مشورة من الاخوة المصريين فى السعودية

[oracle]

السلام عليكم ورحمه الله وبركاته

اخوانى الكرام تحية لكم من اخ يحبكم فى الله

كان عندى سؤال وكنت احتاج الاجابة عليه

اعمل كمبرمج اوراكل فى احدى شركات النقل السياحى بالمملكة العربية السعودية منذ شهر 7 الماضى وسوف تنتهى الاقامة شهر 10 الحالى ولا ارغب فى تجديد الاقامة علما بأن العقد لمدة سنتين اى لا زال امامى سنة اضافية اخرى .

فهل من الممكن فسخ التعاقد بينى وبين الشركة وعدم تجديد الاقامة ام لا بد من استكمال باقى فترة العقد ؟

احتاج مشورتكم فى هذا الامر الذى يقلقنى كثيرا

وتقبلوا تحيات اخ يحبكم فى الله

السلام عليكم ورحمه الله وبركاته

[بندق أفندى]

السلام عليكم ورحمه الله وبركاته

اخوانى الكرام تحية لكم من اخ يحبكم فى الله

كان عندى سؤال وكنت احتاج الاجابة عليه

اعمل كمبرمج اوراكل فى احدى شركات النقل السياحى بالمملكة العربية السعودية منذ شهر 7 الماضى وسوف تنتهى الاقامة شهر 10 الحالى ولا ارغب فى تجديد الاقامة علما بأن العقد لمدة سنتين اى لا زال امامى سنة اضافية اخرى .

فهل من الممكن فسخ التعاقد بينى وبين الشركة وعدم تجديد الاقامة ام لا بد من استكمال باقى فترة العقد ؟

احتاج مشورتكم فى هذا الامر الذى يقلقنى كثيرا

وتقبلوا تحيات اخ يحبكم فى الله

السلام عليكم ورحمه الله وبركاته

الاقامة ليست ذات معنى فى هذا الشأن .. حيث أن الشركة التى تعمل بها ملزمة بتجديدها .. وليست هذه هى حجر الزاوية ..

اذا كنت ترغب فى انهاء التعاقد يجب قراءة بنود العقد جيدا وأن تنظر فى الشروط التى تنظم مسألة انهاء العقد قبل أجله فان لم يكن هناك نصوص محددة فسيكون الحكم لبنود قانون العمل والعمال وهذا يعنى الدخول فى قضية قد تنتهى بنهاية العقد ..

[بندق أفندى]

هناك حالة وحيدة فى العقود يمكن استفادة فيها ليس من الاقامة انما من رخصة العمل (والتى تكون غالبا مرتبطة بالاقامة) حيث تنص المادة 37 من قانون العمل السعودى على انه اذا لم يوجد نص يحدد مدة العقد فرخصة العمل تعتبر هى المحدد للمدة ..

طبعا هناك نوع آخر من العقود وهو الغير محددة المدة ويجوز فسخها بالاستقالة فى أى وقت شرط الانذار قبل شهر من الطرف صاحب ارادة الانهاء (حلوة صاحب ارادة الانهاء دى؟) ههههه

[elfakhrany]

عزيزى راجع جيدا بنود العقد وتأكد من عدم وجود شروط جزائية مادية أو بنود تحرمك من العمل لدى أى منافس لشركتك وبعدها أبدا بالتفاوض فى نقل الكفالة

[saad badr]

عفواً الزميل الفاضل

ما علاقة هذه المداخلة بالموضوع ؟!!!!

تم حذف المداخلة التي خرجت تماماً عن الموضوع

الإدارة

سي السيد

[oracle]

السلام عليكم ورحمه الله وبركاته

جزاكم الله خيرا اخوانى الافاضل على اهتمامكم بموضوعى وبخصوص العقد اخى الكريم فلا يوجد اى شرط جزائى او بنود تحرمنى من العمل لدى اى شركة اخرى ولكن كل ما هناك هو ان اى نزاع بين الطرفين يكون الفصل فيه لقانون العمل السعودى

وانا لا اريد ان استمر معهم ففكرت فى عدم تجديد الاقامة والعودة فكان سؤالى :

هل استطيع رفض التجديد وفسخ التعاقد مع الشركة ام انا ملزم بتكملة مدة العقد علما بان العقد يحتوى على مادة وهى اجازة بعد مرور اول عام ولكنهم لن يعطوا لى الاجازة نظرا لقانون الشركة ( العقيم ) الذى يلزم بانه عند تقديم طلب الاجازة لابد من ان يكون المتقدم قد مر عليه عام فى الشركة والتقديم فى شهر 1 وعند تقدمى رفضوا الطلب لعدم مرور المدة على عملى بالشركة اى سأظل الى شهر 1 القادم لتقديم الاجازة ثم يوافقوا على نزولى الاجازة فى شهر 7 اللى بعده

( قانون عقيم )

ولهذا قررت ترك الشركة

فبما تنصحوننى

وعذرا على الاطالة

وجزاكم الله خيرا

والسلام عليكم ورحمه الله وبركاته

[doha]

لو اوضاعك اجمالا جيده في الشركة وكل الي منغص عليك موضوع الاجازه فنصيحة فكر تاني واستخير ويمكن الشركه دي افضل من غيرها والموضوع مش محتاج انك تسيبهم وتفسخ العقد . .

اما لو في مشاكل تانيه اكبر يبقى هنا ممكن تجازف وتخبرهم برغبتك في الانهاء

طبعا المشاكل الصغيره من نوعية فلان الموظف قارفني ولا المدير مضطهدني والمواصلات حر علي وانا رايح الشغل كل ده ميعتبرش اسباب فهرية تجمعها جنب بعضها اضافة لموضوع الاجازه وتخليها حافز ليك عشان تسيب الشغل ..

فكر لو سبت الشغل هتروح فين وهترجع مصر تعمل ايه وفكر في كل الاسباب الي خلتك تسافر من البدايه وهل مازالت موجوده ولا لاه . فكر بعقل مش بعواطف لان للاسف مهما كانوا الناس في مصر واحشينك لما ترجع وانت تارك شغلك مش هتبقى الحياه معاهم حلوة اوي زي ماانت متصور لكن لو رجعت لهم اجازه او بعت اخذتهم معاك هتبقى جمعت كل الخير في وقت واحد ..

اصبر شويه ومن هنا لشهر واحد مش كتير ابدا وركز كل تفكيرك دلوقت وانت قاعد لوحدك انك تستفيد من الوقت احفظ شويه قرآن ولا طور معلوماتك في البرمجه الي بتتقنها .. كده استفيد .. الحياه في السعوديه حياه عملية جدا فاستفيد من وجودك في تطوير نفسك بدال ماتقعد تتحسر على الي واحشينك دلوقت ..

ربنا معاك وان شاء الله يهديك للصح

[elfakhrany]

هل استطيع رفض التجديد وفسخ التعاقد مع الشركة ام انا ملزم بتكملة مدة العقد علما بان العقد يحتوى على مادة وهى اجازة بعد مرور اول عام ولكنهم لن يعطوا لى الاجازة نظرا لقانون الشركة ( العقيم ) الذى يلزم بانه عند تقديم طلب الاجازة لابد من ان يكون المتقدم قد مر عليه عام فى الشركة والتقديم فى شهر 1 وعند تقدمى رفضوا الطلب لعدم مرور المدة على عملى بالشركة اى سأظل الى شهر 1 القادم لتقديم الاجازة ثم يوافقوا على نزولى الاجازة فى شهر 7 اللى بعده

( قانون عقيم )

ولهذا قررت ترك الشركة

أخى العزيز أوراكل أنا مش شايف ان دى مشكلة كبيرة خصوصا لو الشركة كويسة كمان دى بتكون سياسة شركة وبيكون لها منظر ونظام خاصة يعنى من ناحيتك انت شايف انه نظام عقيم أما من ناحية الأدارة هى عملية تنظيمية لسيستم الأجازات و أرجو أن تراجع نفسك جيدا وقبل ان تفكر فى ترك شركتك أبحث عن البديل .. والله المستعان

[waaaf]

فكر كويس قبل ماتسيب شغلك ماتعملش زي ناس أنا منهم نزلوا مصر في وقت غير مناسب وإضطروا يرجعوا . ربنا يهديك لما فيه الخير

[محمد افندى]

لو اوضاعك اجمالا جيده في الشركة وكل الي منغص عليك موضوع الاجازه فنصيحة فكر تاني واستخير ويمكن الشركه دي افضل من غيرها والموضوع مش محتاج انك تسيبهم وتفسخ العقد . .

اما لو في مشاكل تانيه اكبر يبقى هنا ممكن تجازف وتخبرهم برغبتك في الانهاء

اولا انا اوافق الاخت ضحى فى رأيها ان لو الاوضاع اجمالا كويسة يبقى بلاش تهور ومتعملش مشكلة عشان موضوع الاجازة يا اخى يبدو ان الشركة دى شركة كويسة وليها نظام لو الموضوع موضوع الاجازة اصبر شوية اما لو فى امور اخرى انت مش هتقدر عليها وفعلا عاوز تمشى يبقى تشوف العقد كويس وتقرا كل بنودة وهل فى اى التزامات عليك ولا لأ بس عموما قانون العمل بيلزمك انك تقدم استقاله قبلها بشهر او لو حبيت تمشى فورا انت ملزم بدفع راتب شهر

[أحمد معين]

السلام عليكم,,

مع احترامي لكل الآراء السابقة, قد يكون عندك أمور خاصة عايز تنهي بسببها العمل بالسعودية.

السؤال: هل أنت عايز تنهي العمل بالسعودية نهائيا؟ يعني ترجع مصر لأي أسباب؟

اذا كان الموضوع أنك تنزل بشكل نهائي, فممكن تكلب اجازة اضطرارية و تنزل و مترجعش.

أو

تتقدم بالاستقالة و مهلة شهر أو تدفعلهم راتب شهر (حسب قانون العمل) و طلب انهاء خدمات و خروج نهائي.

أما بقى اذا كنت يا حلو عايز تروح شركة تانية فأنسى الموضوع, يعني نقل الكفالة بمزاجهم و بالتراضي معاهم فقط أيا كانت اسبابك.

و اذا الموضوع اجاة و كده يعني يبقى اصبر و أمشي حسب النظام و المضوع مش مستاهل كل دهـ السنة هتعدي أو حاول تضبط مديرك في موضوع الاجازة.