نأثيث شقة بجده

[جحا]

الاخوة الكرام

انا طبيب عامل نقل كفاله و رايح مستوصف بجدة شارع التحلية

المستوصف موفر لي شقة 3 غرف بالمكيفات

المهم انا عايز افرش الشقة فرش مناسب يعني يكون حلو و سعره مش غالي

فعايز اعرف ايه الحاجات اللي لازم اشتريها جديدة و الحاجات اللي ممكن اشتريها مستعملة

و ايه هي احسن الاماكن و الاوقات اللي اقدر اشتري منها و فيها

علما بأنني عندي 3 اولاد و خلاط و فرن و ادوات المطبخ و التلفزيون و الرسيفر و الكمبيوتر و المكوة و شوية هدوم

فياريت يا اخواني اللي عنده معلومات يتفضل و يا ريت تكون دقيقة عشان انا هاعمل زي ما هتقولوا و ياريت اللي عنده تجربة يقولها

و اشكركم مقدما

[mhfarag]

مبروك عليك الشغل الجديد يا دوك.........طبعا الأجهزة يستحسن دايما تكون جديدة.....بالنسبة للأثاث ممكن من الحراج تلاقي حجات كويسة ولو الميزانية مبحبحة شوية بص بصه على هوم سنتر اللي موجود في سنتر بوينت أو سيتي بلازا وفي كمان ايكيا وفي كمان كيكا...المحلات دي فيها مفروشات مودرن وفي متناول اليد.....

[جحا]

اشكرك يا باشا الله يبارك فيك

[بندق أفندى]

اشترى الأجهزة الكهربائية جديدة .. لأنه صعب تجد مستعمل بدون مشاكل ..

بص على الاعلانات فى السوبر ماركت عن غرف النوم والصالون وهكذا أشياء .. لو وقعت فى حد لبنانى ولا شامى ممكن تلاقى عنده حاجات كويسة ..

ممكن تبص على الغرف الجديدة المصرية سعرها معقول وبتعيش وبتتحمل الفك والتركيب ..

حاجة المطبخ .. روح ايكيا فى التحلية مع تقاطع ش الستين وهوم بلازا فى التحلية تقاطع ش أم القرى .. وباخشوين عامل الأيام دى شوية خصومات تمام .. جنبك فى سوق البساتين .. تقاطع ش الأمير سطان وكله مع التحلية .. أو تروح الشرفية عندك 300 محل ادوات منزلية ..

الأدوات الكهربائية شوف سوق الاتحاد فى ش الستين .. أو شوف عروض الشركات .. وممكن تلاقى عندهم جديد مخفض .. اللى بيكون فيها خبطة مش مؤثرة .. بدون كرتون أو ما شابه ..

خد انتريه مريح مش صالون .. والحراج مليان جديد ومستعمل وبأسعار ممتازة ..

[جحا]

اشكرك يا استاذ بندق يا غالي

[HassanAboali]

على فكرة أنت عامل الصورة إلي بعد مقالك غبية جدا ومقرفة وياريت لو الادارة تلغيها لو طفل شفها هتكون مفزعة له

[rewsha]

الف الف مبروك يا دكتور . على الشغل الجديد.وياريت تقول لنا مميزات الشغل ده افضل من اللي كنت فيه والمرتب اخباره ايه . لان احنا عملنا مقابله هنا في شركة بايونير علشان وظيفه في مستشفى بخش بجده برضه . يمكن نبقى جيران . بس همه لسه ما قالوش اي تفاصيل عن الشغل.زي ما قلت لحضرتك قبل كده كان معروض علينا ب10 الاف في الرياض بس احنا مستنيين نشوف الافضل لان جوزي خبره 19 سنه. فهات ما عندك من اخبار عن المستوصف اللي انت رايحه علشان انا باجمع معلومات علشان لما نختار عقدنكون عارفين اللي معروض ايه والافضل ايه؟

[waaaf]

شيل الصورة إللي في توقيعك يادكتوووووووووووووووووووووووور

إنت حر طبعاً في إختياراتك لكن أعتقد إنك هنا بتمثل فئة مش عادية

وربنا يوفقك في عملك الجديد

[جحا]

شكرا للجميع و في انتظار المزيد من النصائح

[جحا]

فين الناس الحلوة