مدرسة بمميزات خاصة

[pink rose]

السلام عليكم و رحمة الله و بركاته

الاخوة الكرام اعضاء هذا المنتدى الرائع تحية عطرة :P

كل واحد فينا بيفكر في مستقبل اولاده لانهم اهم حاجه في حياته

و اول حاجه بتفكر فيها لابنك او بنتك هو التعليم

سؤالي هو : ايه المميزات اللي تتمناها تتوفر في مدرسة ابنك

عاوزة اقتراحتكم في الموضوع دا

لو تحب تدخل ابنك او بنتك مدرسة ايه هي الحاجات اللي تتمنى انها تكون موجودة في المدرسة دي؟؟؟؟

[se_ Elsyed]

1- مدرسة تحبب الاولاد في التعليم .. مش يبصوا لها على انها كورس تعذيب

2- مدرسة فيها مناهج مواكبة للعصر ... مش مناهج عفا عليها الزمن والطالب يتخرج وييجي يشتغل يحس انه ما اتعلمش حاجه

3- مدرسة تُركز على تعليم لغتنا الام كاساس

4- مدرسة تُكمل البيت في التربية .. مش حشو مواد في كتب وخلاص .. وياريت التربةي تبدأ من الدين

5- مدرسة تهتم بتعليم لغتين اجنبيتين على الاقل

6- مدرسة تخلي الطالب بروفيشنال في الحاسب الآلي

7- مدرسة تخلي الطالب يشغل مخه ويتعلم اصول البحث العلمي ويتعلم القراءة ويتعلم ان كتاب المدرسة ما هو الا جزء من العملية التعليمية وان هناك مصادر اخرى

8- مدرسة تهتم بالنشاط الرياضي والبدني

9- مدرسة تهتم بتنمية الحس الفني لدى الاولاد .. رسم .. موسيقى محترمة ... هوايات متعددة

10 - مدرسة تفاعلية مع الاب والام ومافيش مانع تربيهم هما كمان

11- مدرسة تربط الطالب بها حتى في الاجازة الصيفية وممكن تفتح مكتباتها وملاعبها الرياضية لهم في فصل الصيف

انا بأحلم بأحلم بأحلم

[pink rose]

انا كمان نفسي ولادي يحبوا المدرسة ما تبقاش بالنسبة ليهم هم تقيل على القلب

انا عاوزة ولادي يتعاملوا معاملة آدمية في المدارس مش عاوزة حد يديهم بالرجل يقعوا يموتوا

مش عاوزة ولادي يقعدوا في علبة سردين و الاسم فصل دراسي

عاوزة منهج يطلع الابداع اللي جوا كل واحد

عاوزة مدرسة تعرف ايه اللي ولادي متميزين فيه و تنميه فيهم

عاوزة ولادي يعروفوا دينهم مش يبقى الدين مش على المجموع يعني من الاخر مادة مالهاش لازمة

عاوزاه مدرسين محترمين واعيين اخلاقهم كويسة يبقوا قدوة لاولادي

زي ما قولت يا سين سين مواكبة للعصر كفاية بقى السنوات الضوئية اللي الغرب سابقينا بيها

مش عاوزة ولادي يرجعوا من المدرسة شايلين هم الواجبات المدرسية و مش عاوزة حد فيهم يكون خايف من امتحان و يحصله رعب من حاجه اسمها ثانوية عامة و انها عنق الزجاجة و هي دي مستقبله يا طلع برة العنق يا غطس في الزجاجة و غرق

احنا بجد محتاجين ثورة في التعليم

الله المستعان

بس سؤال لو حد فكر يعمل مدرسة بالمواصفات اللي قولنا عليها دي و اكتر من كده كمان تفتكروا الحكومة و وزارة التربية و التعليم تسيبوا يعمل اللي في دماغه ؟ دا السؤال المهم

تم تعديل 24 مارس 2009 بواسطة remo

[elfakhrany]

لابد من تغيير أيدلوجية التعليم فى مصر بداية من المناهج البالية و الكادر التعليمى الغير مؤهل للتدريس و عدم وجود تعليم حقيقى لاساسيات العصر الحديث مثل اللغات وتطبيقات الحاسب الألى ودهشت عندما قابلت مهندس بعد تخرجه ليست عنده اى فكرة عن الحاسب الألى . أيضا الأهتمام بالتربية الرشيدة اللتى أصبحت شبه منعدمة من مدارسنا سواء الحكومية أو الخاصة مما أدى الى ظهور الأجيال الجديدة بلا هوية ... وشكرا

تم تعديل 25 مارس 2009 بواسطة elfakhrany

[شيماء حمدين]

كل ما تتمنوة عن التعليم جميل وممكن الحوث وبسهولة لان الموضوع مثلما قال الاخ الفخرانى مجرد ايدولوجية نحتج لها

ولكن الا ترون اننا نبحث دائما عمن نحملة تقصيرنا

سواء الحكومة او المدرسة

فأين دورنا كبيت وأم وبيئة اسرية

اصبحنا فقط نأكل ونشرب ونعمل الهوم ورك والباقى على المدرسة

هو دة الخطأ الاكبر فرسولنا الكريم أيضا قال ان اللة لا يغير ما بقوم حتى يغيرو ما بأنفسهم

تلك المشاكل التى نجدها من المدرسين وهزا العنف هل هو من المنهج او النظام التعليمى لا واللة

انة من ام نشأت امة دون ان تعلمهم معنى الرحمة او احترام الزات

دون ان تربيهم قبل ان تعلمهم

انظرو الى الامهات فى الزمن البعيد

كانت تعد ابنها للزهاب لشيخة فبما توصية تقول لة

(خز من حلمة قبل ان تاخز من علمة)

انظرو الى حالنا الان

بما نوصى ابنائنا.................................................................

تلك المدارس التى نحلم بها موجودة وممكن ان توجد

لكن اين المدرسة الكبرى التى تغرس اولا

وبعد زلك تساعدها العملية التعليمية

فكلنا يحتاج الى اعادة تأهيل

[pink rose]

على فكرة

انا ما كتبتش الموضوع دا بس لتبادل الاحلام

انا بسأل كل واحد فيكم ايه اللي نفسه يكون في مدرسة ابنه

لاني باحلم و ان شاء الله يكون حقيقة قريبا اني اعمل مدرسة تكون بمميزات خاصة جدا

عاوزة المدرسة دي تطلع جيل محترم متدين منظم عبقري

عشان كده قولت اشوف ايه رأيكم

يعني عاوزة اجمع آراء عشان اعرف ايه اللي الناس عاوزاه

انا عندي افكار في دماغي فعلا بس انا مش هافتح المدرسة دي لبنتي انا بس

ارجو المساعدة باقترحات فعلية و دا ما يمنعش الاحلام برضه