يوميات الاسبوع الاول في كندا - متقال في مونتريال!

[Byte]

الله يسلمك ، واباصيلك الكورة بقي علشان تحكي لنا عن ذكريات الاسبوع الأول معاك :angry:

[freefreer]

حواديتى حتبقى ماصخة  :angry: .. بالقياس بحواديتك ...... :)  :)

[ارنوب1]

الف مليون سلامة

[drbakir]

اروع موضوع في هذا المنتدى بلا مجاملة

[mohamed omar]

اوحي الي احد اعضاء المنتدي اللي بيستعدوا للسفر بفكرة هذا الموضوع بكلمة واحدة: انه جاي ومايعرفشي حد! وده بالظبط اللي حصل لي :lol:

انا كنت فاكر اني هاوصل المطار الاقي مسئولين لمساعدتي، وكان فيه مسئولين فعلا مضوني الطلب الخاص بمنحة الاطفال(بالنسبة للطفلين هاتكون حوالي 200 دولار شهريا) واخدولي معاد للتقديم علي التأمين الصحي، وعندما علموا اني ليس لي معارف في مونتريال، حاولوا يحجزوا لي غرفة في بيت شباب ولما لم يجدوا، حجزوا لي لليوم التالي واقمت هذا اليوم في اوتيل جنب المطار. :alien:

عندما ذهبت الي بيت الشباب في اليوم التالي واسمهYMCA

ذهبت لآخد دش في الحمام، ولدهشتي وجدت فتاه في الحمام اللي جنبي بتاخد دش والحيطة اللي بيننا نص حيطة! يعني بالعربي كنت عادي ان الناس تشوف بعض من غي حتي الشراب بتاع عادل امام!

:lol:

فرحت واخد زوجتي وابنتي الصغيرة الي اوتيل تاني 4 ستارز اسمهHoward Johnsons بتكلف 85 دولار في الليلة وقعدنا فيه 3 ايام لحين البحث عن شقة.

التعب اللي تعبته في التنقلات بالشنظ والعيلة خلاني اشتري عربية تالت يوم، برغم ان المواصلات في كندا سهلة، ودي كانت غلطة، لاني اخدت 6 مخالفات 5 منهم ركن في الممنوع في اول اسبوع

1. مخالفة للركن في مكان ممنوع(لم اري اللافته لانها كانت في اول الشارع)

2. مخالفة للركن جنب حنفية الحريق (لا يوجد لافته لأنه قانون معروف)

3. مخالفة للركن في مكان ركن المعوقين(لم افهم ان علامة الكرسي المتحرك تعني ممنوع الركن)

4. زهقت من المخالفات، قلت ابقي استني لما اشوف عربية بتسيب مكانها اللي راكنه فيه واركن مكانها ، تاني يوم لقيت عربيتي بس اللي واقفة عالرصيف وواخده مخالفة، لأن ده كان يوم تنظيف الرصيف ده

5، مخالفة لم افهم سببها حتي الآن ! ركنت جنب رصيف بارك ال view port في مونتريال، والظاهر ان الراجل اللي بيدي مخالفات شاف عربيتي وافترض انها راكنة غلط بالتعود، فاداها هي والميت عربية اللي راكنه قدامها ووراها مخالفات

6. مخالفة لدخول شارع ممنوع الدخول فيه ، برغم ان الشارع اتجاهين ، لكن كان ممنوع الدخول من التقاطع اللي دخلت منه

;) :alien: :dozingoff:

قيمة المخالفة حوالي 40 دولار للركن في الممنوع، ولكن لا يخصم منك نقط استحقاق او جدارة، مخالفة الدخول في الممنوع حوالي 150 دولار، مخالفة السرعة من 130 الي 400 دولار

??? :devil:

والي الحلقة القادمة ;)

احترس احترس..لما تحصل علي الرخصة الكندية..وكن ظريف و لطيف مع الشرطي علشان ممكن مخالفة 400 دولار تصفصف علي 50 دولار و ممكن علي مافيش لو الشرطي ماراحش المحكمة..و هما في معظم الأحيان مابيروحش.

[melhamy]

الموضوع جميل و أنا بسجل متابعة :sad:

[Digital]

بشمهندس بايت

السلام عليكم

انا اخوك احمد زميل في الكفاح التكنولوجي :lol:

يشرفني اتعرف عليك و كان عندي كام سؤال اعتقد انك اصلح واحد يجاوبني عنهم لان كان نفسي اعرف حد شغال IT في كندا

يمكن اللي مخليني متردد شوية في موضوع الهجرة ان خبرتي لا تتعدي سنتين منهم سنة بس في الاوراكل :sad:

فعاوز اسالك بكل صدق ايه هيا فرص العمل بالنسبة لل programmers و ال Technical consultants

انا بدات حياتي مع ال Visual Basic 6 و ال .NET و بعدين لقيتهم مش جايبين همهم اتجهت لل Oracle Development

و حاليا انا شغال في شركة محترمة و ال Title بتاعي Oracle Technical Consultant طبعا اكيد حضرتك تسمع عن ال Oracle Apps او ال E-Business Suite

بالاضافة لكده انا OCP Certified طبعا ك Developer و اشتغلت علي 6I و 10G و علي ال APPS لشتغلت علي 11.5.10

الخلاصة و عشان مصدعكش ايه هيا الفرص علي فكرة انا بكالريوس تجارة مش Computer science و ان كان ممكن احصل علي Master in IT بسهولة هنا ان شاء الله (هنا اللي هيا دبي)

ما هي نصيحتك فهي مهمة جدا بالنسبة لي

تورنتو هيا اهتمامي الاول (بلاش كيبيك اصل انا ضعيف قدام الجمال :lol: )

و بعدين لو الاخت دي كانت جنبي بتاخد دش صدقني كنت حعزم عليها بشوية شامبو :lol:

شكرا يا باشا و كل عام و انتم بخير

[mohamed omar]

ياه..الموضوع ده من 2002 ياتري الناس دي فين دلوقت. :lol:

[mohamed omar]

ياه..الموضوع ده من 2002 ياتري الناس دي فين دلوقت. :D

Not only because the topic since 2002 but Mr. Byte has been banned since 2006 because of this

http://www.egyptiantalks.org/invb/index.ph...c=19503&hl=

and Mr freefree as well has been banned since 2005

SO none of them can participate anymore here till He changes his Ip using the well known tools with a new membership as well .

by the way in many forums there is a forgiveness for banned people from time to time maybe every few months or everry year .

Is that strategy here as well or Gone with the wind !!!!

I donot know any of them but they help many members here with their great topics like this one .

Best regards

واللهي يا سيدي الفاضل فعلا ناس تستحق التقدير ربنا يوفقهم .و ياريت تكتب عربي المرة الجاية لاحسن تحصل بايت :D :lol:

[مراد أنور]

أنا أول مرة أدخل على المنتدى ده وفعلاً إستفدت خالص

وأرجو رجوع السادة الأفاضل إللى فادونا كتيير بمعلوماتهم مرة ثانية

وشكرا :blush2:

[The Syrian]

صباح الخير يا اخ Byte

لو تكرمت بشرح المشاكل التي وجدتها خلال البحث عن عمل و ما هو مستواك باللغة الفرنسية عندما وصلت الى مونتريال و هل احتجت لدورات اضافية حتى يتسنى لك ايجاد عمل؟؟ الحقيقة الاخوان اللي بيكتبو مداخلات اليومين دول عن الفيدرال محدش فيهم تطرق الى موضوع الشغل بشكل جدي..... مع خالص الشكر