عضوة جديدة ... هل أجد مكان

[Lighthouse]

أول مرة اشارك في منتدى واعمل لنفسي موضوع ترحيب بيني وبينكم مكسوفة وداخلة باتكعبل بين الموضوعات

بس قلت ياللا اجرب ارحب بنفسي ( مش نرجسية مني والله ) هو بس على مااتعود ع المكان وربنا يستر واكون ضيفة خفيفة على قلبكم

[White heart]

بيني وبينكم مكسوفة وداخلة باتكعبل بين الموضوعات

معقولة برضة ....

دة انت قدها و قدود ... كفاية ان دى أول مداخلة ليكى و عرفتى سر ال Emotions .... و بعدين كلنا كنا كدة زيك فى الأول ....

وبعدين ادردحنا و بقينا نكتب حتى "هيروغليفى"!!!

عموما مرحبا بك ... و انشاء الله تدعودى على المكان بسرعه، على العموم انا متأكد ان العمليه دى مش هاتاخد وقت كتير، عارفة لية؟ لأن أصحاب المكان دة فعلا بيحسسوا أى حد مقبل عليهم انه هو صاحب المكان....

[هشام عبد الوهاب]

الف اهلا وسهلا يا Lighthouse نورتى المنتدى .

ولا يهمك كل اللى اتكعبلوا فى الأول اصبحوا ماشاء الله اساتذة كبار حتى لو سنهم صغير.

[se_ Elsyed]

نورتي جديد بالمنتدى.

س س كهربائي أفراح حالياً ومُحصل كهربا سابقاً .

[جـورج]

نورتي جديد بالمنتدى.

س س كهربائي أفراح حالياً ومُحصل كهربا سابقاً .

الواضح كده ان ده مش ترحيب

و انما مطالبه بفواتير الكهرباء المتاخره

اهـلا بيكى يا اخت Lighthouse منــوره

[Lighthouse]

بيني وبينكم مكسوفة وداخلة باتكعبل بين الموضوعات

معقولة برضة ....

دة انت قدها و قدود ... كفاية ان دى أول مداخلة ليكى و عرفتى سر ال Emotions .... و بعدين كلنا كنا كدة زيك فى الأول ....

وبعدين ادردحنا و بقينا نكتب حتى "هيروغليفى"!!!

عموما مرحبا بك ... و انشاء الله تدعودى على المكان بسرعه، على العموم انا متأكد ان العمليه دى مش هاتاخد وقت كتير، عارفة لية؟ لأن أصحاب المكان دة فعلا بيحسسوا أى حد مقبل عليهم انه هو صاحب المكان....

تسلم ياوايت هارت ياأمير الامرا

اخجلتم تواضعنا يافندم هي حكاية الايموشنز دي بصراحة عقربت معايا في الاول وجربت استعملها بالطرق اللى اعرفها لغاية ماحطيت ايدي على سر جزيرة الايموشنز العظيمة ( زي سر جزيرة الكنز كده )

وحكاية التعود دي بقى اطمنك اني اتعودت خلاص وعملت توقيع ورتأت نفسي وشكلي قربت اعين سكرتيرة كمان تقعد لي على باب المواضيع

[Lighthouse]

الف اهلا وسهلا يا Lighthouse نورتى المنتدى .

ولا يهمك كل اللى اتكعبلوا فى الأول اصبحوا ماشاء الله اساتذة كبار حتى لو سنهم صغير.

شكرا شكرا ع الترحيب

ده نورك انت يافندم والله

يارب الكعبلة تكون بفايدة بس وماحدش يزهق مني

[Lighthouse]

نورتي جديد بالمنتدى.

س س كهربائي أفراح حالياً ومُحصل كهربا سابقاً .

ياسلام عليك ياسي السيد

لازم تفكرني بالنكد الاكبر فاتورة النت

مش كفاية فواتير الكهربا والنظافة اللى طفت شمعتنا اللى كنا فيها

ربنا يهد المفتري ويقطع عنه المية والنور

[Lighthouse]

نورتي جديد بالمنتدى.

س س كهربائي أفراح حالياً ومُحصل كهربا سابقاً .

الواضح كده ان ده مش ترحيب

و انما مطالبه بفواتير الكهرباء المتاخره

اهـلا بيكى يا اخت Lighthouse منــوره

اهلا بيك يااخ جورج

والله انا قلبي كالني من ساعة سي السيد مااتكلم عن الفواتير وحاسة كده والله اعلم ان الهيئة باعتاه يفكرنا قبل الهنا بسنة

بس على مين

ايش ياخد الريح م البلاط

وليس كل مايتمناه المرء يدركه

الهيئة تتمنى تحصل الفواتير

وتبقى تقابلنا بقى

[فــيــروز]

لولولولولولىىىىىىىىىى

وطلعت لايت هاوس عضوه هتنور حزب الفكيهات و تقطع النور عن الاحزاب المضاده اهلا بيكى يا لايت منوره السلك

[Lighthouse]

لولولولولولىىىىىىىىىى

وطلعت لايت هاوس عضوه هتنور حزب الفكيهات و تقطع النور عن الاحزاب المضاده اهلا بيكى يا لايت منوره السلك

ياسلام عليكي يافيروز

حلو قوي حزب الفكيهات ده

يقرب كتير لحزب وداد جلبي ( مش الجلبي بتاع العراق )

الحقيقة انا كنت مترددة الحال هنا طمني شوية

اوعدك ان الفولت

[Farah]

اهلا وسهلا Lighthouse

منوره المنتدي

[farasha79]

ايه النور ده كله

كده ضمنيين ان الكهربا مش هتقطع ابدا من المنتدى

اهلا بيكي في المنتدى

[Lighthouse]

اهلا وسهلا Lighthouse

منوره المنتدي

ده نورك ياعزيزتي

كفاية اسمك الجميل فرح اليوم

وتوقيعك كمان حلو قوي

ربنا يخليكي

[Lighthouse]

ايه النور ده كله

كده ضمنيين ان الكهربا مش هتقطع ابدا من المنتدى 

اهلا بيكي في المنتدى

ده نورك ونور الناس الحلوة اللى هنا

شكرا على الترحيب الدافئ يافراشة وربنا يكرمك يارب

حكاية الكهربا اللى مش بتقطع دي مش مضمونة معلش

انا مش مغسل وضامن جنة انت عارفة الهيئة وحركاتها

يعني الفواتير ح تندفع وعليها فاتورة النضافة حتى لو مافيش كهربا

[Lancelot]

عضوة جديدة .. هل أجد مكان ..

خش يا بني إنت و هو كده شوية ... وسع يا واد ...

إتفضلي يا ست هانم ... منورة المنتدي و الله ...

تحبي تشربي إيه ... واحد عناب يا واد حمادة بسرعة للست هانم ...

منورة يا لايت هاوس .... نجوتي من الإشتراك بتاع المنتدي ... الطفشان مش موجود ...

[DARWEEN]

أيه الحكايه اللهم أجعله خير ......

انا شايف عدد الفكيهات في أزدياد ماشاء الله

عموما ألف مرحبا بيكي (نورتي ) المنتدى وأهله

نجوتي من الإشتراك بتاع المنتدي ... الطفشان مش موجود ...

ماتصدقيش الكلام ده .. انا اللي بلم الأشتراكات والدفع باليورو

[Lighthouse]

عضوة جديدة .. هل أجد مكان ..

خش يا بني إنت و هو كده شوية ... وسع يا واد ...

إتفضلي يا ست هانم ... منورة المنتدي و الله ...

تحبي تشربي إيه ... واحد عناب يا واد حمادة بسرعة للست هانم ...

منورة يا لايت هاوس .... نجوتي من الإشتراك بتاع المنتدي ... الطفشان مش موجود ...

ياسلام يالانسلوت

اخلاق فرسان صحيح

يعني مش بترحب بي وبس

لا بتوسع لي السكة

خايف على اختك الغلبانة من الكعبلة وتلاقيك قلت ف عقلك كفاية عليها كعبلة في الموضوعات نريحها بقى

ومش كده وبس لا وبتنجيني من دفع الاشتراك كمان

هو انتم بتلموا م الاعضاء ولا ايه

[Lighthouse]

أيه الحكايه اللهم أجعله خير ......

انا شايف عدد الفكيهات في أزدياد ماشاء الله

عموما ألف مرحبا بيكي (نورتي ) المنتدى وأهله

نجوتي من الإشتراك بتاع المنتدي ... الطفشان مش موجود ...

ماتصدقيش الكلام ده .. انا اللي بلم الأشتراكات والدفع باليورو

مممممممم

انا شامة ريحة نق على عددنا

ربنا يزيد ويبارك ويجعلنا دايما ف ازدياد ولو كره الحزب الآخر

مين قال لك اني ح ادفع حتى لو الطفشان رجع من طفشانه وقال هات يالم

ولا تقولي يورور ولا تقولي جنيه

احنا اللى هم ولاد الايه

وتسلم ياداروين على الترحيب الجميل .. فتحت نفسي اتنطط شوية