مصرع 11 وإصابة 4 في تصادم بالعبور

[se_ Elsyed]

ليه ؟

دي ولا حرب ميليشيات بين جهات متصارعة ؟

وإمتى سيتم وضع حد لمهازل سيارات النقل .. ويتم إعدام إتنين تلاتة سواقين منهم في ميدان عام عشان الباقي يتعظ ؟

عُمال غلابة رايحين المصنع بتاعهم وكل واحد بيفكر في أكل عيشة .. وفجأة الميكروباص اللي راكبينه يلاقي سيارة نقل ماشية بتتمخطر في الإتجاه المعاكس ... وبالتأكيد النقل طلعت فوقيها وفرمت كل اللو جوا الميكروباص ... وده كله من التسيب والقبول بالامر الواقع ..

يعني عادي تريلا أو نقل تمشي عكس الإتجاه ..

يعني عادي تلاقي أتوبيس .. آه والله شوفت بعيني هذه الإجازة .. رتل أتوبيسات طالع كوبري حيوي عكس الإتجاه عشان مكسلين يمشوا بالظبط 200 متر ويعملوا يوتيرن ويطلعوا من الناحية الصحيحة ..

وسلم لي على قانون المرور

مصرع 11 وإصابة 4 في تصادم بالعبور

جمال عقل

لقي 11 شخصا من موظفي وعمال مصنع منتجات ورقية بمدينة العبور مصرعهم وأصيب 4 آخرون باصابات بالغة في تصادم سيارة نقل تريللا بالميني باص الذي كان يقلهم في طريقهم الي عملهم صباح أمس.. نقل الضحايا إلي مستشفي السلام العام واستدعي د. وفيق رفعت مدير عام المستشفي أطباء الجراحة والتخدير لاسعاف المصابين.

تلقي قسم شرطة العبور بلاغا صباح أمس بوقوع حادث تصادم مروع بين السيارة 13415 نقل غربية والميني باص رقم 107 أتوبيس خاص شرقية يقل عدداً من موظفي وعمال مصنع للورق كانوا في طريقهم للمصنع.. وفوجئ سائقها بالسيارة النقل في الاتجاه المعاكس فوقع التصادم بالمواجهة.

فور اخطار قيادات مديرية الأمن انتقلت القوات وسيارات الاسعاف الي مكان الحادث ولقي 11 شخصا مصرعهم في الحال وهم: السيد شعبان السيد "52 سنة" وابنه شعبان "30 سنة" وأحمد سعيد اسماعيل وحمدي اسماعيل الليثي ومجدي ابراهيم كامل وسعيد عبدالعاطي ومحمد السعيد عبدالحليم وفاطمة حسني السيد وعصام وحيد وعواد حسن عواد بالاضافة الي سائق الميني باص علي متولي. كما نقل المصابون محمد عمارة برعي "16 سنة" وعلاء السيد حسن "25 سنة" ومها سعيد أحمد "16 سنة" ونجلاء يحيي شحاتة "16 سنة" الي نفس المستشفي. فور اخطار د. حاتم الجبلي وزير الصحة كلف د. وفيق رفعت مدير المستشفي باعلان حالة الطواريء لاستقبال المصابين واسعافهم واستدعاء الاطباء من مختلف التخصصات واشرفت عزة عبدالله مشرفة التمريض علي متابعة الحالات وتوفير أكياس الدم اللازمة للمصابين.

تحفظت قوات الأمن علي مكان الحادث في الوقت الذي قام فيه سائق النقل بتسليم نفسه لقسم شرطة العبور واخطرت النيابة التي انتقلت لسماع اقوال المصابين وامرت بندب خبراء المرور لمعاينة مكان الحادث وتحديد اسبابه وكيفية وقوعه.

الخواجه زكي زكي زكي بيصلح ساعات

مين البني أدم اللي ما عندوش دم اللي بيجامل الناس على حساب الجثث والأشلاء ؟

حد عمره قرأ حاجه زي كده ؟!!!! وأشرفت عزة عبد الله مشرفة التمريض على متابعة الحالات وتوفير أكياس الدم ؟!!!!!!

كما دعى للحالات الحاج عبد السميع عامل البوفية .. كما كنس العنابر اللي محجوز فيها الحالات الست أم إبراهيم رئيسة قلم عموم النضافة في وزارة الصحة

إيه المسخرة الغير مسئولة دي

[ابو محمد المصري]

انا لله وانا اليه راجعون

حسبي الله ونعم الوكيل علي كل ظالم مقصر ضحايانا في الطرقات قد تفوق ضحايا حرب متوسطه او حتي كبيره حاسبوا المقصريين اضربوا بيد من حديد ولو لمره واحده حتي يتعظ الاخرين

سلبيات بالجمله طريق به قمه التسيب

مستشفيات بها اهدار للدماء الطاهره

حاسبوا المسؤلين الكبار علي تقصير من يقعون تحت امرتهم

نحن بشر يا خلق

لنا حقوق يا هوووووووووووووووووه

[osmel33]

واشرفت عزة عبدالله مشرفة التمريض علي متابعة الحالات وتوفير أكياس الدم اللازمة للمصابين.

مين عزة عبد الله دى ؟

ماشي أسمع بقى الحدوتة دي من مصر من كام سنة كان فيه واحد صديقى طبيب فى أحد المستشفيات فى مصر

كان ساكن فى 6 اكتوبر وكان بيخرج من بيته بدري جداً الصبح بعدين وهو ماشي فى الطريق كان فيه الجماعة اللى

معاهم تناكر الميه اللى بيسقوا الزرع بيها فى الجزيرة اللى فى نص الطريق وكان اليوم ده مليان شبورة

وهو ماشي فى اليمين لقى طيارة جريت من جنبه ناحية الشمال وراحت لابسة فى تنكر المية اللى واقف

وطبعاً اللى سايق راح فيها .. صاحبى ده لما شاف الحادثة نزل على طول من عربيته وراح يشوف الراجل وبعدين اتصل

بالإسعاف وطبعاً على ما الإسعاف ماجت خدتلها قول نص ساعة

المهم البلاوى اللى جوم فى عربية الإسعاف مكونة من مسعف واحد وسواق لما وصولوا بسلامتهم عرفهم بنفسه

وطلب منهم جهاز تقريباً اللى بيشفط الدم من الرئة أو حاجة كده

المهم المسعف أفندى راح يشوفه وإلا الدكتور يسمع الله يخرب بيتك يا سيد ... مين سيد ده ؟

ده السواق

أتارى لقي الجهاز بايظ أو حاجة كده وكان معتمد على السواق أنه يفكره بالموضوع ده فى المستشفى وأتارى

الحاج سيد نسي فلما الحاج سيد نسي أوم أيه ؟

الراجل مات كده وببساطة just like that

صاحبى ده وهو بيحكيلى الكلام ده قالى ان موضوع الله يخرب بيتك يا سيد ده اتكرر معاه

مرتين قبل كده

شوفتوا فساد اكتر من كده معلش يا حاج سين سين انا مش معاك ان السواقين المستهترين يعاقبوا بالإعدام لأ ...

أنا عايز الإعدام للفساد فى مصر المحروسة كلها علشان ما يبقاش فيها سيد ولا عزة عبد الله ولا سواقين ميكروباظ

ولا حتى اللى بيكتبوا الأخبار المنيلة دي فى الجرايد

[بندق أفندى]

منذ عشر سنوات بالتمام والكمال .. حادث فى مثل هذا ..

صيدلى بلدياتى والده صديق والدى .. وشقيق مذيعة مشهورة .. نزل من سيارته لقانى مش شايف .. شالنى وجرى بى على المستشفى

ضغط الدم صفر

النبض صفر

افتح اربط الشرايين حط دم

نشط .. فيه نبض صراخ فى المستشفى .. رجع للحياة .. يومها فتحو بطنى وانا فايق ههههههههههه

لو شهامة ولاد البلد اللى نقلنى والدكتور اللى اسعفنى والدكتور اللى خدرنى (كان زميل دراسة) كان زمانكم محرومين من وصفاتى هههههههه

وسلملى على النظام

كنا فى رمضان وكان سائق تريللا مسطول .. ركب فوق نص عربيتى وأخد يمين حدفنى شمال عشان أقابل تريللا تانية .. وطلعت القضية فشنك .. بسبب تقرير المرور المعدوم الضمير اللى قال انى توقفت فجأة .. مع انه كنا فى كتلة سكنية وكانت سرعتى لا تتعدى 35 كيلو متر .. شفتو ازاى .. وخسرت عربيتى وعانيت من الحادث لسنوات ..

تم تعديل 25 مارس 2009 بواسطة بندق أفندى

[se_ Elsyed]

.. بسبب تقرير المرور المعدوم الضمير اللى قال انى توقفت فجأة .. مع انه كنا فى كتلة سكنية وكانت سرعتى لا تتعدى 35 كيلو متر .. شفتو ازاى .. وخسرت عربيتى وعانيت من الحادث لسنوات ..

نعم يا خويا ؟!!

إن شالله وقفت فجأة أشرب كرسي معسل عالطريق ... في حاجه إسمها اللي صادم من الخلف هو اللي مُخطيء 100 % ...

يعني توقف فجأة دي ليست سبب على الإطلاق ,... ولاواحد ساعتها يخزق عينهم ..

يالله حديد في حديد وحمد الله عالسلامه ..

المهم كانت عزه شريف مسئولة التمريض في عموم بر مصر في عربية الأسعاف اللي جاتلك ولا لأ

[osmel33]

في حاجه إسمها اللي صادم من الخلف هو اللي مُخطيء 100 % ...

أيه ده ؟ دانتا جاي وارد الخليج خالص الكلام ده يا ريس فى الخليج بس موضوع اللى صادم من الخلف ده

هناك فى المحروسة أنت اللى وقفت فجأة

يالله حديد في حديد وحمد الله عالسلامه ..

مش بقولك وارد الخليج :D

المهم كانت عزه شريف مسئولة التمريض في عموم بر مصر في عربية الأسعاف اللي جاتلك ولا لأ

مين عزة شريف دى كمان ؟ :) هو احنا خلصنا من الأولانية تطلعلنا التانية

[بندق أفندى]

.. بسبب تقرير المرور المعدوم الضمير اللى قال انى توقفت فجأة .. مع انه كنا فى كتلة سكنية وكانت سرعتى لا تتعدى 35 كيلو متر .. شفتو ازاى .. وخسرت عربيتى وعانيت من الحادث لسنوات ..

نعم يا خويا ؟!!

إن شالله وقفت فجأة أشرب كرسي معسل عالطريق ... في حاجه إسمها اللي صادم من الخلف هو اللي مُخطيء 100 % ...

يعني توقف فجأة دي ليست سبب على الإطلاق ,... ولاواحد ساعتها يخزق عينهم ..

يالله حديد في حديد وحمد الله عالسلامه ..

المهم كانت عزه شريف مسئولة التمريض في عموم بر مصر في عربية الأسعاف اللي جاتلك ولا لأ

على رأي أوسميل بك دا فى الخليج ..

الممرضات والممرضين فى مستشفى ميت غمر العام غلابة بصراحة .. يا دوب اخدو الفكة اللى كانت فى جيوبى .. وسرقو الجزمة اللى انا متأكد انى دخلت بها المستشفى .. وتركو ليا الهدوم للذكرى .. لأنها كلها كان فيها تمزقات .. هههههه

وما كانش فيه عزة شريف .. الا صحيح دى مش كانت اسم الراقصة اللى اتجوزها جمال عبد الحميد زمان؟ ههههه

الدكتور اللى عمل ليا العملية قعد 6 ساعات .. وكان خريج قبلها ب 6 سنين بس .. لكن الأزمات ولدت عنده خبرة رهيبة ..

العمل بدون امكانيات جعلت الأطباء يتحايلون على الظروف ..

نسيت أقولك انه بعض ما ساعدنى انه تقريبا كل الاصطاف يعرفنى شخصيا .. وكان يشرف على انقاذى لواء شرطة مساعد وزير الداخلية كان زج خالتى وقتها بالصدفة كان فى المنطقة وسمع .. يعنى لو كنت عابر سبيل فى حتة تانية اكيد برضه كنت هأحرمكم من القلقاسا هههههههههه

[osmel33]

الممرضات والممرضين فى مستشفى ميت غمر العام غلابة بصراحة .. يا دوب اخدو الفكة اللى كانت فى جيوبى .. وسرقو الجزمة اللى انا متأكد انى دخلت بها المستشفى .. وتركو ليا الهدوم للذكرى .. لأنها كلها كان فيها تمزقات .. هههههه

اتألبت يعنى يا بندق أفندى ؟ ده عادى خالص وماتاخودش فى بالك بس روحت ازاى من غير الجزمة ؟

وما كانش فيه عزة شريف .. الا صحيح دى مش كانت اسم الراقصة اللى اتجوزها جمال عبد الحميد زمان؟ ههههه

كنت هاقولها فعلاً... عزة شريف دى كانت رقاصة وبترقص ويعنى فى وقت الفراغ كانت مرات جمال عبد الحميد

الدكتور اللى عمل ليا العملية قعد 6 ساعات .. وكان خريج قبلها ب 6 سنين بس .. لكن الأزمات ولدت عنده خبرة رهيبة ..

العمل بدون امكانيات جعلت الأطباء يتحايلون على الظروف ..

هما دول المصريين

نسيت أقولك انه بعض ما ساعدنى انه تقريبا كل الاصطاف يعرفنى شخصيا .. وكان يشرف على انقاذى لواء شرطة مساعد وزير الداخلية كان زج خالتى وقتها بالصدفة كان فى المنطقة وسمع .. يعنى لو كنت عابر سبيل فى حتة تانية اكيد برضه كنت هأحرمكم من القلقاسا هههههههههه

مساعد وزير الداخلية وحصلك كل ده ؟ أمال لو ماكنش مساعد وزير الداخلية كان أيه اللى جرالك

عموماً دومت بخير وعافية يا سي بندق أفندى علشان تتحفنا بروائع من الأدب أقصد من المطبخ العالمي

[بندق أفندى]

الممرضات والممرضين فى مستشفى ميت غمر العام غلابة بصراحة .. يا دوب اخدو الفكة اللى كانت فى جيوبى .. وسرقو الجزمة اللى انا متأكد انى دخلت بها المستشفى .. وتركو ليا الهدوم للذكرى .. لأنها كلها كان فيها تمزقات .. هههههه

اتألبت يعنى يا بندق أفندى ؟ ده عادى خالص وماتاخودش فى بالك بس روحت ازاى من غير الجزمة ؟

وما كانش فيه عزة شريف .. الا صحيح دى مش كانت اسم الراقصة اللى اتجوزها جمال عبد الحميد زمان؟ ههههه

كنت هاقولها فعلاً... عزة شريف دى كانت رقاصة وبترقص ويعنى فى وقت الفراغ كانت مرات جمال عبد الحميد

الدكتور اللى عمل ليا العملية قعد 6 ساعات .. وكان خريج قبلها ب 6 سنين بس .. لكن الأزمات ولدت عنده خبرة رهيبة ..

العمل بدون امكانيات جعلت الأطباء يتحايلون على الظروف ..

هما دول المصريين

نسيت أقولك انه بعض ما ساعدنى انه تقريبا كل الاصطاف يعرفنى شخصيا .. وكان يشرف على انقاذى لواء شرطة مساعد وزير الداخلية كان زج خالتى وقتها بالصدفة كان فى المنطقة وسمع .. يعنى لو كنت عابر سبيل فى حتة تانية اكيد برضه كنت هأحرمكم من القلقاسا هههههههههه

مساعد وزير الداخلية وحصلك كل ده ؟ أمال لو ماكنش مساعد وزير الداخلية كان أيه اللى جرالك

عموماً دومت بخير وعافية يا سي بندق أفندى علشان تتحفنا بروائع من الأدب أقصد من المطبخ العالمي

يا أوسميل بيك .. تخيل الطبيب جاى يقولك حمد الله على السلامة رجعت من الموت .. وتقولى أقف عن التقليبة؟

تعرفى يومها دخل معايا المستشفى كم مصاب 16 واحد .ف حوادث متفرقة . بس الحمد لله مفيش حد مات يومها .. هههههههههه

صحيح نسيت أقولك فيه واحد ابن حلال أخد محفظتى (ومش بأحط فيها فلوس خالص) وراح على بلدنا .. وقابل ابن الجيران قاله على الحادث ابن الجيران راح على أقرب مسجد وعمل اعلان انه بندق محتاج نقل دم .. ويومها المستشفى نغنغت دم .. وما بقاش فيه ولا كيس واحد فاضى للتبرع ..

[aif]

الله يرحم المتوفين ويشفي المصابين ويصبر الأهالي

....

لما واحد بيدخل مستشفي في حادثة زي كدة بيبقى غالبا فاقد الوعي .... وغالبا لما بيفوق بيلاقي نفسه لابس ما هو لازم بالكاد لستر عورته المغلظة .... يعني نصف ملابسه الداخلية ...اما الموبايل والمتعلقات الاخرى فهي لا تصل الى المستشفى اصلا لأن ليها ناس بياخدوها وسط الزحمة بتاعة الحادثة ... إلا اذا كان فيه حد عندة ضمير و احتفظ بالمتعلقات بتاعت المصاب وسلمهاله في المستشفى وده شيء مش بيحصل كتير

ربنا يحفظنا جميعا

[moheltohamy]

ألف حمداً لله على سلامتك يا بندق أفندي.

بتقول ميت غمر؟ (واخدلي بالك يا عم فايرَس؟) بلديّات يعني!

ومن 10 سنين كمان؟ يعني كان بابا الله يرحمه رئيس قسم العظام...

يبقى أي خدمة ، وأوعى تغلط :unsure:

[بندق أفندى]

رحم الله والدك .. ومؤكد لديه رصيد ضخم بسبب العمل فى هذه المستشفى الذى تم نهبه عند بنائه أول مرة ثم نقل لوسط البلد بعد أن أصبح آيلا للسقوط ..

قول الاسم يمكن يكون فى ذاكرتى ..

التهامى .. التهامى .. التهامى .. الاسم مش غريب على ..

[لولا]

ربنا يرحم المتوفين ويدخلهم فسيح جناته ..

لا أعرف بالضبط يا سي السيد الحكومة دى حتفوق فى الحادث رقم كام وتعمل واجباتها ؟؟؟

حقيقى مش عارفه !!!

اللهم ارحمنا رحمة واسعة من عندك .

استاذ بندق .. صحيح الحادث قديم لكن بجد وانتا بتحكى اتحرقت من كل حاجه ... طبعا الف حمدالله على سلامتك وانك بينا دلوقت ..

الروح بقت رخيصة جدا وسط كم الفساد اللامحدود :unsure: لكن الحمد الله ان لسه فى ناس عندها أصاله وجدعنه

وامانه .. امتى الفساد يبقى استثناء نادر والضمير والأمانه والإحساس بالمسئوليه فى كافة المستويات يبقى قاعدة.

امتى تبقى الروح ليها من القدسية عند الجميع ما يجعل من اهدارها جريمة يعاقب عليها المتسيبون بالشنق فى ميادين عامه .

والله هذا اقل القليل .. اقله فعلا !!

لولا

[بندق أفندى]

ربنا يرحم المتوفين ويدخلهم فسيح جناته ..

لا أعرف بالضبط يا سي السيد الحكومة دى حتفوق فى الحادث رقم كام وتعمل واجباتها ؟؟؟

حقيقى مش عارفه !!!

اللهم ارحمنا رحمة واسعة من عندك .

استاذ بندق .. صحيح الحداث قديم لكن بجد وانتا بتحكى اتحرقت من كل حاجه ... طبعا الف حمدالله على سلامتك وانك بينا دلوقت ..

الروح بقت رخيصة جدا وسط كم الفساد اللامحدود :closedeyes: لكن الحمد الله ان لسه فى ناس عندها أصاله وجدعنه

وامانه .. امتى الفساد يبقى استثناء نادر والضمير والأمانه والإحساس بالمسئوليه فى كافة المستويات يبقى قاعدة.

امتى تبقى الروح ليها من القدسية عند الجميع ما يجعل من اهدارها جريمة يعاقب عليها المتسيبون بالشنق فى ميادين عامه .

والله هذا اقل القليل .. اقله فعلا !!

لولا

الله يخليكى يا لولا هانم .. بجد كأنها أمس .. بس كمان أنا أحتفظت بأكثر الأجزاء ايلاما حفاظا على أرواح الزوار :D

[Sherief AbdelWahab]

فيه قانون صريح ..

لكن فيه مناخ عدائي تجاه القانون ، وتجاه أي قانون..

وفيه ناس احتجت على جزئية التريللات وأضربوا والإعلام الرسمي تعاطف معهم.. بغض النظر عن اللي بيعمله الناس دي وبلبعتهم الأصفرا والأخضرا والأحمرا قبل الإعداد لحملة القتل اليومية..

وفيه بلادة مجتمعية تجاه تطبيق نصوص القانون وتجاه ضحايا الطرق إلى حد بقوا بيعتبروا زي زكاة عن صحتنا وليسوا أرواحاً.. فيه قضايا أتفه من مجازر الطرق اتعمل فيها ألفين مرة قد اللي اتعمل في الموضوع دة!

في مناخ زي دة وثقافة زي دي تجعل من البلطجي وقتال القتلاء على الطريق بطلاً قومياً سيخالف هؤلاء وغيرهم القانون وسيقودون تريللاتهم المصفحة على الطريق وسيقتلون بها كل من يعترض طريقهم الملاكي ، حتى لو كان عقاب السير عكس الاتجاه هو الإعدام بغرفة الغاز..

خلص الكلام

[MoTo]

الحقيقة الموضوع مش نقل و ملاكي .. قائدي السيارات في مصر عامة يعانون من أمراض نفسية مزمنة !

انا مبحبش أعلق الموضوع كله في رقبة النقل مع إن حوادثهم هي الأبشع .

و لكن مفيش في مصر طريق تجد عليه الناس ملتزمين بالقوانين المرورية .. ولا تقولي بقي قانون مرور جديد ولا قانون مرور بشرطة .. ولا نقل ولا ملاكي ولا توك توك .. حتي عربيات الشرطة نفسها مش بتلتزم بالقوانين المرورية .. إلا عمري ما شفت واحد راكب عربية شرطة و رابط الحزام مثلاَ !

إطلع علي الدائري .. الملاكي ماشي 120 و 140 و 160 .. و بيطير من جنبك من سرعته ينعكشلك شعرك جوة العربية و يطير الورق اللي عالتابلوه ده إذا مخدش المرايه الجانبية معاه، و النقل ماشي يتمخطر عالشمال و في النص و في كل حتة .. و الميكروباص بيركن عند أماكن تجمع الركاب (السلالم) بالصفين و التلاتة و فجأة تلاقي الدائري بقي حارة و نص و إنت و حظك يا تعدي يا تلبس فيهم ، ده غير إن أرض الطريق نفسه ما يعلم بيها إلا ربنا .

المشكلة الحقيقية إن المخالف بيعمل المخالفة و هو مطمئن في داخل نفسه أتم إطمئنان بأنه لن يجد من يعاقبه أو علي الأقل من يقول له يا أخي إختشي علي دمك و راعي ربنا في العربية اللي راكبها، فتحولت المخالفة إلي شئ عادي .. معظمنا علي سبيل المثال اما بيلاقي حد جي عكس في وشه في شارع إتجاه واحد بيوسعله و يعدي عادي .

ربنا يحفظنا جميعاَ .

[بندق أفندى]

.. بسبب تقرير المرور المعدوم الضمير اللى قال انى توقفت فجأة .. مع انه كنا فى كتلة سكنية وكانت سرعتى لا تتعدى 35 كيلو متر .. شفتو ازاى .. وخسرت عربيتى وعانيت من الحادث لسنوات ..

نعم يا خويا ؟!!

إن شالله وقفت فجأة أشرب كرسي معسل عالطريق ... في حاجه إسمها اللي صادم من الخلف هو اللي مُخطيء 100 % ...

يعني توقف فجأة دي ليست سبب على الإطلاق ,... ولاواحد ساعتها يخزق عينهم ..

يالله حديد في حديد وحمد الله عالسلامه ..

المهم كانت عزه شريف مسئولة التمريض في عموم بر مصر في عربية الأسعاف اللي جاتلك ولا لأ

افتكرت .. تقرير المرور عندى كان طلع بيقول انه أنا صدمت السيارة النقل اللى فى الطريق المقابل وبعدين رجعت بضهرى صدمت اللورى اللى صدمنى فى البداية .. طبعا صاحب التريللا عنده أسطول سيارات .. وانا أساسا لم أكن مهتم بالقضية .. لأنه مسافر والمحامى اللى وكلته ما وكلتوش كويس يمكن .. عشان كنت معتزل المطبخ :lol: الغريب انه محامو التعويضات بعتو ليا رسايل كتير اوى وولا مرة رديت عليهم كل ما قلته حسبى الله ونعم الوكيل

[se_ Elsyed]

تشييع ضحايا حادث العبور.. وجنازة جماعية لسبعة فى «منية سلمنت»

كتب عبدالحكم الجندى ومصباح الحجر وسامح محمد ٢٦/ ٣/ ٢٠٠٩

شيعت قرى مركزى بلبيس ومنيا القمح ضحايا حادث مدينة العبور أمس، عمت مشاعر الحزن الأرجاء، ونظمت قرية منية سلمنت جنازة جماعية لسبعة من أبنائها الذين لقوا مصرعهم ضمن الضحايا، وشارك لفيف من القيادات الشعبية ومندوب عن محافظ الشرقية، وأعلن أن المحافظ قرر صرف ٥٠٠٠ جنيه لأسرة كل متوفى و١٠٠٠ جنيه لكل مصاب،

وقرر مراد أمين، مدير نيابة العبور، حبس سائق النقل المتسبب فى الحادث ويدعى سامى محمد حمزة (٤٠ سنة) ووجهت إليه النيابة تهمة القتل الخطأ ومخالفة القانون والسير عكس الاتجاه، وقررت النيابة سحب رخصتى السيارة والقيادة وإيقافهما، وأمرت بتشكيل لجنة من المرور لفحص السيارتين (١٣٤١٥ ـ نقل الغربية) و(١٠٧ ـ أتوبيس خاص)

وقرر السائق المتهم أنه كان فى طريقه للحصول على حمولة رمل من أحد المحاجر، وظن أنه لا توجد سيارة سوف تقابله فى الاتجاه المعاكس، لكنه فوجئ بالأتوبيس فصدمه، وفى لقاء مع «المصرى اليوم» كشفت هيفاء الناحل، عضو مجلس محلى محافظة القليوبية، عن عدم وجود رقابة مرورية فى مدينة العبور، وأكدت أن مخالفة القواعد المرورية أمر طبيعى.

كان فريق من النيابة العامة قد انتقل إلى مكان الحادث وقام بمعاينته على الطبيعة تصورياً واستمعت النيابة لأقوال اثنين من المصابين. قالت نجلاء يحيى شحاتة «١٧ سنة» إنها حاصلة على دبلوم تجارة ومن قرية سلمنت مركز بلبيس محافظة الشرقية، وأنها تعرفت على زميلتها المصابة «مها» التى تعمل فى مصنع للكرتون وعلب «الجبنة» الفارغة بالعبور وذهبت للعمل معها.

وقررت مها سعيد أحمد «١٦ سنة» أنها كانت نائمة وقت وقوع الحادث واستيقظت على صوت فرملة الأتوبيس وارتطام النقل به من الأمام وبعدها فقدت الوعى ولم تشعر إلا وهى فى المستشفى. وأضافت أنها تستقل هذا الأتوبيس يومياً مع زميلاتها من قريتى سلمنت والسعديين بالشرقية وهو أتوبيس الشركة وقالت: «إننى تعبت كثيراً حتى أحصل على فرصة عمل حيث إننا من أسر فقيرة ونخرج للعمل لكى نستطيع أن نوفر ما يلزمنا من جهاز العرايس للزواج».

وأكدت الدكتورة صفاء يوسف، نائب مدير مستشفى السلام بالعبور، أن المستشفى استقبل ٦ مصابين فى الحادث تم خروج اثنين منهم وتبقى ٤ حالات فقط اثنان فى الرعاية المركزة هما محمد عمارة برعى «١٦ سنة» ومصاب بارتجاج فى المخ وتدهور فى درجة الوعى، ونجلاء السيد حسن «٢٥ سنة» مصابة بكسور مضاعفة فى عظام الفخذين الأيمن والأيسر وخلع بالكتف اليمنى أما الحالتان الأخريان فهما فى قسم المخ والأعصاب.

قتل خطأ ؟

أي قانون هذا ؟

شخص متعمد يسير عكس الإتجاه ويقتل بدم بارد 11 شخص .... ويقولوا قتل خطأ ؟

حكمت أحد المحاكم من يومين على لاعب مشهور في منتخب الإمارات بالإعدام شنقاً ؟

ليه ؟

كان ماشي بعربيته هو وإتنين من إخواته وحدثت مشكلة طريق بين سيارتين .. نزل إتخانق مع صاحب السيارة الأخرى فراح جايب سيف من عربيته وضارب بها عنق السائق الأخر .. فقتله

وده حيوان قتل 11 .. ويتم اولادهم وشرد عائلات فقيرة بحالها .. وفي الأخير ياخد له 3 سنين او 7 .. ودمتم

[الترجمـان]

قتل خطأ ؟

أي قانون هذا ؟

شخص متعمد يسير عكس الإتجاه ويقتل بدم بارد 11 شخص .... ويقولوا قتل خطأ ؟

حكمت أحد المحاكم من يومين على لاعب مشهور في منتخب الإمارات بالإعدام شنقاً ؟

ليه ؟

كان ماشي بعربيته هو وإتنين من إخواته وحدثت مشكلة طريق بين سيارتين .. نزل إتخانق مع صاحب السيارة الأخرى فراح جايب سيف من عربيته وضارب بها عنق السائق الأخر .. فقتله

وده حيوان قتل 11 .. ويتم اولادهم وشرد عائلات فقيرة بحالها .. وفي الأخير ياخد له 3 سنين او 7 .. ودمتم

بكل تأكيد قتل خطأ ...ولكن خطأ من ..؟؟

مش ذنب السواق انه يشيل القضيه لوحده وياخد إعدام علشان كان مبرشم طول الليل وصحي الصبح علشان يعمله نقله في طريق لا يوجد به أي أداه توقفه وتنفذ عليه مخالفته لقوانين الدولة ..

القوانين موجوده ولكن السؤال من يطبقها ....؟؟

وإذا وجد العنصر البشري المنوط به أن ينفذها على من يخالف ... إذا فما هي الآلية التي ستضمن لنا تنفيذ هذا القانون دون خضوعه لرشوى الطريق أو الخوف من أيقاع المخالفة أو حتى النوم في أوقات الخدمة ..؟؟

فإذا كانت حجتنا أننا لا نستطيع أن نضع عسكري في كل بيت مصري فما حجتنا أن نضع كاميرا مراقبة في كل طريق مصري ..؟؟

هل سيرفض الناس إذا طلب منهم ثمنها على كل بوابة طريق سفر ؟؟

تم تعديل 26 مارس 2009 بواسطة الترجمـان

[Sherief AbdelWahab]

قتل خطأ ؟

أي قانون هذا ؟

شخص متعمد يسير عكس الإتجاه ويقتل بدم بارد 11 شخص .... ويقولوا قتل خطأ ؟

حكمت أحد المحاكم من يومين على لاعب مشهور في منتخب الإمارات بالإعدام شنقاً ؟

ليه ؟

كان ماشي بعربيته هو وإتنين من إخواته وحدثت مشكلة طريق بين سيارتين .. نزل إتخانق مع صاحب السيارة الأخرى فراح جايب سيف من عربيته وضارب بها عنق السائق الأخر .. فقتله

وده حيوان قتل 11 .. ويتم اولادهم وشرد عائلات فقيرة بحالها .. وفي الأخير ياخد له 3 سنين او 7 .. ودمتم

بكل تأكيد قتل خطأ ...ولكن خطأ من ..؟؟

مش ذنب السواق انه يشيل القضيه لوحده وياخد إعدام علشان كان مبرشم طول الليل وصحي الصبح علشان يعمله نقله في طريق لا يوجد به أي أداه توقفه وتنفذ عليه مخالفته لقوانين الدولة ..

القوانين موجوده ولكن السؤال من يطبقها ....؟؟

وإذا وجد العنصر البشري المنوط به أن ينفذها على من يخالف ... إذا فما هي الآلية التي ستضمن لنا تنفيذ هذا القانون دون خضوعه لرشوى الطريق أو الخوف من أيقاع المخالفة أو حتى النوم في أوقات الخدمة ..؟؟

فإذا كانت حجتنا أننا لا نستطيع أن نضع عسكري في كل بيت مصري فما حجتنا أن نضع كاميرا مراقبة في كل طريق مصري ..؟؟

هل سيرفض الناس إذا طلب منهم ثمنها على كل بوابة طريق سفر ؟؟

لا معلش .. لا معلش .. هوة اللي عملها وهوة اللي حيشيلها كفاعل مباشر حتى لو اتصنفت المجزرة دي كقتل خطأ باعتباره المتسبب المباشر ، حتى لو كان المحامي بتاعه من عينة "محامي خلع" في الفيلم الشهير ودفع بإن موكله بريء وإن اللوم كله حيقع على السلطات اللي ما اتحركتش أساساً لإيقافه عند حده ، وإن استعطاء البيه السواق للمنكر مشروباً أو مشموماً ليس سبباً كافياً لتجريم ما فعل باعتبار أن كل شخص حر في تعاطي الصنف المناسب له لأننا في بلد حر ، أو يزعم المحامي نفسه بأن السيد الموكل الفاضل قد تعرض للتعذيب والضرب وأنه لم يكن مبرشماً ولا ضارباً قبل قيادته للدبابة على الطريق..

فيه قضية مشابهة حتتعرض على القضاء خلال شهر .. حادث الإبراهيمية .. الأتوبيس والنص نقل اللي ما كانش غيرهم ع الطريق في يوم صحو وبلا معوقات حقيقية على الطريق ، وحنسمع نظريات عجيبة وغريبة الشكل لم تخطر على بال إبليس شخصياً وحتتوصل إلى إن الاتنين اللي عملوها أبرياء!

ترك الموضوع بلا وقفة قانونية سيفتح باباً رهيباً لن يغلق بسهولة ، وقد تستخدم اللواري والتريللات فيما بعد في أعمال التصفية الجسدية بل وعمليات الإرهاب .. والناشطون والإعلاميون والساسة يتفرجون .. صحتين على رأي إخواننا الشوام.. :aslam:

خلص الكلام