مسافر الى ابها وأرجو المساعدة

[عبدالفتاح]

أرجو من الاخوة المقيمة فى ابها أن يساعدونى فى عدة أمور.أنا مهندس مدنى جالى عقد ومسافر كمان اسبوعين أنا ان شاء الله مسافر من مطار القاهرة الى جدة وعاوز أعمل عمرة ينفع ملحوظة ان انا معايا فيزة عمل بس.وهل فى برى من مكة الى ابها أو جدة سيان.كمان ايه أخبار العيشة فى ابها كويسة ولا ايه نظامها.المصاريف فيها غالية ولا عادية والاسعار فيها ايه.كمان ايه أخبار الجو دلوقتى ؟عشان أعمل حسابى فى اللبس؟.البلد أهلها كويسين ولا مش كويسين؟.بس أرجو الافادة أرجوووووووووووووكم وشكرا

[capitshino]

أرجو من الاخوة المقيمة فى ابها أن يساعدونى فى عدة أمور.أنا مهندس مدنى جالى عقد ومسافر كمان اسبوعين أنا ان شاء الله مسافر من مطار القاهرة الى جدة وعاوز أعمل عمرة ينفع ملحوظة ان انا معايا فيزة عمل بس.وهل فى برى من مكة الى ابها أو جدة سيان.كمان ايه أخبار العيشة فى ابها كويسة ولا ايه نظامها.المصاريف فيها غالية ولا عادية والاسعار فيها ايه.كمان ايه أخبار الجو دلوقتى ؟عشان أعمل حسابى فى اللبس؟.البلد أهلها كويسين ولا مش كويسين؟.بس أرجو الافادة أرجوووووووووووووكم وشكرا

توصل بالسلامة ان شاء الله

ممكن تعمل عمرة اول ما توصل مافيش مشكلة بس لازم تحرم من الطيارة (على ما اتذكر) وتنزل مطار الملك عبد العزيز بجدة وتاخد سيارة الى مكة . المشكلة هتبقى فى الامتعة لانها ممنوعة تدخل الحرم فممكن تتركها فى امانات اى فندق وتدخل تعمل عمرتك . ولو الامتعة حجمها صغير فى امانت قدام الحرم مباشرة

ممكن تاخد النقل الجماعى الى ابها من قدام الحرم او من مكة الى جدة ثم الى الطائف

ابها مدينة جبلية وجوها جيد ولكن بارد نوعا ما فى الشتاء بسبب ارتفاعها عن سطح الارض

وهى عامة مدينة اصغر وابسط من الدمام والرياض وجدة

ده كل اللى اعرفه وان شاء الله الاخوة يساعدوك بصورة افضل

[عبدالفتاح]

جزاكم الله خيرا على المعلومات ده بس لو سمحت ممكن أعرف سعر السيارة من جدة الى ابها بكم؟ وسعر النقل الجماعى من مكة الى ابها بكم وبتاخد وقت أد ايه؟ وياريت لو فيه اخوة فى ابها يجيبونا وجزاكم الله خيرا

[زعلان]

نصيحتي ليك انك تنزل من المطار على محطة الباصات الرئيسية في جدة الي موجودة في البلد قول عايز اروح النقل الجماعي الي في جدة و احجز من هناك لمكة رايح جاي و احجز تذكرة لأبها وسيبك شنطك هناك في المحطة روح مكة واعمل عمرة و ارجع جدة خد الشنط و سافر من المحطة بتاعة جدة لأبها مباشرة محطة جدة كبيرة وممكن تلاقي مكان تسيب فيه الشنط و المشاور من جدة لمكه حوالي ساعة 70 كلم التذكرة من جدة لمكه 10 ريال ورايح جاي 20 ريال و التذكرة لأبها حتكون في حدود 100 ريال 150 بالكثير ممكن تكون (75 ريال )انا مش متأكد من سعرها ممكن تطلع اقل وانت عايز تذكرة ذاهب فقط بس احسن حاجة تحجزها طبعا قبل ما تنزل مكة ويكون الوقت مناسب

تم تعديل 26 مارس 2009 بواسطة زعلان

[ozoozo]

اخي العرير انا اعمل بابها وتحت امرك في اي خدمه وتستطيع البحث في الموقع عن موضوع للاخت سما سعد اسمه المعيشه في ابها رديت علي معظم الاساله بتاعتك اقراه ولو محتاج اي ايضاح تحت امرك بالنسبه للتدكره لابها 90 ريال للباص و190 للطيران وبياخد ساعه الاربع اما الباص بياخد 11 ساعه ووالجو بالنسبه لبرد مصرلعب عيال وكفايه اوي قميص وعليه جاكيت وده باليل بس

[عبدالفتاح]

متشكر جدا جدا جدا على الردود الحلوة جدا .بس ممكن أسيب شنطى فى المطار ولا ايه ؟ وبعدين ما هى أسعار حملات العمرة من أبها ؟ وبعدين لو سمحت ايه أسعار الاكل الجاهز عناك وممكن تدينى اللينك بتاع موضوع الاخت سما عشان انا مش لاقيه وشكرا

[ozoozo]

لينك المعبشه في ابها

http://www.egyptiantalks.org/invb/?showtopic=73176

ممكن تطلع حمله خمبس وجمعه في حدود 300 ريال

وطبعا مابنفعش تسيب الشنط في المطار ونصيحه اجل العمره لغايه ماتستقر عشان البهدله