بعد اعترافها بالخيانة حملة ع الفيس بوك تطالب بإهدار دم صباح

[مصر فى قلبى]

ظهر الحق وزهق الباطل ان الباطل كان زهوقا ........ هذا هو فعلا الوسط الفنى ....اللهم ارحمنا من هؤلاء القوم ....... هذا الخبر فعلا جعلنى افرح لما عرفت ان الحق فعلا يظهر بدون بحث وتنقيب http://www.moheet.com/show_news.aspx?nid=236447&pg=1

تم تعديل 24 مارس 2009 بواسطة مصر فى قلبى

[فــيــروز]

لا أدرى لماذا صار موضوع إهدار الدم هذا بالنسبة لى نكته سخيفه لم تعد تضحك إن لم تكن مثيره للنكد !! :)

و لا أدرى لماذا لا توجّه هذه الحملات سوى للفنّانين و الممثلين بينما مستوردى المبيدات المسرطنه و الأغذيه الفاسده و ملوّثى مياه الشرب و أصحاب السحابه السوداء لم يأتِ ذكرهم أبدا فى هذه القائمه التعسه وهل يمكن أن نحلم برؤية أسمائهم يوما ما فى تلك القائمه :)

وبعدين ما اللىّ شايف إن "الشحروره" تستحق إهدار دمها ما يروح يدبحها و يريّحنا -و يمكن يكون بيريّحها هى كمان- من هذه الضجّه المفتعله !! هى الناس بتتعازم ليه !! :closedeyes:

تم تعديل 24 مارس 2009 بواسطة فــيــروز

[Amr Radwan]

و الله حاجة قلة ادب و مجاهرة بالذنب

و الله و الله و الله انا بقرف ابصلها اساسا من كتر ما هي عملت عمليات تجميل

حسبي الله و نعم الوكيل

و ربنا يهدي

نسال الله الهداية لها و لنا جميعا

[MoHaMMeD EgYpT]

يا ريت يقتلوها و يريحونا بقا لان بجد صباح فجرت علي الاخر ناقص ايه تاني علشان تعمله ؟؟

[MoHaMMeD EgYpT]

الي الاستاذ صاحب الموضوع ياريت بعد كده حضرتك تكتب المواضيع في مكانها الصحيح لاني اظن ان الموضوع ده مكانه مواضيع جادة او خفيفة مش قسم المغتربين و انا لو مكانك تحلق تهرب بسرعة احسن س س هيمسكك :closedeyes:

[مصر فى قلبى]

الي الاستاذ صاحب الموضوع ياريت بعد كده حضرتك تكتب المواضيع في مكانها الصحيح لاني اظن ان الموضوع ده مكانه مواضيع جادة او خفيفة مش قسم المغتربين و انا لو مكانك تحلق تهرب بسرعة احسن س س هيمسكك :closedeyes:

انا مغترب لذلك اكتب فى قسم المغتربين فقط لاغير

[se_ Elsyed]

الي الاستاذ صاحب الموضوع ياريت بعد كده حضرتك تكتب المواضيع في مكانها الصحيح لاني اظن ان الموضوع ده مكانه مواضيع جادة او خفيفة مش قسم المغتربين و انا لو مكانك تحلق تهرب بسرعة احسن س س هيمسكك :closedeyes:

انا مغترب لذلك اكتب فى قسم المغتربين فقط لاغير

شوف إزاي ؟

يا سيدي الفاضل باب المغتربين للموضوعات التي تخص الأخوة المغتربين في غربتهم فقط ..

أومال أبواب السياسة والرياضة و... لمن ؟

نرجو مراعاة مسألة التبويب في المرة القادمة ..

[se_ Elsyed]

الناس اللي تاعبه نفسها وعامله فيس على الموضوع بوك .. أو موضوع عالفيس بوك .. فكروني بالمثل بتاعنا

" يابا علمني الخيابة .. قال له : بسيطة .. تعالى في الهايفة وإتصدر "

والظاهر بقى كل واحد قاضي وجلاد وولي أمر وعمال يُهدر دم الناس وهو قاعد بيشرب ميه ساقعة ..

واحده مهيسة وعدت الثمانين وعمال تخرف زي ما كانت مريم فخر الدين بتعمل .. ما تسيبوها لإنها خلاص رجلها والقبر .. وبعدين اساساً صباح مش معروف ملتها إيه .. حتى لو معروف .. إيه خلاص بقت احكام إهدار الدم بتتم في قعدة أُنس أو في موضوع إنترنت ؟ وخلاص خلصنا البلاوي الزرقا اللي عندنا في أوطاننا العربية واللي جابتنا ورا وخليتنا عِبرة لدول العالم كلها وإبتدينا نُهدر دم الفنانين والمطربين ؟

حسبي الله ونعم الوكيل في العقول الصغيرة

بيفكروني ببتوع طالبان .. إشنق أنفخ إهدم .. كل ده قبل أن يكون عندهم دولة من أساسة ..

وصعبت عليه الست اللي رجموها وموتها في ملعب كرة بتهمة الزنا وكل واحد من الأنطاع ماسك دبشه وعمال يرزعها بكل فخر وشمم وإباء .. ونسيوا العالم اللي ما بيتقوش ربنا إن زوجها متوفي في الحروب الطاحنة اللي كانت دايرة من عشرات السنين وإن الست عندها أولاد وهي بالتأكيد ليست متعلمة لإن طالبان لبست الناس وبالذات الستات طُرح ولغت التعليم ولغت عمل المرأة ده لو كان في عمل للرجالة .. فأنحرفت عشان تاكل - وده غلط ما قولناش حاجه - لكن بدل ما يوفروا لقمة عيش ناشفة للناس وبعدين يحسبوهم .. رايحين يعدموها قساة القلوب ؟ ...

كذلك يفعل هؤلاء الفيس بوكاويين ... بدل ما يناقشوا قضايا المعاملات بين الناس والتثقيف والتوعية ويبحثوا كيف يصلوا إلى السكان الحقيقيين لمجتمعاتنا واللي مهمشين وماحدش بيأخد رأيهم في حاجه .. يقوموا يهدروا دم واحده ست من القواعد من النساء دلوقت وليست مسئولة عما تتفوه به ..

[وليد صفوت]

ماله الوسط الفنى يا استاذنا الفاضل؟ لا يختلف بتاتاً عن أوساط الاعمال و الشركات و ما يدور فيها من خسة و ندالة و سفاهة و استغلال غير شريف و زواج عرفى و زنا و استبداد و رشاوى و خيانة شركاء بل و خيانة بلد...

الفرق ان الوسط الفنى مسلط عليه الاضواء بطبيعة الحال، لأنه وسط فنى و لأنه مادة خصبة للإعلام لكى يحفر و ينقب فيه...

كما ان فتاوى الشباب (الشيوخ - أون لاين) لم تعد تهم الناس، بل اصبحت تضحكهم و هم يقرأوها صباحاً مع كوب من القهوة على مكاتبهم، و ليس أكثر...

تحياتى.

[مغتربة]

عندما قرات كلماتك التمهيديه من جاء الحق و زهق الباطل احسست انك تمهد لنا لتزف لنا نبا مثلا اكتشاف احد العلماء المسلمين لدواء لمرض مستعصى او تمكنه من كشف علمى جديد او اختراع مفيد للبشريه او .......او ما الى ذلك من الاشياء المفيده التى يدعونا اليها ديننا الحنيف

فاذا بى اجد ان كل هذه الضجه من اجل جروب يطالب باهدار دم ممثله ؟؟؟؟؟؟؟؟؟؟؟

الا يحتاج ديننا مننا الاف الجروبات التى تخدمه و تخدم المسلمين و تقدم للبشره ما يفيدها و يفيد تطورها بدلا من هذاالجروب

و كل هؤلاء المنتسبين لهذا الجروب الذين نحسبهم من المتدينين بحق ( لانه بالطبع لا يمكن ان نامر بمعروف و نحن لا نقيمه او ننهى عن منكر لا نتوقف نحن شخصيا عن فعله )الم يعلمهم التزامهم و تدينهم ان هناك ما يحتاجه مننا ديننا بجد و يتطلب منا ان نضعه على راس اولوياتنا و اهتماماتنا بدلا من متابعه برنامج تلفزيونى تتكلم فيه ممثله عن نفسها بهذا الشكل

الدين لن يظهر و الباطل لن يزهق الا عندما يشتغل كلا منا باصلاح نفسه اولا و بعدها يمكن ان يتتبع كسور الناس ليصلحها لهم

[السويفي]

السلام عليكم:

اشد العذاب لها هو ان تظل حيه ..تري بنفسها ما آلت اليه من قبح المنظر واستهزاء الناس بها وضحكهم عليها....تحيا لتبكي على جمالها ..وصوتها ..

وشبابها....تحيا لتكون عبره واقعيه لغيرها انه مهما اصبحت نجما وسعدت في دنياك فأنك الى هرم ومنه الى تراب

وصدق من قال

بسم الله الرحمن الرحيم

وَمَنْ نُعَمِّرْهُ نُنَكِّسْهُ فِي الْخَلْقِ أَفَلَا يَعْقِلُونَ (68