من الي تعودنا عليه من الثمانينات وحتى الآن .. كل ماتعوز تشتم اشتم مصر وكل ماتعوز تلطش اهو قفاها موجود .. حاجه تقصر العمر ..

[زعلان]

الخبر مش صحيح بتفاصيله يتم حاليا في الامارات الاستغناء عن الموظفين بصورة عامة ومن كافة الجنسيات شركتنا فصلت اعداد كبيرة ما بين هندي و فلبيني و اروبي وعربي و افريقي و اسياوي الاعداد الي بيتم فصلها كبيرة جدا شركتنا بتفصل 100 موظف اسبوعيا من اصل 11 الف وخمسامئة موظف

[elfakhrany]

هذا العدد هو عدد كل المفصولين من دول الخليج وليست الامارات فقط

[زعلان]

في الغالب هو عدد المفصولين المصريين من كل دول الخليج و السعودية يمكن تكونفي المقدمة و مازال الرقم كبير جدا

[محمد عيسى]

فيما أكد الصندوق الاجتماعى للتنمية فصل ١٥٠ ألف مصرى من العاملين فى دول الخليج، وهو الخبر الذى نشرته «المصرى اليوم» أمس، لكنها ذكرت على طريق الخطأ غير المقصود أن العمالة المفصولة من دولة الإمارات وحدها.

http://www.almasry-alyoum.com/article2.aspx?ArticleID=203974

[MoHaMMeD EgYpT]

لا حول ولا قوة الا بالله

ربنا يكون في عونهم