تحياتى من كيبيك سيتى

[mahros]

حمد لله على السلامه يا مدام دعاء

ربنا يوفقكم في الفتره الصعبه دي

انما ليه كيبيك سيتي

والله يا استاذ ايهاب الموضوع ده شرحه يطول

احنا لحد قبل مانسافر باسبوعين بس ماكناش عارفين نستقر على المدينة اللى هاننزل عليها تصدق ؟؟؟!!!

وكنا انا وجوزى بنقعد على النت لحد الصبح مايطلع علينا كل يوم علشان نقدر نلاقى مكان لكن استبعدنا الفندق لان ميزانيته هاتكون كبيرة جدا ومش هاينفعنا طبعا غرفة واحدة ولا اننا ننفصل فى غرفتين لان العيال طول الوقت انا عيزة بابا لا انا عايزة ماما وكده مش هانخلص

فوصلنا لحل اخيرا اننا ناجر شقة مفروشة لمدة شهر واثناء الشهر ده ممكن نخلص اوراقنا ونلاقى مكان للاستقرار الدائم براحتنا فواجهنا مشكلة تانية اننا مانعرفش ايه المكان اللى ممكن يكون كويس والمنطقة المناسبة وكمان ماعرفناش نحجز من على النت وفيه ناس كتير ياجروا كلمناهم فيه اللى كان مابيردش خالص وفيه اللى يقول لا علشان عدد الافراد كبير

ايه يا جماعة ؟ مش كندا بلد الاطفال برضه ؟ ليه كل ما حد يسمع 4 اطفال يتخض ويقول ماينفعش

ماكانش ينفع غير انه يكون فيه حد هناك يقدر ياجر لنا شقة ونبعث له الفلوس وكان فيه كام واحد فى مونتريال معارف واحد صاحب جوزى لكن للاسف كله تملص مننا لان عددنا كبير

وطبعا وصلنا لدرجة من الاكتئاب كبيرة جدا

لحد ما فى اخ فاضل فى كيبيك سيتى كان بيعزل من شقته وقالنا انه ممكن يسيبها لنا بس نحاول نيجى بدرى وبعد ماكنا حجزنا 2 ابريل غيرنا الحجز ل14 مارس فى سرعة فائقة

لان طبعا ماصدقنا ان اخيرا هانلاقى مكان بدل مانخرج من المطار ونتبهدل مع العيال فى بلد غريبه وكمان كان معانا كم شنط رهيب

وعلى الرغم انى ماكنتش مبسوطة لانى كنت بفضل مونتريال لاتساع مجالات كتير فيها الا ان جوزى رحب بالفكرة وقالى احسن بداية لينا تكون فى مدينة هادية وتكاليف معيشتها ارخص قليلا افضل فى الاول وبعد كده يبقى ربنا يسهل اذا حبينا تغيير المسار بس نكون اخدنا على نظام البلد وفهمنا الدنيا حوالينا

وعلشان كده توكلنا على الله وجينا على كيبيك سيتى

وفعلا لاقينا ان فرصتنا لدراسة اللغة الفرنسية هاتكون اسرع من مونتريال لان طابور الانتظار فيها طويل

وقولنا دلوقتى نركز على الدراسة واذا مالاقيناش فرص عمل ممكن ننتقل الى مدينة اخرى

معلش طولت عليك لكن باختصار جينا كيبيك سيتى لتوفر مكان سكن لم يتوفر فى مونتريال بعد محاولات جهيدة

وشكرا لمرورك الكريم

بس مين اللى هاجم على اللاب توب ده ؟؟ ولا هو الشغل واخد حقه تمام معاه ؟

بالتوفيق يا مدام دعاء..وهو فعلا مكان ممتاز علاوه علي امكانيه دراسة الفرنسية بواسطة المنحة المدفوعة المقدمة من حكومة كيبيك ..انا قمت بزيارة كيبيك عام 2007 وبالفعل اكتشفت انه مكان مناسب لتربية الاطفال ولكن الشئ الذي احزنني العنصرية وعدم توافر فرص العمل.. اخيرا احب ان ارشح لكى المكان المناسب للسكن وهو مدينة saint foyوخاصة المنطقة المحيطة بالمسجد..فانا كنت اعيش هناك لمدة شهرين وبصراحة كانت احدي المناطق الجميلة التي افتقدتها كثيرا..بالتوفيق ولكم مني خالص الامنيات بالتوفيق.

[ELSHAMY]

ألف مبروك مدام دعاء.....

شفتى بقى أهو وفقكم الله.......

و الله فرحان لك من قلبى يا رفيقة الكفاح......

أنا حاليا فى لندن أونتاريو و تحت أمركم فى أى استفسار..... و يمكنك الاتصال بأم على لو حبيتى حنتشرف بكم

[safar]

الحمد لله على سلامة الوصول سائلين الله أن ييسر لكم الخير والناس الصالحين وتكونوا قدوة صالحة مصلحة للاسلام والمسلمين.

مع تحياتي للجميع

[wafa]

ماشالله لا قوة الا بالله

الف مبارك .. ربي يبارك لكم في كل خطوة في كندا

الحمدلله رب العالمين .. ربنا يبارك في رحلتكم يا رب .. ويكتب لكم طيب المقام فيها

بحفظ الله

[جيمي]

الف الف مبروك يا مدام دعاء

ويارب يوفقكم فى بلدكم الجديد كندا وييسر لكم احوالكم ويبارك لكم فى اولادكم ويرزقكم خيرها ويكفيكم شرها وجعلكم فى بلاد الغورب ان شاء الله خير مثال للاسلام والمسلمين ونفع بيكم اعضاء المنتدى المساكين المنتظرين ................آآآآآآآآمين آمين يارب العالمين

[ناوية ع الهجرة]

الف الف الف مبروك يادعاء

ربنا يكتب لكم الخير ويوفقكم ويحفظ لك اولادك وولاد المسلمين جميعا

وربنا معاكم ويسهل غربتكم وتلاقوا سكن وعمل مناسب في القريب العاجل وطمنينا عليكي باستمرار

[Queen]

السلام عليكم،

حمد الله على السلامة يا دعاء، ربنا معاكي في الفترة الاولى و يوفقكم في كل خطاكم و يثبت اقدامكم في كندا باسرع وقت ان شاء الله.

[medopharm]

الف حمد الله على سلامتكم

وربنا يوفقكم ان شاء الله

ويعدى المرحله دى على خير

[jessika]

حمدللة على سلامتك يا مدام دعاء وربنا يوفقك ويكون فى عونك فى التلج دة انتى مسافرة فى وقت صعب قوى بس معلش كلة بيعدى وطمنينا عليكى دايما

[المتفائلة]

الف الف مبروك يا اخت دعاء والف حمدالله على السلامة بداية موفقة انشاء الله لحياة ممتدة موفقة وسعيدة وبارك الله لك فى اولادك وجعلهم قرة اعين وفرح قلبك انت واباهم

ووصولك الى كندا يبعث فينا تفائل اكثر بمستقبل مشرق لك ولنا نحن الصابرين المنتظرين .

[Lunalola]

الف الف حمد لله على سلامتك يااخت دعاء , وربنا ييسر لك امورك ان شاء الله ويوفقك لما فيه خير لك ولعائلتك مع اني زعلانه منك شوية صغيرين لانك مكلمتنيش قبل ماتسافري بس انا مقدرة انك اكيد كنتي مشغولة جدا , ان شاء الله هحصلك عن قريب بس انا من الفريق بتاع تورونتو-اونتاريو , ومستنيين اطباعاتك الاولى بالتفصيل

[أبو نور]

ألف حمدآ لله على سلامتكم

ربنا يوفقكم ويباركلكم ويهديكم لما فيه مصلحتكم إنشاء الله

وبالتوفيق يا أخت دعاء

[ibra]

الف الحمدله على السلامة اخت دعاء

واخيرا وصلت بعد عناء طويل الى ماكنت تناضلين من اجله؟؟؟

وفقكم الله وجعل لكم في كل خطوة سلام

عندما ترتاحين وتاخدي شوية على البلد اعود واسالك عن بعض الامور التي تهمني وتهم بقية الاخوة في هذا المنتدى الكريم؟؟؟

مرة ثانية الف الحمدلله على السلامة.

[hamoudi]

حمد لله على السلامة يامدام دعاء واسف على التأخير

وتعرفى انا من يوم الانترفيو بفكر اذا ربنا كرمني بالسفر وتم القبول فيدرالي هاخلي ولادي يبطلوا دبدبة ازاي !!!!!!

تم تعديل 25 مارس 2009 بواسطة hamoudi

[ايهاب سالم]

ابسطي يا مدام دعاء

كيبيك سيتي ثاني اسعد مدينه في كندا

المدن بالترتيب

Saint John - Province of New Brunswick

Quebec City

Charlottetown - Province of Prince Edward Island

Kitchener - Province of Ontario

St. John's - Province of Newfoundland

Saskatoon

Regina

Winnipeg

Halifax

http://torontonews.wordpress.com/2007/12/2...city-in-canada/

تم تعديل 25 مارس 2009 بواسطة ايهاب سالم

[astrophy]

الف مبروك يمدام دعاء وربنا يوفقكم وهيبارك لكم لان الى بتعملوه انتى وجوز حضرتك من انواع الجهاد وهيكرمكم علشان كدا لانكم بتحاولوا توفروا لاودكم حياة افضل وعموما انتى بتقولى ان الفترة دى صعبه فى الاول فعلا وبذات فى مكان جديد وناس جديده خالص بسى عموما كل شىء هتتعوده عليه وهتتسهل الامور مع الايام وكمان 5 سنين ان شاء الرحمن هتفتكرى الايام الاولى دى وتضحكى لان خلاص هتكون اتعودتم على البلد وعادت موطنكم ربنا يسهل خطاكم ويكرمك ويكرمنا جميعا وكل الى عايز يهاجر

[د هشام ابراهيم]

الله يسلمك يا دكتور هشام وشكرا جزيلا على ذوقك وكرم اخلاقك جزاك الله كل خير

وايضا لك جزيل الشكر على رسالة البريد الخاص

العفو يا سيدتي الفاضلة و أنا تحت أمرك و العائلة الكريمة :closedeyes:

كويبك سيتي مدينة جميلة حسب كل اللي زارها ...الخيرة فيما اختاره الله و ربنا يسهل الأمور

[دعاء]

:D

اخوانى واخواتى الكرام اعضاء المنتدى

بجد اسرتمونى بذوقكم ومشاعركم الطيبة وباشكركم من كل قلبى على كل شخص دخل موضوعى وكتب فيه حرف او حتى دخل وقرا فقط وان شاء الله لكم اكثر مما اعطيتمونى خير وثواب باذن الله

اعتقد ان فى ردى على المهندس ايهاب رويت تفاصيل ايجاد سكن مناسب قبل السفر اما الان فساخبركم على تفاصيل رحلة الطيران وطبعا اعذرونى لان ملكات الكتابة عندى مش جيدة بما يكفى وممكن تكون المعلومات غير منظمة شويةبس هاحاول على قد ما اقدر

:closedeyes:

فى البداية دورنا على النت على كل عروض شركات الطيران واستخدمنا كذا موقع وكان اهمهم ( اكسبيديا ) ولكن نظرا لعدم وجود امكانية استخدام الكريديت كارد معانا فاحنا كنا بناخد فكرة فقط

وبعد كدا بدا زوجى فى رحلة اللف على معظم مكاتب السياحة للبحث عن عروض جيدة من حيث جودة شركة الطيران وطبعا رخص الاسعار

وكان فيه عرض ممتاز من شركة اير كندا بالتضامن مع كل من ( مصر للطيران - لوفتهانزا ) وسعر خيالى وهو تقريبا ( 820 دولار للفرد ) - بصراحة مش متذكرة قوى الرقم بس هو فى التمنميات-

بس للاسف العرض دة كان على بعض الكراسى فى الطيارة فقط ولم يكن العدد كافى لنا

وبالتالى انتقلنا بعد كده على الشركة الاوليمبية وزى ما ذكرت قبل كده حجزنا لينا كلنا فى حدود ( 3600 جنيه مصرى للفرد ) وتوكلنا على الله

وكان اختيارنا ليها بصراحة بسبب السعر لانها كانت ارخص شركة

وخط سير الرحلة من القاهرة الى اثينا ( ساعتين ) ترانزيت فى مطار اثينا ( 3 ساعات ) من اثينا الى مونتريال ( 10 ساعات )

قعدت يا افاضل اظبط وزن الشنط اسبوع وفتحتهم وفضيت منهم حاجات 3 مرات علشان الوزن يتظبط ومافيش فايدة واخر 3 ايام قبل السفر ماكنتش بنام لحد الحمد لله وصلتهم للوزن المطلوب وهو 23 كيلو لكل شنطة ( 10 شنط ) وشنطة 10 كيلو ( لياسين )

وده والله مش عشان انا عايزة اخد حاجات كتير ابدا بس احنا غصب عننا حاجاتنا كتير علشان عددنا واعتقد ان كل ما سن الاطفال كان صغير بيكونوا حاجاتهم اكتر مننا

المهم انا كنت متاكدة من الوزن علشان جيبت ميزان مخصوص للشنط وكنت باوزن كل شنطة اكتر من مرة لحد ما ضهرى وضهر جوزى اتقطم ولما اتوزنت الشنط فى المطار كانت كل شنطة معدية 25 كيلوا ازاى ماعرفش ( علشان تاخدوا بالكم من النقطة دى ميزان المطار مختلف )

بس الحمد لله مادفعناش وزن زيادة ودى كانت ميزة الشركة الوليمبية انها مش بتدقق على الوزن قوى طالما فى حدود ( العشرينات )

وركبنا الطيارة فى ميعادها والحمد لله

وهذه قصة اخرى سوف احكيها لكم لاحقا باذن الله واشكركم على حسن الاستماع

:blink:

[د هشام ابراهيم]

بداية قوية يا أفندم .... متابعين :closedeyes:

[pampino]

تسجيل متابعة يامدام دعاء