لعله خير..فهمتها أخيرا

[icehearted girl]

كنت قاعدة مضايقة شوية النهاردة :Exclam:

شوية إمتحانات كتير اتراكمت عليه وكان نفسي افضي نفسي اسافر اي مكان عشان انا خلاص ha)

وفوسط كل دا قلت الحمدلله..يلا لعله خير :D

لقيت واحدة بتقلي خير ايه بس يا بنتي هوا اللي احنا فيه دا هييجي من وراه خير أبدا ha)

رحت عملت فلاش باك في ذهني لقيت مواقف كتير جدا كان نفسي انها تتم بصورة معينة

بس محصلش

وبعد مرور فترة حسيت انها تمت بافضل ما يكون

يعني مثلا اتعطل في ذهابي لمكان كانت هتحصل فيه حادث

حزني علي صديقة وفي الآخر تطلع فيها متستاهلش

إلخ إلخ

وفي كل موقف كنت بقول لعله خير :D وأنتظر رحمه ربنا اللي بتكون أكبر بكتير من ابتلائه لينا

في نفس اليوم بقي لقيت الدكتور بيحكيلنا عن قصة غريبة أوي قدرا كدا :Exclam: :Exclam:

كان في مرة ملك كان بيحب يستشير وزيرة في كل كبيرة وصغيرة..وفي كل مرة الوزير يقله يلا لعله خير

شوية بشوية الملك بدأ يتضايق منه لإنه مبيتفاعلش معاه في المصائب وغيرها

وفي مرة الملك كان بيستخدم السكين يقطع بيه تفاحة...وفجأة الوزير دا نرفزه بالحديث راح الملك بتر صباعه تماما بالسكين

قام الوزير قاله إيه؟؟

شاطرررررررررررررين سامعاكو بتقولوها اهو :

لعله خير

راح الملك قاله خير ان صباعي يقطع؟؟... وطبعا رماه في السجن لسنوات

وبعد مرور سنوات كان الملك دا خارج في رحلة صيد وضل طريقه عن حاشيته إلي خارج حدود البلاد

إلي أن عثر عليه قوم آخرون..وحاول أن يثبت لهم أنه ملك للمنطقة المجاورة ولكن بدون فائدة :(

كانت هذه البلدة تعبد ااصنام وتقدم لها قرابين من البشر أحياء لنيل الرضا

وطبعا قرروا أنهم يذبحوا الملك دا كقربان للآلهة

وأثناء مراسم تقديم القربان وجد أحدهم أن اصبعه مقطوع...فغضب الجميع

فلا يصح تقديم قربان ناقص أو مشوه

وقرروا أن يطلقوا سراحه

ركض الملك إلي بلاده وأول قرار إتخذه هو إطلاق سراح الوزير السابق..لأنه تفائل بقطع اصبع الملك وهو الذي انقذ

حياته فيما بعد...وحينما جاءه الوزير اعتذر له الملك كثيرا عن السنوات التي قضاها بالسجن

فقال له الوزير...لا تقلق فأنا سعيد بسجني.ولعله خير

:D الملك قاله تاااااااااااااااااااااااااانى؟؟

قاله طبعا يفندم منا لو مكنتش اتسجنت كان زماني تهت معاك في رحلة الصيد ووجدوا جسدي سليما

وقدموني أنا قربانا لآلهتهم ha)

[ذهبية]

اية يا ايس انتى كل مرة تتحفينا بموضوعاتك الجامدة

طبعا الحمد الله على كل شىء و كما قال لنا القران بسم الله الرحمن الرحيم

وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ

صدق الله العظيم

فعلا عالم الغيب هو الله ومحدش عارف الخير فين و لا اية الحكمة فى اللى بيحصلة الا بعد حين وقتها بيقول ياااااااااااااة الحمد الله و انا اللى كنت زعلان

كل واحد الان و هو بيقرا موضوعك دة عمال يجمع ذكرياتة اللى كان زعلان قوى و مضايق منها و انقلبت لية خير عظيم جداااا و معرفش حكمتهاالا بعدين

انا مثلا كنت حامل و الدكاترة كلهم قالوا ان الحمل ضعيف جدا و هينزل فىاى لحظة و انا خوفت و اترعبت و قولت لجوزى يبقى ننزلة لانى مش عايزة اتبهدل هو صمم و قال لا الدكاترة بشر اللى ربنا هيعوزة هيكون

انا مكنتش عايزة الحمل دة بسبب حالتى كانت متدهوة جدااااا والدكاترة عقدونى قالوا نسبة تكملتة لا تتعدى 30% و طبعا كانت فترة عصيبة جداااا

و فعلا الحمد الله الحمل كمل رغم عن انف الدكاترة و الحمد الله ربنا رزقنى بولد سبحان الخلاق و هو بسمتنا كلنا و فرحة العيلة كلهااااا

حتى جوزى لما بيهزر معايا و يشوفة بيلعب حوالينا يبص ليا و يقولى قال كانت مش عايزاهاااا قال و ماسكها عليا كل شوية

اركع لله حمد و شكرا على نعمتة عليا ربنا يخلية ليا يارب والحكايات كتيرررررررررر

هارجع ليكم بعد شويتين نكمل حكايات

[بركة]

ايه يا ستي الجمال ده

ربنا يباركلك ياقمر

شكرا :Exclam:

[icehearted girl]

ميرسي يا بركتي ربنا يكرمك :sad:

ايه الجمال دا يا ذهبية ..{بنا يباركلك فيه يارب

مستنيين بقيت قصصك

مستننين كمان صور البيبي :sad:

[icehearted girl]

إي يابنتي فين الصور ؟؟!!!!

[Mohamed Fayek]

خلصنا من موضوع التوأم وإبتدينا نحلم خير ان شاء الله ... اللهم إجعله خير

[icehearted girl]

لالالا يفندم الخير هيكون واقع بإذن الله