سؤال في السريع الاخوه اللي اشتروا عربيه بالتقسيط من السعوديه

[egyptian dentist]

السلام عليكم جميعا

باركولي ههخلص أقساط عربيتي من شركة عبد اللطيف جميل الشهر اللي جاي أخيرا

المطلوب يا جدعان المفروض أعمل ايه::: ما هو نص خطاب نقل الملكية اللي المفروض اجيبه من الكفيل للشركة؟؟؟؟

ما هو الورق المطلوب لتسجيل العربية في السفاره؟؟؟؟؟؟

ومتشكرين أوي أوي

[se_ Elsyed]

السيارات اللي بالتقسيط لا تُسجل في السافرة كمالك إول إلا لو كان كفلك فيها حد سعودي أو الشركة بتاعتك .. لكن لو إيجار ينتهي بالتمليك يبقى أنت مالك ثاني وما ينفعش تنزلها مصر ..

[mhfarag]

أولاً ألف ألف مبروك ربنا يبارك لك فيها ويرزقك بخيرها ويبعد عنك شرها.....

ثانياً بالنسبة لنقل الملكية مطلوب منك خطاب تعريف من الكفيل موجه لإدارة المرور للسماح لك بتملك سيارة وإن كنت سمعت إنه اتلغى قريب على العموم أسأل المعقبين بتوع تويوتا هما عفاريت في الكلام ده....

ثالثاً لو كنت ناوي تنزلها مصر فبتاخد شهادة منشأ من عبداللطيف جميل مكتوب فيها إنك أول مالك للسيارة مرفق بيها فاتورة الشراء وتصدقها من الغرفة التجارية وبعدين الخارجية السعودية وبعدين السفارة المصرية...

رابعاً فيه مقلب عملته حكومتنا الرشيدة فينا لمكافحة الغشاشين ومعدومي الضمير أمثالنا من المغتربين إنهم بيطلبوا كمان ورقة من المرور السعودي تشهد فيها إنك أول مالك للسيارة....وطبعا أول مالك كان شركة عبداللطيف جميل للتقسيط المحدودة....بس على العموم كله بيخلص بالفلوس وأحسن حد في المواضيع دي برضه المعقبين بتوع تويوتا.....

على العموم بالتوفيق إن شاء الله...............

[mhfarag]

كله ماشي........

باللحاليح ودهن السير على رأي السعوديين............