تحياتى من كيبيك سيتى

[Nassarlink]

بالنسبة للشنط :

لكل فرد بيكون ليه عدد 2 شنطة ( كل واحدة 23 كيلو ) وكمان شنطة هاند باج ( 8 كيلو )

الاطفال الاقل من سنتين ( شنطة واحدة 10 كيلو )

وطبعا كل شركة طيران ليها مواصفاتها الخاصة بالنسبة للشنط ( واللى ممكن تتغير كمان من وقت للتانى ) بس ده بيكون العادى وان شاء الله وانت بتحجزى لازم تاكدى على مواصفات الشنط من شركة الطيران نفسها

حاجة تانية :

لو عملتى شنطة 20 كيلو والشنطة التانية 26 كيلو ماينفعش ( لانهم مش بيشيلوا بعض ) لازم كل شنطة تديها حقها فى الوزن المقرر

كلام سليم 100% .. احنا حجزنا على طيران الأتحاد ( أبوظبي -تورونتو ) ...

وتأكدنا من شركة الطيران عن عدد الشنط والوزن .. تمام مثل ماذكرت الأخت دعاء

وبالتوفيق للجميع

توصلوا بالسلامه انشاء الله

وعاوزين نتطمن عليكم بعد الوصول بإذن الله

[MZohairy]

Je vois mon ami Wagdi est en attente d'attaquer, aller de l'avant Wagdi

[jessika]

فينك يا دعاء منتظرين الدرس التانى انا مجهزة الاجندة والقلم وبكتب وراكم على فكرة وكتبت كدة اللى هنحتاج ناخدة بس حاسة فى حاجات تانى بردو لازم ناخدها يعنى مثلا بعض الاجهزة الكهربائية خلاط سيشوار كبة مكوة الحاجات اللى اكيد هانتحتجها من اول يوم ولا اية ياريت توضحيلنا يا جميل ومرسى مقدما على تعبك

[عبير يونس]

بقى لي كتير باتابع في صمت

بس بصراحة مجهود حضرتك يا مدام دعاء و زوجك الفاضل الأستاذ عز رائع

ربنا يجعله في ميزان حسناتكم

كان نفسي ابقى معاكم في جروب كيبك

بس كل ما اعمل الافاليويشين يقولوا لي متقدميش كيبيك

مع اني كاتبة اني محاسبة و ان زوجي كيميائي و اني بأعرف انجليزي و فرنساوي و سني 37

و عندي 5 أولاد!!!

مش عارفة فين المشكلة؟؟؟

عموما الفيدرال بالنسبة لي أسهل

و خبرتي في معهد اللغات مطلوبة و خلال اأخمس سنوات اللي فاتوا

بس مستنية اشتغل باقي السنة عشان أكمل 800 ساعة تدريس لأني اشتغلت بالفعل حوالي 320 ساعة فقط و همة بيقدروا سنة FULLTIME ب 800 ساعة

يعني ديتها ربنا يكرمني بمعهد لغات كده أدرس فيه في شهور الصيف

و بتساهيل ربنا أقدر أقدم فيدرال على طول ان شاء الله

و في الوقت نفسه حأدرس TESL Canada online و آخد عضوية الجمعية

انا أصلا مش محتاجة غير ال 15 نقطة بتوع سنة واحدة خبرة

أما دبلومة ال TESL

فهدفها اني الاقي فرصة أكبر في الحصول على عمل بسرعة ( بتوفيق ربنا طبعا)

و أصلا الدراسة بتطلب ايلتس 7

يعني مش حاحتاج أعمله تاني ما هو كده كده مطلوب

و الدراسة مدتها أربع شهور و معتمدة من جمعية مدرسي اللغة الانجليزية كلغة تانية في كندا و هي مهنة مطلوبة فيدرال

و حتفضل مطلوبة طول ما باب الهجرة مفتوح

ادعوا لي بس ربنا يوفقني و تتم الخطوات دي على خير

حقيقي سعيدة بوجودي بينكم

و أكيد حأزوركم في كيبيك

لما ربنا يريد و أهبط أنا و الأسرة على الأراضي الكندية

طول ما أنا بينكم حاسة الدنيا بخير

ربنا ما يحرمني من تواجدي بينكم جميعا

تحياتي للجميع

و ربنا يكتبلي و أشوفك يا مدام دعاء

و نشوف ياسين بتاعكم خلبوص زي ياسين بتاعنا و الا لا

بجد بجد

وفقكم الله

تم تعديل 22 يونيو 2009 بواسطة مصرية متغربة

[abdelhalim]

cr((:

اخوانى واخواتى الاعزاء وحشتونى جدا جدا

بمشيئة الله سوف نبدا رحلة الابحار فى الحياة والمعيشة فى كيبيك سيتى وسوف يشاركنى الرحلة زوجى ( عزالدين) والذى له خبرة اكثر منى نظرا لاحتكاكه بالمجتمع فى حين انى معظم الوقت فى البيت لرعاية الاولاد ولذلك فهو سيساهم بجزء كبير من المعلومات المقدمة وسيكون المسئول عن الاجابة على معظم الاستفسارات

سنبدا فى باب جديد اكثر تركيزا ودقة اسمه :

ســـــــلاح التلمــــيذ

ستكون هناك حلقات اسبوعية - كل اسبوع سنتحدث عن موضوع معين واذا كان الموضوع متبحر سوف يقسم الى اجزاء وكل اسبوع جزء وبعد نزول الحلقة ارجوا ان تكون الاستفسارات فى اطار موضوع الحلقة فقط وبعد انتهاء الموضوع ستكون هناك حلقة للرد على كل الاستفسارات الخاصة بهذا الموضوع وبهذا لن يحدث تشتت ومن يبحث عن معلومة سيجدها بدون مشقة باذن الله

ساترك الميكرفون الان لعز

السلام عليكم ورحمة الله وبركاته

بما انى على دراية كاملة من خلال قراءاتى للمحاورات وسماعى للراديو ومشاهداتى للتلفزيون بان اصعب فترة للمهاجر الجديد هما اول سنتين وخاصة اول ثلاثة شهور فاحب ان اوضح وضعى فى نهاية اول ثلاثة شهور :

1- انى جالس فى شقة حجرتين وصالة وبلكونة تطل على حديقة جميلة قريبة من المسجد والجامعة ومحلات التسوق العامة والحلال

2- بنتى فى المدرسة وعربية بتوديها وتجيبها امام المنزل يوميا

3- ابنى اخد التطعيمات بتاعته فى مواعيدها

4- اشتريت عربية كبيرة وليها مكان مخصوص لركنها امام المنزل

5- منحة الاطفال الفيدرال واليونفرسال جت بعد شهرين

6- دخلنا تحت مظلة التامين الصحى

7- يوجد لينا مكان فى الجامعة لدراسة اللغة الفرنسية فى الدورة القادمة

8- يوجد لينا حساب فى البنك

9- معانا الكروت الاساسية ( pr - التامين الاجتماعى - التامين الصحى )

10- سوف ادخل امتحان القيادة هذا الشهر

11- اشتريت كومبيوتر جديد ممتاز بالتقسيط

12- عندى اشتراك تليفون ( محلى - دولى )

13- عندى اشتراك فى النت ذو سرعة عالية

14- الحمد لله فرشنا الشقة كلها

15- يوجد علاقات جيدة مع مصريين وعرب

( وهذا هو وضعى فى نهاية الثلاثة شهور اللى بيقولوا عليها اصعب فترة )

- طبعا من باب العلم بالشئ نحن هنا لا نقارن بين كندا ومصر لانه لا يمكن المقارنة اصلا ولكن لمن يتحدث عن الماديات احب ان اقول ان الفلوس ليست كل شئ

هل احد يعلم ما هى الاساسيات التى يجب توفرها لكى يعيش الكائن الحى ؟

الاجابة هى : الهواء - الماء - الغذاء

وبما اننى كنت من سكان العاصمة القاهرة فانا على دراية بكمية السموم المقدمة للشعب فى هذه الاساسيات ومثلى كثيرين على نفس القدر من الدراية

ولكم منى بعض النصائح التى اتبعتها انا شخصيا وهى :

- اذا كنت على قناعة ان السفينة بتغرق فيجب ان تقفز فى اسرع وقت ومش لازم تختار المركب اللى هاتقفز فيها ( كندا - امريكا - استراليا - نيوزيلندا - ........) المهم انك تقفز بعيدا

- اذا كنت ناوى على كيبيك مش مهم دراسة اللغة بعد المقابلة لانك لازم هاتتعلم اللكنة بعد ما توصل

- اذا كنت جاى كندا فيجب عليك ما يلى :

1- سماع برنامج ( مى ابو صعب ) من راديو كندا الدولى الذى يبث من مونتريال اجبارى يوميا rci ca

2- سمع راديو crmo ca وهو ايضا يبث من مونتريال

3- مشاهدة نشرة الاخبار بالفرنسية على قناة tv5 على النايل سات الساعة 8 او 9 صباحا حسب التوقيت الصيفى والشتوى

وذلك لاستقاء المعلومات الهامة جدا والتى تعرفك على المجتمع الذى ستكون جزء منه مستقبلا

- احذر ان تصرف على شقة فى عمارة ايلة للسقوط

- مصدر المعلومة اهم من المعلومة

انا بس حبيت اعمل شوية احماء قبل ما انزل ارض الملعب بهذه المقدمة وارجوا ان تقبلونى ضيفا خفيفا بينكم

وبمناسبة الافتتاح ارجوا ان تشحذوا اذهانكم وتجاوبونى على هذا السؤال :

يا ترى ما هى اول مشكلة تواجه المهاجر العربى الى كندا ؟؟

هانتظر الاجابات !!

cr((:

موضوع كويس جدا جدا ياستاذ عز الدين ومدام دعاء ربنا يبارك فيكم وحلو اسم سلاح التلميذ

اعتقد اول رد على سوال حضرتك ان مجموعة حاجات كتير ومشاكل بتواجه اى مهاجر اولها السكن والتامين وبعدين العمل ودا اهم حاجه

عموما عايزن حضرتك تفصل وجهة نظرك عن العمل هناك نظامه ايه انا سمعت فعلا البرنامج بتاع راديوا كندا العربى بتاع مى ابو صعب كانت جايبه تجربة مهاجر من الجزائر وانه التحق ببرنامج تبع منظمه اسمها اسكيلد ستراتيجى دى منظمه بتلحث للمهاجر عن عمل

تسجيل اعجاب بالمنهج والطريقه الجديده لباب سلاح المهاجر الجديد فى الاراضى الكنديه ربنا يبارك فيكم

البرنامج اللي ملتحق بيه المهندس الجزائري اسمه علي مااعتقد وعلي ماافتكر la strategie carriere

لاني لسه سامع الحلقة علي راديو كندا واللي دارت مع المهاجر الجزائري فياريت نعرف أكتر ماهي strategie carriere

[دعاء]

فينك يا دعاء منتظرين الدرس التانى انا مجهزة الاجندة والقلم وبكتب وراكم على فكرة وكتبت كدة اللى هنحتاج ناخدة بس حاسة فى حاجات تانى بردو لازم ناخدها يعنى مثلا بعض الاجهزة الكهربائية خلاط سيشوار كبة مكوة الحاجات اللى اكيد هانتحتجها من اول يوم ولا اية ياريت توضحيلنا يا جميل ومرسى مقدما على تعبك

يا جيسيكا يا حبيبتى

واضح انك ماذاكرتيش الدرس الاول كويس

مش احنا قولنا ان الاجهزة الكهربائية لن تصلح فى كندا علشان الفولت متغير يبقى خلاط ايه وسيشوار ايه اللى بتتكلمى عليه

يا ريت نركز شوية المرة الجاية cr((:

[دعاء]

بقى لي كتير باتابع في صمت

بس بصراحة مجهود حضرتك يا مدام دعاء و زوجك الفاضل الأستاذ عز رائع

ربنا يجعله في ميزان حسناتكم

ادعوا لي بس ربنا يوفقني و تتم الخطوات دي على خير

حقيقي سعيدة بوجودي بينكم

و أكيد حأزوركم في كيبيك

لما ربنا يريد و أهبط أنا و الأسرة على الأراضي الكندية

طول ما أنا بينكم حاسة الدنيا بخير

ربنا ما يحرمني من تواجدي بينكم جميعا

تحياتي للجميع

و ربنا يكتبلي و أشوفك يا مدام دعاء

و نشوف ياسين بتاعكم خلبوص زي ياسين بتاعنا و الا لا

بجد بجد

وفقكم الله

الاخت الفاضلة مصرية متغربة

شكرا جزيلا على كلمات الاطراء

ربنا معاكى وييسر لك الامور علشان نشوفك على الاراضى الكندية قريب جدا

وابقى طمنينا دايما على اخبارك

بالتوفيق

[abdelhalim]

cr((:

سلاح التلمبذ

الدرس الاول

تحضيرات ما قبل السفر

( اين ؟ - متى ؟ - ماذا سوف اخذ معى ؟ - اى شركة طيران ؟ - المطار ؟ )

اجابة اين :

ليس من السهل اختيار المكان لان لكل مكان سلبياته واجابياته ولكن يفضل قبل اختيار المكان معرفة بعض النقاط :

1- ايجار الشقة : اغلبية كندا بتاجر ( 9.99 % ) اول الشهر ( ماينفعش تاجر من منتصف الشهر )

2- واغلبية كندا بتاجر فى اول شهر ( 7 ) والبحث بيكون قبلها ب ثلاثة اشهر على الاقل

3- فلوس الفيدرال للاطفال بتيجى بعد شهرين من الوصول ( كل يوم 20 فى الشهر )

4- فلوس اعانة الاطفال من كيبيك يوم واحد فى الشهر كل 3 شهور ( شهر يناير – ابريل – يوليو – اكتوبر فقط )

5- فلوس المساعدة الاجتماعية من الفرنكوفون بتقدم عليها بعد 3 شهور من الوصول

- هل لك معرفة باحد فى هذه المدينة لمساعدتك من لحظة وصولك ام لا

- لو معاك لغة جيدة من الممكن ان تجد شغل مباشرة ( الكاجوال ) فى المدن الكبرى

- لو جاى بغرض الدراسة اولا اذا تبحث عن مكان قريب من الجامعة مش لازم يكون فى قلب المدينة ومش لازم مدينة كبيرة اصلا

( الدرس الثانى سيكون الميزانية )

- اذا بعد تحديد المدينة مشكلة ايجار الشقة طبعا لو ليك حد هايسهل عليك البحث وممكن يكون ضامن ليك عند صاحب الشقة اما اذا لم يكن لك احد فطبعا هاتنزل فى شقة مفروشة او فندق وان كانت الشقة المفروشة افضل وارخص لمدة شهر مثلا ثم تتجه مباشرة الى احد مكاتب مساعدة المهاجرين وهم هايساعدوك ويبحثوا لك عن شقة وهاساعدوك ايضا فى موضوع الضامن

- متوسط الاسعار تقدر تاخدها من موقعين لاعلانات الايجار وهما : KIJIJI – LES PAC

- قانونا لكل فردين حجرة نوم

- المطبخ فى الغالب هو مطبخ + سفرة

- اى اربعة حيطان تعتبر غرفة فيما عدا الحمام ( نصف )

- الشقة انت اللى بتفرشها اما المطبخ بيكون جاهز

- مافيش مشكلة من درجة الحرارة داخل المنزل

- بخصوص المية السخنة فيه سخان مركزى للعمارة

- كل غرفتين متتاليتين بينهم مسافة لعمل دواليب تخزين فيهما

- يوجد غالبا مخرجين بسلالم للشقة واحد من ناحية الباب الرئيسى للشقة وواحد من المطبخ يمكن علشان حالة الحريق ا وفى ايام الثلج تدخل من اقرب باب ليك

ويفضل عند اخذ قرار الشقة الانتباه لهذه النقاط :

1- القرب من المواصلات العامة

2- القرب من اماكن الدراسة

3- القرب من المحلات

4- القرب من المتنزهات

5- القرب من المراكز الاجتماعية

6- القرب من العيادات الطبية

7- القرب من دور العبادة

8- هل الشقة فى منطقة هادئة

9- هل هناك مكان للسيارة

10- هل المنطقة امنة

11- هل هناك تكاليف مثل ( الكهرباء – التدفئة – المياه الساخنة )

يجب ملاحظة ان زيادة الايجار تتم كل اول شهر يوليو

ملحوظة : لم يحالفنى الحظ بمقابلة اى نملة حتى الان و قد تشرفت بمقابلة 4 ذبابات منذ وصولى

اجابة متى :

طبعا لو الشقة محجوزة تسافر فى اقرب يوم بعد ما تاخذ التاشيرة انت والاسرة مش مهم صيف او شتاء ( من المسلم به )

البنود المؤثرة فى اختيار وقت السفر :

1- بما ان عندك سنة من تاريخ الكشف الطبى ممكن تيجى لوحدك الاول خاصة لو فى الشتاء تظبط امورك وبعدين الاسرة تيجى ابتداء من الربيع ويفضل ابتداء من يوم 3 يوليو علشان بداية عقد الشقة ( يوم واحد واتنين البلد كلها مشغولة فى نقل العفش وفرش الشقة )

2- لو التاشيرة وصلت فى الصيف كل الاسرة تيجى وماحدش يتحرم من يوم واحد جميل فى هذه البلد

3- اذا كانت الاوضاع الداخلية او الخرجية فى البلد غير مطمئنة السفر بيكون فى اقرب يوم بعد التاشيرة مش مهم صيف او شتاء

4- دخولك تحت مظلة التامين الصحى بعد ثلاثة اشهر ولكن كسر الشهر يعتبر شهر ( لقد وصلنا منتصف شهر مارس ودخلنا فى نظام التامين الصحى من اول شهر يونيو )

5- امتحان رخصة القيادة العملى يفضل فى ايام غير ثلجية ( السيارات هنا رخيصة وعملية جدا ) ( من حقك القيادة بالرخصة المصرية المترجمة بترجمة معتمدة لمدة ثلاثة اشهر من وصولك )

6- مواعيد كورس اللغة فى المكان اللى هاتدرس فيه

7- مواعيد الدراسة الاكاديمية لو لغتك كويسة

( معلومة ) : مواعيد الدراسة فى المدارس من 1 سبتمبر وحتى اخر شهر يونيو

لو قريب من شهر رمضان خلصه فى مصر احسن

التلج اختفى مع نهاية شهر ابريل ( لا يوجد علاقة بين وجود الثلج وشعورك بدجة الحرارة سواء داخل المنزل او خارجه )

** ملحوظة : كل جنيه بتصرفه فى مصر بعد الحصول على التاشيرة يعتبر خسارة مادية

للقدرة على استيعاب المعلومات قررنا ان نكمل الجزء الثانى من الدرس غدا

و سوف نكون مستعدين للاسئلة بعد نهاية الدرس الاول

cr((:

بصراحة وبدون اي مبالغة جزاكم الله خيرا ومش هينفع أقول أكتر من كده

[دعاء]

cr((:

اخوانى واخواتى الافاضل

اشكركم .. اشكركم .. اشكركم

ودعونا نعمل ونركز ونستمتع فى صمت ...

ســـــــــلاح التلميذ

الدرس الثانى :

الميــــــــــــــــزانية

( المدخلات والمخرجات )

احب ان اوضح اولا اننى فى هذه الفترة اعيش فى مدينة كيبيك سيتى ومتزوج وعندى 4 اطفال

وانا اعلم اهمية هذا الدرس بالنسبة للذين سوف يخوضون تجربة الهجرة وخاصة فى الفترة الاولى لذا سوف احاول وباقصى ما استطيع توضيح الصورة بطريقة اتمنى ان تحوز على اعجابكم

فالنبدأ بالمدخلات شهريا :

1- منحة حكومة كندا الفيدرال للاطفال

لقد بدانا فى استلامها بعد وصولنا بشهرين باثر رجعى وهو مبلغ شهرى ( كل يوم 19 او 20 فى الشهر يوصل الشيك على عنوان البيت )

اما حسبتها فتتم على حسب عدد الاطفال فى الاسرة بالاضافة الى دخل الاسرة عن العام الفائت وده طبعا انت بتقدمه بريديا اول ما توصل كندا

وهذه بعض المعلومات عنها من موقعها الرسمى :

Basic benefit:

The basic benefit is $1,307 ($108.91 a month) for each child under age 18 (the basic benefit is different for residents of Alberta, see the note below).

There is a supplement of $91 ($7.58 a month) for your third and each additional child.

We subtract a benefit reduction from this amount if your family net income is more than $37,885. For a one-child family, the reduction is 2% of the amount of your family net income that is more than $37,885. For families with two or more children, the reduction is 4%.

Note

The Alberta provincial government has chosen to vary the amount of the basic benefit that its residents receive. The basic benefit is:

$1,196 ($99.66 a month) for children under 7;

$1,277 ($106.41 a month) for children 7 to 11;

$1,429 ($119.08 a month) for children 12 to 15; and

$1,514 ($126.16 a month) for children 16 or 17.

National Child Benefit Supplement (NCBS):

One-child family: $2,025 a year ($168.75 a month). This amount is reduced by 12.2% of the amount of family net income that is more than $21,287.

Two-child family: $1,792 a year ($149.33 a month). This amount is reduced by 23% of the amount of family net income that is more than $21,287.

Three-or-more-child family: $1,704 a year ($142 a month). The total will be reduced by 33.3% of the amount of family net income that is more than $21,287.

وايضا هذا هو الموقع لمن يحب معلومات اكثر :

www.cra.gc.ca/benefits

2- منحة الاطفال اليونيفرسال :

وهى ايضا شهرية وعبارة عن ( 100 دولار ) لكل طفل اقل من 6 سنوات

3- منحة الاطفال الخاصة بمقاطعة كيبيك :

وهذه تعطى كل 3 شهور ولكن لم نتسلمها الى الان

4- مرجوع الضرائب الفيدرال

5- مرجوع الضرائب من كيبيك

6- دراسة اللغة الفرنسية ( 460 دولار للفرد شهريا )

7- دراسة اكاديمية ( من 700 الى 900 دولار للفرد شهريا )

8- الاعانة الاجتماعية :

وهى عبارة عن مرتب شهرى يعطى للاسرة فى حالتين ( عدم وجود العمل - وان يكون حسابك فى البنك اقل من 2500 دولار )

ويجب التقديم عليها بعد مرور 3 شهور من وصولك الى كيبيك

9- يوجد تموين غذائى اسبوعيا

المخرجات :

1- الشقة ( كل واحد على حسب وضعه )

2- الكهرباء ( من 20 الى 30 دولار )

3- اشتراك النت ( من 20 الى 30 دولار )

4- اشتراك التليفون ( مع النت )

5- رخصة العربية ( 25 دولار )

6- تامين العربية ( 20 دولار )

7- البنزين ( لتر = دولار تقريبا )

8- نثريات وهى كثيرة ( احتياجات للمنزل - ملابس - اشتراك انشطة للاطفال وهدايا والعاب لهم - اشتراك اتوبيس ....... )

9- الغذاء

وسوف اوضح هنا كيفية حسابها لحالتك:

** الطريقة الاولى : ( للى هايقدموا علمى )

سهلة جدا ..

- ضع فى ذهنك ان ( 1 دولار = 5 جنيه مصرى )

- ان مصر تستورد 85 % من استهلاكها المحلى ، اذن الشعب بيتعامل بالسعر العالمى فيما عدا العيش والبنزين والخضار

* اذن طول ما انت ماشى بتشترى اى حاجة اقسمها على خمسة يبقى انت دلوقت عارف اسعار السلع فى كندا واحسب لنفسك

** الطريقة الثانية : ( هى تفصيلية اكتر للى هايقدموا ادبى )

وهاتكون موضوع الجزء التانى من الدرس التانى بمشيئة الله

فانتظرونى قريبا

cr((:

[حسام يوسف]

الحقيقة كلمات حضرتك تتسم بالواقعية والايجاز والافادة الكاملة يا مدام دعاء

ألف شكر على دروسك الجميلة

وسلامنا للفاضل عز الدين

وربنا يكرمكم دايما يارب

[Nassarlink]

شكرا يا استاذ عز علي المجهود الجبار ده

وشكرلك ايضا لأنك تعرضت لجزء

كان دائما بيمثل حرج في الحديث عنه من المقيمين

وكمان بيمثل حرج في السؤال عنه من المهاجرين

[abdelhalim]

بجد كل معلومة حضرتك بتكتبيهابتكون كنز لكل مهاجروالدروس بتاع سلاح التلميذ مازالت في الذاكرة

وجزاكم الله خيرا علي هذه التفاصيل الدقيقة

[سعاد نصار]

كلامك كله يا دعاء مشاء الله عليه مفيد جدا

ربنا يبارك لك في اولادك وزوجك

[Phizer]

استاذ عز والله انا مش عارف بس الواحد يقلك ايه مش بس لانك واخد من وقتك وبتحكلينا فيه ولا لانك بتقول كلام في منتهى الاهميه كمان مشاء الله عليك في منتهى الترتيب وتفكيرك منظم مشاء الله

ربنا يكرمك ويجازيك عن كل الي بتعمله خيييييير مره تانيه الف شكر

[دعاء]

:ninja:

ســـــــــلاح التلميذ

الدرس الثانى :

ج2

الميــــــــــــــــزانية

( المدخلات والمخرجات )

** الطريقة الثانية : ( هى تفصيلية اكتر للى هايقدموا ادبى )

يوجد هنا وجبتين رئيسيتين الفطار والعشاء لانه يتجمع فيهما الاسرة كلها

الفطار بيكون صباحا قبل الذهاب الى المدرسة او العمل والعشاء بعد الدراسة او العمل

الفطار حوالى السابعة صباحا والعشاء من 5 الى 6 مساءا

النوم هنا بدرى

اضافة الى ذلك يوجد وجبة الساعة 12 توقيت موحد فى كل كيبيك الاعمال كلها بتقف وتبدا ثانية الساعة الواحدة ودى بتبقى اى حاجة تتاكل فى البيت والاطفال لو فى المدرسة بيكون معاهم اكلهم

** قائمة الافطار :

لقد وضعت وحدة القياس هو الواحد الصحيح لسهولة حسبة اى وجبة لاى عدد من الاشخاص

- اساسى الكورن فليكس......................................................... ( 750 جرام = 3 دولار )

- اللبن .............................................................................( 1 لتر = 1.40 دولار )

- عيش توست........................................................................( كيس 670 جرام = 2.5 دولار )

- اللبنة اللبنانى ( مثل الجبنة البيضاء )........................................ ( علبة 500 جرام = 6 دولار )

- جبنة نستو...........................................................................( 1 مثلث 0.25 دولار )

- جبنة شيدر...........................................................................( شريحة = 0.15 دولار )

- زبدة الفول السودانى..............................................................( برطمان 300 جرام = 3 دولار )

- كريمة شيكولاتة.....................................................................( برطمان 200 جرام = 1 دولار )

- مربى ..............................................................................( برطمان = 1 دولار )

- بيض ...........................................................................( البيضة = 0.15 دولار )

- فول + طعمية........................................................................( كيلو الفول = 2 دولار - علبة الطعمية = 2 دولار )

- الشاى........................................................................( شاى ليبتون علبة 100 باكيت = 5 دولار )

- نسكافيه.....................................................................( علبة 200 جرام = 5 دولار )

** قائمة العشاء :

1- شوربة + خضار + رز + لحمة + عيش لبنانى كبير

شوربة الطماطم ( 2 علبة = دولار ) - ( كيلو خضار مجمد = 2 دولار ) - ( رز امريكى 1كيلو = 1.60 دولار ) - ( لحمة 1 ك = 10 $ ) - ( عيش لبنانى رغيف = 0.40 $ )

2- ملوخية + صلصة + رز + فراخ + عيش لبنانى كبير

( الملوخية كيس 450 جرام = 2 $ ) - ( 2 علبة صلصة = 1 $ ) ( 1ك طماطم = 2.20 $ ) ( 1 ورك فرخة = 1 $ )

3- مكرونة + بانيه + كاتشب + مايونيز

( كيس مكرونة 450 جرام = 1 $ ) - ( 1 ك بانيه = 7 $ ) - ( زجاجة كاتشب لتر ونصف= 5 $) - ( برطمان مايونيز = 450 = 3 $ )

4- مسقعة باللحمة المفرومة + بطاطس

( 1ك باذنجان رومى = 5 دولار ) - ( 1ك لحمة مفرومة = 9 $ ) - ( 1ك بطاطس مجمدة = 2 $ )

5- كبدة وكلاوى وقلب

( 1ك كبدة = 12 $ ) ( 1ك كلاوى وقلب = 10 $ )

6- بيتزا

( قرص من غير حشو = 2.20$ ) ( مشروم 450 جم = 2.50$ ) ( فلفل رومى 1ك = 5$ ) ( سوسيس 450 جم = 2$ )

7- كشرى

( بقوليات 1 ك حمص - عدس اصفر او بجبة = 2$ )

8- سمك فيليه + رز + جمبرى

( 1ك سمك فيليه = 10$) ( 1ك جمبرى = 11$)

9- بلوبيف + سلطة بطاطس

( علبة بلوبيف = 3.50$) ( علبة سلطة بطاطس 200 جم = 2.20$ )

10- تونة ( علبة = دولار )

11- سجق شرقى ( 1ك = 10$)

12- عسل اسود + عسل ابيض ( برطمان = 6 $)

- طحينة ( برطمان = 5$)

- زبادى ( علبة صغيرة بالفواكه = 0.40 $)

- مشروبات غازية ( زجاجة 2 لتر = 0.90$)

- عصير ( علبة صغيرة = 0.20$)

- علبة فواكه صغيرة ( كومبوت ) للمدرسة = 0.35$

- ناجتس ( فراخ ) علبة كيلو = 10 $

- 1 ك دقيق = 1.50$

- الفواكه :

بطيخ ( 6ك = 5 $ )

موز ( 1ك = 2.20$)

تفاح ( 1ك = 2$)

الخوخ ( 1ك = 2.20$)

** بالنسبة لوجبة الظهر

للاطفال فى المدرسة

- ( علبة عصير + رز + اى بروتين )

- سندويتشات

- علبة فواكه + مكرونة + اى بروتين

بالنسبة للى قاعدين فى البيت

هايلاقى التلاجة مليانة من بواقى اكل امبارح او اى حاجة تبع الفطار

ملحوظة :

لا تنسى بنك الغذاء الاسبوعى ( التموين ) تقريبا يساوى شهريا ( 150$)

* برشامة : ( للى مش عايز يذاكر لا علمى ولا ادبى )

- الفطار للشخص الواحد ( من 0.50 الى 0.75 $ )

- العشاء للشخص الواحد ( من 1.50 الى 3 $ )

وشكرا

اجب بوضع علامة ( صح ) او ( خطأ )

1- اسعار السوبر ماركت مثل ( مترو ) موحدة فى جميع مقاطعات كندا ( )

2- من الممكن الجمع بين دراسة اللغة والدراسة الاكاديمية ( )

3- لو محصول الخضار المتداول عندنا فى الاسواق المصرية عرض للتصدير مجانا سوف يوجد له سوقا فى الخارج ( )

:ninja:

[ناوية ع الهجرة]

ايه ده الاسئلة دي من بره المنهج مش معقول نستعين بسلاح التلميذ وبعدين ما نعرفش نحل :ninja:

ممكن نحل محافظات؟؟ :ninja:

بجد يا دعلء ربنا يكرمك انت واستاذ عز ويجازيكم خير ويوفقكم يارب

[MZohairy]

تخيلي يا دعاء و الله اعلم ان اسعار سلع كتير ارخص عندنا في فانكوفر من عندكم؟؟؟؟؟

لتر اللبن الحليب هنا بدولار تقريبا و يمكن 10 سنت و حاجات كتير تانيه

معقوله فانكوفر ارخص من كيبيك؟!

[Nassarlink]

تخيلي يا دعاء و الله اعلم ان اسعار سلع كتير ارخص عندنا في فانكوفر من عندكم؟؟؟؟؟

لتر اللبن الحليب هنا بدولار تقريبا و يمكن 10 سنت و حاجات كتير تانيه

معقوله فانكوفر ارخص من كيبيك؟!

ايه يا زوهيري

انت عاوز تساوي اللبن الحليب بتاع كيبيك

باللبن المبستر بتاعكوا في فانكوفر

ياراجل

اكيد في فرق بس انت مش عارفه

[abuzyaad]

استاذ عز الدين واستاذة دعاء روحوا ياشيخ ربنا يكرمكم بكل ماعنده وهو اكرم الاكرمين. مش هقول اكتر من كده

[MZohairy]

تخيلي يا دعاء و الله اعلم ان اسعار سلع كتير ارخص عندنا في فانكوفر من عندكم؟؟؟؟؟

لتر اللبن الحليب هنا بدولار تقريبا و يمكن 10 سنت و حاجات كتير تانيه

معقوله فانكوفر ارخص من كيبيك؟!

ايه يا زوهيري

انت عاوز تساوي اللبن الحليب بتاع كيبيك

باللبن المبستر بتاعكوا في فانكوفر

ياراجل

اكيد في فرق بس انت مش عارفه

ياراجل صلي عالنبي

ده اللبن اللي في فانكوفر زي ما يكون عليه سكر

انا فعلا مستغرب و الله