تحياتى من كيبيك سيتى

[torontoz]

تسجيل متابعة

[مجبورة ان شاء الله]

اختنا الغالية دعاء

لم اجد كلمات جديدة تعبر ليكى عن مدى امنتننا ليكى بس اقدراقولك ان كل حرف بيتكتب منك او من اى فرد في المنتدى يعود لكم في ميزان حسناتكم ويعود على اسرتك بالخير

طبعا فى اساله كتير بس مش حسال دلوقتى لحد لما تجاوبى على راحتك الاسئلة التى طرحة في موضوع المدرسة وبالتوفيق واتمنا من الله ان يسدد لكم كل خطاكم وبالتوفيق للكتكوته الصغيرة في المدرسة وعقبال الكابتن ياسين لما يروح المدرسة وتفرحى بيه

[SoSo R]

مساء الخير يا دعاء

ألف حمدالله ع السلامة

ربنا يوفقكم فى الأيام الصعبة دى

و أسفة على التأخير ولو أنى متابعة من أول يوم كتبتى فيه

بس ما كنتش عايزة أغير سياق الحديث

بالتوفيق

تحياتى

سوسورانى

[hamoudi]

اولا شاكرين يامدام دعاء على مجهودك

ثانيا بخصوص اللغة الفرنسية هل تعتقدي ان طريقة الكيبكوايين بتخلى الاطفال يتأقلموا بسرعة والا نخلينا انجليزي والطيب احين لان اولادي تعليمهم انجليزي؟

[Nassarlink]

بصراحه يا مدام دعاء الواحد محرج منك جدا

رغم اننا عارفين مدي انشغالك

ومع ذلك كلنا بنوجه ليكي سيل من الاسئله

وطبعا اولهم انا

خدي عندك السؤال ده

بالنسبه لموضوع سن الاطفال في المدرسه

انا كنت رافع قضيه علي وزير التعليم علشان تدخل بنتي المدرسه سنها اصغر شهرين من السن القانوني في مصر

والحمد لله كسبت القضيه وبنتي دلوقتي في خامسه ابتدائي

لمن لو جيت ادخلها المدرسه في كيبيك هيخلوها تعيد السنه من جديد علشان سنها هيكون اصغر من زميلاتها

طب لو انتظرت انها تاخد الشهاده الابتدائيه السنه الجايه تدخل ساعتها اولي اعدادي دون النظر لموضوع السن

لو عندك فكره ياريت تعرفيني

ولو حد تاني من اخواننا الي موجودين في كندا يقول رده يبقي الف شكر ليه

[hamoudi]

:ninja:

اخوانى واخواتى الافاضل

تاخيرى مش بايدى والله احنا لسة فى حالة انعدام وزن وبنحاول نظبط الشقة اللى احنا ساكنين فيها وحاجات تانية لزوم الحياة اليومية

الحلقات اللى جاية هاتكون بخصوص استخراج الاوراق الرسمية بس الاول هابتدى بمدرسة بنتى علشان دى فعلا اول حاجة عملناها

:blush2:

انا بنتى الكبيرة ماشية فى 8 سنين وكانت فى تانية ابتدائى فى مصر

وطبعا ماكملتش التيرم التانى فى المدرسة نظرا لظروف سفرنا وقولنا مش مهم حتى لو عادت تانية ابتدائى تانى السنة الجاية فى كندا خليها تتعلم صح احسن

بس من خلال محادثتنا مع اخونا الفاضل اللى استقبلنا هنا فى كيبيك قال لنا انها ممكن تدخل المدرسة ال3 شهور اللى فاضلين واذا كان مستواها بيتقدم يبقى ممكن تدخل سنة تالتة ابتدائى على طول السنة الجاية ويبقى نفدت بتانية ابتدائى واتعلمت شوية اللغة من خلال احتكاكها بزملائها فى المدرسة ( مع العلم بعدم وجود امتحانات فى مرحلة التعليم الابتدائى )

فكنا جايبين شهادة سنة اولى ابتدائى وشهادة التيرم الاول من مدرستها فى مصر وترجمناهم ولما جينا هنا باباها راح المدرسة الاقرب للبيت وقدم لها مع وجود شهادة ميلادها مترجمة وتم عمل ملف ليها فى المدرسة

بس المديرة قالت له انها ماعندهاش مكان للبنت السنة دى فهادور لها على مكان فى مدرسة تانية علشان البنت ماتضيعش عليها السنة

وفعلا بعد كام يوم المدرسة بعتت لنا جواب على عنوان البيت وقالت لنا انها لاقت مكان للبنت فى مدرسة كذا وقالت لنا روحوا المدرسة دى علشان تتعرفوا عليها والبنت تدخل المدرسة على طول بعد كده

وده اللى حصل

روحنا المدرسة التانية وكان عندهم كل الاوراق من خلال اتصالهم بالمدرسة الاولى ( على اساس ان بنتى كانها منتدبة بس عندهم علشان تكمل السنة دى )

وروحنا بالبنت زيارة للمدرسة التانية وعرفوها فصلها وكان مرحب بيها جدا وقالوا لنا انها هاتبتدى من اول الاسبوع الانتظام فى الحضور

المدرسة التانية اديتنى ظرف فيه جدول بالايام اللى فيها اجازات - وورقة بالمصاريف السنوية ( 120 دولار ) نظير الكتب والكراسات اللى بيدوها للاولاد ( احنا دفعنا 40 دولار بس علشان جزء من السنة )

وورقة تانية بالطلبات اللى المفروض نجيبها للبنت من ادوات مكتبية

وده كل اللى حصل معانا بخصوص الموضوع ده

معلومات عامة عن المدارس ( فى حدود معرفتى الضئيلة جدا الى الان ) :

- المدرسة الابتدائى بتاخد الاطفال حسب السن ( ابتداء من 5 سنين سنة حضانة او kg وابتداء من 6 سنين اولى ابتدائى ) وبيتحسب السن من بداية شهر سبتمبر من كل عام ولن يقبلوا حتى لو يوم اقل من السن المقرر

- الاولاد فى الغالب بيروحوا المدرسة الاقرب لمكان السكن وكل الناس هنا ملتزمة بده لان المدارس متشابهة وزى بعض

- طبعا ماعرفش اذا كانت المصاريف دى فى كل المدارس ولا ايه لانى كنت عرفت من المنتدى قبل كده ان فى ناس لم يدفعوا اى مصاريف لاولادهم عند دخول المدارس ( حتى 120 دولار فى السنة اعتقد انه مش مبلغ كبير قوى )

- بيهتموا هنا فى المدارس بالانشطة جدا ( لازم كل يوم يكون فيه رياضة وموسيقى واعمال فنية ورسم )

- كلامى كله عن المدارس الحكومية ولا اعلم نظام المدارس الخاصة او الاسلامية هنا

- فى فترة فى منتصف اليوم ( فترة الغدا او الراحة ) بتكون مابين الساعة 12 الى واحدة الظهر ودى فترة مقدسة جدا هنا حتى فى الاعمال الحكومية - فى المدارس الاطفال الباص بيروحهم البيت يتغدوا ويرجع يجيبهم المدرسة تانى الا الاطفال اللى اولياء امورهم فى العمل وبيكونوا مش فى البيت بيطلبوا الفترة دى حضانة لاولادهم انهم يقعدوا فى المدرسة ويكونوا واخدين غداهم معاهم او المدرسة تقدم لهم الغدا نظير مبلغ من المال

بالنسبة لى انا بدى لبنتى الغدا بتاعها كل يوم ( لازم الغدا يوميا يحتوى على بروتين - رز او مكرونة - خضار - فاكهة )

والمدرسة فضلت ان البنت تفضل فى المدرسة الفترة دى وماتروحش علشان تختلط افضل بزملائها وتتعلم اللغة افضل

بجد دى كل معلوماتى لحد دلوقتى وتحت امر اى حد فى استفسار

شكرا على حسن الاستماع

:sad:

انا عندي بنت من مواليد  9/1  وكمان الساعات الاولى من الصباح smk: والدكتور قعد يتحيال عليا اخليها 8/31 وانا اقول له ابدا لاتزييف للحقلئق على اعتبار ان المدارس فى مصر بتتحسب من 10/1

تم تعديل 4 أبريل 2009 بواسطة hamoudi

[مسافرة]

شفتى يا دعاء ؟؟ انت لسة بتفتحى باب الكلام عن المدارس و الباب لسة موارب .. نزل عليكى سيل من الأسئلة من كل حدب و صوب :lol: .. بما فيهم أنا . :rolleyes: . بصراحة مكسوفة منك جدا :wub: ..

طب أنا عندى اقتراح .. تفتحى توبيك مخصوص لمدارس كندا .. و ردى علينا هناك على أقل من مهلك و اللى عنده أى اضافة فى الموضوع ده ممكن يحطها فى التوبيك المنفصل .. آهو كل اللى موجود فى كندا ممكن يساعدك فى الرد على الموضوع ده اللى شاغلنا كلنا mfb:

[دعاء]

mfb:

اخوانى واخواتى الافاضل

هاناخد وقت مستقطع لمحاولة الاجابة على بعض الاستفسارات

:wub:

عاوزينك تقوللنا بالمره انتم بتفطروا ايه عندكم

بردو فول وفلافل

ولا انتم دلوقتي بتفطروا باتون ساليه بالجبنه الرومي علي شويه كرواسون بالزعتر الكيبيكي

والله يا استاذ نصار انا حاسة ان مافيش حاجة اتغيرت فى الفطار عن مصر للعيال الكورن فليكس واحنا الجبن والمربى عادى

اما وجبة الفول فاحنا متعودين تكون وجبة غدا اسبوعية من واحنا فى مصر ( بس الولاد ماحبوش الفول المعلب ولا الفلافل البودرة اللى هنا )

اما الحاجة الوحيدة اللى متغيرة هى العيش الفطار بيكون توست والغدا بيكون عيش لبنانى وطبعا مافيش عيش بلدى والواحد مفتقده جدا

معلشى يادعاء حسألك سؤال صغير بس لانى محتاجة اشترى شنط الايام دى

فى المطار دققوا معاكو على ابعاد الشنط ولا المهم الوزن بس

ولو ليها ابعاد معينة معلشى ياريت تقوليها لى

بصى يا ايناس يا حبيبتى

ابعاد الشنط دى بتكون على حسب كل شركة طيران فطبعا ماتشتريش دلوقتى لما تعرفى هاتسافرى على اى خطوط طيران وهما يحددوا لك ابعاد الشنط المطلوبة

واحنا طبعا سالنا عن الابعاد دى بعد الحجز وبالتالى الشغل كله كان على الوزن

مرة تانية باكد عليكى ماتشتريش دلوقتى ولكن بعد حجز الطيران اضمن

1- مقولتيش انتم واخدين معاكم جهاز كمبيوتر ولا اشتريتم من عندكم

2- وبالنسبه للمدرسه مواعيد اليوم الدراسي من الساعه كام حتي الساعه كام

3- وهل المدرسه التانيه دي قريبه بردو من لبيت

4- ويارت لو تعرفي لنا لو الطفل معاه شهاده بالصف السادس الابتداي مش هيبصوا لموضوع السن ولا برد في الاعداي يصروا علي السن لان انا بنتي اصغر من سنها القانوني بشهرين

1- لا مش واخدين معانا بس اخونا فى الله اللى ساب لنا الشقة ساب لنا الكمبيوتر بتاعه لمدة شهر لحد ما نقدر نشترى واحد لينا

2- اليوم الدراسى من الساعة 8 ونص الصبح الى الساعة 4 الا ربع

3- قريبة مش بعيدة قوى يمكن ابعد من المدرسة الاولى بحوالى 200 الى 300 متر

4- الحقيقة انا اسفة جدا ماعرفش اى حاجة عن الموضوع ده وماتنساس انى لسة حديثة العهد جدا فى تجربة المدرسة لان بنتى كان وضعها خاص ودخلت من نهاية العام الدراسى وليس اوله

أولا .. عايزة أقولك ألف حمد الله على السلامة .. و آسفة انها متأخرة :rolleyes:

ان شاء الله ربنا حيكرمكم و تنولوا كل اللى تتمنوه و أكتر :lol:

كان عندى سؤال بخصوص المدارس .. هل كل المدارس فى كيبيك فرنساوى و الانجليزى بفلوس ؟؟

و العكس صحيح ؟؟ يعنى كل المدارس فى الجزء الانجليزى مجانية لو انجليزى فقط .. و الفرنساوى صعب الالتحاق بيها ؟

أنا بسأل لأن أولادى تعليمهم فرنساوى .. بس أنا احنا مقدمين فيدرال .. و على فكرة أنا راسلت الادارة التعليمية للمدارس الفرنساوى فى اونتاريو و عرفت ان فيه مدارس فرنساوى كتير بس قالوا لى ان شرط الاتحاق ان أولياء الأمور يكونوا بيتكلموا فرنساوى !!

معلش لو بتقل عليكى :wub:

والله انا اجابتى من غير تاكيد

اعتقد ان المدارس الحكومية هنا فرنساوى ومش بيدرسوا الانجليزى فيها على الاقل لسنة تانية ابتدائى اللى بنتى فيها ومش عارفة باقى المراحل نظامها ايه لسة

لكن اعتقد ان فيه مدارس انجليزى هنا لكن خاصة واكيد ليها مصروفات

السلام عليكم و رحمة الله و بركاته،،،،،،،،،

عايزة اسالك ايه انطباعك عن المدرسة احسن متتخيليش الموضوع دة مهم بالنسبة لى اد ايه و هل هما بيدرسو افرنش بس

و لاانجلش و فرنش

ام ياسين

اختى الفاضلة ام ياسين

المدرسة حلوة جدا واهم حاجة عاجبانى ترحيبهم ببنتى والمعاملة الرقيقة جدا لطفلة فى سنها وبصراحة البنت بقالها 10 ايام بس فى المدرسة وطبعا لحد دلوقتى بتتعامل مع زمايلها بالاشارة لكنها مبسوطة جدا وبتبقى سعيدة وهى نازلة الصبح ورايحة على المدرسة

لكن مافيش تعليم لغة انجليزية التعليم للفرنسية فقط

ثانيا بخصوص اللغة الفرنسية هل تعتقدي ان طريقة الكيبكوايين بتخلى الاطفال يتأقلموا بسرعة والا نخلينا انجليزي والطيب احين لان اولادي تعليمهم انجليزي؟

الحقيقة يا استاذ حمودى مش فاهمة يعنى ايه طريقة الكيبيكواه

قصدك اللكنة او النطق يعنى ؟

على العموم الطفل سهل يلقط اى حاجة بتتردد قدامه لانه مايعرفش يفرق بين طريقة الفرنسيين وطريقة الكيبيكواه

وفى اعتقادى الشخصى ان الطفل كل ما كان صغير كل ما تاقلم اسرع

بالنسبه لموضوع سن الاطفال في المدرسه

انا كنت رافع قضيه علي وزير التعليم علشان تدخل بنتي المدرسه سنها اصغر شهرين من السن القانوني في مصر

والحمد لله كسبت القضيه وبنتي دلوقتي في خامسه ابتدائي

لمن لو جيت ادخلها المدرسه في كيبيك هيخلوها تعيد السنه من جديد علشان سنها هيكون اصغر من زميلاتها

طب لو انتظرت انها تاخد الشهاده الابتدائيه السنه الجايه تدخل ساعتها اولي اعدادي دون النظر لموضوع السن

لو عندك فكره ياريت تعرفيني

ولو حد تاني من اخواننا الي موجودين في كندا يقول رده يبقي الف شكر ليه

برضه اسفة مش هاقدر ارد على السؤال ده علشان ماعنديش خلفية عنه

بس صدقنى حتى لو البنت عادت السنة ده لصالحها مش ضدها خالص بالعكس هايديها فرصة انها تتاقلم اسرع مع النظام الدراسى والمواد ومش حاتحس ابدا انها بتعيد السنة لان اكيد اكيد التعليم هنا مختلف تماما عن التعليم فى مصر

( على فكرة جوزى كان عايز حتى لو بنتنا عدت السنة دى كويس يخليها تعيد سنة تانية تانى بمزاجنا لانه لما بص فى المناهج اللى خدوها هنا من بداية العام وخاصة مادة الرياضيات علشان ده تخصصه قال خسارة ان البنت يفوتها هذا الكم الهائل من المعلومات الهامة واسلوب العرض الشيق جدا )

طب أنا عندى اقتراح .. تفتحى توبيك مخصوص لمدارس كندا .. و ردى علينا هناك على أقل من مهلك و اللى عنده أى اضافة فى الموضوع ده ممكن يحطها فى التوبيك المنفصل .. آهو كل اللى موجود فى كندا ممكن يساعدك فى الرد على الموضوع ده اللى شاغلنا كلنا mfb:

اختى الفاضلة مسافرة

اكيد فكرتك ممتازة بس للاسف انا الى الان غير مؤهلة للاجابة السليمة عن استفسارات الاعضاء الكرام لان تجربتى اقل من حداثة العهد لكن انا من ناحيتى اى جديد اعرفه بخصوص الموضوع ده ان شاء الله هاضيفه حتى من غير استفسارات

وشكرا لكم على حسن الاستماع

:waf:

[astrophy]

مدام دعاء ازى حضرتك انا مش كنت عايز اسال الا لما تخلصى سرد كامل بسى اخوانا انا مقدر شعورهم وبسالوا فى حاجات مهمه جدا

عموما انا كنت بسال فى حتة صغيره ومهمه مش عارف ايه اخبار سوق العمل دلوقتى هل سهل .جوز حضرتك انطباعه عن الشوق الوظايف فى كيبيك سيتى بذات لان حضرتك قولتى ان المدينة مش كبيرة زى مونتريال

[دعاء]

مدام دعاء انتى بجد جميلة ورغم ان دى فترة صعب جدا عليكى الا انك مش ناسية الناس هنا وبتدخلى وتكتبى وكمان بتشكرينا اننا بنسمع دة احنا فعلا تعبينك جدا وبجد ربنا يعوضك حقيقى

ميرسى جدا يا جيسيكا كلك ذوق يا حبيبتى

وانا لسة ماوصلتش لنقطة فى بحر افاضل قبلى سبقونى بكم هائل فعلا من المعلومات

ربنا يديم المعروف يارب ونفضل دايما اسرة واحدة للمساندة والتعاون

تسجيل متابعة

شكرا جزيلا على متابعة حضرتك

من الواضح ان عند حضرتك دراية اكتر منى بمدينة كيبيك سيتى

فاذا كان هناك استفسار من اى من الاخوة الافاضل وانا ماقدرتش اجاوب عنه ممكن حضرتك تجاوب ان امكن

وشكرا على المتابعة مرة اخرى

اختنا الغالية دعاء

لم اجد كلمات جديدة تعبر ليكى عن مدى امنتننا ليكى بس اقدراقولك ان كل حرف بيتكتب منك او من اى فرد في المنتدى يعود لكم في ميزان حسناتكم ويعود على اسرتك بالخير

طبعا فى اساله كتير بس مش حسال دلوقتى لحد لما تجاوبى على راحتك الاسئلة التى طرحة في موضوع المدرسة وبالتوفيق واتمنا من الله ان يسدد لكم كل خطاكم وبالتوفيق للكتكوته الصغيرة في المدرسة وعقبال الكابتن ياسين لما يروح المدرسة وتفرحى بيه

شكرا جزيلا اختى العزيزة مجبورة ان شاء الله

وانا تحت امرك فى سؤال اعرف اجابته طبعا

مساء الخير يا دعاء

ألف حمدالله ع السلامة

ربنا يوفقكم فى الأيام الصعبة دى

و أسفة على التأخير ولو أنى متابعة من أول يوم كتبتى فيه

بس ما كنتش عايزة أغير سياق الحديث

بالتوفيق

تحياتى

سوسورانى

الله يسلمك يا سوسورانى

واهلا بيكى دايما هنا

وشكرا على حسن الاستماع

:rolleyes:

[الأهلاوي الأصيل]

مدام دعاء

تسجيل متابعة

وألف شكر ليكي على مجهودك لمساعدة الأعضاء وإجابة استفساراتهم

وربنا يجعله في ميزان حسناتك

[ايناس احمد]

الف الف شكر ليكى ياأم ياسين

وجزاك الله الف خير وبارك لك فى أولادك

[Queen]

السلام عليكم،

تحية ليك يا دعاء و ربنا يجازيك خير على مجهودك، ممكن تقوليلي هل طلبوا منك شهادة بالتطعيمات لبنوتك و لا مسألوش عليها.

ربنا يوفقكم

[مجبورة ان شاء الله]

السلام عليكم

الف شكر ليكى يا ام ياسين مزيد من التقدم والسرد الشيق لرحلتك وربنا معاكي

[bent misr]

ازيك يا دعاء :wub:

عاملي ايه في الغربه ربنا معاكم و يسهلها عليكم :rolleyes:

بجد الف شكر لك على المجهود الرائع في الكتابه

وذكر كل التفاصيل المهمه اللي فعلا هتفيدنا جدا

اذا ربنا أراد وكتبلنا الهجره على خير :happy:

انت فعلا فتحتي موضوع من أهم المواضيع اللي

بتشغل بالنا كلنا و هو المدارس و لكن من الواضح

انها نالت اعجابك و الكل بيتحدث عن سهولة التحاق

الاولاد بالمدارس و مدى الترحيب الذي يجدوه هناك

تسجيل متابعه و اعجاب و تركيز كمان :lol:

شكرا

[Nassarlink]

كلامك صحيح يا اخت دعاء

حتي لو بنتي عادت السنه

هيكون من مصلحتها

احنا لازم نتخلي عن طريقه التفكر الغير عمليه الي اتعودنا عليها

ونبعد تماما عن فكرة اخطف واجري

ربنا يبارك لك

وارجوا انك توصلي تحياتي للاخ الفاضل الي سابلكم الكمبيوتر بتاعه شهر علشان نعرف نتواصل معاكي ونعرف اخبارك

والف شكر علي ردك الجميل

تم تعديل 5 أبريل 2009 بواسطة Nassarlink

[elmadysm]

كلامك صحيح يا اخت دعاء

حتي لو بنتي عادت السنه

هيكون من مصلحتها

احنا لازم نتخلي عن طريقه التفكر الغير عمليه الي اتعودنا عليها

ونبعد تماما عن فكرة اخطف واجري

ربنا يبارك لك

وارجوا انك توصلي تحياتي للاخ الفاضل الي سابلكم الكمبيوتر بتاعه شهر علشان نعرف نتواصل معاكي ونعرف اخبارك

والف شكر علي ردك الجميل

كلامك مظبوط 100%

احنا فى الاول تفكيرنا مختلف

اللى يخلينا نفكر و نقرر الهجرة من بلدنا اللى اتربينا فيها

و الاهل

و الاصدقاء

و الجيران

و الشغل

و..............

انا بنتى الكبيرة مولودة 26/10

و بعد الحاح من الاهل علشان المدرسة كتبتها 16/10

يعنى متأخرة 16 يوم بس عن المدرسة فى اول اكتوبر

جاءتى الفرصة اكثر من مرة انى اخليها مع اولاد اكبر منها يعنى المولودين فبل اول اكتوبر و زوجى رفض

لانه قال ان مستواها سيكون احسن الفصل لو هى الكبيرة و لكنها هتتعب طول عمرها لو هى الصغيرة

وقد كان و الحمد لله

[أختكم المصرية]

الف شكر يا دعاء ياجميلة على ردودك و مجهودك ربنا معاكى

احنا فى انتظار المزيد و دة من حظنا وجود الكمبيوتر عشان نطمن عليكى انتى و الاسرة

[Nassarlink]

كلامك مظبوط 100%

احنا فى الاول تفكيرنا مختلف

اللى يخلينا نفكر و نقرر الهجرة من بلدنا اللى اتربينا فيها

و الاهل

و الاصدقاء

و الجيران

و الشغل

و..............

انا بنتى الكبيرة مولودة 26/10

و بعد الحاح من الاهل علشان المدرسة كتبتها 16/10

يعنى متأخرة 16 يوم بس عن المدرسة فى اول اكتوبر

جاءتى الفرصة اكثر من مرة انى اخليها مع اولاد اكبر منها يعنى المولودين فبل اول اكتوبر و زوجى رفض

لانه قال ان مستواها سيكون احسن الفصل لو هى الكبيرة و لكنها هتتعب طول عمرها لو هى الصغيرة

وقد كان و الحمد لله

بس خلي بالك

ممكن يكون الطفل عنده استعداد كويس

فمتحرميهوش من الفرصه لو متاحه

لكن لو كنت شايفه ان مستواه مش هيمشي مع زملاءه الاكبرمنه

فلاحسن البقاء في الصف المناسب له

انا لما رفعت القضيه لبني الكبري

كنت واخد قرار ان لو لقيتها مش هتقدر علي المستوي الدراسي مكنتش هارفعها سنه

لكن اختها الاصغر شفت ان من الافضل بقاءها كما هي رغم توافر الفرصه بسبب اني حسيت اني هظلمها لو رفعتها سنه

وحطي في بالك ان الاصغر سنا دائما هو الاكثر استيعابا

[om reham]

سلام عليكم ارجو من اخت دعاء ان تعطين فكرة علي المكان الذي سكنته وعن الجران الذين حوليها او حتي تنزل لنا بعض الصور ولها جزيل الشكر