كلمة حق

[SoSo R]

أعلم أن مصير هذا الموضوع هو الغلق طبقا لقواعد المشاركة...

و يا له من شىء مضحك أن يكون مصير أول موضوع أكتبه هو الغلق و لكنى سأستأذن السيد الدكتور المشرف محمد التهامى بأن يترك هذا الموضوع مفتوح لمدة يومين أو ثلاثة فقط لا غير.

لم أكن أنوى كتابة أى مواضيع جديدة قبل سفرى إلى كندا و لكن إستفزنى ما يحدث فى الآونة الأخيرة و أنا أراقب فى صمت...

لذا قررت أن أخرج عن هذا الصمت لعلى أستطيع أن أوقف هذه السيمفونية الرديئة التى بدأ بعض الأعضاء بعزفها

الهدف من هذا الموضوع هو قول كلمة حق لصالح الدكتور التهامى الذى لم يبخل فى يوم من الأيام على أى واحد من السادة الأعضاء برد أو إجابة و التى غالبا ما تكون مرفقة بكل المعلومات التفصيلية و أعتقد أن هناك الكثيرين أقدم منى فى المنتدى و أجدر منى بسرد هذه الصفة عن الدكتور التهامى....

و لذلك سعدنا جدا عندما أصبح دكتور التهامى مشرف باب كندا لأن هذا الرجل بحماسه الذى أعتدناه و إخلاصه لوجه الله لن يألو جهدا فى تنظيم و إعداد هذا الباب ليكون بحق مرجع لكل عضو أو زائر يبحث عن معلومة تخص الهجرة.

ولكن كانت المفاجأة......بدأ الهجوم بفتح عدد كبير من الموضوعات المكررة لأعضاء ربما جدد أو لم يحاولوا بذل مجهود فى البحث عن أسئلتهم الشخصية

و فى كل مرة يتم غلق موضوع تؤخذ بصورة شخصية و كأنها إهانة موجهة مع أن دكتور تهامى يناقش و يوضح لماذا تم غلق الموضوع وهو قادر أن يغلقه فى صمت دون إبداء أى ملحوظة...

و تحول الهجوم على د\ تهامى إلى إهانات و أحيانا سباب و تجريح وهذا ليس بمقبول بتاتا.

الكل يشعر بالجو الأسرى الذى نستشعره فى هذا المنتدى و خصوصا باب كندا بما فيه من خصوصية و أخشى ما أخشاه أن نفقد هذا الجو الرائع....

لذا أهيب بكم أن نحافظ على هذا المنتدى و نشجع دكتور تهامى و نساعده فهو يستحق ذلك و أكثر..لا أن ندفعه لهاوية الأحباط و اليأس

فهو عندما يعمل...يكون لصالح الجميع..و لا يبتغى حتى كلمة شكر إنما لوجه الله فليس جزاؤه هو الأتهامات بدون وجه حقز

لذا أتمنى على السادة الأعضاء محبى الدكتور تهامى أن يظهروا و لو جزء من عرفانهم بالجميل لجهوده المبذولة لصالح هذا المنتدى

و تقبلوا شكرى و إحترامى

تحياتى

سوسورانى

[SoSo R]

عفوا دكتور تهامى

كدة أنا أول واحدة ما مشيتش على الرولز :P

بس دى حاجات كنت حاساها

ولازم أقولها

فمن فضلك سامحنى و أعذرنى

تحياتى

سوسورانى

[الأهلاوي الأصيل]

أنا معاكي 100% ، وباضم صوتي لصوتك

لكن عندي ملاحظة ... هي إن التهامي لما بيجي يقفل موضوع أو حتى لما كان بيطالب بقفل المواضيع اللي مالهاش لازمة قبل ما يتولى الإشراف أسلوبه هجومي أو استفزازي شوية ، ويمكن ده اللي زعل الناس منه

يعني ممكن يقدم على نفس التصرف لكن بأسلوب أظرف شوية

[pampino]

كلامك كلة صحيح ياسوسو رانى .. واللة كلنا هنا بنحب دكتور تهامى جدا لاننا بالفعل كلنا اسرة واحدة ... وبالعكس الراجل انا متابعة كل يوم وشايف انة مش متاخر على اى عضو من حيث الادلاء باى معلومة او شرح اى جزء يخص اى سوال .. وهو مشكور بيعمل على تنظيم باب الهجرة الى كندا ولكن لالاسف ياسيدتى انا شوفت نوعية من الناس اللى يدوب لسا مسجلين عضوية جديدة بالمنتدى يادوب من خلال يوم او يومين او اسبوعين وكل يوم يدخلو يسالوا وفى الاخر بحس انهم اساسا بيسالو وكان السوال الهدف منة المصلحة الشخصية فقط اومجرد انة يسال ويمشى ومايرجعش المنتدى تانى ولا يشارك فية زى ماتقولى كانها deal ولالاسف دة شى ينرفز وبجد بيدل على نوعية غريبة من الناس .. كل هدفهم الحصول على المعلومة باى طريق وياريت اساسا كلمة شكر ... عامة ما عليك يا تهامى من اى واحد او اى كلمة ممكن تمسك بشى .. لانى غالى علينا وكلنا مقدرين كل مجهودك ووقتك اللى بتبذلة داخل المنتدى فى مساعدة كل الاخوة لاننا بالفعل اخوة واسرة واحدة ... تحياتى ليك ...

[Nassarlink]

بصراحه يا دكتوره سوسوراني انت احرجتيني

كان المفوض انا الي اقوم برفع رايه المظاهره دي حبا وتقديرا وعرفانا بفضل اخونا الكبير تهامي

الي عمرنا ما حسينا منه باي تقصير او اي تجريح

وحتي لما كان بيوجهنا كان بيقول كلام منطقي ميختلفش عليه اثنين

انا معاكي رافع العلم الاخضر الي في وسطه روقة شجر القيقب الحمراء الكنديه في اول مظاهره حب وتقدير في محاورات المصريين باب كندا

الي الامام وانشاء الله من خلفنا باقي احباء الاخضر التهامي

ولك مني يا تهامي كل احترام وتقدير

بيب بيب تهامي بيب بيب تهامي

[osmel33]

شوفت أنا قولتك يا تهامي يا اخويا موضوع الإشراف ده ماوراهوش غير وجع القلب

وعيش يا ريس بقى مع المواضيع اللى بتتفتح بالطريقة دى

أنا من رأى أنك تجيب قفل وتفقل الباب ده واللى عايز يحط موضوع جديد يبعتهولك على الخاص

الأول وبعدين تشوف تحطه ولا لأ يعنى من الآخر دكتاتورية بقى واللى مش عاجبه

يروح يشوفله منتدى تاني :P لكن توصل لكده ده اللى ما ينفعش أبداً

[Salwa]

..SoSoRaNy

ربنا يوفقك ويحقق لك كل اللى بتتمنيه واللى لسا حاتتمنيه ..ويقدرك دايما على قول كلمة حق .

بصراحة ...كلنا نعرف حرص مجموعة من الاعضاء هنا على توفير المعلومة بكل حب ورضا لأى عضو جديد ..

وبالطبع من ضمنهم ولن اقول على رأسهم ( د./تهامى )..حتى لايساء فهم حديثى ...فالكل فى درجة واحدة .

وفى حقيقة الأمر (( اصابتنا الحيرة عند الأختيار لكن الاجماع كان على د/ تهامى ..لما يمتاز به من ..صبر مصحوب بدبلوماسية ..صعبة بعض الشئ ))..

مظاهرة الحب اتت ( من افراد المجتمع المحاوراتى ..والأغلبية مواطنى كندا بالطبع ) ..

وها نحن نرى موضوعات فتحت خصيصا للترحيب بدكتورنا ...حتى فى باب الابتسام ..(( تعودنا منه ان يرسم البسمة على شفاه الجميع واتى دوره كى يبتسم بكل حب ))..

مسألة ان يعتقد البعض ( خطأ ) ....انه يحابى آخرين ..او يستعرض قدرته على التصرف ...!! او غيره ...!!

هذا شئ معتاد...

وسوف اقول لك مثلا ...لو كنا ننقل كمية كبيرة من القمح ...من مكان لآخر ....

وسقطت (( بعض حبات ))....او..تسربت....على الطريق.

فسوف تستمر العربة فى طريقها ..ولن تقف لالتقاط اى حبات...لاتذكر .

هل مجرد وقوع حبة او بضع حبات من القمح سيجعلنا نقف ؟؟ ...

توجد اشياء صغيرة ...ضئيلة...تحدث من وقت لآخر فى الحياة ..(( لايجب ان نتوقف حتى لمجرد التساؤل ...لماذا حدثت وتحدث ))...

و...

لننظر لمجموعة مظاهرة الحب...ولا ننتظر اى احداث لا ترضينا ..

و...

مفروض من وقت للتانى .........نقلب الصفحة ..

كل تحباتى ..

[moheltohamy]

يا نهار أزرق!!!! :P

أنا كنت جاي أشكرك يا سوسوراني ، واقفل الموضوع بسرعة ، وكنت حاسس بإحراج غير طبيعي...

أنا مش بتاع الشكر والحاجات دي خالص! وبالذات In public ! ويمكن تلاحظي إني طلبت في الموضوع المتثبت إنو بلاش الشكر خالص!

لكن كلامك لفت نظري للموضوع إيّاه ، وفوجئت إنه اختفى! قلت أكيد حد من البهوات الزرق دخل في البيت الملك اللي لسّه مستلمه ده ، وبيقصقص فيه كمان؟! دا أنا بادفع الإيجار في ميعاده!

رحت بصيت في الـ Backyard بتاعت المنتدى أنعكش في الفضايح اللي مرميّة هناك... وهنا كانت الصدمة...

أنا اتشتمت رسمي! اتشتمت بصورة مباشرة! ;)

معلش يا مدام سلوى ، ويا مدام فلانة... مضطر أقتبس الكلام اللي عشانه يمكن أختنا سوسوراني كتبت الموضوع ده! واللي أنا لسّه في مرحلة الصدمة من قراءته... واللي أكيد معظم الأعضاء ما شافوهوش!

يمكن يتخيّلوا الصدمات اللي باشوفها!

Salam alekum

All of u knows why I opened this topic for our brother moheltohamy

I written about him when I was angry because the way he replied my previews topic about Canada immigration 6 two 12 months then my brother said me delete the topic no need to make the issue more bigger because some ppl don't deserve to waste your time for them then I deleted my this topic and mentioned plz delete ..

Now our brother moheltohamy taking this a other chance to laugh on me because I also send him a privet message asking him why he act and written ill about me in my previews topic he knows that he was wrong but we always should expect strange ppls over the world

Sorry guys but the main problem came from brother moheltohamy and he asked the admins to lock my topic without any reason

I opened that topic only to say Canada says the new processing time will be only 6 two 12 months but actually its not like that. he written there where is the q and for what the topic made ? and admins listen his reply??

I have q for u my brother moheltohamy why ur doing this all to just show the admins here that ur active or ur just free don't have anything to do??

Thank you

And allah yesamhak

Thanks and regards

Omar

هوّه إيه اللي بيحصل ده يا اخواننا؟! هوّه فيه إيه عشان كل ده؟!

دا حتى لو كان الموضوع موضوع يستاهل يتساب مفتوح ، كان ممكن يبعت رسالة للإدارة ويشتكي من المفتري (اللي هوّه أنا)!

يمكن أسلوبي فيه شويّت سخرية ، بس ده أسلوبي حتى في الكلام على القهوة بتاعتنا هنا!

وكنت باتكلّم بطبيعتي لما باقفل أي موضوع! وخلاص عرفت إن أحسن حاجة نقلب الوش الرسمي ، وكلمتين ونقفل الموضوع بعدهم!

أنا والله مانا عارف أقول إيه! :sad:

[مصركندا]

الأخ الغالى جدا جدا جدا العزيز د التهامى :

أدعو لك فى دائما بالتوفيق و النجاح و تأكد ان مجهودك فى مساعدة النس لن يضيع هباء بالعكس سوف يرده الله لك فى صور عديدة أولا سوف يوضع فى ميزان حسناتك كصدقة جارية تثاب عليها كلما يستفيد منها انسان

ثانيا انت تكسب كل يوم قاعدة عريضة من المحبين و الاصدقاء اذا تكرمت وشرفتنا بصداقتك

ثالثا سوف يرد لك كل كلمة او مساعدة تكتبها عندما تحتاج من اى انسان لان الخير لايضيع

االناس يرمون فقط الشجرة المثمرة بالاحجار اما الشجرة العجفاء لايقترب منها احد و تكون مهملة

و اخيرا الكبير كبير وانت اكبر بكتير من الحاجات الصغيرة

اتمنى ان تقبلنى كاخت لك و اراك و مدام هند فى كندا عن قريب قول امين ماحنا اخدنا التاشيرة خلاص

تحياتى لاجدع تهامى

[qenawy]

ربنا يوفق د مجمد في مهمته الصعبة

اقولك طريقة حلوة لغلق المواضيع وهي كتابة كلمة صغيرة

تم الغلق بناء علي البند رقم كذا وشكرا

ولو عاوز المحمل الشخصي ينتهي اتعب في رسالة خاصة قصيرة لصاحب الموضوع قوله موضوعك ممتاز بس مخالف لبند كذا

اي حد هيتقبل الرسالة المفروض وبعد ذلك مع احترامنا لاي حد هو حر

هو بس الصراحة بيقي فيه اعضاء جدد مش عارفين النظام وبصراحة ما لهومش حل الا كتابة ملحوظة زي بتاعة استاذ محمد

وهي (اي موضوع شخصي او مكرر سيغلق بدون انذار شاكرين لتفهمكم) مثلا

عموما رضاء كل الناس مهمة لم يستطع الانبياء اتيانها

ويا خوفي علي التهامي ومن التهامي لو زرجن ربنا يقدره فعلا وربنا يستر

عموما ثقتي فيه عمياء

[أبو نور]

دكتورنا الحبيب تهامي

جملة صغيرة

إن العفو يزيدك عزاً وكرامة، قال رسول الله صلى الله عليه وسلم: ما زاد الله عبداً بعفو إلا عزاً.

وفقك الله لما يحبه ويرضاه وجعله الله في ميزان حسناتك،،،

:P ;) :sad:

[abdelallah]

د/قناوى أشكر لحضرتك ردك المتزن .. كلنا يحترم د./تهامى ( و كل الأعضاء) ... ردك حضرتك هو مربط الفرس فى هذا الموضوع ... و زى ما حضرتك ذكرت و ذكر الأستاذ الأهلاوى الأصيل: "أنا معاكي 100% ، وباضم صوتي لصوتك لكن عندي ملاحظة ... هي إن التهامي لما بيجي يقفل موضوع أو حتى لما كان بيطالب بقفل المواضيع اللي مالهاش لازمة قبل ما يتولى الإشراف أسلوبه هجومي أو استفزازي شوية ، ويمكن ده اللي زعل الناس منه يعني ممكن يقدم على نفس التصرف لكن بأسلوب أظرف شوية " .. يعنى لو أنا ركنت فى الممنوع أدفع الغرامة لأنى خالفت القوانين -لما تبقى معروفة- بس ما أخذش كلمتين فى جنابى!!! لكل فعل رد فعل... و فى الأخر نحن أخوة.

و أعتقد أن د./تهامى فطن لهذا بسرعة.

نقدر لك مجهودك يا دكتور.

ربنا يوفق د مجمد في مهمته الصعبة

اقولك طريقة حلوة لغلق المواضيع وهي كتابة كلمة صغيرة

تم الغلق بناء علي البند رقم كذا وشكرا

ولو عاوز المحمل الشخصي ينتهي اتعب في رسالة خاصة قصيرة لصاحب الموضوع قوله موضوعك ممتاز بس مخالف لبند كذا

اي حد هيتقبل الرسالة المفروض وبعد ذلك مع احترامنا لاي حد هو حر

هو بس الصراحة بيقي فيه اعضاء جدد مش عارفين النظام وبصراحة ما لهومش حل الا كتابة ملحوظة زي بتاعة استاذ محمد

وهي (اي موضوع شخصي او مكرر سيغلق بدون انذار شاكرين لتفهمكم) مثلا

عموما رضاء كل الناس مهمة لم يستطع الانبياء اتيانها

ويا خوفي علي التهامي ومن التهامي لو زرجن ربنا يقدره فعلا وربنا يستر

عموما ثقتي فيه عمياء

تم تعديل 24 مارس 2009 بواسطة abdelallah

[waloaa]

دكتور تهامي:

انا عايزة اقول لحضرتك انى استفدت كتير قوى منك ....وعلى فكرة مش ف موضوع كندا بس

لأ ف حاجات كتير قوى....كنت بتتكلم فيها سواء فى باب كندا او فى غيره من مواضيع

وحصل ليا قناعة من زمان انك شخص واسع الاطلاع ..... طموح ...ودمك خفيف ....وكمان قلبك طيب

وعلى فكرة انا زى ما قلتلك هنا من فترة يعنى مش بجامل وخلاص

وانا قلت الكلام دا ف حقك من زمان حتى شوف تاريخ المشاركة دي

بس انت اللى طنشت ومردتش wst:: او .......يمكن ما شفتهاش ساعتها

وزى ما قال لحضرتك دكتور قناوي

عموما رضاء كل الناس مهمة لم يستطع الانبياء اتيانها

علشان كدا لازم تعمل الصح وما تفكرش كتير

وخلي نيتك انك بتعمل خير زى ما قالك دكتور الشامي فى موضوعه

واكيد كل واحد لما حيشوف الثمرة فى الاخر: ان المواضيع بقت مرتبة وعددها اقل بدل الهيصة اللى حاصلة دلوقتى

حيقول ساعتها ...فعلا كان معاك حق يا دكتور تهامي bv:-

فاهمني يا تهامي ...يا ابن عمي...(اوعى حد يكون حاجز اللقب دا) :waf:

وشكرا يا سوسو على انك فتحتلنا طاقة نور ممكن من خلالها نوفى الراجل الاخضر دا حقه :)

[د هشام ابراهيم]

تحية محبة و تقدير لجميع المحاورين و شكر خاص مستحق للدكتورة سوسوراني علي مبادرتها الكريمة :)

تهامي يا أخويا يا حبيب هارتي :waf: ..... ما حدش قال إن الاشراف حاجة سهلة أو هينة ..... و طبيعي انك عمرك ما حترضي الجميع .... اعمل اللي شايفه صح بعد التشاور مع الناس ....لا خاب من استشار يا صديقي ..... ممكن بقي تكمل مهامك كعضو (محبوب و فعال ) و كمشرف (واثقين فيه و أملنا فيه كبير )

و ختاما Achete ta tete يا عم الحاج wst::

[arora]

انا اتفق مع قناوى فى رايه

انه يكفى الاشارة الى الغلق مع اضافة البند من قواعد المشاركة

مع كلمة اعتذار رقيقة مع الشكر

والحقيقة انا لا افهم ان ياخذ بعض الاعضاء الامر بشكل شخصى

ان الامر لايمكن ان يكون بشكل شخصى لاننا ببساطة لانعرف بعضنا بشكل شخصى حتى يكون هناك مواقف مسبقة

ان اغلاق المشرف لموضوع لايكون الا لاسباب تتعلق بقواعد وقوانين المنتدى

لذلك ارجو من د. تهامى سعة الصدر وطول البال

لان فعلا المنتدى يحتاج الى من يضبط ايقاعه بصورة جيدة

ولو اعتذر الجميع من سيتولى المهمة !!!!

[Princesse]

انا من ساعة ما اشتركت في المنتدى و انا شايفة الدكتور تهامي بيبذل وقته و مجهوده علشان يفيد الناس في المنتدى.

ولو عملتوا مظاهرة تعبروا فيها عن حبكم للدكتور تهامي انا هكون اول المشتركين.

يا دكتور ديما الشجرة المثمرة تقذفها الناس بالطوب، فلا تهتم بالاصوات المعارضة. وبصراحة عندك حق في غلق الموضوعات المكررة و المكتوبة في غير مكانها.

يا جماعة النظام حلو، سيبوا بقي الدكتور تهامي يظبط الدنيا (يظبط الكلمة دي بتفكرني باغنية حماقي)

واحب اهدي الاستاذ قناوي و الاستاذ هشام و الجميلة سوسوراني، و الرقيقة الاستاذة سمية و الاستاذ ايهاب اهدي للجميع وردة :) بجد مشاركتكم جميلة ومفيدة.

والعزيز دكتور تهامي انت بقي ليك Un grand bouquet de fleur

[ramyfathalla]

طبعا أنا معاكم فى مظاهرة محبة الدكتور الكبير التهامى قلبا و قالبا و كل اللى بيساعد من القلب زيه جزاك الله كل الخير يا حبيب المنتدى وربنا يدوم علينا المحبة فى هذا المنتدى الكريم و مش حأقولك غير ( خيركم أنفعكم للناس)صدق رسول الله صلى الله عليه وسلم................

[icehearted girl]

ممممممممممممم

و فى كل مرة يتم غلق موضوع تؤخذ بصورة شخصية و كأنها إهانة موجهة مع أن دكتور تهامى يناقش و يوضح لماذا تم غلق الموضوع وهو قادر أن يغلقه فى صمت دون إبداء أى ملحوظة...

للاسف معترضة تماما علي الجملة دي

معظم الاعضاء هنا ناس جديرين بالاحترام واحسبهم جميعا علي خير ومش اطفال

يعني مش حقهم يلاقوا مبرر واضح لغلق المواضيع

دكتور تهامي لما بيبرر غلق موضوع او ماشابه دا صحيح من حسن شيمه

لكن دا واجب يفندم مش فضل بيتفضل بيه علي الاعضاء

اما بخصوص المواضيع المكررة

فطبيعي اي حد لما بيدخل بيسال مباشره عن اللي عاوزة

لانه ميعرفش اذا كانت النقطه دي تم الاستفشار عنها من قبل أم لا

شيفة من الافضل يتعمل موضوع مثبت فوق بيشمل ارشيف لاهم مواضيع الساحة

في الحالة دي يبقي اللي داخل عضو جديد ملوش حجة

تم تعديل 24 مارس 2009 بواسطة icehearted girl

[الباشمهندس ياسر]

قلبى عندك يا تهامى يا اخويا

معلش بقى ... خليك تاخد شوية حسنات زيادة

و ربنا يهدينا جميعا و يرزقنا الصح حيث كان

[YUSY]

انا مع حضرتك فعلا كلامك صح لانى لاحظت ان فيه مواضيع كثير مهمه تبذل فيها مجهود غير طبيعى علشان تطلع بالمعلومات المهمه من كثر السلامات .. تسجيلات المتابعة ...ممكن نعمل ركن خاص بالعلاقات الاجتماعية بعيدا عن المعلومات الهامة

دكتورنا العزيز ربنا يوفقك ويبارك فيك