ر أيك فى الغاء خانه الديانه فى مصر

[محمد عيسى]

ممكن سؤال و عايز اجابته في نقط محدده 1-2-3 مش عبارات انشائية

ما هو الضرر من ذكر الديانه في البطاقه؟

و ما هي الفائده من إلغاء هذا البند؟

ما هو لما نيجي نعمل حاجه او نطالب بيها لازم يكون فيه اسباب واضحة و محددة لكده و يكون فيه عائد ملموس من عمل الحاجه دي

حد يفهمني بقى

طيب نعكس الاسئلة

ماهى الفائدة وماهو الداعى لذكر ديانة الفرد فى البطاقة؟

وماهو الضرر من الغاء الديانة من البطاقة؟

لان الموضوع بيتكلم عن واقع مطلوب تغييره فانا بسأل إيه هيا أسباب التغيير ده

فيه حاجات شخصية تغييرها ممكن يكون بدون سبب زي واحد عايز يغير لون دهان شقته لانه بيرتاح اكتر في لون تاني او عايز يمشي على الموضه .. و فيه تغييرات عامة يفهم أنها للأحسن و للتطوير مثل تغيير البطاقه من ورقيه الى الكترونيه .. و كذلك بعض البنود في البطاقة مثل عدم ذكر إسم الأم فأنا أتفهم أن هناك مجتمعات متحفظه في مصر مثل البدو و الصعيد قد لا تتقبل هذا الموضوع .. و كذلك خانة الديانة ذكرت في مداخلة ليا قبل ذلك انها اجراءات ورقيه مش هاتفرق كتير

لكن لما يتبنى الدعوة دي أقباط المهجر و غلاة العلمانيين و الشيوعيين يبقى لازم الواحد يحس بالشك و يقلهم طيب ثانيه واحده .. ليييييييييييييييييييييييه؟

و بعدين عندك اجابات على السؤالين اتفضل جاوبها و ما تدخلناش في جدل حول حاجه موجوده بقالها اكتر من خمسين سنه .. قد تكون خطأ و في الحالة دي يلزم تصحيحها و لو عدى عليها مائة عام بس برضه فهمني إيه الخطأ في كده و الداعي لهذا التغيير؟ في نقاط برضه علشان نعرف نتكلم

ما أتكلم عنه هو الهدف

عايز اعرف الهدف أولاً و العائد ثانياً من إثارة الموضوع ده

تم تعديل 26 مارس 2009 بواسطة محمد عيسى

[محمد عيسى]

ممكن سؤال و عايز اجابته في نقط محدده 1-2-3 مش عبارات انشائية

ما هو الضرر من ذكر الديانه في البطاقه؟

و ما هي الفائده من إلغاء هذا البند؟

ما هو لما نيجي نعمل حاجه او نطالب بيها لازم يكون فيه اسباب واضحة و محددة لكده و يكون فيه عائد ملموس من عمل الحاجه دي

حد يفهمني بقى

طيب نعكس الاسئلة

ماهى الفائدة وماهو الداعى لذكر ديانة الفرد فى البطاقة؟

وماهو الضرر من الغاء الديانة من البطاقة؟

1. ما اعرفش بجد .. لما كملت 16 سنه لقيت البطاقه شكلها كده

2. مفيش ضرر (إجابة مؤقته)

عايز بقى أعرف إجابات أسئلتي و الهدف و الغرض من الدعوه للتغيير في تقاط .. ما هو أي تحرك او مطلب في الدنيا ليه هدف و بناه على مشروعية الهدف و معقوليته يمكننا طرح الموضوع للمناقشة

و كذلك العائد .. فلو كان العائد لا يستحق أو له سلبيات أكبر من الإيجابيات يبقى المناقشه تاخد منحى آخر

تم تعديل 26 مارس 2009 بواسطة محمد عيسى

[se_ Elsyed]

الزبدة بقة من وجهة نظري ( وأرجو الناس اللي عندها كوليسترول ما تقرأش الكلام ده :lol: )

يذكروا الديانة .. يشيلوها .. يخلوها على جنب ..

اهم حاجه في الموضوع هو القناعات الداخلية ..

لإن ما معنى عدم ذكر الديانة .. بس عشان إسمي أحمد - ومعروف إنه إسم مسلم - و أجي أتقدم لشركة كبيرة اول ما أتخرجت فالأقيهم معلقين صور المسيح والعذراء في كل حته وأول ما يقرأوا إسمي من بين المتقدمين .. يروحوا مزخلقينني ... حدث معي في بداية حياتي لما كنت ورور صغير ولسه لابس الشورت وشايف الدنيا بمبي

وكذلك يفعل بعض المسلمون مع المواطنين المسيحيين عندما يتقدمون لوظائف .. لا نستطيع أن نُنكر ذلك ..

كنت مره مع مقاول بناء بيعمل لي شغل - الكلام ده ييجي من 15 سنة - وهو يملك عدة بنايات بيبيع فيها شقق .. فكنا في سيارته واستوقفه واحد سمسار يعرفه والكلام ده حصل أمام عيني .. وقال له إن عنده زبون عايز يتفرج على شقة .. يروح المقاول - مسيحي على فكرة - سأله سؤال : الزبون ده .. علي وحُسين ؟ ( يعني مسلم ) : قال له السمسار : آه .. قال ما بأجرش ...

وكذلك يفعل بعض المسلمون

حتى الحكومة بتميز بالتأكيد بشكل رسمي ...

ولما ييجوا يتكلموا عن المواطنة وعدم التمييز الديني وإفطار المحبة بتاع رمضان والتعايش الوطني وكل ده .. بيبقى كلام في الهواء والكل مسيحي ومسلم بينطحن تحت تروس الحكومة الظالمة التي لا يهمها إلا نفسها .. وإلا ما معنى إن يقولك إن الحزب الوطني الفاشي عدده 5 مليون مصري .. لوما ييجوا يرشحوا ناس يخوضوا إنتخابات مجلس الشعب تلاقي من إسكندرية لحد أسوان ما فيش إلا تلاتة أو أربعة مسيحيين وبالمناسبة ييجي إتنين تلاتة ستات بس برضوا .. وينجح منهم واحد ولا إتنين بالعافية ومنهم واحد وزير مالية بيتقفل له الصناديق في دائرة كلية الزراعة بشبرا

إذاً دعونا نقتنع أولاً إننا كمصريين يجب أن تكون لدينا قناعات داخلية بإن ده وطننا وإن كلنا لنا نفس الحقوق والواجبات ...

وبعد كده ندور على Paper Work وبطاقة مكتوب فيها الديانة ولا لأ ومش عارف إيه

ووالله البهائي ده لو إنسان محترم وبيحب بلده وبيعامل الناس كويس ..يبقى أهلاً به في حدود القوانين ... يعني ييجي بقى يبشر بالبهائية أو يقل عقله في تنظيمات ومش عارف إيه .. لحد هنا ونقول له ستوب إنت في دولة المصدر الرئيسي للتشريع هو الإسلام .. ونحن لا نعترف بأي ديانة أخرى غير الديانات الثلاث السماوية ..

لإن ما معنى إنه يكون مكتوب في ديانته مسلم أو مسيحي وهما الديانتان اللتان تمثلان النسبة الأكبر قي مصر .. ثم يكون في الأصل بهائي ولا بوذي بس يبقى منافق وطابور خامس بيننا ؟

[dawn walker]

ر أيك فى الغاء خانه الديانه فى مصر

لا اوافق

تم تعديل 26 مارس 2009 بواسطة dawn walker

[محمد عيسى]

وبعد كده ندور على Paper Work وبطاقة مكتوب فيها الديانة ولا لأ ومش عارف إيه

ماشي يا ابو السيد كلامك زي الفل .. طيب و لما هي paper work ايه سبب الضجه دي كلها حواليها لدرجة ان واحد بحجم علي الدين هلال يتكلم فيها

ليه و علشان ايه؟؟

[شاب مصري]

علي الدين هلال

علي الـ(--) هلال

:lol:

[rar]

بصراحة الموضوع رائع... هأشارك حتي لو المدير قفشني!!

ما هو الضرر من ذكر الديانة في البطاقة؟ و ما الفائدة من الغاءها... من غير تفكير طويل... تعالي نعد مع بعض:

1) عند تغيير الفرد لديانته، لا يتوجب عليه (قانونا) أن يتجه لمكتب السجل المدني لتغييرها... و بالتالي لا يتوجب عليه تعريض حياته للخطر لو علم أهله بذلك... فالدين بين العبد و ربه، لا يُنتظر مني أن أخطر الدولة بحدوث تغير في نظرتي الفلسفية للحياة... خاصة و أني أنمو مع الوقت، و قد تتغير قناعاتي مرة أخري...

كم مرة قتل الأهل أبناءهم (مسيحيين و مسلمين) لعلمهم بأن الابن أو البنت قد غير عقيدته؟؟

2) التمييز المقرف في المعاملات التجارية (التي تحدث عنها العزيز سي السيد) و حتي غير التجارية من معاملة موظفين أو أساتذه جامعة أو قادة في الجيش و خلافه، قد تحدث بين مسلمين و مسيحيين... و يصعب التغلب عليها بمجرد مسح الديانة من البطاقة، لأن الديانة تظهر من الاسم أو اللبس أو طريقة الكلام... و لكن يمكن التغلب عليها في حالة البهاءيين و الشيعة و الصوفية و الملحدين... فهؤلاء لا تظهر عليهم اختلافات واضحة... ذلك ليس حلا لمشاكل هذه الطوائف المصرية الأصيلة... و لكنها علي الأقل خطوة في الاتجاه الصحيح...

3) ضمان عدم حدوث تفرقة في السفارات الأجنبية، لطالبي السفر و الهجرة... فقوانيين كثير من تلك الدول يحرم عليهم سؤال المتقدم عن ديانته، و لكن أوراقنا الرسمية توفر لهم هذه المعلومة بمنتهي السلاسة دون أن يطلبوها... و تفتح علينا باب التفرقة الخارجية بين المصريين علي اختلاف مقاصدهم...

4) موضوع ان البطاقة تمنع عمليات النصب في الزواج دي حاجة تضحك فعلا... هو يعني ها يجي واحد يتجوز بنتي هاديهالوا عشان شفت بطاقته!! هو لو كان غير دينه (أو مش علي ديني من الأصل) مش يفترض برضه اني باقابل أهله و صحابه ... و باسأل عنه في مكان سكنه و عمله... و بافتح له بيتي لشهور طويلة بنتكلم فيها معاه عن كل حاجة في الدنيا... و نتأكد انه شايف الدنيا زي ما احنا شايفنها... مش يفترض ان البنت نفسها بتناقشه في أراؤه في مواضيع دينية برضه... كل ده و مش هناخد بالنا انه مش علي ديننا!! و لا هو بيبعت لي تلكس يطلب ايد بنتي، بابعت له البنت بالبريد السريع!!

لو كان ازالة الديانة من البطاقة هيخلي الأهل يزيدوا حرص علي التأكد من خطيب بنتهم... تبقي دي ميزة تانية لازالتها!!

5) ازالة قلق الاقليات الدينية و شعورهم الدائم بالتفريق بينهم و بين الأغلبيات في الوظائف الحكومية، و القبول في الكليات العسكرية... الخ

من الآخر لو الأوراق الرسمية اللي بتقدم لملء الوظيفة أو القبول في الكلية أو القسم الدراسي لا يشتمل علي خانة الديانة... مشاعر الاضطهاد دي هتقل كتير... و اللي شايف ان فيه اضطهاد... يختار لولاده أسماء وسطية، زي جيلي ما كان من مواليد السبعينات و ما قبلها...

6) ضمان عدم تسليط سيف ال"حسبة" علي كل من يختلف رأيه الديني مع الهيئات الدينية الحاكمة!! فقانونا لا يحق لأي فرد أو هيئة أن تطالب بتطليق زوجين أو أن تتهم أي فرد بالردة، طالما لا يوجد وثيقة قانونية تثبت انتماؤه لعقيدة دينية محدده... و هذه النقطة هي مربط الفرس... حيث أن المجتمع المصري يخطو ببطء نحو طائفية في القانون المدني مثلما كان الحال في العصور الوسطي... حيث تختلف القوانين العامة و الحقوق و الواجبات... بحسب طائفة الفرد...

الغاء ما يثبت انتماء الفرد لطائفة دينية معينة، يجبر المشرع أن يساوي الجميع في الحقوق و الواجبات فعلا... و ليس علي طريقة العزيز سي السيد:

إذاً دعونا نقتنع أولاً إننا كمصريين يجب أن تكون لدينا قناعات داخلية بإن ده وطننا وإن كلنا لنا نفس الحقوق والواجبات ...

وبعد كده ندور على Paper Work وبطاقة مكتوب فيها الديانة ولا لأ ومش عارف إيه

ووالله البهائي ده لو إنسان محترم وبيحب بلده وبيعامل الناس كويس ..يبقى أهلاً به في حدود القوانين

و التي تبعها مباشرة بما ينفي اقتناعه بهذه المساواة في الحقوق و الواجبات

يعني ييجي بقى يبشر بالبهائية أو يقل عقله في تنظيمات ومش عارف إيه .. لحد هنا ونقول له ستوب إنت في دولة المصدر الرئيسي للتشريع هو الإسلام .. ونحن لا نعترف بأي ديانة أخرى غير الديانات الثلاث السماوية ..

لا أود أن أغير وجهة الموضوع و أشتت القارئ... و لكني فعلا فضولي جدا يا عزيزي لفهم ما تعنيه كلمة "تبشير" في رأيك... أتمني أن تفتح لها موضوع منفصل... لأن معني هذه الكلمة و ما يشتمله من "أفعال" يتوقف عليه شكل المجتمع المصري في المستقبل...

أرجو اضافة بقية الأسباب التي نسيتها لهذه القائمة... فلا أدعي اني أعطيت الموضوع وقته في التفكير... و للجميع حبي و احترامي

[doha]

لو قلنا ان حذف خانة الديانة مهم عشان الانسان يقدر يغير دينه في اي لحظة وميبقاش مضطر يغير بطاقته في الحاله دي هنعمل ايه في خانة اسم الزوج المكتوبه في البطاقة مع ان فرضية تغيير الزوج اكثر تكرارا بالاف المرات من فرضية تغيير الديانة ..

ولو قلنا هتمنع التمييز طيب نعمل ايه في واحد اسمه محمد او واحد اسمه جرجس .. دول هيخفوا دينهم ازاي ؟

في رايي ان الدين حاجه اساسية وثابته في هوية اي شخص اهم من اسمه وعنوان سكنه وبالتالي فوضعها في البطاقة كنوع من اثبات الانتماء وتأكيد الهوية اولى من حذفها .

بس بيني وبينكم شيلها هيجي بفايده لو لاقدر الله ناويين يعملوا فينا زي العراقيين الي بنسمع ان عندهم نقاط تفتيش على الطرقات وبيشوفوا بطاقة كل واحد معدي لو سني او شيعي وبيعدم بناء على انتماءه :closedeyes: ..

بعيدا عن الهزار فاعتقد والله اعلم ان حذف خانة الدين من البطاقة هو خطوة مهمه في خطة تجزأة الاديان لفروع وملل .. يعني معادش في حاجه اسمها في البطاقة مسلم وانما في سني وفي شيعي بل وحنفي وحنبلي وهلم جرا . .ربنا يلطف بينا

[se_ Elsyed]

وبعد كده ندور على Paper Work وبطاقة مكتوب فيها الديانة ولا لأ ومش عارف إيه

ماشي يا ابو السيد كلامك زي الفل .. طيب و لما هي paper work ايه سبب الضجه دي كلها حواليها لدرجة ان واحد بحجم علي الدين هلال يتكلم فيها

ليه و علشان ايه؟؟

ما احنا قولنا إنها هيافه وخيابة بعيد عنك ..

[se_ Elsyed]

في رايي ان الدين حاجه اساسية وثابته في هوية اي شخص اهم من اسمه وعنوان سكنه وبالتالي فوضعها في البطاقة كنوع من اثبات الانتماء وتأكيد الهوية اولى من حذفها .

بس بيني وبينكم شيلها هيجي بفايده لو لاقدر الله ناويين يعملوا فينا زي العراقيين الي بنسمع ان عندهم نقاط تفتيش على الطرقات وبيشوفوا بطاقة كل واحد معدي لو سني او شيعي وبيعدم بناء على انتماءه :blink: ..

بعيدا عن الهزار فاعتقد والله اعلم ان حذف خانة الدين من البطاقة هو خطوة مهمه في خطة تجزأة الاديان لفروع وملل .. يعني معادش في حاجه اسمها في البطاقة مسلم وانما في سني وفي شيعي بل وحنفي وحنبلي وهلم جرا . .ربنا يلطف بينا

لا اعتقد إن دول كثيرة بتعمل اللي إنا بنعمله من حيث ذِكر الديانة في البطاقة أو جواز السفر ..

كمان المذهب او العقيدة لا يُذكر في الهوية ... وبالتالي حتى في العراق لا أعتقد إن في حاجه في البطاقة تدل على إن الشخص شيعي أو سُني .. لكن اللي بيرتكب جريمة تطهير عرقي بيبقى عنده مليون طريقة ينذف بها جريمته ويتوصل بها إلى الطائفة الأخرى

[بيرو]

انا قرأت تعليق من واحد بيقول ان كتابة الدين بالبطاقة بيدل على الانتماء

طيب انا بنتمى للاهلى .... ممكن اكتب دة فى بطاقتى ؟

انا بطالب باضافة خانة النادى بالبطاقة

وكمان خانة مشروبى المفضل

وكمان لونى المفضل

معلش ياجماعة انا مش بهزر لا سمح اللة انا فعلا بنتمى للحاجات دى

انا حر

لو انت سايق عربية فى طريق اللى يهمك وانت سايق حالة العربية ولا شكل النمر بتاعتها

مش المهم انك سايق فيات مهكعة وحالتها خربانة وعاليها النمر الجديدة الزرقا

المهم ان تكون سايق مرسيدس ومش مهم شكل نمرها اية

[شاب مصري]

زي العراقيين الي بنسمع ان عندهم نقاط تفتيش على الطرقات وبيشوفوا بطاقة كل واحد معدي لو سني او شيعي وبيعدم بناء على انتماءه :blush2: ..

لا اعتقد انه حتى في العراق هناك خانة للتصنيف الطائفي : سني - شيعي

أو التصنيف العرقي : كردي - عربي

حضرتك متأكدة من كلامك ؟

[شاب مصري]

على فكرة .. أنا مرة قريت عن تركيا (علمانية زي ما بيقول الكتاب) ان اللي عاوز يغير دينه بيتقدم للسجل المدني هناك ويغير دينه

بس مش عارف الدين عندهم مكتوب في السجلات الحكومية بس .. ولا مكتوب في بطاقة الهوية كمان ؟

[se_ Elsyed]

زي العراقيين الي بنسمع ان عندهم نقاط تفتيش على الطرقات وبيشوفوا بطاقة كل واحد معدي لو سني او شيعي وبيعدم بناء على انتماءه :blush2: ..

لا اعتقد انه حتى في العراق هناك خانة للتصنيف الطائفي : سني - شيعي

أو التصنيف العرقي : كردي - عربي

حضرتك متأكدة من كلامك ؟

وسع وصلي عالنبي

[doha]

مهو ده بالظبط ياعم بيرو الي قصدي عليه .. ان انتمائنا للدين اعظم واكبر من اننا ننتمي لنادي او شلة ولا حتى عصابه ..

فعلا احنا معادش بيربطنا بدينا مظهريا غير الحجاب ده بالنسبة لنا كسيدات اما الرجاله في بعضهم بيعلن عن هويته الدينيه باطلاق لحيته ( ولو اني مش من الي بيعتبروا ان الذقن له علاقه بالدين ) ولكن حلو ان الواحد يعلن انتماءه بالظبط زي الي بيلبس قميص عليه صورة جيفارا وبنبقى كلنا عارفين قصده ورمزه ايه .. اهو مسموح لك تحط جيفارا بس مش مسموح لك تربي ذقنك بس دي نقطه تانيه مش موضوع نقاشنا هنا ..

بالنسبة لموضوع خانة الدين في البطاقة العراقية فزي ماقلت لكم انا ( سمعت ) ان ده بيحصل مش فاكره سمعتها في الاخبار ولا قرأتها بس هي في الاول والآخر مجرد خبر متاكده انه مر علي من مكان ما ويجوز هو خاطيء . على كل حال استشهادي بحكايه التمويت على البطاقة دي كان من باب المزاح وعشان كده رجعت وكتبت في الفقرة الي بعدها بعيدا عن الهزار فحذف خانة الدين .. الخ

على كل حال اعود والخص كلامي مرة تانيه بشكل اوضح ..

لست مع الغاء خانة الدين من البطاقة .. اولا لان فيها تاكيد على الانتماء للدين كقيمه عظيمه في حياتنا مينفعش نقارنها باي قيمه تانيه خاصه مع محاصرة القوانين لنا بكل مايفتت هويتنا ويخليها هلامية ملهاش شكل ولا صفة واضحه .. قد يقول البعض بان مش كلمه في ورقة هي الي هتاكد على دينا فأرد بان برضه مش حته حديده هيعلقها مسيحي على صدره هي الي هتقول عليه متدين ... اذا القيمه مش في الحديد وانما في الرمز الي بيشكله .. وان جيتم للحق فانا شايفه المسيحين محظوظين بان عندهم الحرية يعلقوا صلبان زي ماهم عاوزين تعلن عن انتمائهم محدش بيقولهم حاطينها ليه .. فمش كتير علينا نلطع كلمه مسلم في البطاقة واهو ريحه ابو علي ولا عدمها ..

ثانيا بيؤلمني جدا دلوقت لما اروح اسجل في منتدى مثلا ويطلب مني اكتب خانة الديانه والمذهب كمان .. بقى شيء عادي اوي اتسأل على المذهب حتى لما بنزل برنامج عن مواقيت الصلاه بتفاجأ بانه بيطلب مني ادخل المذهب الي على اساسه هيحسب لي وقت الصلاه .. الحكايه دي مكانتش موجوده من ثلاث اربع سنين لكن واضحه اوي دلوقت وده معناته للاسف ان كمان كام سنه مش هيبقى في حاجه نهائيا اسمها مسلم هينكتب المذهب ومذهب المذهب كمان .. انا شايفه ان اضعف الايمان ان نكتب في البطاقة مسلم وبس على امل ان نفضل كده مسلمين .. وبس

تم تعديل 28 مارس 2009 بواسطة doha

[محمد عيسى]

2) التمييز المقرف في المعاملات التجارية (التي تحدث عنها العزيز سي السيد) و حتي غير التجارية من معاملة موظفين أو أساتذه جامعة أو قادة في الجيش و خلافه، قد تحدث بين مسلمين و مسيحيين... و يصعب التغلب عليها بمجرد مسح الديانة من البطاقة، لأن الديانة تظهر من الاسم أو اللبس أو طريقة الكلام... و لكن يمكن التغلب عليها في حالة البهاءيين و الشيعة و الصوفية و الملحدين... فهؤلاء لا تظهر عليهم اختلافات واضحة... ذلك ليس حلا لمشاكل هذه الطوائف المصرية الأصيلة... و لكنها علي الأقل خطوة في الاتجاه الصحيح...

هو طبعا أنا مختلف معاك و لكنني لا اريد ان آخذ منحى الجدال، في الواقع اعتبر مشاركتك تعبير عن وجهة نظر الطرف الآخر

سؤالي بقى بالنسبة للأصناف اللي قلتها مع استبعاد الصوفيه لان مفيش مشاكل بالنسبالهم .. يعني البهائيين و الشيعة و الملحدين نسبتهم في مصر كام في المية؟ حتى لو تقريبي مش لازم بالضبط مع تحديد حد أدنى و حد أقصى

و لو حبيت تجمع عدد تقريبي ممكن اساعدك بس دور على باقي الاحصاءات (10 آلاف بهائي - حزب التجمع - الاشتراكيون الثوريون - الحزب الشيوعي المصري - 30 مارس - مقاطيع وزارة الثقافة اللي مسمياهم المثقفين .... الخ)

اديني باتكلم في نقط محددة و بالأرقام

[محمد عيسى]

وبعد كده ندور على Paper Work وبطاقة مكتوب فيها الديانة ولا لأ ومش عارف إيه

ماشي يا ابو السيد كلامك زي الفل .. طيب و لما هي paper work ايه سبب الضجه دي كلها حواليها لدرجة ان واحد بحجم علي الدين هلال يتكلم فيها

ليه و علشان ايه؟؟

ما احنا قولنا إنها هيافه وخيابة بعيد عنك ..

و حصان طرواده ................................................................. املأ ما بين النقاط

[ابو محمود]

صنفت الدول بدرجات ثلاث اول ودى احنا مش هانطولها ؟

ثانى ودى احنا يادوب بنشوفها على شاشات الشينما

وثالثة واحنا بنعيشها بكل المقاييس

خلاص مبقاش فاضل غير اننا نتخانق على خانة تكتب فيها اسم او نوع الديانة ولم نشاهد اونسمع من احد كيف يعيش رعايا الدول من العالم الثالث وهم من ديانة مختلفة فى بلاد العالم الاول ممشين وظيفيآ واجتماعيآ

حتى لو قال قائل حقنا بنخدة ذى ولاد البلد بردو بيكون ناقص

يعنى فية حاجة متعارف عليها فى شتى بقاع الارض وهى الاغلبية بمعنى لماذا يستكثر علينا الغرب (العالم الاول والثانى ) ان نفعل كما يفعل من عنصرية مجملة كما يدعى فلنترك تلك التراهات والفرقعة الكذابة ونحاول ان نقوام ما تم زرعة بداخل الانسان المصرى فى السنوات ال30 الاخيرة من نعرات التفرقة بين الغنى والفقير ومن ثم انتشرت واصبحت بين المسلم والمسيحى ان مصيبتنا اننا نتمتلك ذاكرة من دخان لا تلبث انةتثبت ولو لثوانى

اننا شعب اكثريتة من المسلمين وبيننا اخوة لنا شركاء فى هذا الوطن فلننظر الى انفسنا من الداخل هل نرتضى ان يكون المسلم معتدى على خصائص المسيحى واو يرضى الاخر المسيحى ان يكون كذلك

وعندها سنعرف ان ما يأتينا من اوامر فى صور حقوق او واجبات مجهزة للعمل على شق الصف فى صورة قوانين او افكار لا خير منها ولا فائدة انما تظهر كيف اننا اصبحنا غير عابئين بمستقبل ابنائنا واجيالنا القادمة فكل من يؤيد فكرة ان لا يوجد تعريف للديانة فى الوثيقة الشخصية اشهدة على نفسة بأن يطالع اعلام ورايات الدول المتقدمة التى يأخذ بها نبراس لة وان رايتهم يرسم عليها رمز ديانتهم واعتقد ان هذة خير دليل على تمسكهم برمز دينهم وهذا ليس عيبآ او عنصرية فلنترك كل ما يخلفنا وراءظهورنا ونعمل على ان نناقش ونتحاور فى كل ما يفيد امتنا المصرية كالبناء والتنمية والتعمير والتصنيع ونترك معاول الهدم القادمة الينا من العالم المتقدم ومن استعمرنا سابقآ ويستعمر عقولنا حاليا

[Tarek_ml]

أصدر اللواء حبيب العادلي وزير الداخلية المصرية قرارا وزاريا - نشره ملحق الجريدة الرسمية يوم الثلاثاء - بتعديل اللائحة التنفيذية لقانون الأحوال المدنية على نحو ينظم إصدار الوثائق الثبوتية كشهادات الميلاد وبطاقات الرقم القومي وغيرها لأتباع الديانات التي لا تعترف بها الدولة رسميا.

منقول من مصراورى

أقرأ الخبر

تم تعديل 15 أبريل 2009 بواسطة Tarek_ml