تحياتى من كيبيك سيتى

[السيد منير]

اخوانى واخواتى الاعزاء وحشتونى جدا جدا

بمشيئة الله سوف نبدا رحلة الابحار فى الحياة والمعيشة فى كيبيك سيتى وسوف يشاركنى الرحلة زوجى ( عزالدين) والذى له خبرة اكثر منى نظرا لاحتكاكه بالمجتمع فى حين انى معظم الوقت فى البيت لرعاية الاولاد ولذلك فهو سيساهم بجزء كبير من المعلومات المقدمة وسيكون المسئول عن الاجابة على معظم الاستفسارات

سنبدا فى باب جديد اكثر تركيزا ودقة اسمه :

ســـــــلاح التلمــــيذ

ستكون هناك حلقات اسبوعية - كل اسبوع سنتحدث عن موضوع معين واذا كان الموضوع متبحر سوف يقسم الى اجزاء وكل اسبوع جزء وبعد نزول الحلقة ارجوا ان تكون الاستفسارات فى اطار موضوع الحلقة فقط وبعد انتهاء الموضوع ستكون هناك حلقة للرد على كل الاستفسارات الخاصة بهذا الموضوع وبهذا لن يحدث تشتت ومن يبحث عن معلومة سيجدها بدون مشقة باذن الله

ساترك الميكرفون الان لعز

السلام عليكم ورحمة الله وبركاته

بما انى على دراية كاملة من خلال قراءاتى للمحاورات وسماعى للراديو ومشاهداتى للتلفزيون بان اصعب فترة للمهاجر الجديد هما اول سنتين وخاصة اول ثلاثة شهور فاحب ان اوضح وضعى فى نهاية اول ثلاثة شهور :

1- انى جالس فى شقة حجرتين وصالة وبلكونة تطل على حديقة جميلة قريبة من المسجد والجامعة ومحلات التسوق العامة والحلال

2- بنتى فى المدرسة وعربية بتوديها وتجيبها امام المنزل يوميا

3- ابنى اخد التطعيمات بتاعته فى مواعيدها

4- اشتريت عربية كبيرة وليها مكان مخصوص لركنها امام المنزل

5- منحة الاطفال الفيدرال واليونفرسال جت بعد شهرين

6- دخلنا تحت مظلة التامين الصحى

7- يوجد لينا مكان فى الجامعة لدراسة اللغة الفرنسية فى الدورة القادمة

8- يوجد لينا حساب فى البنك

9- معانا الكروت الاساسية ( pr - التامين الاجتماعى - التامين الصحى )

10- سوف ادخل امتحان القيادة هذا الشهر

11- اشتريت كومبيوتر جديد ممتاز بالتقسيط

12- عندى اشتراك تليفون ( محلى - دولى )

13- عندى اشتراك فى النت ذو سرعة عالية

14- الحمد لله فرشنا الشقة كلها

15- يوجد علاقات جيدة مع مصريين وعرب

( وهذا هو وضعى فى نهاية الثلاثة شهور اللى بيقولوا عليها اصعب فترة )

- طبعا من باب العلم بالشئ نحن هنا لا نقارن بين كندا ومصر لانه لا يمكن المقارنة اصلا ولكن لمن يتحدث عن الماديات احب ان اقول ان الفلوس ليست كل شئ

هل احد يعلم ما هى الاساسيات التى يجب توفرها لكى يعيش الكائن الحى ؟

الاجابة هى : الهواء - الماء - الغذاء

وبما اننى كنت من سكان العاصمة القاهرة فانا على دراية بكمية السموم المقدمة للشعب فى هذه الاساسيات ومثلى كثيرين على نفس القدر من الدراية

ولكم منى بعض النصائح التى اتبعتها انا شخصيا وهى :

- اذا كنت على قناعة ان السفينة بتغرق فيجب ان تقفز فى اسرع وقت ومش لازم تختار المركب اللى هاتقفز فيها ( كندا - امريكا - استراليا - نيوزيلندا - ........) المهم انك تقفز بعيدا

- اذا كنت ناوى على كيبيك مش مهم دراسة اللغة بعد المقابلة لانك لازم هاتتعلم اللكنة بعد ما توصل

- اذا كنت جاى كندا فيجب عليك ما يلى :

1- سماع برنامج ( مى ابو صعب ) من راديو كندا الدولى الذى يبث من مونتريال اجبارى يوميا rci ca

2- سمع راديو crmo ca وهو ايضا يبث من مونتريال

3- مشاهدة نشرة الاخبار بالفرنسية على قناة tv5 على النايل سات الساعة 8 او 9 صباحا حسب التوقيت الصيفى والشتوى

وذلك لاستقاء المعلومات الهامة جدا والتى تعرفك على المجتمع الذى ستكون جزء منه مستقبلا

- احذر ان تصرف على شقة فى عمارة ايلة للسقوط

- مصدر المعلومة اهم من المعلومة

انا بس حبيت اعمل شوية احماء قبل ما انزل ارض الملعب بهذه المقدمة وارجوا ان تقبلونى ضيفا خفيفا بينكم

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

:waf:

ربنا يوفقكم فى حياتكم القادمة باذن الله واكيد ان مداخلاتكم دى بتعمل اطمئنان للناس الى ماشية فى موضوع الهجرة الشاق

انا من وجهة نظرى ان المشكلة الاولى للمهاجر عموما هى الحيرة والقلق اللى بيمر بيهم فى اول حياته لانه بيترك اهله وعمله واصدقائه وبيحلم بمجتمع افضل وعيشة احسن وجواه امال كبيرة جدا نفسه يحققها ليه ولولاده واكيد السؤال اللى بيساله لنفسه دايما هل سيكون فى الجانب الكسبان من الرهان؟؟ اتمنى ان يكسب كل مهاجر هذا الرهان

اتمنى ان تكون نتيجة مشوار الهجرة كما تقول الحكمة الفرنسية

Mais le jeu en vaut le chandail

ربنا يوفقكم ويجازيكم خير على هذا الدعم النفسى لكل مهاجر او مشروع مهاجر لانه اكيد بيخلى الواحد يطمن ويقول لنفسه اكيد انت ماشى صح وشكرا لكم على مجهودكم الرائع دة

[Nassarlink]

استاذنا الفاضل عز الدين الف شكر علي المجهود الجميل ده

وبدايه قويه من سلاح التلميذ علشان تلقي لينا الاضواء علي الصعاب الي ممكن تقابل المهاجر الجديد

وعلي نمط الحياه في كندا بعيون مهاجر جديد ومعاصر لاحداث

وبرد تقولنا التوقعات المرئيه للي ممكن يواجهك في الشهور القادمه

وشكر خاص لمدام دعاء

علي دعمها لينا وتشجيعها ليك علي الكتابه

وشكر خاص ليس اكيد له بردو دور بس احنا مش شايفينه ربنا يبارك لكم فيه

تم تعديل 6 يونيو 2009 بواسطة Nassarlink

[حسام يوسف]

استاذنا الفاضل عز الدين الف شكر علي المجهود الجميل ده

وبدايه قويه من سلاح التلميذ علشان تلقي لينا الاضواء علي الصعاب الي ممكن تقابل المهاجر الجديد

وعلي نمط الحياه في كندا بعيون مهاجر جديد ومعاصر لاحداث

وبرد تقولنا التوقعات المرئيه للي ممكن يواجهك في الشهور القادمه

وشكر خاص لمدام دعاء

علي دعمها لينا وتشجيعها ليك علي الكتابه

وشكر خاص ليس اكيد له بردو دور بس احنا مش شايفينه ربنا يبارك لكم فيه

وبضم صوتي لصوت أخويا نصار

وبقول ان ده كلام ممتاز

[Nassarlink]

- اذا كنت جاى كندا فيجب عليك ما يلى :

1- سماع برنامج ( مى ابو صعب ) من راديو كندا الدولى الذى يبث من مونتريال اجبارى يوميا rci ca

2- سمع راديو crmo ca وهو ايضا يبث من مونتريال

3- مشاهدة نشرة الاخبار بالفرنسية على قناة tv5 على النايل سات الساعة 8 او 9 صباحا حسب التوقيت الصيفى والشتوى

وذلك لاستقاء المعلومات الهامة جدا والتى تعرفك على المجتمع الذى ستكون جزء منه مستقبلا

- :waf:

توضيحا لكلامم اساذنا الفاضل عز الدين

موقع برنامج بلاحدود رادو كندا الدولي علي النت هو

http://www.rciviva.ca/rci/ar/

ومتنسوش تسمعوا حلقة يوم 2 يونيه للاعلامي نصارلينك

اما نشرة اخبار رادو كندا علي التليفزيون تبث علي قناة TV5 حاليه الساعه السابعه ونصف بتوقيت القاهره

اما في الشتاء بتم اخذ في الاعتبار فرق التوقيت

تم تعديل 6 يونيو 2009 بواسطة Nassarlink

[gadolly]

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

طيب عشان تعرفوا اني انا لسة العمدة بتاع كيبك بجد, خدوا مني الاجابة دي !!

طبعا اول مشكلة و اكبرها بتواجه المهاجر العربي في كندا هي مشكلة الشطافة

[precanadian]

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

طيب عشان تعرفوا اني انا لسة العمدة بتاع كيبك بجد, خدوا مني الاجابة دي !!

طبعا اول مشكلة و اكبرها بتواجه المهاجر العربي في كندا هي مشكلة الشطافة

فعلا يا عمده

الشطاف اول مشكله بتواجه المهاجر العربي وخصوصا لو في اسره واطفال وقصه كبيره... مناديل والتهابات وقصه . لما باسافر باتجنن ازاي الاوربيين عايشين كده وايه الي يجبرهم علي كده؟؟؟؟ امال فين البيديه الي بنشتريه في مصر؟؟

:lol: :lol:

[Nassarlink]

:lol:

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

:lol:

اعتقد ان اول مشكله هي اللغه الفرنسيه

تم تعديل 6 يونيو 2009 بواسطة Nassarlink

[Nassarlink]

طبعا اول مشكلة و اكبرها بتواجه المهاجر العربي في كندا هي مشكلة الشطافة

مادام العمده قال الشطافه تبقي هي خلاص الشطافه

حد يقدر يكسر كلام العمده

[حسام يوسف]

المشكلة فى رأيي عدم الاستعداد الكافى للتغيير

[جبار سينج]

ايوة كدا الشغل ابتدى ربنا يكرمكم بحياء هادئه ومستقرة

ايه الشطافه دى بئا

[Abu Fawzi]

:blink:

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

:sad:

اعتقد ان اول مشكله هي اللغه الفرنسيه

أعتقد أنه التأقلم و التكيف مع الواقع الجديد و المجتمع المختلف نهائياً عن مجتمعنا العربي .

[qenawy]

مرحبا بعودة العمدة الاصلي

د جادوللي

ان شاء الله موفق

[Nassarlink]

مرحبا بعودة العمدة الاصلي

د جادوللي

ان شاء الله موفق

يا د قناوي مفيش عمده اصلي وعمده صيني

هو عمده واحد وبس

جادوللبييييييييييييييييييييييييييييييييييييييييييييييييييييييييييييييييييييي

ربنا ما يحرمنا من دخلته علينا

تم تعديل 6 يونيو 2009 بواسطة Nassarlink

[gadolly]

مرحبا بعودة العمدة الاصلي

د جادوللي

ان شاء الله موفق

ربنا يكرمك يا د قناوي

انا اصلي مشغول شوية اليومين دول, و كان فيه كام حاجة في المنتدي مضيقاني, بس ان شاء الله ناوي انزل بالتوبك بتاع اسكندراني و الهوي علي كيبك رماني اول ما افضي.

تم تعديل 6 يونيو 2009 بواسطة gadolly

[gadolly]

مرحبا بعودة العمدة الاصلي

د جادوللي

ان شاء الله موفق

يا د قناوي مفيش عمده اصلي وعمده صيني

هو عمده واحد وبس

جادوللبييييييييييييييييييييييييييييييييييييييييييييييييييييييييييييييييييييي

ربنا ما يحرمنا من دخلته علينا

يا باشا انا حاسس انك ان شاء الله لو وصلت كيبك حتاخد العمودية مني, و بجد انت تستحقها,

الحقيقة كمان من اكتر الناس اللي فاهمة في اجراءات كيبك معك, الاستاذ منير, الراجل ده ربنا يكرمه كل كلامه موثق و عمره ما بيألف حاجة. مش عايز اطول عشان منطلعش من مسار التوبك بتاع دعاء

[ahmed_saleh]

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

طيب عشان تعرفوا اني انا لسة العمدة بتاع كيبك بجد, خدوا مني الاجابة دي !!

طبعا اول مشكلة و اكبرها بتواجه المهاجر العربي في كندا هي مشكلة الشطافة

اولاً ارحب بالاخ عز الدين

ثانياً : يا جماعة الشطافة حلها سهل كلها 100 دولار و بتركب شطافة سخن و بارد و بدرجة الحرارة اللي انت عايزها و تلاقي نفسك مستريح wst::

لكن المشكلة هي تنزل في اي مدينة في الاول و تستقر فين بعد كده و المشكلة دي بتظهر نتيجة اختلاف طبيعة المدن بعضها عن بعض بالذات القسم الانجليزي ... في اماكن هادية و ارخص و ما فيهاش غير المدارس و الجامعة و في اماكن فيها حركة و فرص عمل اكثر ؟؟؟؟

تلاقي نفسك في مشكلة من قبل ما تروح ؟؟؟؟؟

[حسام يوسف]

وانا خايف جدا من موضوع الشغل

[bent misr]

بجد شكرا لك يا دعاء و لزوجك الفاضل الأستاذ عز

والله الموضوع ده رائع مع أنني مش من فريق كيبيك

لكن أكيد كلنا هنستفيد ان شاء الله

أنا من رأي أصعب حاجه هي صدمة الفارق بين الحياة

في مصر و الحياة في كندا وهذه الصدمه أكيد بتزود

الاحساس بالغربه و فراق الأهل و الذي أعتبره أصعب

شئ في قرار الهجره

متابعه

[safaalabana]

yallaa ya do3aa ..we are witing...... okay ..I think the first problem will differ from person to another... ....so better you tell us

[السيد منير]

وانا خايف جدا من موضوع الشغل

وهو دا مربط الفرس يا دكتور حسام وبمناسبة ان احنا بنتكلم عن الشغل كنت عايز اسأل مدام دعاء لو عندها معلومات هل لو الواحد قدم على شغل من قوائم

emploi_quebec فى شغل طبعا من العروض دى ممكن يتقبل (طبعا هيكون شغل اقل من المؤهل الدراسى الوطنى بتاعنا او وظيفتنا اللى كنا بنشتغلها ) عشان احنا لسة معملناش معادلة ولا خدنا خبرة كندية فى سوق العمل هل فى امكانية للقبول انا طبعا بعت كتير على بعض الوظائف وعارف طبعا ان مستحيل حد هيرد عليا طالما انا خارج كندا طيب لو ربنا كرمنا وسافرنا هل فيه امل فى الشغل الكاجوال ده كمرحلة انتقالية؟ وطبعا ربنا يوفقكم يارب ويوسع رزقكم وتحققوا كل اهدافكم اللى انتم متغربين علشانها وشكرا لدعمكم المستمر لنا